حياتي انا ونواف __قصة حب تلاشت!!!!!!!

[فوفونان]

بانتظارك
​

 

[المذنبه]

كتبيها براحتك نبي نستفيد احنا موبس نقرا رجااااااااااااااااء​

 

[انا حياته]

سبحان الله وبحمده
عدد خلقه ورضا نفسه وزنة عرشه ومداد كلماته

 

[smile >3]

كملي معاك ...

 

[امووونه1990]

love

مرحبا بنات انا جدیده بالمملکه عندکم

اعذرونی اذا انی احطی مشارکتی مو بمحلها انا اسفه

بس ابی مساعدکدتکم بموضوع انا من شهور بالصدفه تعرفت علی واحد بالجامعه وهو کان من کل ناحیه

بالاول انا ابتعدیت بس الحین انا اللی احبه ومو قادره اطلعه من بالی و مابی اخسره ........

ابی رایکم......:27:

 

[مييسو]

خذي راحتك حبيبتي متابعينك

 

[لميس444]

متحمسه
بس ليتك صبرتي لين راحوا الضيوف ونزلتيها كااامله يكون افضل
ومشكوره

 

[ام ريناف]

الله يسعدك كلك ذوووووووق والقصة جدا رااااائعة

 

[همسة هوامس]

بصراحة اخوانها يقهروا
طيب اذا ممكن توضحي اكثر ليه اخوانها مو موافقين على نواف؟؟
وبصراحة ليه من خطبها نواف هبو الخطاطيب واحد ورى الثاني!!ومن الي يخبر نواف ان جايين خطاب؟اكيد في احد مايبيهم يرتبطو يمكن اخوانها او غيرهم والله اعلم

طيب يقولو شي عيب فيه ومايقبله الدين والاخلاق والمجتمع
بعدين القرار الاول والاخير للبنت
واذا ابوها موافق ماله داعي راي اخوانها اصلا يعني تتوكل على الله وتوافق على نواف الي عشقها من قلب موتاخذ واحد الله يستر عليه كان مايعذبها او يخليها تندم انها وافقت عليه
وتحاول تقنعهم ان هي الي بتعيش معه مش هم, وان هذي حياتها وبتعيشها مرة ولازم تاخذ راي صح في هالمسالة لانه زواج وعشرة عمر مويوم او يومين
وان هذا قرار تاخذه هي لوحدها هم مالهم خص,حياتها وهي حرة فيها
فنصيحتي لها انها تتبع قلبها لانه الحياة الزوجيه اساسها حب وود وتفاهم<<<واذا ارتاح القلب فاكيد بتلقى الراحة النفسية والجسدية وستعسد ايضا بحياتها ربي يوفقها مع من تحب
وتسلمي اخيه على الموضوع

 

[همسة هوامس]

من تجربتي الشخصية
احكي لك اخيه من تجربتي الشخصية ان في شخص خطبني علما بنه اصغر مني ومطلق وليس لده اولاد..
تخيلو كيف خطب كلم جدتي لانها عمته وقال انا حاب اخطب وحدة من حفيداتك ولو وافقت الصغيرة احسن بعد!!!تخيلوا
وكانت الصغيرة اختي اصغر عني بثلاث سنوات وهو اصغر منها بسنه!!
طبعا جدتي ردتهم وقالت الكبيرة اغسل يدك اعطيك ايها قال مومشكلة,,والصغيرة قالت بشاورها؟؟
طبعا اختي ماوافقت
بس انا استغربت ليه جدتي ردته بوقتها من غير شوري
تدرون ليه؟؟طلع ولد عمي الي هو زوجي خاطبني ومتكلم انه يبيني من وانا بصف ثاني متوسط
وانا ياغافلين لكم الله مادريت الا وانا بالجامعه خخخخخ
وباخر سنه بعد..طبعا موهنا المشكلة,,المشكلة ان في ناس تضايقو بالخطبة وحاولو مع ولد عمي حبيبي انه يناظر غيري وهي اضعف واحلى واكشخ
بنت عمك مالها الا الخشة والقشه ومن هالكلام على اني ولله الحمد فيني حلا بس الحلا حلا الروح
المهم انه ماغير رايه عني وتزوجنا لانه يحبني ولله الحمد..وجبت بنوت
تعرفو من الي حاول يغير نظرة بن عمي عني؟؟؟هي عمتي
اي والله عمتي ومدحت صديقتها وحاولت وخلتها تتصل عليه وتقوله احبك بس هو قفل بوجهها وماعطاها وجه اصلا؟؟!!والي قالي عن هذا كله امه ومرت عمي لانهم دروا طبعا من غير ماتعرف جدتي..
بس الحمد لله ماغير رايه لاني احبه كمان الله يحفظنا
والحين عمتي هذي تموووووووت فيني وتمووووووووووووووووت تمووووووت ببنوتي
واذا مازرتها تتصل,,وتقول اشتقت لكم ماقدرت على فراق البنت الصغنونة
وعلاقتها مع صديقتها تكلمها بين فترة والثانية بس مومثل قبل يعني خفت بعد ماتزوجت ربي يستر عليها
سبحانه مغير الاحوال

 

[sweet_loli]

متاااااااااااااااااابعين​

 

[الدنياسراب]

لميس
انا بديت بالمقدمه وماكان عندي خبر بيجوني ضيوف من بعد جوني اشكرك
همسة هوامس
اشكرك على تفاعلك ومشاركتي بتجربتك الله يتمم عليك
اخوانها مايدوها على نواف لانه فيه خصلتين باطباعه مو حلوات لكنه شاب ذو دين ماشاءالله
تابعي القصه وراح تعرفين الباقي
ام ريناف
كله من ذوقك ياعسل
المذنبه
اشكرك ان شاء الله تلاقين شي فيها يفدك
اشكر البقيه دون استثناء على تشريف اناملهم في متصفحي
حياكم

 

[الدنياسراب]

​

زادالضغط علي من بعد الخاطب الاخير وقالوا هلي​

خساره تفوتينه​

قالتلي وحده من خواتي اذاانتي متردده خلينا نكتب سلبيات​

نواف وايجابياته وسلبيات الخاطب وايجابياته كانو في الحقيقه متساوين​

وانا لازال قلبي متعلق في نواف وانا اقولكم الحب اذارسخ​

بالقلب يعميك عن سلبيات الي حبيتيه وماتشوفين الاحسناته​

هالمره حاولت ادافع عن حبي واصريت على موقفي​

لحد ماقتنعو ورفضو الخاطب الاخير لكنهم ماكتفو بالخطبه الاولى​

عادو علينا مره ثانيه لكني رفضتهم​

الحمدلله هنا حسيت ا ني قادره على اثبات كلمتي وقلت ​

خلاص قرب الفرج​

كلمني اخوي الاوسط ​

​

وهذا جدا متفاهم وقالي انتي ادرى ​

بحالتك اذا تحسين انك قادره على تحمل طبع نواف وتحبينه بقوه​

فبكيفك لكني انا مافضل تاخذينه انا ابغالك واحد افضل منه​

واصبري لاتستعجلين استخيري​

قلت انا قادر ه ان شاءالله على تحمله وبعدين مافيه انسان​

كامل​

انعزلت عن اخواني صرت ماحب اجلس معاهم اخاف​

يقنعوني اتركه​

​

صرت دايما افكر بكلامهم واتذكر تصرفات نواف وكيف​

لازال شاريني وماتنازل عن حبي ولا لحظه​

كان نواف يسال عن اخباري ويتصل على امي كثير​

اما اخوي الكبير كان يلمح من بعيد انها لو تاخذه ​

هي تتحمل مايجيها لان نواف حااااااار وعارض ​

وكان اخوي الكبير بالذات مايحب نواف ابد​

لان طبع نواف يستحي واااجد ومايختلط باحد​

​

​

​

 

[الدنياسراب]

كان نواف يقول لامي انه مهتم بدراسته جدا​

ويبغى يجيب نسبه عاليه عالاساس ياخذونه للبعثه​

في امريكا وراح ارجع وارفع روسكم بشهادتي​

كانت امي تشجعه وامي كثير متعاطفه معه​

وتعزه بالمره ​

وفي يوم انا وامي جالسين نتقهوى قالتلي امي​

وش رايك الحين هو متعلق بقوه ودايما يزعجني فيك​

قلت لامي صراحه​

​

يمه انا مابغى غيره ولو ماخذته​

ماراح اتزوج ابد!!!!!!!​

هنا امي استغربت علي كثير وقالت اذاانتي تحبين كل هالحب ليه ساكته​

انا صراحه كثير اخطيت لانه كان المفروض من زمان قلتلهم وماستحيت​

مافيها هذي حياة وعشرة عمر والحب اعمى مان له داعي انزوي بغرفتي واسكت​

ولا اشاركهم برايي​

قامت امي على طول وقالت اجل خلاص ابعطيه كلمه لاتقولين بكرا​

حرمتوني من حبي وتجيك امراض او تسوين بلا ولا تهجين له​

ههه امي متاثره بالقصص​

قامت امي حبيبتي ودقت علي نواف وقالت نواف عندي لك بشاره​

هنا نواف على طول فرح وقال سمي وشو​

قالت رنا وافقت عليك بس بشرط قال سمي امري​

قالت انك تمشيله مصروف شهري واذاجاها اطفال​

تجيبله شغاله قال ان شاءالله مايكون خاطركم الاطيب​

انا يوم دريت عن امي انه شرطت عليه المصروف​

ضاق صدري وقلت ليه يمه تقولين له اخاف يقول همنا الفلوس​

قالت امي لا هذا اهم شي انا مابغاك بكرا تستضيقين وتتعبين وانتي تتطلبينه​

كانت امي حكيمه ماشاءالله بشروطها جدا حكيمه لان نواف سمعنا عنه انه​

شديد بالفلوس واقتصادي كثير فامي خافت يكون صدق الكلام فحبت تامن مستقبلي​

ولاانزنق بعدين وتكون بكذا حلت الاشكال الي مخلينا نتردد بقبول خطبته​

لكني انا زي ماقلتلكم الحب اعماني وخفت على شعور نواف بسبب الشروط الي قالته نامي​

وانبت امي ليش تقول الفلوس ​

لكن الكبارين دائما اعرف منا بامور الحياة ماكن له داعي اقول لامي شي​

هي ابخص ​

وقالت امي لاخواني واعجبتهم الشروط​

وقالو بكيفكم​

اتصلت ام نواف على امي وقالت حنا نبغى رنا لنواف​

وقالت امي الله يحييكم خليه يروح لابوها​

وافق ابوي وقالي اذا تبينه براحتك بس تراه حار انتبهي​

قلت ماعليه ابغاه​

كان شعوري مره لايوصف بس انتظر الملكه عشان​

اصدق​

​

وقال نواف خلاص بكراخلي رنا تحلل تحليل زواج وانا بروح بكرا​

لكني للاسف مالقيت احد يوديني لان اخواني زي ماقلت​

ماكان ودهم اخذ نواف وكل يتهرب ومايبي يوديني​

وجلس ينتظر نواف نروح عشان يطمئن قالت امي مالقينا احد يودينا​

قال انا اودي رنا لكني رفضت استحي اركب معه​

انا هنا ضااقت بي الدنيا وقلت الي هذا اولها اخواني​

خلوني اجل وش عاد بعدين اميمتي حاولت تدبرلنا احد يودينا​

وكل يوم اخواني يقولون بكرا لحد ماطفح كيلي ومليت​

وطول الليل هواجيس وصياح على حالي ​

​

صليت الفجر​

ونمت وانا مرهقه ورايت رؤيا قلبت نفسيتي​

 

[zaxs]

لالالالالالالالالالالالالالاكملي
لاتوقفين

 

[مييسو]

متابعة

 

[الدنياسراب]

نمت وانا ضااايق صدري ان مافي احد يساعدني ورايت رؤيا​

ان الرسول صلى الله عليه وسلم يمسح على راسي ويقول نعم الرجل​

صحيت من النوم وانا فرحاااااااانه ان ربي فرحني بالرؤيا ونزلت لامي ابشرها​

كان شعور مامي لايوصف وقالت حمدلله وطلبت سواق يوصلنا المستشفى​

لتحليل وتوكلت على الله ورحناواخيرا حللت​

بعدكم يوم طلعت نتايجنا تمام وحددنا الملكه​

كان نواف فرحان تملكنا واخيييييرا​

الكل باركلي ودعالي​

​

اما نواف الدنيا كلها ماهي واسعته من الفرحه جلس كم يوم​

ماينام من الفرحه حس كانه بحلم مو علم​

وارسلي رسالة تبريك​

وقال اخيرا انتي ملكي لي وحدي​

​

وصار يرسلي باقات ورد​

​

ويطلب يشوفني​

لكني اتهرب من الطلب وطول الليل مكالمات​

ووعود انه راح يخليني اسعد امرائه بالوجود​

وراح تعيشين حياة ولا في الاحلام ان شاءالله​

وهاتك ياوعود وكلام......​

وفي يوم طاب بشده اني اطلع معه وافقت​

وطلعت كانت طلعه مانساها ماحييت طلعه​

ولابالخيال اذكر كان بالليل وكل شي مسكر​

طلعبي لحديقه مرتفعه شالني لحظنه وركظبي فوق​

لاعلى الحديقه ونزلني ومسك يديني يدور فيني​

ويطالع فيني ويمسك يدي ويقول انا في حلم​

ولا علم كنت لابسه النقاب مافسخته طلبت منه مايكشفني​

وكان بس يطالع عيوني ويبكي من الفرح مانساه​

​

كان يردد وينك يبه (كان ابوه متوفي)تشوف ولدك نواف​

والفرحه غامرته توه يابوي ترد لي روحي احس اني يابوي​

الحين نولدت ويظمني ويبكيييييييييي​

كنت اقول حمدلله ربي كريم عوضنا عن العشق الحرام​

وان العشق والحب يجي ويصير بالحلال والحلال​

مو زي الي يصورولنا دعاة التغريب انه الواحد يتمتع​

بصديقات وعشق وان العشق مايصير حلو الا بالحرام​

ومضت الايام وتخرج نواف ونال نسبه عاااليه ​

واهديتله هديه حلوه وبادلني​

كنا على طول مع بعض في كل شي​

وبديت اجهز نفسي لزواج واشتريت ملابس روعه للبيت​

​

​

وملابس نعومه واكسسوارات واشياء كثيره​

وقرب زواجنا وكنت متخوفه وفرحانه بنفس الوقت​

وحددنا يوم الزواج وكان مختصر لكن اخواني ماقصرو​

ابدعو في البوفيهات والحركات الحلوه​

​

​

 

[الدنياسراب]

ميسو
لميس44
فوفونان
انا حياته
المذنبه
sweet
smile
zaxs
وكل من تصفح

 

[روز الغامدي]

كملي ننتظر

 

[smile >3]

كملي حمستينا معاك ...