حيلهم بينهم :)

[دفء الشتاء]

اجاباتي عالاسئله كالاتي

السؤال الاول .. اجلس اقول له ياخي انا احس ابخل الناس اللي يقصر على اهل بيته واللي يفضل الناس على زوجته ماديا وانت شرايك مو ظلم ان يعض الرجال يتزوجون ويحطون زوجاتهم زينه بالبيت ما يعطونهم حقوقهم بالذات لا كانت الزوجه مراعيه ظروف زوجها احس وقاحه انه مايعطيها والا انت شرايك؟؟؟

السؤال الثاني ... اطنشه ولا كاني تزوجت ولا افكر ادق عليه واذا دق علي اسوي عمري زهقاااااااااااااانه عاد زوجي جنوبي حنون بسرعه يتاثر واذا رجع اسوي عمري طفشانه وحتى استقباله ما يكون حار بالعكس باستقبله بكل برووووووود واقول له ان عيالي بعد زهقانين ودنا نغير جو

السؤال الثالث ... انا ببدا معاه واخلي كلامي له كله غزل ومع الوقت راح يعتاد لسانه عليها شوي شوي

السؤال الرابع .. باقوله حبيبي ياتقوم تسوي اشغالك وتساعدني بالعيال وتخلص اشغالي يابروح لبيت ابوي واللي انا دايم اسويه اجلس ازن ازن ازن عليه ليييييييييين ينيفذ طلباتي

طبعا اجاباتي كلها واقع مريت فيه والحين بفضل الله عالجتهبالطرق اللي كتبتها فوق

 

[ريمان2008]

ها مستعدين معانا للانتقال للمرحله الثانيه من المسابقه :clap:وإلي موضوعها سلبيات في شخصية الزوج :santa_1: وسوء سلوكه في بعض الأحيان وكيف تتعاملين معاه واتخففين من حدة هالسلبيات وتأثيرها عليج وعلى حياتكم مع بعض والأسئلة كالتالي:

1- شو تتصرفين؟ إذا زوجك كان مقصر عليك من الناحية المادية لكن على أهله وربعه ماشاء الله حاتم الطائي!! وإذا طلبتي شي ضروري منه عطاج محاضره عن التزاماته الكثيره وديونه إلي ما تنحصر :crazy: وشاطر يضربلك أمثال عن زوجات صابرات ومحتسبات وغير متطلبات على أزواجهم لا ولا يشتكون أبداا؟!! :no:

أمدح فيه طول الوقت وأقوله زميلاتي واخواتي كلهم يقولو يبختك زوجك كررييييييييييييم وذويق ومن عيله معروفه بالكرم والشهامه وانفخ راسه واطلب راتب ليه وما اتذمر ابدا من كرمه على أهله وربعه
وأفضل على موال المديح إلى ان يوصل مصروفي ربع راتبه وبعدين أقوله لازم نأمن مستقبل أولادنا وأحاول أخليه يعملهم حساب بإسمهم

2- شو اتسوين إذا زوجج كثير السفر مع أصدقائه أو أهله بسبب وبدون سبب؟!! وإذا قلتيله أسافر معاك، ايعصب ويعتذر بأسباب واهيه، ولا هو حاس فيج ولا متفهم لموقفج ببساطه "بعده عايش عزابي" ولا ايحاول ايغير من حياته ولا راضي يستوعب إنه بعد الزواج صار خلاص مرتبط وملزوم بزوجه وعيال؟ :busted_red:
أحاول اسافر معاه لو يومين ويشوف أنواع الدلع والغرام وأحببه في السفر معايا ومع اطفاله
وأحاول أصرف إلي عنده أول باول ممكن اطلب منه كل شهر مبلغ حلو وأجمعه من غير ما يدري وبعدين افاجئه ونسافر وإن شاء الله تكون احلى سفره شافها في حياته
3- كيف اتكون ردة فعلج إذا زوجج مايهتم فيج عاطفيا أبدا لا بكلمه طيبه و لا ابتسامة رضا ولا يرد على مسجاتج الحلوه ولا ايعلق عليها حتى؟ ولو سألتي قال ماله داعي وهذي حركات أفلام ومسلسلات تافهه، ولا الكلام المعتاد كبرنا على هالسوالف؟!! :crazy:
أحاول بكل الطرق أقربه مني و أقصر المسافه بيني وبينه وأشوف إيش المواضيع إلي تلفته واقرأ فيها أتناقش معاه وأحاول اكون صديقته
أهم حاجه ما اتافف وأتذمر وأقارن بينه وبين شخص آخر وأستمر في المحاوله
ماما دائما تقول ولدك على ما تربيه وزوجك على ما تعوديه
وما أغرقه بعاطفه قويه علشان ما يمل وأعطيه عاطفه بالقطاره
4- شو اتسوين إذا كان زوجج كسووول ومسوووف درجه أولى ورامي شغل البيت كله على راسج من مشاوير البيت وتدريس العيال وروحات المستشفى وزيارات مدارس العيال ووو...الخ؟ وإذا كلمتيه قال أبوي ماكان ايسوي شي للبيت أبد أمي كانت مكفيه وموفيه؟!! :icon28:
أتنازل عن المهام والمسؤليات بالتدريج وبصمت بدون كلام
أكيد راح يقول ليه ما عملتي الشغله الفلانيه أقوله معليه مره مشغوله وإنت الخير والبركه
إنت راجل البيت الله لايحرمنا منك ومن طلتك الحلوه ,امدحه الله يعطيك العافيه إذا عملك شغلانه او وداك السوق
الحذر الحذر من الكلام السلبي إنت كسول إنت مهمل وووووو راح يصدق الكلام وخلاص
من جد من جد يصير كسول ومسوف
الكلمه الحلوه ليها مفعول السحر

ها يالشطورات أنتظر إبداعاتكم بفااااااارغ الصبر وما أوصيكم استخدموا كيدكم وذكاءكم الأنثوي وخبراتكم بطرق مبتكره وإلي ما لنا غنى عنها عشان نطلع من مواقف الحياة الزوجية ربحانات لا وفوقها بوسه بعد وكل وحده وشطارتها خخخخخخخ :bleh: ​

شوق إيش دي الأسئله صعبه مره بالقوه دبرت إجابات
الحمدلله بفضله ومنته علي ما مريت بمواقف زي دي ما عدا
الأخير بس عالجته الحمدلله

 

[شوق الروح]

همس الحنين مشكوره حبيبتي على المرور ومافي شي اسمه صعب للشخص المحاول والصعوبه شي احنا اخترعناها كعذر لشيء محد سواه قبلنا :nosweat:..يعني هي عذر لا غير ولا ضير من المحاوله دائما :shiny: ولا يأس مع الحياه :showoff: وشكرا عزيزتي لمرورج وإن شاء الله اتفرحينا برد على الأسئله قريبا :bleh:

مبادئ حياج الله وعن مجلس الزعل مال أوراق الربيع ما أدري عنه :dunno:..بس لو بغيتي عندي كرسي الزعل وجلسة الزعل ونظرة الزعل خخخخخخ اطلبي واحنا في الخدمه هههههه تسلمين على المرور :shiny:

الترحال تسلميلي حبيبتي لطلب الرفع :in_love:..وما علمتيني ليش ماجربتي حظج معانا في الأسئله؟ :1eye:صدق والله هل فعلا هي صعبه ترا جمعتها من كثر تكرارها في المنتدى وحبيت أجمع أحسن الحلول في مكان واحد طبعا من ردود حبيباتي سيدات الكيد احم احم :smoke1:..وحياج الله معانا دايما :icon26:

حبي لربي عزيزتي تسلمين على الرد الحلو..والله ايعافيج شرفني مرورج على الموضوع :icon31:



دفء الشتاء تسلمين حبيبتي على الإجابات ترى صدق كنت على وشك أيأس ونويت أحط إجابات من عندي اليوم بس الحمدلله فرحت يوم شفت ردج :msn-wink:..اتصدقين كنت ناويه أصيغ الإجابات على مستويين واحد ايناسب الرجل الجنوبي والثاني الرجل الشمالي وماشاء الله عليج غطيتي الشمالي بإجابتج بأحسن من إلي كان في بالي (اسخدمتي حجه منطقيه ما يقدر ينكرها ووضوح في الطلب وصراحه وقوة شخصيه اتناسب الموقف) :icon30: ولا انتي شو رايك؟

