حيـــاتي الزوجيه

[وعد الكويت]

السلام عليكم ورحمته الله وبركاته
انا متزوجه من خمس سنوات ونص وعندي والحمدلله ولدين وحامل واول شي زوجي يحبني ولكن يحب شي اسمه تليفون اقصد بحكم شغله يحب يكلم الحريم واذا مسك التليفون ما يسكره الا بعد ساعه واكثر حتى صرت ما احب شي اسمه موبايل انا اول زواجنا كنت اقول عادي يكلمهم اشوي ويسكر وكله بخصوص العمل بس بعدين اكتشفت ان بس اول المكالمه عن الشغل وبعدين سوالف مالها اي مبرر ان يتكلم معاهم بمواضيع بره الشغل اقصد عن حياتهم وشنو سوت وين راحت المهم انا صرت اتضايق من هالمكالمات بعد فتره توفي صاحب العمل رحمه الله منذ ثلاث سنوات والحمدلله قلت الاتصالات بس في جم وحده معينه يتصلون لي الحين والله ماني عارفه كيف امنعهم من الاتصال بس الحمدلله قدرت ابعد جم وحده منهم ومره من المرات شكيت ان في علاقه بينه وبين وحده منهم وصج طلع ضني في محله واجهته وا نكر قال صح وانه ناوي يتزوجهاااااا وقتها انا انصدمت ليش سنو السبب قال بس انا ابي اتزوج وانتي ما تقدرين تمنعيني الشرع حلل لي اربع قلته صح بس اذا فيني عيب وانا ولله الحمد الكل يشهد باني مو ناقصني اي شي جمال واخلاق ولله الحمد وحتى علاقتنا الحمدلله ما كنت مقصره معاه باي شي قبل لا يطلب الشي يكون عنده وافهمني ان يبي يتزوج علشان ضروفنا الماديه ضعيفه بحكم اني انا ما اشتغل وان باجر لي يتزوج انها بتساعده وانا بتصرف علينا من هالكلام طبعا هذا الكلام بس حقي يقوله وبعدين قدرت اعرف منو البنت منو اهلها ورقمها وعنوان بيتها المهم جمعت معلوماتي ورتبت خطواتي لين قدرت اوصل لها مره دقيت عليها وقتلها ان زوجي يبيج مصلحه لانها مدرسه ومعاشهه قوي ولا بعد عدت الثلاثين يعني فرصه الزواج قليله بالنسبه لها بحكم عمرها فوق الثلاثين علشان جذي تمسكت بزوجي وبنت عليه امال والمشكله تعرفون شنو .......................................................
.....................................................
راجعه بالاحداث المهمه انتظررووووني

 

[فتاه]

بالانتظااااااار

 

[انا اعترض]

فلم هندي هو علشان ترجعين بالاحداث ؟؟ الله يعينج

 

[{نوتيلا}]

كملي الله يفرج همك

 

[ام محمد وعلي]

الله يفرجها عليج ان شاء الله

 

[زهرة في الصحراء]

كملي الله يفرج همك

 

[.• ღ ǼɱṒṒᵰӑh ღ]

اي وبعديين كملي :23:
​

 

[وعد الكويت]

فلم هندي هو علشان ترجعين بالاحداث ؟؟ الله يعينج

ليش التجريح

 

[ام علي بن محمد]

ليش التجريح

معليش حيااتي كملي انا اسمعك
والي مو عا:22:اجبه لايدخل ويرد من الاساااس

 

[ملاك جذاب]

ننتظرك لاتطولي

 

[الحزينة جدا]

كملي وبعدين

 

[وعد الكويت]

اكمل الموضوع بس الي موعاجه الحكي لايدخل
المشكله انها تعرفني عدل جم مره قعدت معاها من قبل لا يتوفى صاحب العمل لاني كنت اروح مع زوجي يعني اعرفها واعرف اهلها اول ما قالي زوجي الموضوع كنت منصدمه اقول بيني وبين نفسي اشلون جذي شلون رضت انها تاخذ زوجي وهي كانت قبل تشوفنا نجي انا وزوجي مع بعض ونروح مع بعض حتى فكرت ان اشلون اهلها يرضون يعطون واحد متزوج بعدين اكتشفت ان اهلها مايدرون بموضوع الزواج اللي بينهم بس هي وخواتها يعرفون وامهم لا ما تعرف شي ضليت اراقب تليفونه والمكالمات اللي بينهم لين وصلت حق رقمها ورقم بيت اهلها وضليت اخطط حق حل اني اوصل حق اسمها بالكامل يعني بنت منو ومن اي عائله ونفذت الخطه واتصلت على اهلها وسويت نفسي اني مندوبه انتخابات لانه كان وقت انتخابات عندنا وخذيت المعلومات اللي ابيها اسمها بالكامل وين تشتغل ومنو بالبيت جم اخو وجم اخت وعرفت كل شي عنها وبعدين خططت اني اكلم اخوانها بس وقتها ما عندي دليل وانتظرت لي حصلت على دليل الاخت كانت تطرش صورها حق زوجي وتصدقون لو تشوفون الصور والله انكم تقولون اشلون يفكر يتزوج وحده من هالنوع والله ان الصور في قمه الرذاله واخذت الصور من تليفونها لي تليفوني بعدين على طول حطيتهم بفلاش مومري وخططت اني اهددها بالصور ودقيت عليهاوقتلها اني راح اطرش الصور لي بيتهم واللي يصير يصير انا ما يهمني انتي اللي بنتفضحين وخافت بس اول شي ما صدقت على بالها انا اجذب عليها قلت لها مواصفات الصور اللي هي مطرشتها وصدقت وقلت لها ان زوجي مفهما انه يحبها وان يبيها وان ما يقدريستغنا عنها وكل هذا جذب والصج ان اهو طمعان فيج وبمعاشج وانه ما يحبج اصلا اتصدقون انها كانت ناويه تاخذ قرض وتعطيه بس الحمدلله اني علمتها بكل شي عنه وانها مفكره ان انسان ملتزم بصلاه وصيام وان انسان دين بس والله كل اللي يكلمهم يعتقدون هالشي ان انسان ملتزم دينيا وهو لا صلاه ولا صيام ولايعرف قبله ربه وين صايره بس جدام الناس اقصد اللي يكلمهم البنات المهم نرجع حق موضوعنا علمتها بكل شي عنه وان انسان بس جدام الناس ملتزم وانا يبيها على طمع وقتلها ابعدي عن طريقي انا وزوجي احسن وقلتها بسالفه الصور اللي عندي وقالت ابعد بس بشرط تمسحين الصور اللي عند زوجج قلت لها اوكي بس الصور اللي عندي لا اخاف تردين تكلمينه احلفت وقالت ماراح ارجع ولا اكلمه ولاارد على مكالماته والحمدلله ابعدت وارتحت منها بس ضل متضايق وزعلان ويدور السبب اللي خلاها ما ترد عليه وجا يكلمني ويهاوشني يقول انتي السبب وانتي اكيد قلتيلها شي وضليت انكر واقول اني مالي شغل بالموضوع نهائيا وصدق وبعدها بفتره يالله رجع نفس اول يكلمني ورجعت حياتنا طبيعيه بس انا كنت ما اصدق منه اي كلمه واي شي كان يقوله لاني انجرحت منه وكرهت كل شي بيني وبينه خذيت لي فتره حاولت اتأقلم معاه واعيش حياتي المهم ضل فتره ورجع نفس اول حق التليفونات وكل وحده يكلمها فتره ويقطع عنها والله اني اموت باليوم اكثر من مره بس شسوي احبه وما اقدر ابعد عنه وخذيت فتره اسوي نفسي مو مهتمه باي شي يسوي لاحظ هالشي فيني وقام يهتم فيني ويدللني بس المكالمات اهي اهي ما ني عارفه هل هو مرض او شي ثاني .........................................................

سأعود لكم مع التكمله

 

[سآكنـ بـ روحيـ]

الله يهديه ويسخره لك

انتظر التكمله

 

[سهرانة حيرانة]

الله يعينج

كملي بالانتظار

 

[الحب زوجي وبنتي]

الله يسخره لك يارب والله ياحبيبتي قاعده ادعيللك من كل قلبي ,,,كملي ياعمري نسمعك,,,

 

[انا اعترض]

ليش التجريح

لا جرحت ولا قصدت التجريح .. انتي كاتبه انج بترجعين بالاحداث المهمه كانج تشوقينا لقصتج . مو حلوه هالحركه ترى مثل ما انتي مو فاضيه تكتبين قصتج مره وحده حتى احنا مو فاضيين نقرا قصتج .. احنا هني نعين ونعاون .. يعني انتي يوم كتبتي هني هذا معناته طلبتي المشوره وراينا فاعتقد ان افضل طريقه لتحصلين المشوره انج تكتبين القصه والسؤال مع بعض مو راجعه بالاحداث المهمه ومادري شو .. على العموم اسمحيلي اختي ما اقصد التجريح .
:9: وهذي الهديه علشانج

 

[amoon2]

حبوبة الله يعينج وحاسة فيج لألآنه البنات اللي في الشغل يتمادا وااايد مب من ريلج بس

من البنت اللي تركض ورا الرجاجيل ما عليج منهم ما دام ريلج يحبج واللحين البنات كله طايحات في مجالات شغل الرجاجيل هذا الانتفتاح ما سوا

والله يعينا من هالبنات طبعا مب كلهم ​

 

[دلع الدلوعة]

حبيبتي مب اللاريلج جيه الريايل احين كلهم مريضين بهالمرض0000الله ايعينج ويصبرج00ومانقول غير حسبي الله ونعم الوكيل والله ايصبرنا

 

[وعد الكويت]

اكمل لكم الموضوع
صارت حياتي ممله مالها اي طعم حاولت اطنش واعيش حياتي بدون ما اذكر اي شي من اللي صار بعد فتره صار عرس بنت خالتي وقالي توحين بس بشرط ما ترقصين ولا تصورين ولا تسوين شي قلت اوكي ما ارقص ولا شي المهم رحت واستانست ورقصت بس ما علمته اني رقصت وبعد مارجعت البيت اول شي سألني رقصتي قلت لا وقال لاتجذبين قلت ما رقصت ولا شي وهو متأكد اني رقصت كأنه كان معانا بالعرس وزعل وتهاوش معاي على هذا السبب س انا استغربت منو اللي قاله سالت اختي قالت لا ما سالني ولا شي بعدها بسبوع غير تليفونه وشرى جهاز جديد لانه مستحيل يغير رقمه وانتم تعرفون السبب اخذت التليفون الجديد وحطيت على رسائل اس ام اس اقصد اللي كانت بالخط ولقيت رقم وحده انا اعرفها وكاتبه بالتفصيل شنو سويت بالعرس واهي تكون جارتنا وانصدمت وعلى طول رحت صرخت وقلبت الدنيا عليه وشنو سوى قلب الموضوع علي لانه هذي طريقته بالدفاع عن النفس وحط الموضوع كله علي ان انا الغلطاته بس ما سكت رحت بيتها وفضحتها جدام عيالها اهي مطلقه وعيالها كبار بالعشرينات اعمارهم طبعا انصدمت مني شلون عرفت وريتها الرساله مالتها علشان ما تنكر لاني صورتها بتليفوني وحلفت ان اهو يدق ويحاول يكلمها ولا بعد يكلمها عن الجنس والله انها اكبر من امي ولو تشوفونها متينه ولا بعد قصيره والوجه الحمدلله على العافيه والله ما ني عارفه ليش اهو جذي والله اني مو قصره معاه بكل شي تدرون ان لمه يكون معاي اقصد بالاوقات الحميميه ولا بالفراش واحنا نكون بوضع انتو تعرفون شنو اقصد انه يتكلم على حريم ثانيه ويوصفها ويتغزل وشلون شكلها وشلون جسمها والله اني اقوم منه واكره نفسي واحتقر نفسي لدرجه اني اقعد بالحمام بالساعات وضل يناديني ويتأسف ويحلف ويقول اخر مره بعد ما اعيدها ويرجع يعيدها بشي اكبر من اللي قبل ......................................... اكمل بعدين لانه زوجي وصل البيت

 

[نورة النورة]

بانتظارك عزيزتى
كان الله فى عونك​