اكيد الموضوع يجرح بس مثل مايبيني اكون له الحاله انا ابيه لي الحالي
فا هي كانت قبلي ماهمني عشانها كانت ماضي بس وانا موجوده يروح لها هذا الي ماراح ارضى فيه
انا اشوف ان الكلام معه في هالموضوع مهم خاصه اذا شفت منه تصرفات او مكالمات او رسايل
ابي اعرف هو شاري حياتي معه ولا كيف
واذا بس حسيت بشكوك ومافيه دليل ماراح اقوله شي بس بحاول اتقرب منه اكثر واهتم فيه
واسوي كل شي يحبه يعني احببه فيني بس بطريقه ذكيه مااكون فيها ضعيفه شخصيه
ومااتكلم معه في الماضي ابد وهو بينساه ويندم ويتمنى انه ماعرف احد غيري في حياته
فبنسبه للي قلتيه انها مسيحيه وكل ماضاق راح كلمها فامالك الا انك توقفينه عند حده وتتكلمين معه بدون صراخ بس تفهمين هو لوين يبي يوصل وقولي له اذا انت عاجبتك حياتك قبل فا انا عندي استعداد اطلع من حياتك وتروح للي تبي وتتكلمين وانتي واثقه من نفسك وهاديه اوكي اكيد من جواك نار تغلى بس لاتوضحين له شي
وهو اكيد بيستغرب ردة فعلك وبيخاف انه يخسرك لما يحس انك بارده معه ومستبيعته فالرجال مايحب الحرمه الي تبكي وتصارخ وتهدد فا بيحس انه مهما سوى ماراح تتركه ضامنها اما الي ماهمها بيركض وراها
بس انتي تعرفين الرجال كل ما كلمتيه على اخرى كل ما شديتيه لها وحسستيه باهميتها
وانا هذا اللي ما ابيه يصير
نفسي اذبحها تراها بنفس مدينتي
وهي تساله متى بتيجي للمدينة الفلانية ابغى اشوفك !!!!!
انا جتني فكرة جهنمية
هي بالفيس بوك حاطة صورتها واسم الرجل اللي هي مصاحبة معه والحمد لله على نعمة الاسلام
انا بقول ليش ما بطريقة او اخرى ارسل له رسالة لصاحبها واخبره عن تعلقها بعشيقها الماضي اللي هو زوجي وانكد عليها مادامها تحوم حول زوجي شنو المحروسة حنت له يخرب شيطانها !!
هي شكلها بعدها متعلقة بزوجي اللي تركها بعد ما عرض عليها تروح معه السعودية ورفضت من خوفها
فبكت كثير وما رحمها وتركها
لكن كل ما اختلفنا انا وياه بيروح يراسلها ويقابلها ليش يعني
والله انهد حيلي هالرجاجيل ما بيقدرو قيمة المراة اللي الله انعم عليهم بيها
اما المحروس اللي عندي كل ما بجيب سيرتها بطريقة او اخرى يظل يردد كانت تحبني وكانت تحبني
بالله عليكم خبروني كيف اضرب ضربة قاضية على هالشيطان اللي بيدور كيف يخرب بيتي ويحول قلب زوجي علي
تدرين وانا اقرا موضوعك سئلت خطيبي وقالي تسكت بس تنتبه له وتخنقه وين مايروح وين يجي من يكلم ومن هاالكلام
قلت له طيب وليه ماتتكلم معه بهدوء قاطعني قالي ههههههه بيستانس ويمكن يتمادى قلت انا لا تقوله انت من تبي ومن تختار من دون ماتوضح له الزعل قالي ايووووه اذا كذا صح انا معك
يعني مافيه الا انك تتكلمين معه هو
انتي تقولين انه يقول هي تحبني وهي تحبني طيب انتي ليه تعطينه وجه في هسالفه قولي له كلمه ورد غطاها انت تبيني ولا تبي ترجع لها وتتكلم معها
بعدين لو رحتي الصفحه صديقها بالفيس بوك وخليتها تتمشكل معه اكيد بتتعلق بزوجك اكثر واكثر ماراح تستفيدين شي
المشكله في زوجك زوجك هو الي بيقدر ينهي هالموضوع واذا انت تعرفين غلاتك بقلبه فا حاولي تستغلين هشي بأنه راح يخسرك وقولي له لو كان العكس راح يكون الموضوع عادي بنسبه لك
خليه هو الي يتركها ويقولها انه متزوج ويحب زوجته بعدين اذا قالك تحبني وتحبني قولي وانت من تحب ؟؟؟
حبيبتي لاتعطينه وقت ابد لايفكر فيها ولافي غيرها اشغليه دايم واجلسي معاه وتدلعي له ولاتتكلمي عن عشيقته ابد اهم شي ماتخلي له فرصه يفكر فيها فرفشي معاه واضحي له وتدلعي عليها وراح يرجع لك حبيبتي الله يسخر قلب زوجك لك يارب ويبعد عنه بنات الحرام ويحنن قلبه يارب
والمرة الثانية حاليا بعد ما كتبنا كتابنا وصار خلاف بيني وبين اهله واختلفت معاه لعدم انصافي بالحق
فرجع يشتكي لها ويخبرها انه FREEEEEEEEEEEEEEEEE
بالمرة الاولى طعن كرامتي وما اقدر اقول لكن الله يشهد اني انكسرت
وكل الشباب اللي عرفوا بيقولون لا هذا والله .....ما اقول الكلمة وما يفهم بالكلام ما يصير الرجال يذم خطيبته بالكلام عيب خصوصا اذا هي مؤمنة وصالحة وشريفة ما ينزل من قدرها
انا زعلت وطنشته وظليت عند اهلي بوطني
وهو راح وطن غربتي اللي بدرس فيه ونطرني هناك وطلب مني اروح له وما قبلت
الجرح كان عميق
فراح قابلها
المرة الثانية
هانتني اخته اناهة كبيرة واهانت اهلي بعد
وزعلت وهجرتهم وهو من بلده ولا همه مبرد ع الاخر وبينصرها علي مع اني زوجته !!!!
فقررت اتركه وانفصلنا مع اانا بعد ما اجتمعنا ببيت الزوجية بعد
وطنشني لمدة سبع شهور
ورح يحكيها وهي بتساله بحرارة متى بيجي للمدينة اللي هي تسكنها واللي انا بعد اسكنها في بلاد برا
وهو يرد عليها انه فريييييي يعني اخونا حر طليق ليش يعني
مع انه لها صاحب !!!!!
كان بيطالبني اروح عنده ببلده وما عمري كنت ارفض
كنت اقول له انت زوجي وهذا واجبي انت تامرني امر
مع اني مكسووور خاطري من هجره
انا والله مضحية معااااه كثيييير وصابرة وهو مو مقدر كثيييير
الا بعد ما طالبته بطلاقي واني احتمال اتزوج من غيره للستر والعفاف
وقتها طار من مكانه وفز فز
اللي بيقهرني فيه انه باااااااردة اعصابه حتى وهو عارف نفسه مسوي مصيبة
ودوم يفضل ويسبق اهله علي
تعبت والله
ولما انا اكلمه هو بنكر ويستمر في التبرير والدفاع عن نفسه وهذا بصراحة بيخليني انفعل واثوووور
فبعصب
وهو بيتعب يا حرام
مع انه مين اللي حرق دم الثاني
انا والله من النوع الصبووووورة كثير واتحمل لكن لما يطفح الكيل بصير قنبلة ذرية
هو يحب يحس اعجاب واهتمام الاخريات بيه
لكن كل مرة يقول لي اني نقطة ضعفه
اذا حزنت يحزن واذا فرحت يفرح
لكن انا بقول والله اعلم كل رجل خاين جواته
ما ينامن لهم بالمرة
شسوي كيف اشيل ميوله لها وكل ما حس بضعف لجا لها
صحيح انه هذا صار بغيابي
ولما كلمته مؤخرا انه ما بيصير خصوصا انها كانت عشيقته سابقا
وين احترامه لي ووين تقديره للحاية الزوجية
وانه كمان حرام عليه كلامه معها شرعا وانها اجنبية والاكثر من هذا مسيحية
ووين احترام مشاعري انا زوجته
هل يبي يخرب ويهد بيته عشان وحدة ما تامن لا بالله ولا برسوله ؟؟
فهذه العشيقه تسيطر على عقله سيطره عجيبه ..لكن اذا كانت متزوجة فالمصيبة مصيبتين نصيحة عن تجربة لا تعطين زوجك اكبر من حجمه اعملي كل شي عليكي واتعاملي مباشرة مع الله ترتاحي البشر معروفين بنكران الجميل والجحود اما الله هو احسن من الجميع لا يضيع عنده شي اهتمي بنفسيتك اهم شي وزوجك له رب يحاسبه المهم لا تعملي بالمثل وعلى نفسها جنت براكش لا تخليه محور اهتمامك اعطيه كل حقوقه وانتي مبتسمة وتعاملي مع الله مباشرة
وانت كل ما اهتميتي بزوجك اكثر و رميتي نفسك عليه ازداد عنك بعدا .. ..
اختي غيري شوي من اسلوبك في التعامل مع نفسك اولا و مع زوجك ثانيا ..
دللي نفسك و رفهي عنها حبيها ولا تقبلي لها الاهانه و الذل .. بعد ذلك لا تجعلي
زوجك محور اهتمامك ..
..
طيب .. اشتركي في نادي رياضي .. خذي دوره في المكياج ..
كل فتره والثانيه روحي للصالون للعنايه بشعرك ..
اشتري لك ملابس جديده تناسبك ..
اهتمي بعلاقاتك الاجتماعيه .. اعيدي علاقاتك مع صديقاتك .. زورويهم و ادعيهم
الي منزلك ..
اعملي زيارات لاهلك ..
لا تكوني ملهوفه على زوجك ولا تطلبي منه ان يسأل عنك وعن الاولاد ..
لا ترمي نفسك على زوجك في الفراش .. البسي و تعطري و نامي .. ان هو طلبك
فلا تمناعي .. ولكن لا تبيني انك ملهوفه .. خليك شويه بارده ..
ثقفي نفسك .. خليك واثقه من نفسك .. لا تدعي زوجك يحطم نفسيتك ..
اهتمي بأبناءك و اعملي لهم برنامج ترفيهي مع صديقاتك للخروج للمجمعات و المتنزهات ..
عيشي حياتك اختي بما يرضي الله ..
هنا زوجك راح ينتبه انه في تغيير في حياتك و يحب ان يتعرف على هذا التغيير
هنا انت خليك ثقيله و لا تبوحي له بكل شي او ما هي مخططاتك .. فانت بكل هذه
الامور من تغييرات التي اضفتيها على حياتك سوف تلفتين انتباهه لك و هو
المطلوب ..
اقرئي عن العشيقة والزوجة ولماذا يغرم الزوج بالمراءة القوية هذا اسم كتاب مترجم اذا ساعدني الوقت اليوم انزله لك ترجمته احدى الاخوات هنا جزاها الله خير ام الانتقام فانك تنتقمين من نفسك وليس من عشيقته انا ضد اللعب بالنار وانما هناك مشكلة ويجب حلها بعقل وحكمة يتبع
راي اختي قل قسم هو الصح وراي خطيبها زوجي بفتره من الفترات
بعدت عنه وحب يعقبني وصار يغازل يوم واجهته ما نفع ويوم تغيبيت وسويت نفسي
غبيه الحمد لله نفع معاه يعني لاتجيبين طاريها لا يخير ولا بشر
وشوفي وشهو اللي تغير فيك وارجعي مثل اول واذا جاب طاريها وقال هي تحبني
قولي وانت من تحب ومن تبي وبيني له انك حازمه وممكن تتركينه وتتخلين عنه
يعني الرجال يحب ان المرء تتغلى عليه وتتثيقل وعن تجربه يوم ادلعه زياده
احسه يمل يعني يوم دلعيه ويوم تدلعي عليه حتى يوم تنقشينه بهدوء وبدون صياح
باي مشكله بينكم باقولك اليوم اللي صار معي تسبح زوجي الصبح وانا كنت مشغوله
اجهز ملابسه وما انتبهت ما عطيطته منشفه لشعره قال انتي ما عمرك تعطيني المنشفه
من نفسك قلت له ولا مره ابد بكل هدوء وهو يسكت ويبتسم عرف انه غلطان وطنشته وجلسة
وهو يحاول يكلمني لاكن انا ما بينت اني زعلت بس هو حس بالذنب لي فتره احاول اغير طريقتي لان الصياح عمره ما ينفع كل شيء بالهدوء ان شاء الله يمشي ادري قرقرة واجد ودوخت راسك
احس ان الوحدة تموووووووووووت قهر وغيظ وهي كاتمة بصدرها ويالسة تخدمه مثل الخدامة
ولاعبة دور المغفلة الي تسوي نفسها ما تدري عن علاقاته ولعبه من وراها
طيب والحل ؟؟ مو حرام ؟؟
(( ان مع العــــــسر يــــــسرا ))
قبل كل شئ الزوجه لما تخدم الزوج هي تخدم نفسها مو تخدمه ،الاجر لها هي سواء بدنيتها او باخرتها وهذا أهم هدف يجب على كل زوجه ان تضعه نصب عينيها "في اخرتي ماذا سأكون انا "
عن الزوج الخائن وكيف ممكن الزوجه تتعامل معه ،اولا شئ لازم تتأكد من اللي حاصل هل خيانه ام مجرد ظنون ..وما اكثرهن النساء هذه الايام عايشات بأوهام .ظلمات انفسهن وازواجهن بغير حق .
في حالة انها تأكدت انه بالفعل يخونها .هـنا الزوجه لها خياران لا ثالث لهما .
أما أصبر واتجرع مرارة الصـبر ولكن بحكمة وافوز في الاخير .
واما يا دار ما دخلك شر "ألم اغراضي واروح عند اهلي "واكيد الخسرانه الزوجه .بيتها عيالها بيروحون نتيجه خيانة الزوج وعدم تصرف الزوجه الحكيم .
طيب لو صبرت الزوجه وفضلت بيتها وزوجها وعيالها كيف تتحمل ما ترى هل تتعمى وتغمض عيونها .
لا يا عزيزتي .
الزوج هو أنسان يخطي ويصيب وواجب عليك تذكرينه ولكن بدون لا تسوين زلزلازل بالبيت اكيد هو بيفهم قصدك.
احكي له حكاية زوج يخون زوجته واهمل بيته وعياله وكانت النتيجة ضياع اسرته بكامله مثلا لانه مارس العلاقات المحرمة مع النساء فأصابه الايدز .
او احكي له حكاية رجل مات وهو يمارس المحرمات واخبريه انه من مات على شئ ماذا يكون مصيره ....
يعني مارسي معه الموعظة الحسنه وذكريه بالله .
ثانياً: شجعيه على ترك هذه الأفة بشكل راقي .
الزوج الخائن وكذلك الزوجه هم أشخاص فقدوا محبة واعجاب الطرف الاخر فقاموا يبحثون عنها بمكان اخر .
فعندما تهتمين بشخص زوجك "زوجي وحبيبي هل تعلم ما أحب فيك ؟! سينظر لك
اذا كان صاحب صلاة خاشعه أمدحيها ... احب فيك خشوعك في الصلاة او احب فيك محافظتك على صلاتك واذكارك .
مثلا احب فيك برك لوالدايك وانا فخورة بك لانك قدوة لابنائي .
احب فيك هندامك وروعة اسلوبك في الحديث تتحدث بثقة كانك ملك ."الملك لله وحده".
أّذكري الشئ الصحيح والحقيقي .لا تكذبي على نفسك وعليه هو يدري انه هذه الصفه فيه وليست فيه فأذكري الشئ الصحيح فقط.
ثالثاً: وهذا المهم "ثقي به"
اتركي التفتيش والتنقيب والحفر والجرف .ريحي بالك ونفسك من هم تعيشينه ليل مع نهار .اخبريني لماذا هذا التعب ؟!..
قلنا من البداية اذا كنتي تريدين زوجك بيتك عيالك "اصبري" والفوز لك في الاخير .كيف ستفوزين وانتي تتذمرين وتلاحقينه تروي عزيزتي مارسي الهدوء بحياتك .
إذا تركتي عادة التفتيش وملاحقته بالاسئله انت وين ؟ اتصل فيك ما ترد ليش ؟ بتطول برا ؟ شو عندك للحين برا البيت ؟
بيسكر وبيقول يالله هذي متى بفتك منها
ولو كان هو قريب من البيت وبيغير مسار السياره ولا قرب كافي نت ولا استراحه يغير جو وبيقول خليها تنفجر هناك بروحها ناقص همها
انا يكفي اللي عندي من هموم .
طيب نغير الحركه طلع من البيت الساعه خمس العصر وانتي انشغلتي خلصتي شغلك اللي عندك بيتك عييالك جمالك جلستي تتصفحين عالم حواء وصار الوقت الساعه عشره بالليل دقيتي عليه
"حبيبي بتطول برا البيت ؟! بيرد عليك خير شو تبين "
متوقع تسوين مشكله ومصيبه
"تردين ابد عمري حبيت اتاكد لو بتتاخر تراني تعبانه وابي انام .بيقولك نامي نامي .هذي اول مره .
طبعا انتي نامي لا تفكرين متى بيجي
خليه بتقولين صعب
ما في صعب على الله
اتركيه لربك يهديه ادعي له بالهدايه وصلي ركعتين قبل النوم ادعي ربك يصلح احوالك واحواله ونامي .
خليك اسبوع على هالحال ولكن بدون لا تتصلين
من توصل الساعه عشر او 11 نامي هو بيفكر بروحه وبيقول غريبه هذي شو فيه
على بداية الاسبوع الثاني بتحصلينه مرتز عندك بالبيت يبي يكتشف سبب التغيير وان سالك قولي النوم صحه للجسم ولا يجوز السهر في شئ الا في طاعة الله .
الزوج اللي متعود زوجته كشته وريحتها تقرف وذراعها وسيقانها صايره حشيش ومجرد انها شكت انه علاقه بوحده ثانيه
قامت غيرت بنفسها وتعدلت يقول لها زوجها بنيه وبين نفسه
صباح الخير الحين عرفتي انك حرمه...
الحين ما تلميني فيه اللي اجمل منك وانظف منك .
لكن لو كنتي من قبل نظيفه مرتبه جميلة المنظر والملمس والهمس ناعمه ذات اسلوب راقي .
ما راح يستغرب لو غيرتي شئ فيك
بيقول هذي طول عمرها "م ت ج د ده" وتحبها تكون قمر .
كيف اجذبه من بعيد لبعيد .
مثلا الاول تتزينين وترتزين مقابله وجهه تنتظرين كلمة
الله شو هالعيون
واااو شو هالشفايف
يا سلام شو هالتسريحه
وهو مطنش مب عاطيك وجهه وتقومين تزعلين وتغسلين وجهك وتشلين ملابسك وتقولين لمن اكشخ
اقولك انا لو لزوجك "من الحين جلسي رددي يا ليل ما اطولك "
ما راح يطالعك سواء خاين ولا لا
طبع الرجال ينظرون للجمال بصمت ويتذوقه بهدوء والنتيجه الفعليه اللتي تصدر منهم هو ما ترينه منه في افعاله ببيته وعياله وموعد وقت النوم فقط .
المطلوب منك سواء كنتي زوجة خائن ولا لا .تجملي لنفسك لانك تستحقين الجمال فقط .
اجذبيه باسلوبك في لبس جديد ولكن لا تساليه هاه شو رايك ؟!
ليش الحبيب اعمى ؟!
هو يشوف ما دامه ما قال شئ وما علق معناته ذايب دايخ مب قادر يتنفس باهرنه الجمال اللي قدامه وساكت . وما يبي يبين لك علشان ما تتدلعين عليه .والشاطره هنيه تلعبها صح تزود الدلع وتتمشى قدامه بدون لا تساله شو رايك .
اخيرا وهو اهم شئ لا تلاحقينه ابدا . لو استمريتي بملاحقه بيهرب منك اثقلي .ودوسي على نفسك وهو بيجيك ملهوف .
اهم شئ يا متزوجات يا زوجات يا مقبلات على الزواج الثقافه الجنسيه .
تعلمي كيف تجذبيه زوجك لفراشك مو بالقمصان الملونه وان كان لها دور عظيم ولا بالمفارش ولا بغيرها
الثقافه هو كيف تغرينه وانتي معه وبين يديه كيف تعيشين زوجك احساسك الصادق وتقبلك له وحبك وعشقك له .
حبك زوجك لك يبان في الفراش وهو يقيس محبتك له على هذا الاساس تبعدين بالفراش معناتك تموتين فيه .
