خالي حقير

[بنت.بنوت]

السلام عليكم يابنات

والله ماكتبت الموضوع هذا الا بعد حييييييييييره

ما ادري وش اسوي ومالي الا الله اشكي له حال

واللي بكتبه الحين جز من مشاكلي

تعرفون انا خاطبني واحد ومتعلق قلبي فيه وهو بعد يبيني بس اهلي معقدين الموضوع لانه مايقرب لنا

المهم بعد فتره والهم يابن على وجهي
شافني خالي وجلس يسالني ويسحبني بالكلام لاني ارفض الخاطاب خاصه ان اهلي قبل فتره غصبوني على واح بس الحمد لله انفصلنا لاني ما ابيه "قلبي مع غيره عجزت اتقبل اي انسان غير اللي ابيه "

المهم خالي كان يكلمني بالبيبي بالجوال ويسحبني بالكلام ويمدح نفسه انه بيوقف بوجه اهلي كلهم وبيساعدني اخذ اللي ابيه
وانا بساعدك وانا بوقف معك هذي حياتك وهذا اخيارك

وبعد فتره صار يمدح فيني بشكل مو طبيعي
قبل يمدح فيني عادي يمون ويدلعني بنت اخته
بس حسيته زودها وصار يوريني صور ويشتكي من زوجته في حياتهم الزوجيه
وانا ادافع عنها
بعدين قال بصارحك بشي انا احبك
انا اخذت الموضوع انه عادي خااااااااالي ماتوقعته حقير
صار يقول انا احبك وانا ابي كذا وكذا بينا ووو

انا زعلت عليه وحسيت الدنيا قلبت فيني "وش يبي هذا؟؟؟"
اصلا من زمان ما احب اسلم عليه اذا جانا بالبيت بس لما قالي بيساعدني ومدري كيف صرت اعطيه وجه

بس لما طلب مني هالطلب بالبدايه اخذت الموضوع مزح وسويت نفسي مافهمت
وغيرت الموضوع

وكرر الموضوع اكثر من مره لحد ماقالي على بلاطه وش يبي مني
حقييييييييييير يابنات انا انقهرت مره

رفضت وعرفت انه بينتقم مني وبيوقف بوجهي بزواجي

المهم لما جاء وخطبني اللي ابيه صار يطلع كلام على خطيبي بشرفه ويطعن فيه ويسبه عند اهلي عشان يرفضون

انا بالبدايه قلت لامي ان خالي هذا كذاب وانه قال هالشي لانه طلب مني اشياء ورفضت امي ماصدقتني واخواني بعد

بالعكس قالو انتي كذابه لانك تبين هالانسان وخالك قال الصدق اتهمتي خالك بهالكلام انتي انسانه حقيره اللي تفكرين بهالشي مع خالك

وانا مظلوووووووووووومه وربي مظلومه
ولما امي شكت قالت لو صدق انا بقاطعه طول الحياه
وراحت امي تسالها قام يحلف ايمان بالله انه ماصار هالشي
ويقول انا ديوث افكر كذا مثل تفكيرها ويسبني انا كنت ابي مصلحتها واحذرها من هالانسان وهي تقذفني

جت تقولي امي هالكلام انا ما ابي افرق بينها وبينه وهو اخوها عشاني

انا سكتت وكذبت نفسي وقلت انا كذابه واسفه
وبخاطري اقول الله ينصرني عليه .انا مظلومه والله ينصرني عليه

بس صورتي بعيون اخواني وامي وخواتي اهتزت اني اتهمه بهالشي وانا كذابه

والحين يمكن يرجع يخطبني اللي ابيه وخالي هالحقير شوه سمعته عند اهلي

مقهوره وش اسوي ؟

انا حلفت ما اسلم عليه طول عمري ولا اكلمه حتى امي ماصارت تبيني اطلع له بس مو مصدقه كلامي

هذا جزئ بسيط من مشكلتي
بس وش تنصحوني اعلم امي بالحقيقه ولا اسكت ؟
انا ما احب المشاكل واللي عندي من المشاكل يكفي
ما ابي ازودها

وانا بنت وهالموضوع حساس ويضايق
وتعرفون البنت اكثر شي يضايقها هالامور

ودي يتم زواجي من الانسان اللي ابيه وينقهر خالي الحقير
اقول لامي ما ابي اتزوج الا اللي ابيه
قال خالي ازين خليها تقعد ببيت ابوها
للمعلوميه عمره 27 بس انسان منحرف ويتظاهر بالرجوله والاخلاق والدين

 

[يالوردي]

علمي امك بحقيقته هالوسخ صدق ما عنده شرف ولا كرامه اذا سكتي عنه بيتمادى

 

[أم حديجان]

الله يرد كيده بنحره ..

 

[sraaab]

قووولي لاامك وابووووك ..
واذا في شخص كبير تثقين فيه يكون احسن وله كلمه بالعائله ..عم او خال او جد

 

[غلآ عــmــري]

جد حقير الله يكفيك شره

حبيبتي ليه ساكته الى الحين
روحي بلغي اهلك وامك خاصه

والله يوفقك ويزوجك اللي تمنيتيه

 

[متفائلة دوم]

يا قلبي والله..
بصراحه امك شاكه وشبه متأكده ان كلامك صح100% والا ليه وافقت انك ما تطلعين تسلمين على الخال؟
وارجعي صارحي امك واحلفي لها عالقرآن بعد..وان ما نفع مثل ما تفضلوا الاخوات كلمي احد كبير بالعايله
ويا قلبي دايم رددي اللهم رد كيده بنحره ,اللهم اشغله عني بما ينفعه،الله انصرني على من ظلمني وخذ منه بثأري..ولا تنسين شهر الخير والرحمه عالابواب وخلي عينك بعين الله وتأكدي ماراح يردك وانتي مظلومه
بإذن الله .. بتتزوجين من تحبينه اذا فيه خيره لك

لا تيأسين وتوكلي على ربك

 

[غربة إحساس]

عليك بالدعاء بالنصر و قولي لأمك ,, لا تسكتين عنه ابد
دعواتك لي بالشفاء العاجل والزوج الصالح

 

[مـلاك الصغيرة]

حبيبتي كلمي امك لاتسكتين واوقفي بوجهة خالك
وقولي ان ماتركتني بحالك والله لافضحك عند اهلي
انا مسجلتك وبرويهم >> طبعا تهديد
الله يفرج همك

 

[حبيبة روحها]

لاتسكتين وش هالحقير ديوث استغفرالله يجسرة

احلفي بالمصحف انتي ولا تسكتين من جد انقهرت

 

[naoomi]

اذا تقدرين توريهم الحوار اللي دار
بينك وبين هالخايس بالتيليفون كدليل يصدقونك
قلبي معك
حسبي ربي عليه​

 

[طالبه مششاغبه]

الله يرد كيده في نحره ويرزقك اللي تتمنينه..
طآألبه مششاغبه ‘​

 

[ليتك تفهميني]

حبيبتي امسك شي عليه .. يعني مثلا كلميه و ابكي كأنك بتعتذرين منه و قولي وش تبي ورح انفذ الي تبيه بس ما تحرمني من الشخص الي احبه و و و و سجلي عليه .. و بعدين سمعيه اهلك خلي التسجيل عندك طول العمر لانه شكله مرح يتركك بحالك حتى لو تزوجتي الي تبينه ..
و خلي ابوك يطرده شر طرده ها الحقير و اقطعي العلاقه معه و حتى لما تتزوجي ان شاء الله وضحي لزوجك ان عندك مشاكل قديمه مع خالك و انك ما تكلمينه عشان ما يلعب بذيله و مجرد ما تمسكين عليه شي رح يهجد ..

 

[متفائلة2011]

المفروض ماتكلمتي الاوانتي متاكده ان عندك دليل على خالك
بس يجي له يوم وينكشف
الله يسر امرك

 

[ينابيع الحكمة]

لا حول ولا قوة إلا بالله ..

الله يفرج همك , وييسر أمرك ​

 

[ام لموووو]

لاتعلمين احد دام ماعندك دليل اثبتي دليل عليه اول على شان كل اهلك يقاطعونه -وعلى شان تتم خطوبتك على خير واحقري خالك وطنشيه ولاتكلمينه الله يهديه -استغفر الله الذي لااله الا هو الحي القيوم واتوب اليه

 

[بنت اوبوي]

حسيب الله ونعم الوكيل الله ينصرك ويرزقك الي تمنينه

 

[يابعدها سماي]

عند عرضك ياعزيزتي لا ترحمين أحد ولا تراعين أحد!
لان الرجل اذا فقد إيمانة + غيرته وسيطرة علية رغبته الحيوانية مارح يرحمك ولا بيفكر غير بمتعته
بغض النظر عن موضوع الخاطب
لازم تختارين احد من اخوانك الرجال او عم او اي قريب رجل تثقين فيه وخبريه عن اللي دار بينك وبين خالك
وخبري اي شخص تتوقعين رح ينصفك
لا ترحمينه.. ولا تخجلين..
كوني مقنعة بعيد عن العواطف وبعيد عن موضوع الخاطب
حتى لو كذبوك يكفي انهم يبدون يشكون فيه [ مثل ما صار مع أمك تماما]

ام انت خلك بعيدة عنه واذا لك اخوات بعديهم عنه (بالناقص من ها القرايب )

وعائلة مثل عائلتكم عندك اخوان رجال ( بغض النظر عن الوالد لانك ما ذكرتي عنه شي حي او ميت!)
لكن دام عندك اخوان وشوله اخو أمك يتدخل في موضوع زواجك ..؟!!
معطينه أكبر من حجمة وهو ما يستحق حتى النظر فيه ..!!


لو قدرتي تقنعين امك في الخاطب هذا يجعلها بصفك واقنعي بقية اخوانك بالهدوء والحكمة وبدون علم الخال
خليهم يسألون عن الشخص هم بأنفسهم و يتأكدون من اخلاقه

الله يفرج همك
ويمحي العينات اللي مثل خالك من الوجود



~
​

 

[حلآ آلورد]

لآ حول ولآقوة الا بالله

كان حافتي لاهلك وبكيتي عندهم

مو تقولي انا كذابه بس عشان علاقته بامك ماتخرب!!!!

دافعي عن شرفك حبيبتي

هذا بكرا بيشوه سمعتك انتي

اتكلمي مع امك وقوليلها هالشي

وخالك ارسليله رسائل تذكره بعذاب الله وعقابهـ

دافعي عن نفسك ترا بهالزمن الواحد ماله غير الله ثم نفسسسسسه

والله ينصركـ ع خالكـ ويرزقكـ الزوج الصآلح

 

[رونق الألماس]

وعليكم السلام

حسبي الله ونعم الوكيل آه من الدنيا وربي تخوووووف

اسمعي حبيبتي الرسايل والمكالمات ضروري تسجليها

وتحتفظي فيها طول العمر وهدديه فيها لو حاول لا


سمح الله يخرب عليك قسم بالله

انقهرررت مررررررة وبمشيئة الله ربي ينصرك عليه

الله يهديه ويهدي جميع شباب المسلمين

 

[دلوعةزوجي]

نصيحة خلي امك تقرأ كل المحادثات اللي سارت بينكم علشان تظهر برائتك ووقتها بيصدقونك ويمكن يوافقون على اللي تبين