حمله العنايه بالشعر لمده 3 اشهر من تبدى معاي

[زمن20008]

بنات اغلبنا تعاني من مشاكل بشعرها والاسباب مختلفه باذن الله ناويه اعتني بشعري بصورة مكثفه لاني مقبله علي مناسبه سعيده وابي شعري يكون في قمه تالقه منو تشاركني ونشجع بعض
برنامجي للرعايه بسيط ولكن فعال:
1-غسل الشعر ودهنه مرتين -ثلاث مرات بالاسبوع بزيت فاتيكا باللوز
2-عمل خلطه السدر والزبادي مرة بالاسبوع وممكن مرتين (تكثف وتنبت الشعر وتنظف الفروة)
3-غسل الشعر بشامبو الاطفال لانه اقل ضرر
4-مساج للفروة بصورة تصاعديه من اسفل الرقبه الي قمه الراس خمس دقائق يوميا
بنات انا مجربه هذا البرنامج وشعري كثيف جدا مااشاء الله بس طبيعه شغلي ولبسي للحجاب لفترات طويله خلتني اهمل في شعري وتاثر وتضرر جدا لذلك قررت ابدئ هذه الحمله منو تحب تشاركني
واي استفسارات انا حاضره

 

[ح ــلم فتـاه]

أنــــــــا ببدى معك .,.


بحول من الله وقـــوته .,.


بس هل السدر يجفف الشعرر ؟؟

انا شعري كان طوله ولونه ونعومته فضيعه بس من دخلت الثانوي وانا العب فيه بالتجعيد والأستشوار والقص

الأن أنــا بالجامعه وكأنه مايل للجفاااااف وكثير يتسااقط ومرره ما أقدر أظهر بدون أستشووار عكس قبل

ومادري هل ممكن ينفع معااي السدر ؟؟

والنقطه الاولى .,.

زيت فاتيكــا !! هل هو بلسم ولا زيت زيت .. ؟



*_*

 

[عزتي بصلاتي]

زمن 2008
يعطيك العافية على طرحك هذة الفكرةالرائعة
انا معاكم بس عندي شوي ملاحظة يقال ان السدر اذا قطعته يعمل تساقط للشعر وانا سألت كذا وحدة مجربته واكدوا هالشي
ثانيا انا ماراح استخدم زيت فاتيكا باستخدم زيت عافيه واطحن فيه حلبة واخليه لمدة عشرة ايام تنقع بعدين استخدمة لاني قريت هذي الخلطة واعرف بنات يمدحونها وايد اشرايج تجربين معاي الزيت او نلتزم بالجدول ما عدا انا استخدم زيتي الخاص قوليلي رايج لان يهمني بس ما قلتي متى الحملة تبدا

 

[ح ــلم فتـاه]

عزتي بصلاتي .,. أنــا مستخدمه زيتـ عافيه وحلبه نقعتهـا 10 أيام بعدين أستخدمتهــا والله مانفعتني .,. غير أن الريحــه غثتني .,. مهمــا نظفتـ ماتنظفـ .,.

 

[بنوتا ياي]

hi ياحلوين مشكوره حبيبتي ع الحمله انا ععن نفسي استخدم حلبه مطحونه وحبه سوداء وزيت عافيه ونفعت معيا والحمدالله وكل من شافني قال استمري عليه مخليه شعرك ماشالله حلوو بس يابنات شعر يختلف عن شعر يعني في ناس تكون معاهم تمام الخلطه وفي بنات لا وشكراااااا

 

[الندى الوردي]

وانا كمان معاكم بستخدم زيت عافيه والحلبه وماسك السدر ولبن الزباادي له طريقه الي تبغاها تقولي
وكمان بستخدم عشبه الاس يابنات رهيبه انا صاار شعري يتسااقط بشكل رهيب وتوني قاصته وفي بالي انه اهتم فيه
ودام فيه حمله يالله على البركه
وكل وحده تلاحظ انه في شي نفعها بشكل ملوحظ تبلغ اخواتها
والله يزقنا الشعووور السنعه ^_*

 

[عنود نجد]

مرحبا اختي
انا معاكم وسويت لي برنامج خاص فيني وابي رائيكم فيه
بالنسبه للخلطات
كل ليله راح استخدم منقوع(زعتر ووآس واملج واكليل الجبل ميراميه )احطها في بخاخ وابخ فيها الشعر قبل انام طبعآ قبلها اسوي مساج لشعر
يوميآجرجير اعصره في عصارة الجزر واحط مويته على شعري واخليه اقل شيء ساعتين
اشتريت امبولات ايفا بالصبار بعد ماشفت البنات يدحونها راح استخدمها يوم ايوه ويوم لا
ويوم في الاسبوع راح استخدم خلطة هاجريه كول
( سدر (او حنا) تعجن بماء البصل والثوم وتضيفين عليها الزيت الي يناسبك) وانا راح اضيف عليها مشاط ومحلب واسبوع راح استخدم حنا واسبوع سدر بعد خلطة هاجريه احط ماسك لشعر لان اللخطه تنشف الشعر
ماسك عسل زبادي زبده مايونيز
الشامبو راح استخدم يوم ميتال ويوم بيبي جونسون علشانه خفيف على الشعر لاانا راح اغسل الشعر يومي
​

 

[عنود نجد]

وانا كمان معاكم بستخدم زيت عافيه والحلبه وماسك السدر ولبن الزباادي له طريقه الي تبغاها تقولي
وكمان بستخدم عشبه الاس يابنات رهيبه انا صاار شعري يتسااقط بشكل رهيب وتوني قاصته وفي بالي انه اهتم فيه
ودام فيه حمله يالله على البركه
وكل وحده تلاحظ انه في شي نفعها بشكل ملوحظ تبلغ اخواتها
والله يزقنا الشعووور السنعه ^_*

حبيبتي ايش لاحظتي من استخدامك للآس يطول ولا ايش؟؟​

 

[زمن20008]

بنات بالنسبه لخلطه زيت عافيه مع الحلبه بصراحه كثير بنات قالو انها سببت لهم تساقط ولانفعتهم وانا بالنسبه لي زيت فاتيكا اشوفه خفيف ومايثقل علي الفروة
وبالنسبه لخلطاتكم يابنات براحتكم المهم نستمر 3 اشهر رعايه وعنايه
يله بنات منو معاي انا بديت اليوم

 

[ح ــلم فتـاه]

بنات راسي قلب .,. انا ماعندي شي معين أمشي عليه

بس خرابيطكم كثييررره .,. أش بتسخدمون بالضبط

السدر مو يجفف الشعر ؟؟

 

[الندى الوردي]

حبيبتي ايش لاحظتي من استخدامك للآس يطول ولا ايش؟؟​

لاحظت انه يطوول بالفعل وفي فتره قياسيه :icon30:

بس اشنقوول للكسل

اما التساقط جربت تونيك كومينموتو

بس مدري على الله كتبت اسمه صح :bleh:

 

[الندى الوردي]

بصراحه باقي مااستعديت ايام العيد ماخلصت ممكن كمان يومين:cupidarrow:

 

[عزتي بصلاتي]

صراحة خوفتوني من خلطة الحلبة وزيت عافية انا بس مرة وحدة مستخدمتها اما قبل كنت استخدم حوال فترة الشهرين خلطة ونفعت معاي حيل بس تكاسلت وما حطيتها وهي نواة التمر اطحنة وحلبة احمسها واطحنها وزيت زيتون وزيت عافية وصراحة جابت نتيجة شكلي بظل عليها بس راح ابدا بعد ثلاث ايام لان عندنا عرس على ما يخلص ابدا معاكم اوكي

 

[بنوتا ياي]

يابنات ايش خوفتتيني ماخوفتيني ترااه كله طبيبعه خلطة الحلبه وزيت عافيه مو كميائية عشان تخافين جربيه مرتين ولى مرا اذا مانفعت خلاص لاتكملين عادي انا مجربته والحمدالله مراا نفععتتني

 

[عزتي بصلاتي]

مرحبا وين الحلوين اشوف محد بلش ليكون غيرتو رايكم

 

[روح مغليها]

ممكن انضم ويااااااااااااااااكمـ

ممكن انضم لقافلكم:blush-anim-cl: انا بعد قررت اهتم بشعري ورجعت لزيتي القديم اللي كان شعري عليه روعه ورجعت للحناء اللي قطعتها بعد ما قالوا لي الكوفيرات انها تقصف الشعر بس والله ما عندهم سالفه وربي يوم كنت احطها كان شعري لمعه ورونق وبالذات اذا حطيت معها محلب ومسك وقرنفل وورد ووريحان

 

[زمن20008]

شلونكم بنات
انا قلت اكتب لكم شنو صار معاي بعد شهر من بدايه الحمله
شعري لمعه بنسبه 30%
تساقط وقف 50%
والطول زاد 10%
مستمرة علي نفس الخطوات ولكن زدت عليها بعض التغييرات البسيطه احط مرة بالاسبوع اس وسدر مع شويه ماي واسوي ماسك للشعر قبل الحمام
النتايج حلوة ومشجعه
يله بنات تشجعو وكملوووووووو

 

[خلود 999]

مشكووورة اخيتي زمن 20008 ودي اضم لحملتكم خصوصا بعد ما خرب شعررري من كتر الصبغا ت انا استعمل زيت العافية مع الحلبة ومرة زيت النارجيل وخميرة وماسك العسل وزبادي ومرة جرجير مع موية حطها ع شعررررري .وان شاء الله استفيد من خبراتك ياغاليتي ممكن استفسر عن عشبة الاس انا استعملها مع موية جربتها فترة وتكاسلت هى حلوة انتي اشلون طريقتك فيها .​

 

[الجوهره1]

شكرا حبيبتى
وعساك عالقوه

 

[زمن20008]

انا رديت لموضوعي عشان اعطيكم النتايج
بصراحه نبت لي شعر كثير والشعره سمكت وفيا لمعه وعافيه والحمدلله
بس بصراحه جفف شعري السدر لذلك التزم دايما بالتزييت وكريمات العنايه