حياتي معاه عذاب

ج

جرحك لي حرام

New member
إنضم
2011/02/17
المشاركات
9
السلام عليكم ورحمة الله وبركاته

أنا أول مره أنزل موضوع يخص حياتي بمنتدي لكن حابه أستفيد من تجارب الاخوات ونصايحكم لعلي أجد بها ماينقذ هذه الاسره التي أشعر أنها علي وشك الانهيار

متزوجه من ست سنوات لدي أطفال والحمدلله ولكن زوجي هو مشكلتي فيده طويله جدا عند أتفه موضوع تجدونه يضرب ويهجر ويهدد ويتوعد أشعر أن أطفال اصبحوا معقدين فالخوف متملكهم عند أي مشكله يسألوني دائم ماما راح تروحين وتخلينا ...ماما أحنا نحبك ونكره بابا ...ماما خذينا معاك إذا رحتي عند جده

مثلا أخر مره جلس فيها معانا على غداء او عشاء كان يوم الاثنين ومن يوم الثلاثاء جاله واحد من أصحابه من الرياض والله من وقت مايصحى يخذل له دش ويلبس ويخرج واذا سألته قال هذا صاحبي جاي من مكان بعيد ماأ قدر أخليه لازم أكون معاه (اجل تخلينا انا وعيالك لاتقابلنا لا على غداء او عشاء )صبرت اول يوم وثاني يوم لكن اليوم ماقدرت وجلست أتكلم واخاصم واسب من اللي فيني قام وضربني قدام عيالي ويقول وش تبغين فيني خليني أروح مع أصحابي لاأشوفك تفتحين فمك وتعترضين والله لوتدقين على جوالي إني لاأكسرك

وانا يابنات مقهوره ان صبرت أحس اني ظلمت نفسي وعيالي وان تكلمت أنهنت واندعس على كرامتي والله ماتصدقون كم ساعه في اليوم مانشوفه حوالي 10 ساعات

أبي منكم تساعدوني بحل أودعوه ومشكورين

 
شوفي عزيزتي الريال اللي يتعود على الضرب بيظل يضرب على طول لأن الطرف الثاني اللي هو الزوجه ساكته وما وقفته عند حده ودايما تفكرون في عيالكم وبس
بس ما فكرت إنه في يوم من الايام العيال بيكبرون وكل واحد بيعيش حياته إلا إنت يالزوجه بتظل حياتج كلها إهانات هذا إذا ما ياتج امراض من الضرب والصبر والقهر عزيزتي الساكت عن الحق شيطان أخرس فلا تكوني كذلك تظلي صابره وساكته وهو خلاص تعود على هالشي ولو حاولتي تغيريه بيكون فات الأوان عزيزتي هدديه إنج راح تتركين له البيت والعيال بس بدون ما يسمعون عيالج عشان ما يتأثرون وطنشيه ما شي يقهر الريال مثل التطنيش والامبالاه ويمكن الأخوات عندهم حلول افضل
 
وانتي وش تبغين فيه مدامه دايم يضربك ويسبك؟؟ياختي فرقاااه عيد..

خليه يطس عند صاحبه المفروض تفرحين اذا ذلف عند صاحبه وتاخذين راحتك انتي

وعيالك..ترى الحياة مو متوقفه على رجل..الحياة اكبر واحلى من كذا بكثير...

شوفي ماعندك الا حلين/

1) ياتعلمين اهلك وتروحين عندهم وتخليهم يأدبون هالثور ويوقفونه عند حده...
2) او اجلسي ببيتك وحاولي تنشغلين عنه بنفسك وعيالك وببيتك...

بس عندي استفسار صغنون(كيف اسلوبك لماتتكلمي معاه وتطلبي منه يجلس بالبيت؟؟يعني صراخ؟؟ او بهدؤ؟؟؟
 
انتي تقولي وش تبغين فيه انا يالاستاذه حكمت أبغى أكون مثل باقي البنات زوج يجلس معي ويكلمني واكلمه اب يلعب مع اطفاله ويحكي لهم وكمان يخرج أنا ماأمنعه بس يعطيني من وقته ويعطي عيالي وترى انا مو حرمه كبيره ترى عمري 27 ودي استمتع بحياتي وبزوجي وباطفالي يعني هذا حلال على غيري حرام علي
وبعدين أكلمه أنه يجلس معانا على حسب مرات كثير بالهدوء مرات بالعصبيه بس تكون بالعصبيه إذا حسيت أنه هضم حقي وحق عيالي بالحياه يعني لاخرجه ولاطلعه أقوم ساعتها أصارخ وأرفع صوتي بس المشكله أن لهذا نافع ولا هذا نافع تدرين المشكله فين أنا أحسها أنه شخص يحب بل يعشق أصحابه ويبغي زوجه تخلف وتربي وشغاله (الزوجه )تنظف وترتب وتجلس في البيت مع العيال
 
ياحبيبتي هذا قدرك فارضي به
الله كتب لك هذا الرجل وكتب لغيرك رجل اخر
لامجال للمقارنه والا سوف تتعب نفسيتك للغايه
ارجووك لاتقارني زوجك بازواج غيرك
فهذا قدرك
ومكتوب لك
لك حلين فقط
اما ان تذهبي لاهلك وتتطلبي مساعدته لاكن انتبهي فسوف تكبر المشكله

او ان تتركيه على راحته وتعيشي في بيتك الاهم ان يصرف عليك ويحترمك ولااااااااااااااااايضربك وان لايمنعك من الخروج بتاتا
 
جربي معه السياسه والكلام الحلو ولا تدققين ع طلعاته بيني له انك مشغوله عنه. بعضهم يعاند اذا دققتي ع طلعاته ولكن التطنيش يجيبهم. الله يوفقك.
 
اشكركم على ردودكم (الملاحه _الاستاذه حكمت _مزايا أنسانه_رمقة وفا)
دعواتكم
 
الله يعينك اختي الكريمه ويسخر لج زوجج .. استغفري وقبل لا تكلمينه عن القعده وياكم اقري الحمد بنية بقلب ولسان وعقل خلي نفسك كلها لله تعالى وان شاء الله تحصلين زوجك راجع وقاعد وياكم اما عن قضية الضرب المفروض توقفينه عند حده اختي او تغيرين معاملتج انتي معاه يعني تحاولين تطلبين اللي تبغينه باسلوب ثاني والله اني استفدت وايد من ها المنتدى ومن البنات جزاهن الله خير والله يفك ضيقك ويفرج همك ان شاء الله
 
بسم الله الرحمن الرحيم

أختي الغاليه(جرحك لي حرام)

تحيه طيبه وبعد

حياك الله وبياك معنا في هذا المنتدى نسأل الله لنا ولك الجوار والصحبه في الفردوس الأعلى

حبيتي اجارك الله على ما ابتلاك من زوجك اصلحه الله
وتيمننا بقول المصطفى صلى الله عليه وسلم ((استوصوا بالنساء خيراً))

انا معك فى مشكلتك ولو ان لى عتبا بسيط كان لابد ان يكون ردك للأولاد بأن لاتكرهوا والدكم فهو الاب الذي يجب ان يظهر بصوره مشرفه بعيد الابناء

هل ترفعين نبرة صوتك اثناء نقاشك معه مما يؤدي ذلك لوصول الامر لحد الضرب؟

اما هي طبيعه بزوجك او عاده مكتسبه لديه؟

لانا لكلا الحالتين حل وجوده مع صاحبه خلال هذه الفتره ليس بالامر المحزن فهذا من واجب اكرام الضيف لا يستوجب غضبك الان زوجك موتواجد معك طووال العمر والضيف موجود لفترة محددة كان من المفروض ان تحسني اختيار وقت المنافشه حتى يكون مستعدا لذلك

اما موضوع ضربه لك فلابد ان يكون هناك موقف حازم من جانبك وجانب الاهل


​
 
ياأختي زوج عصبي همجي يضربك على أتفه الامور الافضل لاولادك أن يجلس معهم ساعة واحدة....ساعة واحدة تكون برضاته ويكون فيها مزاجه هادي ورايق أفضل من أن تشحذي جلوسه معكم وطبعا سينفجر بركان غضبه وعصبيته عليكي وعلى أولادك....زوجك اذا كان متل ماعم تقولي بهذا الكم من العصبية هو إذا بحاجة لمرشد نفسي إنتي لوحدك لن تستطيعي إعادة تأهيله وزرع العطف والرحمة في قلبه...كل ماعليكي أن تتحاشيه وتتفاديه في أوقات عصبيته ...وارضي بالقليل منه اذ لايمكن أن تتوقعي الكثير من شخص بهذه الصفة ...أوجدي لك ولأطفالك متنفسا كأن تخرجي معهم ومع أخواتك وصديقاتك للحدائق والملاهي ويكفي أن يروكي أنتي هادئة ومتسامحة ومتزنة أفضل من أن تكونا معا عصبين وفي حالة انفعال وغضب!!! ...تريدينه أن يلعب دوره كأب ؟؟ وماذا تفعلين اذا كان هو يرفض أن يأخذ هذا الدور ويقلب حياتك ضربا وشتما اذا طالبتي بحقك وحق أولادك؟؟؟...كوني أنتي الأم والأب واغدقي عليهم من العطف والرحمة ماافتقدوه من أباهم وعوضي بحبهم لك وتعلقهم بك ماحرمتني منه من زوجك ...وبنفس الوقت لاتهمليه راعيه وقومي بواجبك تجاهه بما يمليه عليكي ضميرك ودينك وحاولي أن تخلقي ولو ساعة واحدة في اليوم يكون فيها زوجك رايق كي يشرب الشاي أو القهوة معك بوجود أولادك أيضا ولاتفتحي معه فيها أي موضوع اتركيه هو يتحدث أو دعي أطفالك يتحدثون معه لربما يلين قلبه ويتعود شيئا فشيئا على قضاء وقت معكم...ولاتنسي أهمية قراءة سورة البقرة والاستغفار والدعاء أن يحنن قلبه عليكم ويسخره لكم عاجلا غير آجل يااااااااااااااااااارب.
 
مشكورين علي الردود وصدقيني موجد في نفس المدينه أصدقاء لهذا الرجل غير زوجي وايضا هو يسكن في فندق مو موجود في بيتنا ولمن أقول لزوجي جيبه خله يتغدي عندنا بدل هجولتكم في شوارع جده يقول لا يعني زوجي بايعنا أنا اللحين أحس بندم كبير أني قاعده أجري وراى شخص بايع عياله وبيته لكن راح أستخدم أسلوب التطنيش والهجر بالهجر اللين ماشوف نهايتها مع هذا الزوج
 
أختي عليك بالدعاء ثم اقرئي أنماط الشخصية لتعرفي نوعية زوجك وكيفية التعامل معه

وكذلك عليك بطلب المساعدة من أحدأقاربة أبوةأوأحدأخوته وأهلك لايدخلوا اذاكان زوجك

عصبي (أنامجربة) وحاولي في وقت ماتعرفي إن زوجك هادي تفهميه إنك تحبيه ولكن مد يده يعذبك ولو

علشان عياله والله معاك وأكثري من الا ستغفار ياأختي
 
تصدقين زوجي ما اشوفه الا مع قهوة الصباح لانه يكون معنا انا وامه نتقهوي ويجي معنا وباقى اليوم مع ربعه واخوانه واذا جاء للبيت يجلس على النت ولا اشتكيك لانى احب روحي واحب الحياة فليش ادور النكد والهم واذ خلص من النت جاء وحط راسه وناااااااام
ريحي مخك وانتى تعبانه الان من صديقه كوده ينقلع عنكم يارب ويرجع لاهله
 
الله يفرج همك يارب ويعينك ..
بس اذا تعود على الضرب هذي اكبر مشكلة ..
لازم ماتخليه يهينك لازم يحترمك ويقدرك لازم توقفينه عند حده .. والله يصبرك عليه.. بس بدون مشاكل وصراخ بالتفاهم كل شيء ان شاء الله ينحل ..

الله يهون عليك ويفرج همك يارب
 
مشكورين علي الردود اللي تريح يحس الواحد ان معه أحد يسمعه ويواسيه
وانشاء الله كله بميزان حسناتكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل