حيلهم بينهم :)

[قلب وعقل]

يقال ان الشجار ملح وبهارات الحياة الزوجيه وهذا صحيح في حدود المعقول لكن ماذا لو زاد الملح وبغى يخرب الطبخه شلون تتصرفين؟!!!
كم مره دبت خناقه بينك وبين زوجك العزيز؟
اكيد كثييييييييييييير
بس كم مره صارت نهاية الزعله حلووووووووه(بهار وملح معتدل)
اكيد كثييييييييير
كم مره قالك روحي بيت أهلك ؟؟؟
وغير رأيه بسبب رد فعلك
تعالين نحكي تجاربنا
وبسم الله أسجل أول موقف
في أول زواجي كنت ساكنه في شقه عند أهله
وياكثر زعله يعني تسلط درجه أولى(نافش ريشه)يبي يسيطر
زعل مره علشان رمى الفوطه في الصاله وماشلتها لأني بساطه مامريت على الصاله
المهم كلمه منه(ليش ماشلتيها) كلمه مني(ماشفتها)( طيب ليش أصلا رميتها)
بعدها قال روحي بيت أهلك(بيت أهلي بالسياره ياخذ ثلث ساعه)
صراحه تفاجأت:icon26أنا من النوع البنت تزوجت ماترد بيت أهلها إلا بطلاق لاقدر الله)
طالعت في وجه أوووووووووه شكله معزم(على فوطه)!!!!
حطيت عيوني في الأرض وجاءت الفكره
قلت: إيش رايك تروح انت بيت أهلك؟؟
طالعني وهو ماسك نفسه قال: من صجك
قلت: إيييه بعد شيل ثيابك معاك في كيسه لأنهم ما يكلفون وإذا رضيت رد
قال : اول مره اشوف الرجال هو اللي ينطرد من بيته وانفجر بالضحك ومرت سنين ماعادها...:clap:...
دوركم

 

[salma_ahmed]

رهيبه ما شاء الله تبارك الله عليكي .. أنا عمره ما قالي روحي بيت هلك .. مع إننا نتطاحن مرات .. ومشكلتي صوتي عالي لما أنفعل .. مدرسه شو أسوي .. وهو صوته مرعب لما يصارخ .. وأنا ما أتحمل .. مخي يتربس وما أفكر ولا أنطق .. بعدين نطنش .. وترد المياه لمجاريها .. مع إن المجرى ممكن يكون مليان طوب من آثار المعركه

 

[فجرالرياض]

فكرتك حلوة اختي قلب وعقل

ربي يسعدكم

 

[قلب وعقل]

سلمى احمد
روحك حلوه
شىء طيب انه ماقال لك مره روحي بيت اهلك
ونهاية المعارك نقدر نقول طيبه بس عليك بالطوب شيليه من الممرات لايسدها وخفضي الصوت علشان يتبدل الطوب حصيات وشكرا على التفاعل
فجر الرياض
كيف حالك عساه احسن
وشكرا على التفاعل وعسى تكون عندك مواقف سعيده تشاركينا فيها قريبا

 

[نهرالحب]

شكراً على الموضوع الجميل

تصدقي عملت زيك في زعلة :icon28: قالي أطلعي من بيتي ومن حياتي :icon1366:

قولتله إطلع إنت دا بيتي وبيت عيالي :busted_red:... لكن لم ينفجر بالضحك ولا انتهى الموقف نهاية سعيدة

كانت ليلة كلها نكد وغم أجارك الله :blow:

بس المهم إني ما طلعتش وأهلي ما عرفوش بالخناقة المدوية ,,, لكن آسارها السلبية لسة عالقة بذهني:icon28:

والله يسامحك قلبتي علينا المواجع:no:

 

[salma_ahmed]

الله يسامحك .. كان بس قلتي .. أنا مش زعلانه .. إنت اللي زعلان .. روح بيت أهله .. ولما ترضى بجيبك ..

ربي لا يجيب زعل أبد

 

[سحابه صيف]

حلللللللللللللللللللللللللو قلب وعقل

 

[قلب وعقل]

نهر الحب
سلامتك من المواجع
لكن انا تصرفت في شقه في بيت أهله يعني حتى مو إيجار وأول أشهر زواجي ماعندي عيال،
يعني وصلت له رساله معناها انا متمسكه بك ومابي بيت أهلي!!!!!
لكن الحين في بيته حصل وقالي نفس العبارهوهذا ردي
قلت: له ليش ماتكتب نص البيت لى
قال: ليه
قلت: قلت علشان نقسم البيت!! المجالس لك والباقي لي !!!والمطبخ تري لي وماتهون على برسل لك أكلك!!!
والعيال مشترك
بعد ضحك وانتهى الزعل
ولو قلت بيتي وبيت عيالي(مع اني مشاركه فيه )كان سفرني للمريخ مو بيت أهلي
سلمى أحمد
شكرا
سحابة صيف
عندي موقف أحلى بكتبه في وقته شكرا لك

 

[nehoyo]

مشكوووره قلبي الموضوع فعلا جميل ويستحق المناقشه وكل منا تطرح موقف حدث معها 0000لكن حبيبتي البيت للمراه هو جنتها فاذا قا ل لها اخروجي لبيت اهلك اصبح البيت لها نار ما حدث معي ولا مره وقالها لكني عندما تشتد المعارك اقول له سوف اترك البيت 00000يقول سوف اخرج انا وابقي انت ولكن بعد شويه يعدي الموقف ويزوب الخلاف 000والله لايجيب خلاف

 

[moon82]

قلب وعقل يبدو انك اسم على مسمى بالفعل عجبتنى جدااااااا ردودك جميلة واضح ان تمتصين غضب زوجك ليتنى اتعلم ذلك فانا على العكس اذا قال انه مل وانى منكدة عليه وهو مش مبسوط معايا ارد بسرعه اقوله كل واحد فينا يروح لحاله واروح بيت اهلى ليتنى اتعلم ان اصمت او امتص غضب زوجى ولكنى عصبية ولا استطيع لكنى ساحاول

 

[قلب وعقل]

nehoyo
الحمد لله زوجك عاقل وننتظر مواقف شجار ذات نهايه سعيده منك مو شرط توصل للطرد
أم آيه
الله يعطيك الحلم والأناه وتعرفي تمسكِ أعصابك لتصبح الحياه أفضل
وعليك بمغادرة المكان حتى تهدأ أعصابك واتبعي هدي الرسول صلى الله عليه وسلم في علاج الغضب ثم عليك بهذا الصرح(مركز بلقيس) انهلي منه
وننتظر مواقف ذات نهايه سعيده

 

[دودي حبيبي]

اه بصراحه موضوعك جاء بوقته الحين انا اعيش ثوره في بيتي والسبب ام زوجي اه ..اختي شواقول وشو اخلي انا حساسه ومااقدر اطنش اشيل في خاطري على الي تسويه والمشكله زوجي احسه صار مهموم رغم اني احاول ابين له ان حركاتها ماهمتني وماتاثر علي بس احسه وايد شايل هم انا ماكذب عليكم ساعات اثور عليه بسبب حركات امه بس بعدها اندم لان ماله دنب والله صرت اكرها لاتقولولي حرام ولا اعتبريها امك ومن هالكلام الي ايداء بالماء مو مثل الي ايداء بالنار
الله يكون بالعون

 

[~BUTTER~FLY~]

تسلمين خيتي عالموضوع
انا اهلي بديرة ثانيه اذا تهاوشنا ه دايما اكسر خاطره اني وحيدة وهو السبب مغربني
بس مرة وصل حده وكانت جايدة فقالي روحي بيت ابوج
قلت له اوكي احجزلي تذاكر انا واليهال
طخ الريال وما عادها

 

[قلب وعقل]

دودي حبيبي
الله يخلي لك دودي
اذا تحبين زوجك اكيد ماتعرضينه للنار وهذي امه جنته وناره حلو انك تبيني له انه ماهمك اللي تسوي امه بس الأحلى انك توصينه يبر فيها وصدقيني بيرجع لك الخيربأمرك بالمعروف وخلك انت بعيد عن مطاحنتها وخذيها على قد عقلها يمكن هي تغار منك يمكن حسد يمكن أشياء تصير قدامها ماتعجبها شوفي شو اللي يثيرها عليك وابتعدي عنه والأهم ان زوجك بصفك
الحائرة
طيب زوجك الله الله فيه ولا تكثرين هواش وحلو حجز التذاكر ما بإذنك ماي يعني...
وقصي لنا بعض المواقف

 

[شوق الروح]

السلام عليكم حبيباتي أميرات و ملكات ومشرفات منتدانا الغالي..بصراحه قمت اليوم من النوم وعلى بالي فكره عجيييييبه ممكن بها نستفيد استفاده كبييييييييييره من بعض..وسميتها "حيلهم بينهم":flex:..الفكره هيه إنه كل وحده منا تحكي لنا عن موقف مر عليها في حياتها الزوجيه..حتى لو كنتي اتشوفينه بسيط أو تافه اتعاملت فيه بطريقه مبتكره حتى انتي نفسج استغربتي من النتيجه إلي آلت لها الأمور بس من بعد إلي سويتيه (سواء كلام ولا فعل أو حركه ولا حتى تغيير) صارت كفة الأمور ترجح لصالحج:icon30:..وممكن هالموقف ايكون مع زوجج في المقام الأول ولا عيالج ولا أهل زوجج ولا أهلج حتى..ها شورايكم؟؟............... بصرااااااااحه أنا عندي وااااااااايد بس حابه أول أشوف رايكم في الفكره وبعدين انكمل..........حركاااااااات ها؟!!:clap:


أنتظر ردودكم بفارغ الصبر ..ترا هذا أول موضوع أكتبه بنفسي فلا تبخلون عليه بتفاعلكم الطيب :blush-anim-cl:​

 

[شوق الروح]

الله أكبر ويا سبحان الله 17 مشاهده و لا رد واحد؟؟!! صدقت أستاذه ناعمه المنتدى يحوي الكثير من البخيلاااااات صدقت أستاذه ناعمه والله...."لا يشكر الله من لا يشكر الناس" .. فعلا أاسف على الابتكار واحداث الجديد..أرجع أقرا أحسن وأكرم ​

 

[غافلة]

يالغالية
مو قصه بخل إلا نقص حيلة في البعض يعني احنا لما تصير لنا مشكلة من الحرة نستعجل وما تضبط معانا حيلة

عرفتي ؟
وانا عن نفسي استعجل كثيرا وبالتالي ما ترجح الامور لصالحي

 

[شوق الروح]

مشكوره حبيبتي الغافله على ردج..والله خلي الأمور كلها في صالحج قولي آااااااامين

 

[غافلة]

آميييييييين يارب

واذا تسمحين لي اضيف قصة عن كيد الحريم قريتها في منتدي
اخر

وحدة تتكلم عن زوجها انه بصباص وانه دايما يرجع لها ويخبرها عن الفنانات او البنات اللي شافهم في الاماكن المتنوعة

المهم هي ميته قهر من انه يقدر الجمال ويقارن مع زوجته وغير مبال بس ما بيدها حيلة ، بس شنو صار اخوه تزوج وجت العروسة وسكنت معاهم
وفي اول مرة تنزل تقعد معاهم ( كل اخ وزوجته ) نزلت العروس من الدرج وطااااحت المسكينة من الدرج ولانها فقدت السيطرة على نفسها طاح منها حجابها وارتفع نفنوفها و طلع شعرها الطووويل والناعم و الساق اللي يلق من النعومة والجمال

الاخ ظل فترة طويلة مبهور بزوجه اخوه ولما قامت ظل يطالع فيها ويكثر كلام معاها والزوجه لاحظت وماتت قهر

من هنا اشتغل كيد الناس : راحت السوق وشرت باروكة مثل لون وطول شعر العروسة وشرت شغلة مثل الجوارب الشفافة وخلت الشغالة تشيل الكيس امام الزوج وتعمل تمثيلية ان الكيس يطيح و تطلع الاغراض وشاف الزوج الباروكة وهذا المهم وكملت الزوجة تلملم الاغراض وتقول الله يستر ع الجميع يالله يا فلانة ودي شغل (اسم العروس ) يعني هي خلت زوجها يقتنع ان جمال العروسةكله صناعي وبدأ يقدر جمال زوجته الرباني ومن له حيلة فليحتال

ها عسى رضيتي علينا الحين ؟

 

[اشراقه]

:blow:حبيبتي الفكره رائعه وممكن نستفيد منها فائده كبيره
بس ما اشوف ماحد اتحمس للموضوع انا عن نفسي اذا لقيت تفاعل راح اذكرلكم مواقف صارت لي ماكانت تخطر على بالي النتائج طبعاكله بفضل الي تعلمته في النتدى هيا تحمسو ا وحمسوني:flex: