حيلهم بينهم :)

شو رايكم أشارككم اليوم بجزء من جمل دفتر الكيد والحيله إلي عندي:cupidarrow: خخخخخخخخخ حلوه (دفتر الكيد والحيله -- من الشطاره) المهم هذي الجمل ترا عصارة تجربتي مع زوجي العزيز :flex: وإلي مفعولها عجييييييب وعن تجربه بعد مع أزواج صديقاتي (التجربه خير برهان).. ما أوصيكم احفظوها عمياني ترا تنفع في الوقت الضايع ووقت الزنقه :nosweat: خخخخخخخخ:

1- "لا لا هذا مب العشم فيك أبد..انته أطيب من جيه وأنا دلوعتك وماأستاهل :in_love:" (وما أوصيكم نظره خجوله ودلوعه واتمسكني لين تتمكنين).......هههههه هذي تنفع في مواقف الاحراج إلي انتي سببه واتكونين خبصتي الدنيا :1eye: واتكون محاوله أخيره منج في تدارك السالفه قبل زعل سي السيد :santa_1:..

2- "لاااااااه (بغنج حبتين) وانت كنت تتوقع مني جيه موووول ما كان قصدي..أنا من لي غيرك..انته اتخيط وأنا ألبس وشو ما اتقول يمشي :blush-anim-cl:"..بس ها لا تنسون هاكلام منوخذ خيره يعني يوم اتحسين هو ضحك وهدا وتقريبا نسا الموضوع سوي إلي انتي تبغينه بس اتكونين خذتي الشي بشوره هههههههههههههههه..:smoke1:

3-"تدري على طاري هالموضوع اتصدق كان على بالي من مده بس مستحيه ومنحرجه أفاتحك فيه زيييييييين انك طريته عاد"..هذي الجمله عاد تنفع يوم انج بتهادين حد من أهلج ولا أهله .. ولا تبغين حتى شي غالي شوي لج:clap: وتنتهزين تلميحه البريء واتحولينه لمصلحتج..طبعا هو ما ايكون عارف كيف دخلتي عرض انتي بموضوعج هذا بس ماعليه لين ما يستوعب اتكونين خذتي منه المطلوب :harhar1:هههههههههههههه..

4-"حتى أنا بعد يعجبني هالشي مثلك بالضبط"..هاذي عاد كثري منها كثر ما تقدرين في الأشياء إلي تقدرين اتخلينها مشتركه بينكم يعني مب شغلة يوم ويومين هذي للعمر كله :icon30: بس ترا ها لا تنسين هالأشياء يعني مب يوم اتقول تعجبني وعقب كم يوم يكتشف العكس يا ويلج منه هذيج الساعه :crazy:

5- "سلامي سلام على الأفكار والله إنك تعجبني وكل يوم تبهرني أكثر وأكثر شو هالتخاطر إلي بيننا سبحان الله :icon26:"...طبعا هاي الجمله خلوها للشديد القوي يعني سفرة الصيف ولا هدية لج في مناسبه خاصه بينكم وانت اختاري على شو تستخدمينها..وهو ايكون طرا بشكل عرضي مكان السفر إلي تبغينه ولا موضوع السفر نفسه ولا نوعية الهديه إلي تبغينها (هو مسكين يا غافل لك الله) ماكان في باله الموضوع من أساسه خخخخخخ..ولا أوصيكم حماس الطفوله طلعيه عدل والفرحه البريئه........ههههههههه والتكمله لازم اتكون من ابداعاتكم الخاصه (مكافئة على طاري الموضوع انتوا افهموها)...هذي برمجه وايحاء له عشان اينفذ على طوووووووول هههههههههه :showoff:

تعبت سويت قرقر وايد بخليكم الحين اتفكرون في الجمل وتدرسونها زين ما زين :essen: ..و إن شاء الله اتكون الجمل عجبتكم وخبروني إذا تبغون غيرهم تراني في الخدمه خخخخخخخخ..ودمتن بود :bye1:
 
التعديل الأخير:
مره كنا متفقين نروح السوق بعد العشاء المهم جا المغرب
قال ماحنا برايحين
قلت ليش
قال مو لازم تعرفين
وطلع المهم سكتت وجا على الساعه 10 الليل وانا كانت واصله معي عرفت السبب وطفشت
المهم جا قال وشفيك
قلت مصدعه شوي وجيعانه ما تغديت
هو عرف اني طفشانه
المهم راح خمس دقايق ورجع
قال يالله قومي البسي
قلت مالي خلق طفشانه.
قال ادري قومي البسي بنطلع
قلت لالا خلها مره ثانيه الحين مافيني حيل جيعانه <<< انا ابي العشوة اصلا من زمان ماتعشيت برا:essen:
جرني من يدي قال يالله عاد بلا دلع انا بعشيك برا احلى عشا:essen: طلعنا ذاك اليوم ولا رجعنا الا الساعه وحده


وش رايكم فيني اعرف اطبق:evil_lol:
​
 
للاسف ما نفعت طريقه احلى ريمو
بعده مصمم على رايه يقول لاتخلين ولدي الصغير بروحه
جيبي له اخ يلعب معاه ويتكلم معاه ويكون بسنه
لان الفرق بين ولدي الصغير واخوه اللي قبله خمس سنوات
جلست فتره اتناقش معاه في كل وقت وعلى كل وجبه
واحاول اقنعه ولافي فايده
وشكلي راح اعلن الاستسلام :surrender::surrender::surrender:
 
ياحليلكم ياداهيات اما انا عندي موقف لانساه ماحييت
زوجي من النوع اللى الزواج الثاني دايم على لسانه والى الان ماعرفت اشيل الفكره من راسه,ومره كان متغدي عند ناس عنده بنات كبار بالكليه وقالي تغديت عندهم خوش غدا شكلي بخطب من عندهم ,قلت حلالك كل رجال يعجب بطبخ الغير مي بغريبه عليكم يالرجاجيل,انا مثلا انت ماتمدح طبخي دايم لازم تطلع فيه نقص. بس طبخ الناس الثانيه 100% .مو مهم تعودت على طبع . لان الناس اللى بره دايم تمدح طبخي وتوه من قرايبك شباب عزابيه ومتزوجين جاني المدح الى اليوم على العشاء اللي فات .سبحان الله كل مايشوف اللى عنده.
من بعدها ماتمر مناسبه الا ويمدح طبخي لدرجه لمن يكون معزوم يقول حضريلي قهوه ابي اتقهوى قبل ماروح اقوله بتتقهوى عند الناس الحين يقولي لا قهوتكي لها طعم غير ماتعجبني قهوه احد غيرك.وحتى الاكل اكلك غيييييييييييييييير.
شفتوا داويها باللتي هي الداء.........
 
والله زمان عنكم وعن كيدكم
بس بعد عصر المخ لقيت وحده :shiny:
انا ما عندي خدامه وابغي غساله اتوماتك عشان ضهري انكسر وانهد من الغسيل
فقلت لزوجي ابغى غساله فهو ما كان يرفض لكن ياجل كثيييييييييييير وهذا ينرفز
مره يقول الشهر الجاي , مره ما عندي فلوس , مره انا تعبان ما ينفع نروح الحين ومرات نتطلع لمحل واقوله وش رايك نتفرج على المحل الثاني يقول تعبان
وانا خلالالالالالاص ابنفجر فجبت الملابس حقت الغسيل ونثرتها في الصاله(ما نجلس فيها :shiny:)
وكل يوم اغسل شي وقول اه اه اه ضهري انهد
ومره وانا اغسل خربت الغساله ما صارت تشتغل وانا فرحااااااااااااااانه بس ما بينت واقول يوه ما غسلت ملابسك ما يصير كلها مو نضيفه وش نسوى بستغباء
فقال خلاص نروح نشترى الغساله اليوم
واخيرا الحمد لله وافق
 
أحلى ريمو
خطييييييييييره ماشاء الله

دفء الشتا
عجيب أمر الحريم ساعه يبون بيبيات وساعه مايبون وفي الحالتين الرجال ظالمهم وفي الحالتين كيدهم عظيم
وأما الإحساس المرهف حلها إنها تخلي العيال في وجهه دايما وخاصة وقت الراحه والنوم وال...حتى يتمنى ساعة بدون عيال ويقول لها طرشيهم لأمك مع انه 90% بعد الرابع بيستعمل مانع حمل شخصيا علشان يتأكد إنها مابتحمل!!
أنا عن نفسي خططت على الحمل لما دخلت بنوتي المدرسه وهو رافض ولما صار الموضوع خليت زوجي يواسينى لأني أنا حامل غصبٍ عني :icon1366:
أما موقفك الثاني ماشاء الله

أموونه
طبعا بيزعل لما تطردينه من بيــــــــــــــــــــــــــــــــــــــــــتكم:icon28: ولا يصلح الموقف على كل حال ومع أنه صار سلامات معاك
الحمد لله،،،
أنا كنت أسكن في شقه داخليه في بيت أهله يعني علشان أطلع الشارع لازم أمر بصالتهم وماعندي عيال بعد يعني هو فهمها :cupidarrow:أنــــــــــــــــــــــــــــااااااااا ما أستغني عنك:icon26:

شيخه المزايين
قاموس جداً رئع الله لايحرمنا من جهودك القاموسيه :showoff:
بشرينا متى تطبعينه بعد اكماله طبعا؟

الإحساس المرهف
توكلي على الله وما باقي إلا اثنين :sly:وتاخذي راحتك:msn-wink:

باسمه
مايجون إلا كذا فري قووووود لك:icon30:

دييمو
عطيني خطه للفرن:blow:

في قلب زوجها
فراشة القمر
ريما
شمالية شرقيه
هلا وغلا بحضوركن منورات:clap:
 

اليوم بنطلع شوي عن سور كيد الأزواج :santa_1:إلى كيد آخر نتيجته باهره
بارك الله فيكن كنت عند أهلي أتكلم مع زوجة أخوي :shiny:وبنتي في صوب مع خالها وخالاتها:icon26: وكالعادة مسكها خالها مزح :harhar1:والكل يضحك وتستلمه هي وبعد الضحك قايم وفجأة!!!!!
خيم الصمت عليهم !!! وبصوت هامس يقول لها خالها :e130:: لو سمعتك أمك ماتسكت:a043: !!
وهي ترد : أنت اللي أبتديت:e076:
دخلت أنا عرض قلت:شو السالفه؟ قال: هي تقول لك
وبنتي تتلاقط عيونها:redface:بين خالها وخالاتها.. طلع خالها وماعرفت أنا شيء:schmoll: بس استنجت انها غلطت عليه انتصارا لنفسها:flex: من سخريته بس تجاوزت في الرد الحد المقبول عنده:frown:!!
وتقاطعوا يوم ويومين وامتدت اسبوع واسبوعين وكل يوم أحاول معاها تعتذرله مافيه فايده تقول :هو اللي جاب لنفسه:confused:!!!
الصراحة كانت علاقتهم حلوه وماكنت ابي لها هذي النهاية المحزنه
وطرأت علي فكرة:idea: ونفذتها حالا..........
أخذت جوالها وأرسلت لخالها ذاك الإعتذار:a200: اللي ينسيه اسمه(عاد أعذروني ما أتذكره:e136:)
ومسحت الرساله ورجعت الجوال مكانه وكأن ماصار شيء:a144:
شوي دق الجوال وردت عليه بعدها جاتني عيونها تلمع فرحة وحياءاً
وتقول خالها أتصل عليها ومدح في أخلاقها وأدبها لدرجة انها منحرجه منه ان هو شلون هو أطيب منها:c028: وإن هي اعتذرت منه وتصافوا!!!
ومرت السالفه سلامات:a084:
وللآن ماعرفت الكلمه ولا أحد راضي يعلمني:a032:
وللآن ما أحد عرف شلون تصالحوا :e032:لأن خالها ذوق وما دخل في تفاصيل الآعتذار وهذا كنت متأكده منه :c014:والا كان فشلت الخطه:wink:



دفء الشتاء:icon26:
هلا وغلا
 
:icon26: رجعت لكم بعد التغييييييييير ...........شو رايكم..:a194:



:icon26: استنوني عندي كم موقف اتذكرتهم وان شاء الله ماانساهم ....بس حبيت ادخل اسلم:a025: :c007: .................
 
heart beat

مبروووووك الف الف مبرووووووك كذا ولا تحويلنا زي زمان ......عاد تصدقي اول ماقرات اسمك ماصدقت نفسي بس بعديين عرفتك انتي (.....) <<<<<<مشفر عشان اخوات زوجك مايعرفوكي :bleh:


واحلى ريمو ياعسسسل انتي والله انشغلت بالاختبارات لين داخ راسي :sad_1:...... بس على مين ... لازم شوية كيد يفرح قلوبكم وينعش عقلي :shiny::shiny:


قلب وعقل ......تسلميلي على تمنياتك لي بAبس من فين اجيبها ....... :tears::tears:انواع التحطيم في هالجامعة والاستنذال عندهم مايطلع الا لما البنت بتتخرج .. الله يحرق قلوبهم زيي ماهم حارقين قلبي ومجهوداتي كلها رايحة سراب:busted_red::busted_red:
بس تصدقي يمكن لو اختبروني في الكيد كان طلعت الاولى عليكم :harhar1::harhar1:ودوليا كمااان:surrender::surrender:


عاد قلت اسير عليكم واحكيلكم اخر مواقفي الكيدية :showoff:

انا مسجلة في العصر بمعهد كمبيوتر عشان اشغل نفسي عن الوسوسة في الزواج:fish:
وطبعا على حساب ... ابوعيالي مستقبلا خخخخخخخخخخخخ:blow:

المهم لما سجلت كان معاي المبلغ كامل بس قالوا لي في اقساط ... عاد انا من الله ابغى استثمر الفلووس قبل لااسجل :bleh: واعطيتهم دفعة اولى
وقبل يومين دفعت لهم قسط وسالتهم كم باقي لي ...... لقيتهم زايدين 500ريال على المبلغ اللي انا سجلت فيه:exclamationpoint:ولما سالتهم قالوا لي عشانك دافعة اقساط:busted_red::busted_red:انقهرت لان بصراحة لو انا اللي بدفع مو مشكلة بس احراج اروح اطلبه زيادة وخصوصا اني مسجلة وقت ماهم مسويين عرض وتخفيض:surrender:وغير كذا ماقالوا لي من البداية :busted_red::busted_red:
رجعت وانا معصبة ... عاد لما كلمني قالي ليش زعلانة قلت له حبيبي بصراحة انقهرت من المعهد طالبوني زيادة على المبلغ 500ريال وسالني ليش قلت له عشان مادفعت كل المبلغ ودفعتها اقساط:sad_1:وهنا كانت الوهقة اللي من جد...... قالي انا معطيكي المبلغ كامل:santa_1: .....قلت بصراحة انا حبيت استثمر المبلغ واكتتب في الاسهم وقلت دامهم يقسطوا مو مشكلة لما ابيع الاسهم اسدد لهم المبلغ كامل وبعدين ليش زعلان مني وتحاسبني المفروض تفرح ان زوجتك مخها استثماري وماطلبت منك قيمة الاكتتاب وغير كذا بدل ماتهزاهم وتخاصمهم جاي تعصب علي انا (انا اللي ابغى اوفر عليك واريحك من هم مصاريفي .... خلاص انا زعلت لاتكلمني ...... بس هو ماهان عليه دموع التماسيح وراضاني وراح هزأ المعهد بس طبعا رجع بخفي حنين لانه جنوبي مسالم جدا جدا جدا وقرر يدفع الفرق:blow: ) خخخخخ كانه بصراحة اكتتب لي بس بالمقلوب الشغلانة صارت:bleh:
 

دفء الشتاء
:cupidarrow:
دقات قلب
العربي أجمل:wink:

لكن الحمد لله وين كنا ووين صرنا
الله يخلي لنا خوات زوجك:e130:

قلب من الماس
سياسة قلب الطاوله سياسة الرجال (أكيد أنت انثي؟!!!):crazy:
لكن بتعلم منك الكيد من جديد:surrender:(بعد ما شاب ودوه الكتّاب:bleh:)
 
:icon26:مرررررررررررررراحببببببببببب:icon26:

باقولكم على موقف...............اول سنه بزواجي:icon26: كان زوجي يحب يطبخ ويساعدني بشغل اللبيت ويقدر ظروفي حمل ووحم زففففففففت ودراسه واهم شي انه كان يحب الطبخ ويتفنن فيه..............بعدها استقدمت شغاله سنتين طبعا المحروس ولا يحط يده بشي كاسه المويه انا اجيبها من المطبخ عشان الشغاله نوجوده واعمل كاسه الشاي ووووووووو وهو رجل على رجل ..............ولمن سافرت الشغاله زوجي صار اكسل منه مافييييييييييييه تصدقوا حتى الاغراض يخليها في السياره ويقولي جيبيها .......حامض على بوزك ليه شايفني تيتي(اسم شغالتنا المسكينه هههههه) روح جيبها والا خليهااحسن عشان تعفن وتروح مرة ثانيه تقضي خخخخخخخخ تعذيب .............وهكذا كسل وتامر جيبي ودي حطي شيلي.........اوووووووووووووووووووووف طفشت اقوله ساعدني :dunno:..يساعد شوي ويرجع يجلس :sadwalk:.................المهم قولت هذا شكله مخمخ عالجلسه وعاجبه الوضع بس ياانا ياهو........ومره اخت زوجي حكتني على موقف مع زوجها:icon26: ..فررررررررررحتتتتتتتتتتتتتت وبديت انفذ الخطه..زوجي يموووووووت على زوج اخته هذا ويحترمه كثير ويشوفه ابضاي ويستشيره ووووووو الخلاصه قدوته ..........:smoke1:ومره في السياره احكيه /// الله يسعده فلان والله اصيل وحنوووون مااتوقعته رومانسي كذا...زوجي /// اما حنون ورومانسي مستحيل هو بطريق والرومانسيه بطريق...انا/// مين قالك على باللك تشوفه باللحيه وجدي وشغيل خلاص منتهيه صلاحيته انت لو تدري ايش يعمل لاختك ماتصدق..تخيل لمن جات عندنا في العيد 3 ايام مع ولدها وبناتها(( زوجها واولادها الباقيين ماجوا معاها)يرسلها قصايد مالفها فيها ووو ولمن وصلت بيتها هيئ البيت ونظفه وطبخ العشاء كبسه وشوربه وايدام والاولاد عملوا الحلى واشترى لها غساله اتوماتيك هديه طبعا غير القصيده الترحيبيه ووووووووووووووووو................زوجي في حاله ذهوووووووووول قالي //من صدقك فلان يسوي هذا كله مو مبين عليه راعي حركاااات مستحيييل....انا/// الله يخليه لاهله ولايضرهم سبحان الله في رجال كل ماكبروا في السن كل مازادو تعلق بزوجاتهم ويزيد حنانهم وانت ليش تحكم عالمظهر البيوت اسرار هو ماراح يحكيك ويقولك انا عملت وعملت والمهم انه يسعد زوجته ويفرحها لو يوم في الاسبوع .بس تصدق لو ايش مايعمل ماراح يوصل لحنانك ومساعدتك لي ايام ازمتي الله لا يحرمني منك ووووو0(كبرررت راسه شوووووي))........بعدها بيوم انا تعبت وارتفعت حرارتي وكالعاده اتوقعت زوجي بيجيب اكل من برى والبيت محووس وكل شي موجل لحد مااتعافى واتفاجاء يقولي //////// شوفي انا اليوم كلي لك وللبيت لا تتحركي ولاتعملي شي باروح اطبخ العشاء ..انا// لا بلييييز بتحوووووس المطبخ ...هو/// ليه شايفتني فاشل مااعرف للنظافه والشغل الحين اوريكي :flex:........ ونزل طريقة رز برياني من النت وجاب الاغراض الناقصه للطبخه وبنتي طوووول الوقت معاه وياكلها ويرتب وينظف وحاس الاكل شوي:crazy: بس طعمه كان لذذذذذذذذييييييييييييييييييذذذذذذذذذ حتى بنتي تقوله يابابا انت اطبخ وماما لا:1eye:.. ويعمل لي شاي اعشاب ويجيب الدواء ويوصي بنتي مانعمل ازعاج...............والحمد لله من يومها وزوجي يساعدني حتى لو بالقليل ويشيل عني ويخفف عني :icon26:لو بس باغراضه :msn-wink:......
 
هيه :clap:هيه:clap: هيه :clap:هيه ...........
أخيرا وصلت لآخر صفحه ..... موضوعكم يجنن :icon30:واشكر قلب وعقل وشيخة المزايين ..
وما انسى توأمتي heart beat :blush-anim-cl: يالله توني ادري انك رونيرورو ...... صدفه عجيبه .......
ابقولكم على موقف لئيم لي مع زوجي "
اتمنى تقبلوني معاكم .........
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى أسفل