ريمان2008 إجاباتج غطت على إلي كنت بقوله من حلول اتناسب شخصية الجنوبي :clap: ومثل ما اتقول أمج زوجج على ما اتعوديه :shutup: والواقع إنه الزوجه تتحمل مسؤوليه أكبر في إنجاح حياتها وإذا كانت حقوقها انسلبت من إيدها فهذا دليل على ضعف شخصية وسماحها لو بطريق غير مباشر بحدوث ذلك من ترددها وعدم حزمها في أغلب أمورها مع زوجها ولا شو رايج يا ريمانه الكيد الحلو؟..والدلع والمدح والزن المتنوع هو الثلاثي العجييييييييب مع الزوج بغض النظر عن نمط شخصيته والشاطره إلي تضبط الوقت المناسب لاستخدام كل طريقه :sly:

 

[شوق الروح]

قلب من الألماس إشتقتلج يا عروسة وينج عسى المانع خير :msn-wink:

 

[قلب وعقل]

شوق الروح
قلب من الماس عرووووووووووووووسه يعني مو فاضيه هههههههه

 

[ذايب فيني ذوب]

ماعرف اجاوب انا وحدة عصبــــــــــــــــــــــــــــية اول حل الهواش ومداد البوز خخخخخخخخخخخخ خلني متفرج احسن

 

[قلب وعقل]

هذا من كيد بناتي​

كانوا دائما حاطين على قناة شدا ولأني كنت أجاهد في حفظ القرآن كانوا إذا جات انشودة (اقرأ كتاب الله) علو الصوت على الآخر بحيث لو كنت في الدور الثاتي أسمع وأنزل لهم بسرعه وعلى طول منسدحة وسط الصاله قدام التلفزيون ما فيني حيل قلبي يرفرف من تخيلي أنه ينشد علي مع كل حافظ للقرآن واتحمس للحفظ وأشد حيلي أكثر
وهذا هي الإنشوده تجنن وأنصحكم لا تفوتكم في قناة شدا/

اقرأ كتاب الله ترقى جنانه​

وتنل عظيم الأجر والغفران​

​

رتله روي القلب من نفحاته​

كالماء يروي لهفة العطشان​

​

أسعد به أبويك في أخراهما​

قلدهما من زينة التيجان​

​

عطر زوايا البيت من آياته ​

تزكي كنفح المسك والريحان​

​

في كل حرف قد جزيت بأجره​

ضعفا من المولى عظيم الشان​

​

قد خصه الرحمن أعظم رتبة​

أعظم برتبة حامل القرآن​

​

يا حاملا آي الكريم بصدره​

بشرى فتلك هدية الرحمن​

​

تتلوه يغشاك العظيم بفضله​

تعلوك منه سحائب الإحسان​

​

ويشع وجه طهارة ووضاءة ​

والقلب يملأه سنا الإيمان​

​

والروح إن عمرت بكل فضيلة​

لا لم تنلها قبضة الشيطان​

​

تحياه في دنياك عيش كرامة​

وتنال في أخراك ...جنان​

​

هو جنة هو رفعة وهداية​

وسبيل إسعاد ودرب أمانِ​

​

اقرأ.اقرأ.اقرأ كتاب الله​

اقرأ.اقرأ.اقرأ كتاب الله​

*​

*​

والحين باركوا لي ختمت الحفظ والحمد لله وصار ينشد لي وأتمنى تنضمون لي

​

​

​

​

​

 

[حبي لربي]

الف الف مبروك على حفظك والله فرحت لك عسى يكون شفيعا لك يوم القيامه

عاد انا بقول لكم موقفي اليوم


كنت اقراء في هذا الموضوع في الصفحات تتكلم عن الهديه وفجاه جاء زوجي من وراي وجالس يقراء
انا بغيت اطلع من الموضوع لكن فكرت وقلت له : ربي لا يحرمني منك صدق انك رومنسي مررررررره وطريقتك في تقديم الهديه حلوه مرررره مب مثل بعض الناس ما يعرف يقدم الهديه لزوجته اما يضربها مع عينها بالهديه او يدخل بها ويرميها عليها ...........
عاد تعالي شوفيه فرحان ومبسوط من المدح
ولما جاء بعد صلاه العشاء عطاني الف وقال: ما عرفت اختار لك هديه فقلت اعطيك فلوس احسن تشترين اللي تبين

هاه وش رايكم فيني تلميذه نجيبه ؟

 

[ريمان2008]

قلب وعقل ماشاء الله تبارك الله مبروك لحفظك القرآن جعله في ميزان حسناتك
ويارب يكون شفيع لك يوم القيامه

 

[شوق الروح]

الترحال* أعصابج خليها في فريزر ولا عاد اتطلعينها :crazy: تراها اتضر ما اتفيد أبد..وخليج على رواق واتطبخي زوجج على البااااارد يطلع طعمه أحلى وأنا اختج :blush-anim-cl: ولا شو رايج؟

قلب وعقل ماشاء الله تبارك الله ولا حول ولا قوة إلا بالله:a200:..حبيبتي الله يبارك لج في بناتج والله يحفظهم من كل شر اللهم آاااامين....حياتي ألف ألف مبروك:a122: عليج حفظ كتاب الله وعسى الله يجعله شفيع لج يوم القيامه آااااااااااامين يارب العالمين..أنتم السابقون ونحن اللاحقون بإذنه تعالى علمينا بجدول حفظج؟ ومع من حفظتي؟ وكم المده إلي خذها منج؟ ولا شو رايج تفتحين موضوع بهالخصوص؟ سامحيني بهالأسئله بس ترا موضوع الحفظ في بالي من زمااااااان :a025:وعلى إيدج إن شاء الله بتممه ويوصلج الأجر من بعد بنفعج بعلمج الغير..:c016:

حبي لربي يا كذا الكييييد يا إما بلاش :c011:....وصلتي للمطلوب حبيبتي من كل المواقف إلي قلناها وأبدعتي من عندج وصارت الأمور في صالحج..والله يرزقج كل خير وايسخر لج زوجج ويجعله مثل ما اتحبين وأحسن بعد اللهم آاااامين:a194:

 

[العروس الاسيرة]

مساء الخيرااااااااات بصراحه الاسئله صعبه بالمرررررررره احاول احل بعضها .....
1- شو تتصرفين؟ إذا زوجك كان مقصر عليك من الناحية المادية لكن على أهله وربعه ........................؟
انا من هذي الناحيه ما اخذ واعطي معاه لان اللي في راسه ما راح يغيره بس اسلوبي هو الانتقام ...كيف ؟؟
اشغل الانوار اللي في البيت كلها والمراوح والمكيفات واي آله كهربائيه تواجهني اضغط الزر واشغلها عشان تطلع فاتورة الكهرباءتعويض لي لانه دافع دافع .... احسن يستاهل ...
2- شو اتسوين إذا زوجج كثير السفر مع أصدقائه أو أهله بسبب وبدون سبب؟!! وإذا قلتيله أسافر معاك، ايعصب ...........؟
بصرررراحه مش عارفه افيدوني ؟؟؟؟؟؟
3- كيف اتكون ردة فعلج إذا زوجج مايهتم فيج عاطفيا أبدا لا بكلمه طيبه و لا ابتسامة رضا ولا يرد على مسجاتج الحلوه ولا ايعلق عليها حتى؟ ولو سألتي قال ماله داعي وهذي حركات أفلام ومسلسلات تافهه، ولا الكلام المعتاد كبرنا على هالسوالف؟!! :crazy:
هذي عندنا منها وااااااااااايد الحل بسيط ..
دايم اطلب منه كلام رومانسي حركات شي .... ما فيه؟ لحد مرررررررره قلت له شفت يقولون ماسكين وحده في شقه مع واحد والصاعقه انها متزوجه ؟؟؟ تتوقع ليش سوت كذا ؟؟؟ مسكينه اكيد زوجها ما يعطيها حقوقها ... المرأه تحتاج للعاطفه اكثر من الطفل الصغير وانها اذا صار عندها نقص تبدأ تبحث عن ما ينقصها يعني ممكن تقع في محرم تبحث عن شخص يشبعها عاطفيا بتقول يابنت بس مكالمات تعوض عن جفاف زوجي........... (( واللي انتم خابرين )) مو كل شي اكيد ما يطربها بكلام الغزل و المدح ( والشي اللي انا ابغاه ) مسكين زوجها ....... بس هو السبب الله يهديه لو انه مشبعها من كل النواحي كان ستر على نفسه واسمه وزوجته ....... (طبقوا وادعوا لي ... مجربه ؟؟؟)
4- شو اتسوين إذا كان زوجج كسووول ومسوووف درجه أولى ورامي شغل البيت كله على راسج العيال ...........؟
ما صار لي ذا الموقف .......... نوررررررررررررونا بردودكم .

للأمانه لم أقرأ اي مشاركه فيها حل للاسئله

 

[ذايب فيني ذوب]

فوق للشطورات

 

[قلب وعقل]

:essen:
حبي لربي
ريمان2008
بارك الله فيكم
شوق الروح
بارك الله فيك والفال لك
أما قصة حفظي فطويييييييييييييييله تحتاج ملفات
بارك الله فيك صار لي ثمان سنوات أحفظ شوي وانسى ومن سنه فاتت الله صخر لي مدرسه أروح لها يوم بعد يوم والحمد لله ختمت عندها بالمواظبه هذا باختصار....
الترحال
جزاك الله على الفوق للشطورات وبرد على أعصابك وخفف من مداد البوز...
العروس الأسيرة
ضحكتيني لأني مثلك في صرف الكهرباء بس إذا حرق دمي:icon28: لا وودي أشبك مكيفات الجيران السبعه في عدادنا:santa_1:!!!
أما قصة الشقه ما أنصح فيها:no: لأنها ممكن تقلب خراب بيوت لأنه فيه رجال ما يتفاهمون:icon28: ممكن يقول هذا تفكيرك؟!!! أجل طسي بيت أهلك وهاك الورقه:icon1366:!!!

 

[العروس الاسيرة]

وين النااااااااااااااااااااااااااااااااااااااااااااااااااااااااس؟؟

 

[ذايب فيني ذوب]

الموووووووضوع وقف؟

 

[قلب وعقل]

:icon26:الترحال:icon28:
أكيد وقف لأنكم ماتحطون مكايدكم اللي تشغل ذاكرتنا وتستدعي أفكارنا ههههههه
حيلهم بينهم في الإنعاش
الحقوا عليه الأسيرة:icon26: ريمان:icon26: سنيوريتا :icon26:صاحبة الموضوع المدمج والكل من عنده دم يوافق فصيلة المصاب نناشدكم التبرع هئ هئ هئ.:icon1366::icon1366::icon1366::icon1366::icon1366:

 

[ذايب فيني ذوب]

قلب وعقل خخخخخخخخخخخ والله لو راعية كيد كان اللحين علوووووم مير الله اقوى

 

[أم آلاء السلفية]

السلام عليكم

أحببت أن أشكركن فمن لا يشكر الناس لا يشكر الله

قد استفدت كثيييييييييرا
وزوجي المسكين جعلته حقل تجاربي الكيدية

والحمدلله على النعمة

 

[شوق الروح]

صباح الخير ولا مساء الخير على حسب الوقت إلي دخلتو فيه :in_love:........افتقدكم واااااايد وافتقدت مواقف كيدكم أكثر خخخخخخخخ :nosweat:........من دريت إن الموضوع تعبان جدا ووصل لحالة الإنعاش جيت هابه لإنقاذه ترى الحبر مايصر ماي أقصد الدم ههههههه وهالموضوع كان أول مواضيعي في المنتدى يعني مثل ولدي ومحد يهون عليه ولده :shutup: أقول حبيباتي أشوف لهنا وجاء الوقت إلي انلخص النقاط إلي اتعلمناها من مدرسة الكيد الأنثوي في نقاط اتظل اتنور طريق الزوجات الجدد والقدامى بس ساهين عن الكيد وفوايده ولا وصلهم العلم بموضوعنا خخخخخخ :shiny:
وحابه أشكر كل من شاركت وخصصت من وقتها وعطتنا وأفادتنا ولو مرت حتى وماكتبت بس ذكرتنا بدعوة طيبه في ظهر الغيب :icon26: لي عوده إن شاء الله وسامحوني على القصور :bye1:
​

 

[البشاير]

قلب وعقل
العروس الأسيرة
شوق الروح
هيرت بيت
ريما نوفا
كلكم كلكم الله يسعدكم يارب يا حبيلكم :in_love:

وأخيرا خلصت الصفحات في وقت قياسي :clap:

يعجبني الدهااااء مع الذكاااااء ... مع رشة خفيفة كيد النساء :sly:

بإنتظاركم دائما حبايبي الله ييسر أموركم وكل إلي كتبتوه في ميزان حسناتكم إن شاء الله

دمتن بخير :blush-anim-cl: