حييييييييييل ضااايجة .. ومالي غيركم ساعدووني !

[umalyaa]

السلام عليكم ورحمة الله وبركاته

شحالكم شخباركم

انا مشكلتي غريبة شووي ..

مشكلتي اني مب قادرة انسى الماضي وارتااح

مب رايمة انسى وابدا من يديد !

مع اني عايشة مع زوجي واحس انه يحبني ..

صح مرات كثيرة يكون مشغول بس احس حياتي واايد احسن عن غيري

... سالفتي هي

ان علاقتي مع زوجي فترة الملكة كانت ابداً مب حلوة ..
كان كل ما يقول لي شي اقوله عكسه .. ويومياً ضرابة وكلام مب حلوو ومشاكل لا تنتهي ..

واستمرينا على هالحال لمدة 8 شهوور .. اللي هي فترة الملكة ..

حتى على قبل شهرين من العررس وصلت لحااله اني قلت لاهلي مابيه بطلق منه

مع انه ما كان يسويلي شي والله .. بس ماعرف شو كان فيني

وكان يقولي كلاام حب بس اناا اصده .. كان يحاول يدلعني بس اناا اتغلى وارفض ..

وكل هذا لاني كنت رافضة فكرة العرس مب رافضة الشخص ..

وكل ما سالت حد ينصحني ويوجهني يقولولي .. عطيه طااف .. خلله ايولي ومن هالكلام

يعني المراات الحلوووة شي بسيط .. والذكريات الحلووة يمكن ما تتعدى شهر من 8 شهوور ..


-------- ورغم كل هالمشااكل تزوجت ..

اول شهر حسيت انه هالانسان راائع بمعنى الكلمة .. وحبيته .. وكانت اول فترة 3 شهوور فترة خجل .. ومستحى ويعني كل واحد يحترم الثاني على اساس ما نعرف بعض ..

الشهر الرابع حملت وبدا همي !! .. كان احيان كثيرة قاااسي معاااي .. وكانت تستوي امبينا مشادات وكلام واقوله ليش تسوي جيه يقوولي انتي اللي قايلة .. انتي االلي كنتي تعاميلني جيه .. ونتي وانتي !! ..

يودت على قلبي وكملت .. وربيت شهر 12 .. ويانا اول مولود !! .. عقب ما ربيت حسيت انه فيه حاجز كبير بيني وبين زوووجي .. وحسيت انه كل اللي صار قبل كان غلط .. كانت تمر علي مواقف الملجة واصييييييح .. واحاول اعيش واكمل بس ما قدرت ..

عقب ولادتي زادت مشاكلنا بشكل غير طبيعي .. وزادت عصبية زوجي ..لدرجة انه ضربني أول مرة كف .. وثاني مرررة كف وكفووف متوزعة على ظهري وجسمي .. واتعرفي شو يعني ضرب رياال .. المهم لين الحينه يمكن ضاربني اكثر من 7 مراات .. والاسباب .. تكون موقف بسيط بس لاني عليت صوتي عليه بدوون ما اقصد أو قلت كلمة خللته يحررج ويعصب !!


و80 % من مشاكلي اللي قاعدة تصيريلي بسبة الملجة وعنادي وتكبري وغروري !! والمشكلة الاكبر اني خلال فترة الملجة كنت اعرف شخص ثااني قبله فكنت اقارن بين معاملته لي ومعاملة زوجي !! وكنت احس انه صعب انسان يحبني كثر ما حبني هاك الشخص !!



المهم مررت الشهوور وانا كابوس الملجة ما يخليني ولين يومكم .. صارحت زوجي واعترفت له اني انا الغلطانة في كل شي .. واني ندمانة واني اابا اتغير وابا اسعده .. مع انه مافي شي مبينا بس المشاكل الزوجية العادية والمعتادة !! اتعرفوون لدرجة زووجي ما يحب يجيب طاااري عررسسنا ولا ليلة العررس ولا شي من طااري الملجة !!


وقررت في عيد زواجي أسوي عرسس يديد !! وفصلت فستاان ابيض وحجزت فندق وتصوير وصالون وحجزتله تجهيز معررس .. وانتظرت قبل فترة بسيطة وقلتله @ .. بس للاسف زووجي عصب كثير .. لدرجة فظيعة وقالي انتي مب مقتنعه فيني زوج لج لين الحينه !! :sadwalk:

يا جماااعة شو اسووي

كابوس الملجة ما يرووح من باالي ..

ريلي انسان طيب .. وكان بامكاني اكسبه بكم كلمة حلووة .. بس هو متشبع من كلاام الملجة اللي يسم البدن .. وللاسف كل افعاالي وكلاامي اللي كنت اقوله في الملجة كاان عكس شخصيتي .. الشيء اللي احبه كنت اقووله لا ما حبه !! .. لشي اللي ابيه ايسوويه اقووله سواا عكسهه !!

وهاللي قاعد يصير في حيااتي ..


كيف اعدل حيااتي واستغل حب زوجي لي !1



اكبر دليل على حبه انه صبر علي .. وتحملني وتزوجني !! اعرف والله اعرف بس شو اسوي !!

دلوووني ..

كيف انسى الماضي واقتنع بزووجي وولدي وانسى !!

خبروووني :sad_1:

 

[umm yusuf]

اكبر دليل على حبه لك هو انه ضربك سبع مرات
لاحول ولاقوة الا بالله
ربي يسدد خطاك ويهديك للصواب ويسخر لك زوجك ويحنن قلوبكم على بعض

 

[الــحــلا]

ياحبيتبي الله يسخره لك انسي الماضي وعيشي يومك لايبلك الله بشي اعظم حاليا يخليك تنسين الماضي

الله يوفقكم

امااختي ام يوسف وش اكبر دليل انه يحبك ضربك!! ياختي ردودك تقهررر دايمااااا
الله يهاديك اي يحبها بس حظر الشيطان بينهم

 

[الماسة غير]

صحيح أنا مو متزوجة بس حالياً مملكة
واتمنى تسمعين نصيحتي
أولاً: حاولي تشيلين كل الماضي من بالك وأول شيء لازم تشيلينه هو الشخص السابق وبعدها الملكة
ثانياً: حاولي تمتصين غضب زوجك واصبري ولاتعصبين معاه لما يعصب
ثالثاً: اكسبي قلب زوجك وهذي ما اقدر اقولك كيف لكن تقدرين تطلعين على مواضيع المنتدى

وقبل هذا كله لاتنسين إنك تقوين علاقتك بربك وتقرأين سورة البقرة كل يوم
والله يهدي بالك ويسعدك

 

[الحب والعطاء]

اتحمدي ربك انك متزوجة غيرك يتمنا التراب الي يمشي علية رجالك وتتمنا تسعده وين عقلك الي راح مات مايرجع صلي علي النبي وبداي صفحة جديدة قال احد الحكماء اتعرفون من هو قليل العقل هو الذي يفكر في شي قد ذهب منة لية سعادتكي بيدك وانت تشقين نفسك والله زوجك ما ضربك 7 مرات الاانك عصبية وش يفيدك لو مرضتي وجاكي اكتاب او اي مرض لية علي نفسك واللة لبدنك عليك حق ولطفلك حق وزوجك جنتكي ونارك سمي بالله بلاء دلع والله لو طلقكي لاتبكين دم

 

[umalyaa]

ام يوسف بلاج .. !!

صح ضربني وصح هالشيء مشكلة كبيرة واسبابها سخيفة بس احس احياناً اكون غلطانة وماكنت اقدر اتصرف !!

بس الحمدلله .. انسان قدر العيشة معااي ووقف وياي فمواقف كثيرة .. والحياة حلوة ومرةة ..

وكفاية انه تحملني وتحمل كل اللي يااه !! وكملنا مع بعض سنتين وعندنا ولد !



الحلا

بارك الله فيج .. مشكلتي اني مب قادرة اطنش ولا انسى ..

احياناً اقول اوك عادي .. بنسى .. وبمجرد يستوي موقف يضايجني ارجع واذكر انه كانت عندي فرصة
وانا ضيعته .. واضايج انه كل اللي يصيرلي بسببي وبسبب غبائي !

بس الله كريم

دعواتكم لي


الماسة

فديتج مشكورة على نصايحج والله ييسرلج اموورج يارب

 

[umalyaa]

الحب عطاء

كلماتج جداً شجعتني ! .. وان شاء الله انا بحاول كثر ما اقدر

ونيتي صافية .. وان شاء الله يارب الله يقدرني واسعده يارب

 

[فراشة الحور]

انتي مثلي نفس حالتي ايام الملكه كنت دايم فهواش والي الان ماينسى بس استخدمت معه اسلوب الدلع لدرجة انيمه فحضني واخليه مثل الطفل واقول له لما يزكرني بلماضي
00كنت مااعرفك ياعمري وكنت استحي ووووووووو اتعزرله بكم كزبه ويصدق
بتوفيق ياقلبي

 

[همسة حزينة]

الله يفرج لك ويهديه لك

 

[يحق لك]

استغفر الله العظيم

 

[انا اعترض]

انا عاد العكس

واستفيدي من تجربتي ..

كان يزورني ونطلع ويا بعض وعقب ما نرد البيت يروح وما يتصل ولا يعبر يومين وثلاثه وبعدين اكتشف انه زعلان علشان قلت ابي مصوره للعرس .. او كلام تافه او او او وكل يومين يسوي لي مسج انه ما يستاهلني وان الاحسن نتطلق وماادري شو .... المهم كنت عايشه في عذاب نفسي بس يوم تزوجنا قعد فترة واتغير حاله .. كان يحن علي واذا زعلت كان يراضيني واي شي كنت ابيه احصله وما زلنا والى الأن .. حتى صدقيني اني نسيت اللي صار في ايام الملجه الحين قعدت احاول اتذكر علشان اكتب لج ما اتذكرت الا بعض الاشياء ,, فهذا دليل ان حسن المعامله والصبر ينسي الانسان المساوئ والجروح والايام المو حلوه .. لازم تضحين يا اختي .. مو علشان نفسج بس ولا علشانه بس .. الا علشان عيالج . لازم يعيشون في بيئه صحيه .. دلعيه اخر دلع كل يوم اكله وكل يوم غزل وكللام حلو .. والمسجات يلعب دووووووووور في التقارب .. ومو لازم اتفصلين فستان علشان تبدين من اول .. بس اللي لازم هو كلمه اعتذار بلباس فعل وافعال والله يوفقج

 

[حنونة وااايد]

الله يسعدك ياقلبي

 

[صمتي يناديك]

اختي الله يفرج همك
وأعرفي أن كل ما فكرتي بالأشياء السلبيه بتصعبين على نفسك تعيشين مرتاحه وسعيده
أول شي فكري بشكل ايجابي يعني حسي ان كل شي بالدنيا حلو ويستحق أن نبسط
وحرام نضيع اوقاتنا بحزن وهم وذكريات شينه حاولي تسيطرين على أفكارك
وحطي ببالك كل شي نمر فيه مكتووووووووووووووب علينا يعني ندمك ما يغير شي
قولي ..قدر الله وما شاء فعل ..
قولي ..يمكن خيره
عيشي انبسطي الدنيا ماتسوى وترى احساسك وتفكيرك يأثر حتى على جو بيتك
كوني متفائله حسني علاقتك بزوجك انسي وأبداي من جديد تخيلي دايم ان توك عروس وسوي كل شي فاتك واعرفي ان سعادة الأنسان بيده بعد توفيق الله ولاتنسيني الدعاء

 

[umalyaa]

فراشة الحووور

الله يرضى عليج علميني كيف وبسووي ..

مشكورة احس عطيتيني امل كبير ..


همسة ويحقلك .. مشكووراات على الرد

 

[umalyaa]

انا عاد العكس

واستفيدي من تجربتي ..

كان يزورني ونطلع ويا بعض وعقب ما نرد البيت يروح وما يتصل ولا يعبر يومين وثلاثه وبعدين اكتشف انه زعلان علشان قلت ابي مصوره للعرس .. او كلام تافه او او او وكل يومين يسوي لي مسج انه ما يستاهلني وان الاحسن نتطلق وماادري شو .... المهم كنت عايشه في عذاب نفسي بس يوم تزوجنا قعد فترة واتغير حاله .. كان يحن علي واذا زعلت كان يراضيني واي شي كنت ابيه احصله وما زلنا والى الأن .. حتى صدقيني اني نسيت اللي صار في ايام الملجه الحين قعدت احاول اتذكر علشان اكتب لج ما اتذكرت الا بعض الاشياء ,, فهذا دليل ان حسن المعامله والصبر ينسي الانسان المساوئ والجروح والايام المو حلوه .. لازم تضحين يا اختي .. مو علشان نفسج بس ولا علشانه بس .. الا علشان عيالج . لازم يعيشون في بيئه صحيه .. دلعيه اخر دلع كل يوم اكله وكل يوم غزل وكللام حلو .. والمسجات يلعب دووووووووور في التقارب .. ومو لازم اتفصلين فستان علشان تبدين من اول .. بس اللي لازم هو كلمه اعتذار بلباس فعل وافعال والله يوفقج

أنا مثلج انا بعد نسيت كل اللي صار اياام الملجة

ومب مذكرة شي .. الا الاشياء البسيطة والحلوووة .. بعد

بس مخلية مسجات فكل ما اشووفها اضاايق :tears: !! واعرف اني انا اللي كنت غلطانة


الريال صعب ينسى

هو يتذكر ادق التفاصيييل !! تفاصييل غريبة

 

[umalyaa]

صمتي

يزاااج ربي الخير

هذا اللي انا ابااه اني اكون متفاءلة وبشووشة دووم

هو يقوولي ابااج اتضحكين .. انتي دووم مبوزة ونكدية وكل ما دشيت عليج تزااعقين ..وتعصبين

عايش مع رياال مب حررمة

بس مشكلتي ماعرف ادلع !

 

[ابي السعاده]

انتي تقولي انك عنيده والرجال اشين شي انه تكون المره معه عنيده استهدي بالله وانسي شي اسمه ماضي امحيه عشان تمشي حياتك وسوي الي عليك مع زوجك اهم شي راعيه واهتمي فيه مندون تكلفه والله يوفقك

 

[umalyaa]

الله كريم

 

[حرم سوآفي]

هـلاآ حبيبتي ..

حبيت اسلوبج وآيد ..اللي يدل انج انسانه عآقله ورزينه ..بس مشكلتج مآ تعرفين تطلعين اللي فخآطرج لريلج


يآ قلبي .. اول شي لآزم تسوينه ..تفتحين صفحيه يديده بينج و بين نفسج ..

تذكري الايام الحلوه اللي جمعتكم.. و انسي الاياآم المره ..

حآولي قد ماآ تقدرين .. تتغيرين للاحسن و خلي ريلج يلآحظ هالشي بنفسه ..

الريآل مآ ينسى صح ..بس الحرمه تقدر تنسيه كل شي ..


دآمج يبتي له الضنى .. وتعبني جداامه ليين ربيتي .. و شافج جدامه 9 شهور ..

صدقيني محطي لج قيمه .. ترآآ الريايل يشوفون شي نحن مآ نشوفه..والله


خلج بشوشه ..وعوديه يشوفج مبتسمه دايمآ ..

قبل ما ترقدين قولي له كلمه طيبه ..

لو فخآطرج كلآم له .. وخايفه من ردت فعله..اكتبيه بورقه وفوقهاآ ورده ..

وان شاء الله بيتفهمج ...

لو انتي تغيرتي ..هو بيتغير ..ولآ تنسي انه اثنيناتكم تاخذون طبع بعض ..


وحتى لو ضربج..مب نهايه العآلم .. ع فكره الريال وايد يأنبه ضميره

كل ماآ بيعصب انتي ارخي .. كل ماآ بتحسين ببدأ يصأرخ .. حآولي تردين عليه بكلمآت طيبه وابتسمي بويهه


الريآل يدور الكلآم الحلو ..والحرمه اللينه ..الضعيفه جدامه ..


شجآعه المرأه بضعفهاآ..


..,,


الله يوفقج يآ قلبي .. دآم نيتج صافيه .. الله بيساعدج


لاهنتي دنياآ و آخره .. اتمنى اني فدتج لو بشي قليل ..


حرم سوآفي /

 

[قلبي نساهم]

الله يصلح فيما بينكم يا رب
الغالية الريال مثل الياهل كلمه تيبه وكلمة توديه واستغلي هالشيء انا متاكدة انج تحبينه وهو يحبج بعد