خانني بنية الزواج كيف اعيده لعش الزوجيه

من لزم الاستغفار جعل الله له من كل هم فرجا...

كذلك أوصيك الاكثار من ذكر لاحول ولا قوة الا بالله فبها نصر عجيب..
 
ربنا يهديكم إلى ما يحب ويرضى...تقوى الله المانعة لكل هذه المشاكل...لأن لو كل واحد لو متقي الله في نفسه وفي الطرف الآخر كان ماصار إلي صـــــــــــــــــــار....وراجعوا أنفسكم قد يكون هذا حصل بذنب أحد منكم فلتستغفروا الله....
 
ياحي يقيوم ياعالم مافي القلوب الله يسعد كل وحده ردت علي ويخلي لها زوجها ويبعدعنكم الهم والحزن الله لايحرمكم الذريه والسعاده في الدارين الدنيا والآخره اللهم ردلي زوجي ردا جميلا يامجيب المضطر اذا دعاك أجب لي دعائي قولو آمين *****

وبعد...أخواتي في الله ساكمل لكم آخر التطوات وأرد على ردودكم وأرجوكم لاتتركوني فأنا بحاجه لآرائكم......
ألحين زي ماقلت لكم في البدايه أنا عند أهلي والزوج مطنش ويدري إني أحبه وهذا الي مقويه علي ..... يجي ياخذ الولد ويرده..وأحيانا واحد من أهله يجي ياخذه في الأسبوع مره....وأحيانا يبات عندهم .....
نسيت أقولكم سالفة الرسالة الطويله العريضه لما قريتها وشلون تصرفت مادري تصرفي صح ولاخطا ( القصه كان نايم والجوال بجنبه كنت برى البيت ولما رجعت ماحس فيني أخذته ولقيت الرساله ماتحملت دقيت على أهلي وقلت لهم تعالو خذوني ...وأخذت جواله معي دليل وشافوه أهلي ....ولما صحا من النوم دق علي من جواله وقلت أنا أخذت جوالك دليل خيانتك رد علي وقال تبين الطلاق قلت ايه أبي الطلاق خلاص رح لل...... وتزوجها وخلها تجيب لك العيال وبتشغلهم معها طبعا بتقولون وش اتشغلهم معها أنا قريت لها رساله تقول لزوجي واحد بيعطيها 25000 وقالها زوجي أنا مو كذا وقالتله أجل ليش تدق علي وعرفت بعد ان أصحابه يعرفونها ويقول كل ما غير رقمه أصحابه يعطونها الرقم الجديد .....المهم قالي خلاص هاتي الجوال قلت لا لين أهلك يشوفونه وخاصة امه بتقولون لي ليه الي ماتعرفونه ان امه اخت أبوي ولما ابوي يواجهها بالجوال راح تعرف اهي وش سعت عليه ...وكذا بتفهمون وصارت المواجهه بين أبوي وعمتي وأبوه وأخوه ....وش كان ردهم ( ليش تفتش عليه ) أبوي يوم شاف ردهم كذا حلف اني ماأرجع لهم ليييين يبط كبودهم أو يطلقني منه ) هاذي قصة الجوال يعني الموضوع طلع من يدي ....
الردعلى ردودكم الله يعطيكم العافيه ....الي تقول اني متسرعه أو لاتتسرعين ....خلاص الموضوع صار وأنا فعلا تسرعة لأني من الصدمه انشل تفكيري وأقولكم إلين اليوم مو مصدقه كأني في حلم يعني أنا كنت سعيده مع زوجي والي معه لي دايما مو مقصر رغم فقره وديونه بس أعوذ بالله من ابليس ما تركنا إلين ما خرب بيتنا....

ألحين بعد ماعرفتو التطورات وش تنصحوووووووووني فيه

بالنسبه للأخت TU Y YO فعلا هذا الي صاير ومقويه علي دليني أنا ضايعه مو عارفه وش أسوي :sad_1:
 
لا حول ولا قوة الا بالله
الله يعينج اختي بس لو ماوصلتي الموضوع للاهل
يمكن كنتي حاولتي تحلي الموضوع بعقلج بدون ماتبينين له الغيره
الرجال لما يشوفون زوجتهم ميتين عليهم ويموتون ف الارض الي يمشون عليها
يغلطون بزياده لانهم يعرفو انه زوجاتهم بتزعل وبترضى بعدين

اهم شي انج تكونين واثقه من نفسج حاولي تردين له بس بطريقه تبين انه للولد
وخليج عادي اهتمي بنفسج ومظهرج وكوني واثقه من نفسج وف نفس الوقت
ازرعي ف قلبه الشك من الي يبي يتزوجها عقيله كل مره كلمه وروحي واهتمي بنفسج
تعدلي وتكشخي وخلي الموضوع مب هامج اهم شي تزرعين الشك ف قلبه
لا تمسكين تلفونه ولا تسالينه عنها ولاتبينين غيرتج

وان شالله تقدرين تحلين مشكلتج لاتخليها هي تفوز فيه انتي انتصري عليها
تخيلي انج داخله حرب لزم تخططين عدل وتتدرسين الخطه عدل
صعب تتطلقين وتحملين اسم مطلقه وانتي توج حرام
لاتستسلمي والله يساعدج
 
لاحول ولاقوة الا بالله انتي شو سويتي خربتي الامور كلها ليش تتهورين ليشششششششششششششش صراحه اسمحيلي اقول لش خربتي بيتك بايدك قسم بالله بعد تصرفك المجنون هذا ماالوم اهله والومه لو طلقج عيب الفضايح انتي كذا بتكرهينه فيكي وبيطلقج وهو مرتاح نفسيا تروحين تفضحينه حبيبتي الرجال اذا بيسوي شي يسويه وانتي كذا زدتيه عناد واصراريتخلص منكي الله يهديج بس ترا الرجال مش خسران شي ولااااايهمه الناس لاهو ولا اهله قسم بالله انقهرت من تصرفك هذا لاحول ولافوة الابالله حبيبتي ماضريتي الا نفسك بها التصرف المتهورررر لا تعليق ابدا عليش الله يهديش
 
آخر التطورات أنا طالبه منه الطلاق وللين ألحين لا حس ولا خبر شكله معطيني مهله أفكر أو هو يفكر بالموضوع وأنا ما أبي أرجع له لأنه لو رجعني مادري كيف بأعيش معه وأنا عارفه أنه ناسيني ولين ألحين يكلمها ويقابلها شكله يحبها ومستحيل يتركها لو بالحرام رجلي وأعرفه يعلق الواحد فيه ويتلذذ بالتعذيب حتى أصحابه يحبونه ودايم يتغلى عليهم يعني زوجي مره شايف نفسه وأناني .... وأنا مو حارق قلبي إلى ولدي مره متعلق بأبوه مع إن أبوه مهمله في الفتره الأخيره الله يجازي الي كان السبب ......
وفي يوم دقيت على البنت لقيتها حاطه نغمه (أجيك يسلم راسك.....) شكيت انها بتقابله في نفس اليوم لأنها كانت حاطه نغمه غيرها ...وفي اليوم الثاني رجعتها وهي غنيه يحبها زوجي والله شي يقطع القلب بس أنا مو عارفه أتصرف زوجي بالمره ناسيني مع انه كان اذازعلت منه مايتركني الين أرضى بيتي مليان هدايا منه ولا مره تركني من غير مايسأل علي دايم يكلمني ويرسلي رسايل يعني اتغير فجأه .... ومن غير مقدمات ويمكن ما فكر بالزواج الى يوم عرفها .... ومن الي عرفها عليه مادري لاكن ماأقول الى حسبي الله ونعم الوكيل اللي عندها حل تفيدني
 
الهي يارب على هذا الصباح ينتقم لك منها يارب ويعدمها حياتها مثل ماعدمت راحتك
حسبي الله ونعم الوكيل
صدق من قال عدو المراه هي المراه
حسبي الله عليها دنيا واخره
عساها بمصيبه تاخذها وتاخذ اللي على شاكلتها
مدري حبيبتي شاقول لك
بس والله عمري ماتاثرت بقصه مثل قصتك
لاحول ولاقوة الا بالله
 
حبيبتي نصيحتي لك
الطلاق احسه افضل حل
لانه لو علاقته فيها شرعيه كان ماتكلمت لكن علاقته فيها الان غير شرعيه
وسيبيبهم كلهم لاتتصلين عليها حبيبتي تحرقين دمك
والجاي الى الله
الجاي عزيزتي الى القران والى ذكر الله صدقيني مابتندمين
 
الله يفرجلك حبيبتي

والله يوقف امرهم وجعله مايتم

بعد العسر يسر ان شاء الله

تحياتي
 
دمعة المظلوم قال:
واهله شنو ردت فعلهم؟؟
هل هم رااضين او لااا؟؟
أنقر للتوسيع...


الله العالم.... حتى هم ساكتين وأهلي يقولن ليش أهله ساكتين عنه ... وأنا محتاره الكل ينصحني أتركه لين يرد من نفسه حتى لو طولت المده وما أتسرع بالطلاق بس أنا مو قادره أتحمل يعني أتركه لما يشبع .... طيب يمكن يتعلق فيها أكثر .... ويطلقني من هواه وأنقهر
 
شوفي يااختي حكاية موب تقهر الاااااتفقع المراره بس قعدتك عند اهلك ماتسوي شي بالعكس انتي معطيته الجو اذا انتي تحبينه وتبينه ارجعي وعيشي حياتك واستانسي بفلوسك بس لاتخلينه من المسؤوليات وهالنوع من الرجال يحبون التغيير خلي همك كل يوم وش بتسوين لنفسك ولولدك واذا هوموجود حياه الله ماهو موجود انسيه لين يدخل مع الباب وكانك ماشفتيه من العام وعطيه من اللسان حلاوه ودلع لو مو من قلبك ولاتراقبين جواله وطلعاته وخليه يشوفكم كل يوم شكل وصدقيني بيرجع صاغر ..

ماطار طير وارتفع الا كما طار وقع واللي يجي بسرعه يروح بسرعه واذا اخذها عطيه بالكثير 6شهور بنشوفين كلامي بيرجعلك لان هالاشكال بسرعه يعافون انتي خلك لولدك واشغلي عمرك .

واهله حطيهم بمخباتك وبصفك لان هذي فرصتك حاولي تكسبينهم حتى لو هم فرحانين بالثانيه طنشي
وحاولي مايعرفون عن اي شي عن علاقتك بزوجك وحياتك معه صدقيني اهل الزوج يحبون مرت الولد اللي مايعرفون عنها شي يحاولون يتقربون لها بس يدرون عن شي ؟؟

ومثل ماقالو الاخوات اذا قدرتي توقعينها وتبلغين اهلها وتخلين اخوانك يعلمون اهلها ويعلمونه فلاتقصرين ..

ترى الدنيا يااختي ماتسوى وسعي صدرك واكثري من قول حسبنا الله ونعم الوكيل واستغفري ..
عسى الله ان يجعل لكي في هذا اليوم المبارك فرجا ويردلك زوجك ويذهب عنك كيد الكائدين انه القادر على ذلك .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل