حمله مشتاقه لنفسي وخواتها بالمنتدى مده4أشهر..متجدد

الحالة
مغلق و غير مفتوح للمزيد من الردود.
الله يعينك



((يا رب، لك الحمد كما ينبغي لجلال وجهك ولعظيم سلطانك ))​
 
مرحباااا حبيباتي

انا راح ابدأ معاكم أن شاء الله
عزيزتي مشتاقه لنفسي مشكورة على طرح الفكرة انا طولي ووزني نفسك بالضبط بس انا ودي انزل للسبعينات
ورجيمك سهل وبسيط لاني بصراحة ما احب الريجيمات المملة
اريد تشجييييع
الله يعينا
 
حياك معي ..:showoff:

القيثاره الفضيه

انبسطت كثير لااشتراكك معي

كل يومين اوثلاث سجلي وزنك حتى لومانقصتي كثير

و
اشربي شاي اخضر..
واشربي قهوه العربيه الي بها هيل يقولون تخفف الشهيه>>مجربتها
و
امشي كل يوم
و
و
احطي صوره سطح مكتب ديانا كرزون قبل وبعد سمنه للتشجيع:bigsmile:

اي شي استفسار اناجاهز ه:icon26:
 
حياك معنا انامل ناعمه
انظمي معانا ..سجلي وزنك وطولك والهدف الاول

يالغلا:flex:

لاتأجلين ريجميك الى الغد>>حكمتي اليوم
 
وزني الحالي=79
وكان العام بس=65 يعني قبل بنتي الله يصلحها
الوزن المطلوب =60
طولي 163
وش اسووي طيييييب ضااااايعه احترت بنواع الرجيمات ايهم اطبق
 
انامل ناعمه>>> خلاص معي نشجع بعض
حلووزنك
بس تنزلين 19 كيلو خفيفه:showoff:

وش اقول انا36كيلو:sadwalk:

سوي ريجيم الي صفحه الاولى عشره ايام ونكررها

لين ليله رمضان نغير ريجيم
انا اختار او انتي يالغلا

ابي يجي رمضان وزني اقل من 85:icon31:

ومع رمضان ابي انزل حول 10 كيلو >>>موطماعه

لان ينزل بسرعه يجي بسرعه

ها وش قلتي >>>أتفقنا
 
روحي فدى عيالي قال:
يلا حبيبتي الله معاك وشدي الهمه انا كنت تقريبا مثلك والحمد الله وصلت للي اتمناه واكثر بعد

طبعاا بفظل الله ثم هذا المنتدى الغالي نفعني كثيييييييييييييير واكيد مراح يقصر معك

ولاتنسيين تبشرينا بلنتايج

موفقه
أنقر للتوسيع...

ابشري بالهمه:clap:

ماشاء الله عليك :cupidarrow: عندك اراده:showoff:

لاتقاطعين:blushing:
 
روح النسيم قال:
اهلا حبيباتي..

الله يوفقكم ان شاء الله..

وتوصلو كلكم للوزن المثالي..

وانا رح ابدا معاكم..

ما رح اتبع رجيم معين..

بس رح ابتعد نهائيا عن السكريات..

واخفف العشا..

وانقص كميات الاكل...

كمان رح اكثر شرب ماء..

وامارس رياضة يوميا..


وزني الان 72

اوليا حابة اخسر 5 كيلو ان شاء الله..

في اي مدة..

المهم انقصهم..

دمتم بود..
أنقر للتوسيع...

هلابك ....

حلو الي تسوينه اختي نظامها كذا مثلك وماشاءلله عليها:icon31:

ان شاءلله تنزلين 5كيلو:icon30:

مع السلامه:shiny:
 
الدبه المملوحه قال:
هلا اختي

بصراحه طريقة رجيمك مرررهـ كووويـس

ببدآ فيييه
بجربه العشر الايام الاولى اشوف نفع لي ولا ابدا برجيم ثاني
أنقر للتوسيع...

تسلمين

اممممممممممممممم

اخبارك شسويتي ع الريجيم
ماعاد طليتي علينا:sly:
عسى المانع خير
 
همسة حنين قال:
عزيزتي بس مايضر على الشعر واتمنى انكم تاخدو حبوب سنتروم فيتامينات من الصيدليه مع اي نظام تعملوة
دا مو من عندى من طببيبه تغذية ومامنها ضرر بالعكس مرة كويسه
انا مشكلتى مع الرجيمات سقوووووووووط الشعر ـ وما انزل بسرعه ابدا

بالتوفيق
هموسة
أنقر للتوسيع...


اهلين للكل

انا اكل حبوب مكس فيت 3 مرات باليوم ومرات انساهم
مشكوره ع النصيحه


ساعه بليل11وزنت تتوقعون كم
7
7
7
7
7
7
7

90وناسه الحمدلله

يبيلي 5 كيلو

استخدمت الخل وزيتون
وشرب شاي اخضر
والمشي..ورياضه الخصر والفخوذ لمده ساعه ونص يوميا

باااايات
..........................................
 
السلام عليكم

جبت لكم قصه وحده >>هي شجعتني وخلتني لي اراده قويه
انا ماعرفها بس سمعت القصه والكل توقع عارفها
7
7
7
القصه
7
7
تتكلم عن تجربتها وعجبني كلامها قلت
انقلة لكم
المهم
هي تكلمت عن اشياء كثيرة بس انقل لكم
عن التغيير الي حصل لها من ناحية زوجها
#تقول كان عادي عندة قبل انحف اني اروح مع اي احد من الاقارب مثل اخوانة وحريمهم او خالة او او او حتى سواق اهلة انا وعيالي
بعد الرجيم صار يرفض انها تروح مع احد ويصر انها تستناه يخلص شغلة ويوديها

#قبل الرجيم ماكان يحب السواليف كثير ولا الضحك
بعد الرجيم صار حتى نكتي البايخة يضحك عليها بالعربي يستحلى منها كل شى
#قبل الرجيم ماكان يركز على لبسها ولا عمرة علق علية
بعد الرجيم صار يختلس النظر لها اذا مشت من حولة وهى صارت عاد تدلع بس صار لايق عليها
#قبل الرجيم كان مايشيك عليها ولا يعطيها اي تعليمات قبل ماتروح اى عزيمة
بعد الرجيم محاضرة عن الستر وانها ماتقوم من مكانها علشان مايشوفها احد بالصدفة
#قبل الرجيم
تقول ماكان يحط يدة على يدى ابدا وكنت اعتقد ان الحركة هذا بس فى التلفزيونات
بعد الرجيم صار كل شوى يلتفت على وتذكر ان لي ايدين وانها بعد ناعمة
#قبل الرجيم كان فى السوق يمشى قدامي الحين يمشى معى ويطالع فى الرجال اذا هم يطالعونى او انا اطالع فى احد

# قبل تنحف تقول كان لو اشيل دبة الغاز مايهتم بعد مانحفت صار لو يشوفها
تبي تشيل ولدها الي عمرة 4 سنوات من الصالة اذا هو نايم ------يقول صحية خلية يمشى

#قبل تنحف بطلوع الروح يوديها للسوق واذا تكرم ووداها يستناها عند باب المحل واذا حبت تاخذ راية فى شى يقول لها زين زين بس عجلى اطلعى
بعد النحف صار يدخل معها ويقول لها انت اختاري وخلينى انا اتفاهم مه الرجال

# قبل النحف كان شعرها جميل بس ماعمرة انتبة لة بعد النحف صار يقول وش مسوية بشعرك عطينا من الي تحطين--------- عاد بسم الله علينا هو اصلع من ابو لمعة
قبل الرشاقة تقول كنت اذا جت وحدة جسمها حلو فى التلفزيون اغيرة على طول
بعد الرشاقة تقول صار اذا جاء مذيع في التلفزين صار هو يقول ترا هذولى مايطلعون الا بعد مايتعبون على انفسهم ويحطون مكياج




قبل الرجيم كان اذا سافر سفرة يجيب له عطر من الطيارة او بالكثير شنطة
لانة يقول مااعرف مقاسك خفت اجيبلك شى مايقد لك
بعد الرشاقة عرف مقاسها -------------سبحان الله ---------- وصار هداياة قمصان نوم وبلايز


قبل الرجيم كان اذا يبغى يمزح معها يقول لها انت حسودة -------------وش يضرك لو زوجتينى
بعد الرشاقة معاد جاب ذ السيرة

تقول الاخت
انا عني صرت وحدة ثانية حتي فى مشاعري واحاسيسى صرت احب الحياة والناس
كنت الناس تفرح بالعزايم وانا يركبني هم مايعلمة الا الله من يعزمني احد
وحدة اني مالاقى فى السوق شى مقاسى واشترى حتى لو موعلى ذوقى بس المهم يدخل فينى
وعلشان اضمن اني ماارجعة احرص يكون سترجش الي يزيد الطينة بلة
ويحلى جسمى اكثر من ماحو حلو
حتي الجزمة ماكنت اختارها بس الاقى مقاسى اشيلة واحيانا اخذ ثنتين من نفس الشكل
لاني ماصدقت لقيت المقاس

اما الفترينة هذي حلمى اني الاقى شى ينفع لى فيها ودئما سؤال للبائع عندك مقاس كبير من هذا
واشوف البنات فى المحل يختارون وعلى طول يطلبون المقاس اما انا لا زم ابعد شوى علشان اشبر الصدر لاتاكد انة مقاسى

كان معظم شرائي قمصان بيت ووصل بي الامر اني ازور اهلي فيها --------على اساس انها اريح اما البيت فهذى لبسى المفضل وحتى لو لبست تنور او شى ضيق حدى دقائق وافسخها
نكمل بعد الرجيم تقول
صرت افرح باي عزيمة حتى عزايم اهلى صرت اروح لها بالعربي صارت تحب الترزز
وبدال نظرة الاشفاق صارت نظرة اعجاب من الجميع ليس بسبب جسمى بل بسبب قوة ارادتى وصارو الحريم الي كانو انحف منى اسمع منهم الاسطوانة المشروخة
الي تقول -------------حبيبتى ليش ماتنحفين توك صغيرة لازم تملين عين زوجك -----هذولي يقالك المادبات
او الي تقولى عندي لك برنامج حلو اختة من وحدة علشانك وكاني السمينة الوحيدة فى العلم

صارو الي تقول ماشاء الله ارادتك قوية والي تقول تكفين وش سويتى وصرتى كذا
اما عن الذوق فى اللبس كنت اتحسر مرتين مرة يوم البس شى على غير مزاجى ومرة لما اطالع البنات الانيقات ودي اقول لهم والله ان ذوقى احسن منكم بس حكم الجسم
الحين البس الي نفسى فية ويافرحتي اذا جبت شى للبيت ولقيتة واسع ------لانها بصراحة صارت عقدة----------- مايهمني اني ارجعة قد مايهمني اني اقول لرجلي انا رجعتة لية



المرونة الي احسها بجسمى خلت ادلال وحركات الدلع لايقة على
وصرت بس ادور وش يقولون عن الرومنسية علشان اسوية-------واكتشفت ان فية اشياء ماكنت اسويها لم اتركها من ---- الحياء لا -----بس ماكنت حاسة انها تناسبنى
باختصار ر حسيت بانوثتى اكثر
وانعكس هذا على تصرفاتي وبدلت اشياء كثيرة فينى من غير مااحس
وشفت فرق فى تصرفات الي حولى بداية ب زوجى ثم اهلة الي كنت اشوف فى وجوههم الشفقة على اخوهم والتحسف على انى مخذة واحد وسيم والكل يتمناه
حتى ان خالتى ((((قصدها ام زوجها )))) ولاول مرة تنادينى دونا عن الباقين لما جاها ناس يشوفون بنتها طبعا هذا بطلب من البنت
ليش لاني بصراحة صرت اشيك وحدة فى عائلتهم
مع اني كنت اسنع وحدة بس هذا ماشفع لى عندهم




فى بيتى ومع زوجى حسيت اني نقصت عشرين سنة
بعد ماكنت احس اني ام موبس لعيالي والله اني احيانا احس اني ام حتي لزوجي
صرت احس اني عروس وصرت اكثر نعومة ورقة
وانعكس هذا على تصرفات زوجى مع
لما كنت ازعل معة كنت انا الي اجي اراضية اين كان السبب لانى بعد مااهدى ومن قلت الثقة فى النفس اقول من زينك عاد لا شكل ولا اخلاق روحي راضية
كنت لما اروح مع زوجى لمطعم او مكان عام كل مرة زوجي يشوف وحدة مع زوجها بس علشانها نحيفة ومامعها اطفال دائما يقول هذولي عرسان عاد انا اموت من القهر واقول فى نفسى تلقينة يقول فى نفسة ياحظة بهل عروس
الحين ماعاد صارو يلفتون انتباهة كثير------------صار تركيزة على اكثر


كنت لو شفت بنات يمرون من جنبنا احاول الهية بالكلام عن انة يطالعهم والحين اكتشفت اني تخلصت من هذي العادة بدون ماادري
كنت احس لما البنات يقابلونا ويطالعون فى زوجي على طول يطالعوني وكانهم يقولون ياسفابة عليها لاني فعلا فى العباية شكلى امة
يمكن هذا شعوري بس لاني حساسة مرة وعاطفية بس كل هذا كان مدفون بين الشحوم
وانا كان المهم عندي اعرف وش الي صح ضميرها وغير تفكيرها
تقول فى يوم كنت الحالي فى البيت عيالي راحو مع ابوهم لبيت اهلة
وجلست اطالع تمثيلية فى التلفزيون وجايبة باقى الغداء انقنق فية---بعد ماكفاها الي كلتة فى الغداء
بعد كذا رحت لغرفتى وجلست اطالع روحى فى المراية
قلت فى نفسى هذا جسم وحدة فى العشرين اجل اذا صرت فى الاربعين وشلون بصير

لو مهوب علشان شكلى على الاقل علشان صحتى
لو عشان نفسيتى الي صارت زفت من الي اشوفة ومن خوفى علىزوجي لايطير منى
فكرت سنين وانا اكل كل الي نفسى فية وش حصلت كلها متعة ماقتة بعدها الله العالم
وش هي كم شهر عند السنوات الي فاتت والسنوات الي تبي تجي وابيها تكون احسن من الي فات---------------تعبت ولازم احط حد لمعاناتي
بس وشلون
هل هو رجيم او دواء اواو؟
قالت اول شى الدعاء ومع الدعاء جتني قوة ارادة غريبة
ثاني شى عدم الياس دئما ادور على حل وماامل ابدا ومقتنعة ان كل شى لة حل بس نواصل البحث الى ان نجدة
اما عن الرجيم تقول استخدمت وجربت كل شى بس دئما مع فتمين
بس كلمة السر فى هذا كلة
انها لما تنقص عشرة كيلو وتخبص وترجع حتى لو نصفها كانت تقول الحمد لله
لازال عندي النصف الثاني مارجعتة فى الوقت الي غذيت جسمى فيى بكل الي نقص علية
يعني لازلت ربحانة
وبتلت على هذا التفكير الى ان انتصرت فى الاخير يعني كانت تجمع ربح على ربح
وماتبكي على الخسارة (وهذي الصراحة فلسفة اعجبتني كثير)

ماكانت تهتم انها تنزل فى اسبوع او شهر كانت تقول حتى لو مانزلت فى الشهر غير ثلاثة كيلو بركة مع الوقت بيكثرون وحتى لو اجلس سنة

والشى المهم قالت نصيحة لاي وحدة تسوي رجيم انها تشغل نفسها فى شى ثاني مثل تعلم هوايات جديدة او لغة وتعتني بكل الجسم من شعر الى بشرة وغيرة حتى اذا نحفت تكون مكملة اشياء كثيرة وهذا يبي يشغلها من التفكير فى الاكل

وتقول ان الشعور الجميل فى الجسم وفى النفسية يفوق اي وصف------------------- لما كانت سمينة كانت ودها تنحف بس علشان شكل الجسم والتمتع باللبس بس اكتشفت اشياء اهم ماكانت دارية عنها تفوق موضوع اللبس ---------مايكتشفها غير الي نحفو من بعد ماكانو سمان
حتى النحيفات مايعرفونها ----------------------شى يستاهل كل التعب لانها اكتشفت ان الحرمان من العادات الفذائية الغلط اسهل بكثير من الحرمان من المكاسب الثانية الي عرفتها بعد النحف وان مافية اكلة مهما كان طعمها تستاهل انها تهدم هذا الشعور الجميل

الشى الثاني والاجمل انها اكتشفت ان الذي كان ينقصها ليست الارادة بل
شياين الاول عدم ادراك الفائدة الحقيقية من الرشاقة من نواحي كثيرة
والثاني هو الوعى الكامل بالامور الغذائية واثرها
اما الارادة فهي تتكون تدريجين من زيادة مستوى القناعة عند الشخص
باهمية الشي

وعلى موضوع الرجيم
تقول فى البداية كنت كل مرة اسمع عن رجيم كان تركيزي بس كم ينحف
وعلى طول على السوق اجيب الطلبات الي كثيرا ما انرمت لانها
تستخدم يوم او يومين هذا اقصى حد
اما الاجهزة عاد هذى قصة
كانت تعتقد اذا سمعت عن جهاز انها مابينها وبين الرشاقة غير احضار هذا الجهاز للبيت
وانة لو كان عندها كانت صارت رشيقة من زمان
وينتهى الجهاز معلاق للملابس فى الغرفة لحد ماتمل منة وتبيعة بنصف ثمنة

قررت انها تاكل اكل البيت الموجود وتركض فى مكانها بدون جهاز
على الاقل اهون للفشيلة من رجلها كل يوم وين رايحة ابي اروح اشترى اغراض الرجيم
ولا شاف شى المسيكين

كل الرجيمات جربتها الي عدت على كلهم عندنا هنا فى القسم من الكيماوى الى البروتين الى رجيم السعرات الى الشوربة
بس افضل شى نزلت علية هو ترك العشاء +مشى نصف ساعة فى نفس مكانها +تخفيف +فى نهاية الاسبوع يوم واحد تاكل غدوة حلوة +بعد كل استحمام موية ابرد شوى على كامل الجسم

 
الحالة
مغلق و غير مفتوح للمزيد من الردود.
عودة
أعلى أسفل