حياتي راح تنتهي ... لا تخذلوني

ح

حزن الماضي

New member
إنضم
2010/04/16
المشاركات
36
السلام عليكم ..

بنات انا منهارة تماما .. مدري من وين ابدأ ووين انتهي ..

كل يومين مشكلة ..

الشك والغيرة ذبحتني ..

ما ابي اخسره .. اولادي كاسرين ظهري .. احبه ..

فاشلة مو قادرة اسعده ..

تعبت والله العظيم تعبت ..

صار عندي اكتئاب حااد .. صرت افكر بالانتحار .. مايردني الا انه حرام ..

صرت قاسية جدا على نفسي واولادي

حالتي حاله .. وزوجي راح يضيع مني ..

من شي تافه ممكن يسوي مشكله ..

محتارة بين الطلاق او الاستمرار ..

مشكلتنا مافي تواصل .. وكل واحد بجهه ..

مايهتم بعلاقته فينا ابدا ..

يتكلم ويجرح على كيفه .. اذا زعلت ضرب الباب وطلع ومايرد الا ينام ..

مايحاول ابدا يصلح اللي بيني وبينه ..

فكرت اخونه بس عرفت انه مو حل ...

ودي اطنشه واعيش حياتي ما قدرت لانه حابسني في البيت .. مو راضي اني اتوظف .. ولا راضي يدخلني دورات .. ولا راضي يأثث بيتي مثل العالم والناس عشان استقبل احد فيه .. ولا يوديني لمعارفي الا بشق الانفس او اذا براسه مشوار ..

كل ما تكلمت قال مو فاضيلك ..

يقول ما تساعديني في حياتي .. قلت له مو واضحة حياتك فهمني وش عندك وش مخططاتك للمستقبل وانا كلي لك اساعدك واوقف جنبك .. اما تطنشني ومو جنبي ابدا وكل يوم تجريح وهواش ..

طلبت سواق ما رضى ..

طلبت مصروف قال لا

طلبت معاملة زينه واحترام . مررة ماعنده

احس اني تعبت ..

ارجووووكم ابي بيتي واولادي وزوجي ...

مدري وش اسوي .. بقولكم اخر سالفة بيني وبينه وحلوها انتم ..

جا من الدوام وانا كاشخة ولابسه عدساتي وميك اب ناعم ..

رحت لعنده وضحكت معاه ..

وجبت قهوة وحلا ..

بس اكل من الحلا قال ليه باارد الله .... يدعي علي

قلت له والله سخنته واكلت من الحلا قلت حرام عليك مو بارد دافي انا متعمدة يصير كذا حلوة درجة حرارته

طبعا لعلمكم رافض يجيب لي مايكرويف ..

قام وخلا القهوة

وراح يلعب مع ولده وانا جلست على النت

شوي الا اولادي يقولون بابا انجرحت رجله .. بسرعه رحت اشوفه وجبت علبة المناديل قلت له اجلس بروح اجيب معقم وانظف لك الجرح قال لا ... وكان صاد عني شوي .. قمت خلاص تركته

شوي و طلع .. ولا عاد جا الا وقت النوم .. انا كنت معصبببة ما تستاهل السالفة ... وهو وعدني نروح سوا مشوار بس استغل الزعلة وطلع لوحده .. ما كلمته .. فتحت جواله حصلت رقمه في البلوتوث .. تجننت .. بس هديت حالي شوي .. ورحت له وضميته من ورا وقلت له . روقت .. وطنشني ..
قلت له حلا بارد مرررة ماهي سالفة .. حتى لو فعلا بارد قول سخنيه وجيبيه وانتهى الموضوع مو تزعل وتطلع

وهو على الصامت ويروح ينام ..

انا انقهرررت منه مررة .. وصوت اصارخ عليه وقلت كلام كثير عنه وعن اسلوبه في التعامل تكلمت كثير مايرد ابدا

غير اطلعي برا وطفي النور بنام

احد يفهمني وش السالفة وش صار

احد يعلمني هالكائن وش سالفته

طبعا هذا غيض من فيض

كل يوم كذا

راحت ايامي .. وضاع عمري

طبعا ماراح تصدقون ان الموضوع وصل للطلاق .. اصلا اي شي يصير بيننا نوصل فيه للطلاق ..

انا احترت كثيييير .. افكر اتطلق فعلا بس اولادي ..

هو ماعنده اسلوب ولا كلام حلو .. كل يوم سيرة المسيار والزوجة الثانية وغيره وغيره

علاقتنا الخاصة تمام .. وفيها ممكن يقول كلام حلو كثير لكن بس يقوم يختلف ويصير بس يجرح

انا مو ناقصني شي غير هالحزن والكابة اللي صارت مرسومة على وجهي

تعبت ..

انا محتاجة اكلم وحدة خبيرة ومتخصصة تاخذ بيدي وتفهمني شخصيتي وشخصية زوجي

والله العظيم ادري بتقولون السالفة ماتستاهل لكن والله انه قال باطلقك بعد اسبوعين بعد الدورة يعني

في اشياء ما قلتها

دلوووني تكفوون على الدكتورة ناعمة الهاشمي بكلمها شخصيا وافهم منها

كل يوم يتكرر هالموقف كل يوم كل يوم

ابي اعيش

كل ماقلت اليوم حلو بسوي فيه واسوي يتنكد يومي

لاحول ولاقوة الا بالله

ردودكم تحت المراقبة

وابي اوصل للدكتورة ناعمة ارجوووووووكم
 
لاحول ولا قووة الا بالله ،،
أن شاء ربي يسهلها لك وتقدرين توصلين للاستاذه ناعمه
 
لاحول ولاقوة إلا بالله
الله ييسرلك أمورك يارب
والله ماعندي فكره عن كيفية التواصل مع الدكتوره
 
مشكورين على ردودكم

يااارب تساعدني

اللي ماعندها مشورة لي تدعي لي
 
اختي انت مافيك صبر لمه حضنتي زوجك وحاولت ترضينه هو يتغلى عليك وطنش لأنه يبيك تدلعينه أكثر وانت غلطتي لمه صرختي عليه وقلتيله كلام أكيد جرحه موبهالطريقه تنحل الأمور اصبري عليه وسايريه وأذا تبين تغيرين زوجك لازم انتي تتغيرين عامليه زين واحترميه واذا غلط عليك لاتردين واذا عصب لاتكلمينه اتركي لين يهدا واهتمي بنفسك دايما وحاولي تشغلين نفسك بأي شي عنه دلعي نفسك واهتمي فيها ولاتنتظرين منه مدح وخذي الامور دايما ببساطه ولاتسوين مشاكل على أمور تافه ومنتدى بلقيس تلقين مواضيع كثيره حلوة وبتساعدك شلون تتعاملين مع زوجك وتكسبينه لصفك والله يوفقك
 
حلا شرقي
فديت طلتك
مشكورة حبيبتي على ردك وفعلا معاك حق انا ابدا مو صبورة

اصلا حسيت بالاهانة لاني اراضيه وهو صدني

وهاذي حالتنا

انا ما اطيق زعله لان ماعندي غيره طووووول اليوم انتظره يجي من الدوام ويوم يجي يزعلني ويتمشكل على اتفه سبب

انا صراحة حاليا كلش معصبة مو قادرة استرخي

ابي حل
 
امانة بنات ردوا علي

انا سويت اختبار لشخصيته طلع شمالي شرقي

هل فعلا هاذي تصرفات شمالي شرقي

لاني احترت مع اختبار الشخصية ماعرفت له
 
أصلح مابينك وبين الله يصلح نما بينك وبين الناس
واضح ان اللي يصير بينكم شي عادي ويصير بين كل المتزوجين

لكن حاولي تبحثي عن الاسباب الفعلية
الزمي الصلاة والتقوى والدعاء
وربي يفرجها عليك ويسعدك مع زوجك
 
عروس 1431

الف مبروك حبيبتي لك والله يسعدك دنيا واخرة

تدرين دايما افكر كذا ..
وزوجي مرة قال لما اجي واشوفك كذا منهارة وتنكدين علي اتذكر شي سويته واقول هذا شؤم المعصية
فعلا مشاكلنا جدا تافهه لكن وصل للطلاق .. انا اكون هادية الين ما اشوفه وانفجر حتى لو خططت اني اطنش وما اكلمه ما اقدر في شي داخلي يجرني الين عنده واتكلم عليه وانكد عليه

محد معصوم من الخطأ
اسأل الله ان يصلح حالنا وحال المسلمين

 
اللهم اني اساله بانك الواحد الاحد الفرد الصمد لا شريك لك ولا ولد ان تفرج ما بها
هدي اعصابك حبيبتي ولا تحرقي في نفسك وتذكري ان الدنيا زايله وداوم الحال من المحال
طنشيه وخليك عند عيالك هم اهم شي ولا تفكري في شي ثاني
وعليك بالدعاء والاستغفار وربي يفرج همك وهم كل مهمومه يارب
 
حبيبتي أكثر الرجال اليوم بهالطريقه
حتى زوجي كله برع بس آخر اليوم ينام فالبيت
انتي اخلقي لنفسج جو ايماني وجو طاعات وثواب ودوم قولي لنفسج باب اجر واطفالج نعمة من الله
انا أفكر بهالطريقة واهتمي بنفسيتح بنقوية الإيمان واهتمي بشكلج وجمالج قالبيت
أنسي وجوده ويوم يكون عندج جربي كوني حنونه ع الأخر
اعتبريه طفل ودلليه وادعيله بطريقه حلوه كأنج تسمعين صوتج وكلماتج لطفلج الصغير
جربي هالإسلوب حاليا
والله يكون فعون الجميع
 
حزن الماضي كيف اتواصل مع استاذتنا ناعمه وانا في القصيم اقله ودي ارسل صورة زوجي علشان تدلني على كيف اتعامل معه زوجي جججججججججججنوبييييييييييييييييييييييييييييييييييييييييي:10:
 
عفوا محبة مكه كيف اتواصل مع استاذتنا ناعمه
 
اختي الغاليه باين انك تحتاجين الى علاج نفسي يهدي اعصابك حتى تستطيعي ان تتحملي هفواته وزلاته بقلب ونفس هاديه اذهبي الى استشاريه نفسيه واساليها والله انك سترتاحين باذن الله عن تجربه من كثير من الاخوات تغيرت حياتهم حتى الازواج تغيروا للافضل
 
نقاء .. جزاك الله خير على دعوتك لي ..
الله يفرج همي .. امين



ام نسايم .. هلافيك .. ومشكورة على الرد
ماقدرت اندمج في اي نشاط لوحدي .. احس بوحدة قاتلة
سجلت في كورس انجلش عن طريق النت وكورس تصميم ازياء .. لكن اهملتهم ماقدرت
دايم زوجي يدور في راسي .. كل يوم طالع له بطلعة يجرح ويطلع ويطنش وانا ماعندي احد .. ابي اشوف العالم والناس واحس اني طبيعيه .
وزوجي مررررررة حاطني على جنب .. او انا احس كذا .. لانه هو يقول ماقصرت عليك وش ناقصك .. يشوف انه ما قصر بشي






عصفر .. هلا فيك .. رابط التواصل مع الدكتورة في الصفحة الاولى ..



الخنساء المعاصر ..
مدري وش اقولك ..
الله يجزاك خير يارب .. ومشكورة على ردك
 
زوجك راكنك على جنب مثل ماتقولين لأنك ياعزيزتي نكديه وتسوين من الحبه قبه سبق وقلتلك اشغلي نفسك بأي شي عنه واحترميه ولاتعصبين ابدا اذا تناقشتو واصبري والصبر مفتاح الفرج وأحب أقولك اذا بتظلين على هالحال بتخسرين زوجك اما بيتزوج عليك أو بيخونك ديري بالك على زوجك قبل ماتاخذه منك وحده ثانيه ساعتها مايفيد الندم أكثري من الصلاة وقيام الليل والدعاء بأن الله يهديكم ويحنن قلوبكم على بعض وادعي بهذا الدعاء(اللهم ملكني قلب من أحوجتني اليه)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل