خالتي بتخرب بيتي لحقوني يا بنات ماني عارفة الحل

  • بادئ الموضوع بادئ الموضوع MaNoRa
  • تاريخ البدء تاريخ البدء
M

MaNoRa

New member
إنضم
2008/04/06
المشاركات
45
:schmoll:
السلام عليكم
الموضوع باختصار خالتي (ام زوجي) مسببتلي ازمممممممممممممممممممممممممممممممممممة
انا ادري الموضوع ماهو يديد عليكم
لكنننننننننننننن
من حر مافيني والله العظيم اني محتارة ماني عارفة شنو اسسوي وان االلي طول عمري احل المشاكل للناس و الحين ماني عارفة احل مشكلتي
المشكلة

انا تزوجت من سنتين ... والحمد لله انا من النوع اللي اعرف طبيعة الشخص من اشوفة ( زين مو زين )
من شف خالتي و قبل لا توصلني عنها اي معلومات عرفت انها راعية مشاكل
وهذا اللي ثبت لي مع الوقت
بس انا قلت انا اشتري رجال والحمد لله زوجي محترم وحبوب و يحبني وايد و يحب ولده
المشكلة
المشكلة

اني اول ما تزوجت قبلت اني اسكن معاهم ببيتهم بغرفة و تكرمون حمام داخل الغرفة في بيتهم بس ، مع العلم انه بيتهم حده قديم و بسيط و يختلف تماااامااا عن بيت امي بس مثل ما قلت انا شريت ريال
على امل انهم قاعدين يبنون بيت جديد و يكون لي فيه شقة مستقلة .
وتحملت
وتحملت
وحملت و لدت
وقعدت في هالوضع المؤقت سنة و 6 شهور ( تخيلو انا وريلي و ولدي بغرفة 3*4 متر) مع انه امي الله يخليها عرضضت علي شقة ( عندها مبنى للأيجار) و قلت له بس قالي شلون اخلي امي تسكن بروحها بعدين ( مع انه عنده 2 من اخوانه ساكنين معانا بس ما ادري ليش اهو بس شايل همها قلت لكم على نيته )

سكنت شقتي بعد سنة ونص وانا حدي فرحااااااااانه اني افتكيت من الضيج واحمد الله
ومع العلم اني ساهمت بالبناء ( عندي ورث من ابوي الله يرحمة وادري هذا غلط بس شسوي حطينا المطبخ و الحمامات و البورسلان ....) وغير الاثاث طبعا اللي دفعت انا اكثر من نص قيمته و امي بعد شرت لنا هدايا

سكنت خالتي بعدنا بشهر
بس كانت طول هذا الشهر لما تجي توصل اغراضها تقعد عندي
:sad_1::sad_1::sad_1:
يعني ماكو خصوصية
:sadwalk::sadwalk:
زسعات تعزم بنها او اخواها عندي ؟؟؟؟؟
علبو شقتي جاهزة و فيها كلشي واهي تحت ماعندها استعداد تستقبل

:sad_1::sad_1::sad_1::sad_1:
ماراح اعلق انا بنبط

وبعدين سكنت قلت الحمدلله الحين راح تخف
ماخفت
وظلت كل دقيقة تصعد لي
وانا احاول اكون رسمية بس عشان ما تقول شي و عشان زوجي ما يتضايق
لاتنسون عنده 2 من اخوانه ساكنين معانا بالبيت



نجي حق المصيبة العظمى اللي انا لما الحين مو لاقيتلها حل
من شهرين
بالضبط 9/3/2008 عشان تعرفون شكثر محترة ومو ناسية التاريخ
انحاشو خداماتها
وماعندها احد تحت
بصراحة

انا بنت ناس و متربية
قلت لها اذل انتي خايفة اول ليلة تنامين تحت بروحج
نامي هني :thumbdown::thumbdown::thumbdown::thumbdown:

وهذي غلطتي
من يومها وشقتي صارت مزاااااااااااااااااار
كل ليلة طاقة شلالة و نايمة بالصالة عندي
و على كل وجبة قاطة الويه
ماني قادرة آخذ راحتي
و لاكاني عايشة بشقة بروحي
انا طبعي اجتماعي بس ياربي الواحد يبي خوصوصية ................. وبعدين انا مااحب اتكلم بفلانة و علانة طول النهار
مع العلم
اني ادرس و اشتغل وعندي ولد عمرة سنة
يعني
محتاجة وقت اقعد لحالي؟؟؟؟؟؟؟؟؟؟؟؟؟؟؟؟؟؟؟؟
ياجماعة شنو الحل
كل يوم تجي تنام وتاكل وتعلق
ولا تروح حق اخوانه لأن زوجاتهم ما يعطونها وجه
حاولت اني ما اعطيها وجه بس تسوي روحها ما تفهم ...........
انا ما ابي شي
ام زوجي على عيني وراسي
بس ابي خصوصيتي ................................
المشكلة ان تعليمها بسيط يعني ما اقدر اقعد و اكلمها واخاف اني اكلم زوجي

بس صالنا اسبوعين بس اتهاوش وانا حدي تعبانة
ولا اقدر اطلع بعد الخساير اللي خسرتها
وحتى لو طلعت
انا ما اضمن انها ماراح تيجيني​


شنو ا لحل ؟
 
شدعوة ياحافظ 15 دشو ومافيه رد
 
التعديل الأخير:
عزيزتي لم تجدي ردا لأن الموضوع ليس في قسمه المناسب

سأنقله غلى قسم الإستشارات الزوجية وستجدي تجاوبا أكبر هناك​
 
اختي العزيزة MaNoRa

الزواج انتي او حظك
يا يطلع زوجك زين وهلة زينين
يا يطلع أهو وياهم أي شي
يا واحد منهم يكون زين

عشان أريحك قولي الحمدلله إن عندك زوج يحبك او هذا شي وايد مهم ، لان هذا الشى
بحد ذاته وااااااااااايد زين
بعدين أنا أقول لازم يصير في مصارحة بينك او بين زوجك بخصوص هذا الموضوع ، او لا تنسين الاسلوب والوقت المناسبين طبعاً (( الله يعافي دورات الاستاذه ناعمة))
من خلال المصارحة لازم يكون زوجك على علم بكل تفاصيل هالموضوع بما فيها مشاعرك ، بدون إهانة يحس فيها سواء كانت له أو ل أمه

او بعدين يمكن إذا اهو فتح الموضوع ويا أمه وايد أسهل من لو تفتحينه انتي معاها ، لان إلمفروض إن يعرف الاسلوب إلي يناسبها ، او ممكن يأثر عليها

أنا اللي فهمته من دورات استاذة ناعمة ان مشاكل الزوج كلها ممكن يكون لها حل، كل وحدة حسب نوعها، بس مشاكل أهل الزوج مالها حل إلا الصبر للاسف، أعتقد ان أي مشكلة تصير بينك او بينهم ممكن تخرب علاقتك إنت بزوجك، او هذا الشي اللي لازم تحافظين عليه كثر ما تقدرين

و الله يعينك ان شاء الله
 
الله يكون بعونك واكثري من قول اللهم اكفنيها بماشئت
 
وضحي لها باسلوب انك طالعه تبين راحتك وخصوصيتك ...
وانتي قبل تطلع عندكم نزلي عندها اشوي بعدين قولي بصعد انام تعبانه
واذا تخاف خلي الخدامه تاخذ الولد بوقت معين تروح عندها تصيدها قبل تجي عندك وانتي منها تاخذين راحتك
 
مولازم كل وقت تفتحين لها الباب
مره انتي في الحمام
مره كنتي مشغوله
وهكذا وشي شوي تخف
وبيش عاد تنام وياكم
خلاص وقت النوم لاتفتحين

وانتي كله قاعده في البيت؟؟؟
كثري طلعاتج
روحي بيت اهلج
روحي السوق
روحي تمشي

ليكون بعد مفتاح شقتج عندها؟؟؟؟؟
 
الاخت مرمورة ميرسي خالص على النقل

الاخت farah28 مشكورة و ماقصرتي على ردج
بحاول واصبر والله كريم
الاخت ام رايان والبطلة و دانة الدنيا مشكورين على المرور
الاخت فلاري شسوي مو الحيا مقطع بعضه موقادرة اتحجى و اخاف زوجي يتضايق لأن راح تقولة بطريقة ثانية انا اعرف شلون تشيش وتزلق وايرات سواتها من قبل في مرت اخوه
الاخت ازهار ... انا احاول هالطريقة اذا كان زوجي مو في الشقة و لا لاتخافين ماعندها مفتاح لو عندها انا اطلع و اخلي الشقة لها هذا اللي ناقص بعد

مشكورين واااااااااااااااايد كلكم وياريت يحطون لنا دورة شلون انتعامل مع حمولة هالنوع
 
فعلاً منورة لما تطق لا تفتحين لها الباب
وإدا على وجود زوجش سوي هالحركة مرة قدامة لو قام يفتح قولي له لا تفتح وكلمي في الموضوع وسبب معاناتش بس بأسلوب يفهمه وما يتحسس من موقفش تجاه أمه
 
أختي أنا أقول أحتسبي فيها الاجر من الله
وأعتبري اللي جالسة تعمله معاك أم مع بنتها
والدنيا دوارة
 
الله يعينك ويفرج لك يارب
عليك بالدعاء وبكثرة الدعاء وقيام الليل وصدقيني راح تفرج
اسال مجرب ولا تسال طبيب
 
عيون ريمي والله فشلة من زوجي وانا من النوع اللي وايد استحي
وعد حسن الحمدلله انا خايفة من الله واعرف احترم الكبير و انا لو اني مو زينة و لامحتسبة ا لاجر جان ماصبرت عليها بس اهي نوعه جذي حتى على عيالها يعني تخيلي عندها بنت وحيدة ماقالت لها يمه تعالي قعدي عندي
انا ماعندي مشكلة اذا ماشالتها الارض اشيلها بعيني هذي ام زوجي وجدة ولدي بس لا تتدخ بلي يخصها والله ما يخصها .... تخيلي انتي مع زووجج بغرفتج ما تدرين تسوين شي و لاتطلعين صوت ولا حتى تضحكين لآنها قاعدة تتسمع بالصالة وصارلي على هالوضع شهرررررررررريييييييييييييييييييييييين .... اي وحدة من اول اسبوع كاشتها بس انا تحمل عشان زوجي والمشكلة بس مو قادرة اتحمل .....
كوكيز17 مشكورة على الدعوة والله محد يحس الا اللي مجرب
 
ما ادري يا عزيزتي هذي امه وفي مكانة امج والمسكينه ما تلاقي اهتمام من زوجات عيالها الثانيات اما انتي ارتاحتلج وتعتبرج مثل بنتها وصدقيني اهي تحبج على قوله المصرييين الرجل ادب مطرح ما تحب ههههههههههههههه

الله يعطيج العافيه ويجزيج الخير احسني لها وكله باجرة عند رب العالمين
 
حبيبتي الغاليه والله العظيم الذي لااله الاهو لو انك حاولتي تحبينها مثل امك ماكان اشتكيتي منها ادري انك ماتقصرين معاها وادري تحبينها بس يمكن حبك عشان زوجك مو لوجه الله صدقيني انا مريت بنفس مشكلتك وحليتها بالصبر والحب الله يسهل امرك ويكثر من امثالك وصدقيني طيبتك بترجع عليك بالخير الكثيرتقبلي مروري ونصيحتي المتواضعه
 
ناس تقولي حقريها
وناس تشور علي العكس
والله محد فاهمني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا لو ماعندي احساس جان ماصارت هذي مشكلة ، المشكلة اني ما ابي اظلم المرة و لا ابي اضايقها بس انا ما احس اني متزوجة
تخيلي نفسج اختي كأن عايشة في بيتكم و ماتقدرين تسوين شي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا لو اقعد بغرفتي و اعهي بالصالة ثاني يوم تقولي انتي على شنو كنتي تظحكين باليل..........


متخيلييييييييييييييييييييييييييييييييييييييييييييييييييييييييين
اصلا والله عيب و فشلة انا حدي فشلانة
:(
:(((
 
اتحمليها شوى ومرات طنشيها ولاتفتحيلها يعنى خليك وسط لاسلبية ولاايجابية لانها ام بالنهاية ومرة كبيرة خديها على قد عقلها
 
الله يعينك ويخليلك طاقه كبيره علشان تصبريين مـــــــــــــــالك الا الصبر بها المواقف لان لو غيرتي شي بستوى مشاكل بالبيت

بس ليش مايتفقون زوجك واخوانه انهم ياخذون امهم عندهم يعن مثلا كل شهرين عند واحد منها ام زوجك تشوف معاملة الزوجات الثانية علشان تعرف انك احسن منهم فاتقدر وضعك اشوي وتخفف نفسها عندك

او يتفقون زوجك واخوانه ويجبون لها شغاله تقعد معاها وتشوف طلباتها وانتوا مراح تقصرون معها

بس اختى معليش انا مابي اتدخل بس ابي اعرف انت ماتطلعين من البيت يعنى السوق مشاوير لك تتمشون انتى وزوجك

اش يكون موقفها

ما اقول الا الله يعينك ويصبرك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل