حملـــــــة المنطلقات ~~~ دردشه للمطلقات الجزء 3

بنات بكتب لكم قصتي كامله وانتي عطوني رايكم
بستشيركم وأنا واثقه من آرائكم خصوصا إنكم جربتوا الطلاق وحآسيين فيني
"بنات أنا تقريبا من ثلاث سنوات وبدخل السنه الرابعه وأنا في حاله نفسيه وتعبت كثيرخصوصا بعد ما تطلقت
أنا تملكت وعمري 19 سنه على شخص كنت أحلم بواحد بمثل مواصفاته متعلم ومن عائله بس للأسف تفاجئت فيه بعد الملكه
يا بنات ما لقيت له بداخلي أي قبول ولا كنت مقتنعه فيه أبدا ولا بأسلوبه وطريقه كلامه كان مغرور بتعامله معي ما عمري حسيت معاه بلحظات حلوه مثل اللي يعيشونها البنات في فتره الملكه اللي هي من اجمل أيام العمر ما عمره قالي كلمه حلوه تجبر خاطري وعلى فكره كان خاطب قبلي ثنتين وفسخ خطوبته منهم وأنا الثالثه وقلت مو مشكله ما يهم مع إنه المفروض سألنا عن أسباب فسخ خطوبته للبنات اللي قبلي
وغير كذا اكتشفت إنه سئ ظن وشكاك يعني لو ما أرد على الجوال مثلا ما يلتمس لي عذر على طول يسحب وما عاد يتصل ما يقول يمكن نايمه أو وتعبانه أو بعيده على طول يحس إني ما ابي ارد عليه
وغير كذا ما يقبل المزح ابدا
مره اذكر جآء عندنا البيت وتأخر عندي الى الفجر أمي قالت له وش رايك تنام عندنا بعدها هو قال لا وأستأذن
لما كلمني بعدها بفتره قال وش قصدها أمك تطردني
تخيلوا يا بنات انا مره انصدمت أمي تقول له اجلس عندنا وحياك الله وهو يقول أمك قصدها تطردني
كان تعامله جاف جدا كنت أحس إنه مو شاريني وممكن بأي لحظه يبيعني رغم إني جميله والحمد لله ومتربيه وكنت احترمه وما غلطت عليه الكلام
مره من المرات كنت متضايقه من تجاهله لي وقله اهتمامه ومن اسلوبه اتصل وما رديت وهو بالعاده يتصل مره وحده إذا ما رديت يجلس اسبوع بعدين يدق مره ثانيه ما يلتمس العذر إني بعيده أو مشغوله قلت بشوف إذا ما رديت عليه بيهتم لإني بالعاده ارد عليه على طول وفي حاله ما رديت ارسل له إني كنت مشغوله بس هالمره ما رديت ولا ارسلت قلت بشوف بس جآتني ردت هالفعل من كثر ضيقتي
طبعا هو جلس فتره بعدها ارسل رساله وانا ما رديت قلت اشوف تدرون يا بنات سحب علي شهر كامل عشاني ما رديت على الرساله وعلى المكالمه الواحد ما يسحب بالعاده لما يدق كثير وما يلقى جواب مو من إتصال واحد وهو ما لمس لي عذر يمكن اني مره مشغوله خصوصا إنه وقتها كانت فتره إمتحانات أو إني ممكن ما عندي رصيد بالجوال
تأكدت وقتها إني مو مره مهمه بالنسبه لي ولا حتى حبني ولا خاف علي طيب لما رديت على الرساله مو مفروض يخاف أو يقلق وإلا عادي عنده أنا ما عمري طنشته ولما جربت اطنش ما فاد بالعكس إلا سحب وما عاد دور علي
وقتها أنا تعبت كثير من تجاهله وطبعا مع صغر سني وقله حكمتي وعدم إيزاني للأمور طلبت الطلاق وأهلي ما عارضوا خلوني على كيفي وهو ما عاد سأل كأنه ما صدق أنا ما أنكر إني غلطت وتسرعت بس بلحظه غضب انعميت ولقيت تشجيع من اختي إلى يومكم أنا ما أسامحها ابدا كنت محتاجه أحد يوعيني ويتكلم مع طليقي ما أحد حاول يصلح بينا لا من أهلي ولا من اهله
وتطلقت بعدها بفتره ويا بنات جآني حزن مو طبيعي رحت لأطباء نفسيين وتعبت
خطوباتي كلها بذيك الفتره ما تمت يعني اللي بعد الطلاق وتعبت اكثر كرهت نفسي إني صرت مطلقه رغم إني بكر يعني ما دخل علي بس مهما كان مطلقه
والي يومكم والسالفه لها اربع سنوات أنا ما نسيت ولليوم أتذكر وأبكي وحزينه على نفسي واتمنى إني استمريت معاه ولا إني اصير مطلقه بس هذا قضاء الله
رغم إني مخطوبه حاليا بس مو مقتنعه بخطيبي بس ما قدرت ارفضه هو صحيح أنا ما ملكت على خطيبي الجديد بس مو قادره ارفضه رغم إنه شاري وأنا اصلا ما اقدر افسخ الخطبه مو من حقي اتشرط وأحلم بعريس فيه كل المواصفات الحلوه وأنا مطلقه حتى العريس الزين ما يبي مطلقه
أنا تعبانه يا بنات انتظركم​
 
أختي وسعي صدرك وصدقيني يمكن في ذالك خير لك تتطلقين وانتي بفترة الملكة ولاتطلقين وفي رقبتك اطفال وصدقيني لورب العالمين كاتب لك نصيب معه مابتعرفين الأهو بس غيرة هو نصيبك وليش اربع سنوات ما نسيتيه من طيبته معك ومعاملته الزينه بس علشانك حصرتي تفكيرك عليك
ويوم تقولين ليتني استمريت ولا اظل مطلقة ليش المطلقة مافيها شيء وربي راح يرحم حالها لان الكثير منهم مظلومات فكري بخطيبك الجديد وهذاك انسية الى متى راح تظلين تفكرين فية خلاص هو ماضي فكري بالمستقبل اكثري الصلاة والأستغفار بنية الله يسخرلك خطيبك الجديد والله يوفقك يالغالية
 
معليش يابنات انفصل معي
انا تخرجت من الجامعه
وانا من القصيم وساكنه الرياض واصلي من حايل هههههههه حلوها
 
اختي تعبانه ليه انتي مكبره الموضوع روقي وريحي نفسك وشكلك ياقلبي حساااسه
الي راح راح والاول لو هو يبيك او شاريك كان ماطلق على طول وانتي بنفسك قلتي انه ما اهتم فيك هذا وهو بالملكه وشلون اذا تزوجتوا احمدي ربك انه فكك منه
والحين ياقلبي عيشي حيااااااااااااااتك وانسي الماضي
ولاتفكرين بالي راااااااااااااااااااااااااح خلاص افتحي صفحه جديده
كثري من الاستغفاار والله يكون بعونك يارب
 
برائهـ أنثى قال:
معليش يابنات انفصل معي
انا تخرجت من الجامعه
وانا من القصيم وساكنه الرياض واصلي من حايل هههههههه حلوها
أنقر للتوسيع...

انا رجعت عشان ارد عليك والله استانست يوم قلتي انا ساكنة في الرياض حسيت ان فيه احد من منطقتي .. الله يوفقك ويعوضك بلي احسن منه
 
قلبي مملكة بنتي قال:
أختي وسعي صدرك وصدقيني يمكن في ذالك خير لك تتطلقين وانتي بفترة الملكة ولاتطلقين وفي رقبتك اطفال وصدقيني لورب العالمين كاتب لك نصيب معه مابتعرفين الأهو بس غيرة هو نصيبك وليش اربع سنوات ما نسيتيه من طيبته معك ومعاملته الزينه بس علشانك حصرتي تفكيرك عليك
ويوم تقولين ليتني استمريت ولا اظل مطلقة ليش المطلقة مافيها شيء وربي راح يرحم حالها لان الكثير منهم مظلومات فكري بخطيبك الجديد وهذاك انسية الى متى راح تظلين تفكرين فية خلاص هو ماضي فكري بالمستقبل اكثري الصلاة والأستغفار بنية الله يسخرلك خطيبك الجديد والله يوفقك يالغالية
أنقر للتوسيع...

ما ادري ليش ما نسيت اللي صار معي لا هو ما علي منه أنا حزينه على نفسي
مشكورة حبيبتي اسعدني ردك
الله لا يحرمني منكم
 
اختي ( تعبانه نفسيآ) الله يعوضك احسن منه والله ماعليه حسافه انتي متعبه حالك عشانه وهو مافكر فيك
والله ما يستاهلك لو يحبك ما فرط فيك بسهوله عيشي حياتك وانسيه والله يعينك
 
ااامين ياقلبي وانا بعد استانست ان فيه احد زيي واسولف معه لان المتزوجات طبعا من يوم تطلقت والكل يخاف
يسولف بحياته يخافون انظلهم هههههههههه الحمد لله والشكر
 
برائهـ أنثى قال:
اختي تعبانه ليه انتي مكبره الموضوع روقي وريحي نفسك وشكلك ياقلبي حساااسه
الي راح راح والاول لو هو يبيك او شاريك كان ماطلق على طول وانتي بنفسك قلتي انه ما اهتم فيك هذا وهو بالملكه وشلون اذا تزوجتوا احمدي ربك انه فكك منه
والحين ياقلبي عيشي حيااااااااااااااتك وانسي الماضي
ولاتفكرين بالي راااااااااااااااااااااااااح خلاص افتحي صفحه جديده
كثري من الاستغفاار والله يكون بعونك يارب
أنقر للتوسيع...
ايه والله حبيبتي أنا مره حساسه
إيه نعم ما كان شاري وهذا اللي خلاني أطلب الطلاق
يا عمري انتي اسعدني ردك
 
ملاذ الخواطر قال:
اختي ( تعبانه نفسيآ) الله يعوضك احسن منه والله ماعليه حسافه انتي متعبه حالك عشانه وهو مافكر فيك
والله ما يستاهلك لو يحبك ما فرط فيك بسهوله عيشي حياتك وانسيه والله يعينك
أنقر للتوسيع...
حبيبتي ملاذ آمين يا رب
أنا عارفه إنه ما حب هاذي تصرفات واحد يحب
 
سلااام وعليكم

ممكن تقبلوني معاكم مطلقه خجوله
 
برائهـ أنثى قال:
ااامين ياقلبي وانا بعد استانست ان فيه احد زيي واسولف معه لان المتزوجات طبعا من يوم تطلقت والكل يخاف
يسولف بحياته يخافون انظلهم هههههههههه الحمد لله والشكر
أنقر للتوسيع...

ههههههههههههههههههه ما علينا فيهم كل واحد مياخذ الا المكتوب له ونصيبه اهم شي ننسى ازواجنا لانهم ما يستهلونا والله يعوضنا بلي احسن منهم
 
برائهـ أنثى قال:
ااامين ياقلبي وانا بعد استانست ان فيه احد زيي واسولف معه لان المتزوجات طبعا من يوم تطلقت والكل يخاف
يسولف بحياته يخافون انظلهم هههههههههه الحمد لله والشكر
أنقر للتوسيع...
متخلفات الحمد لله والشكر
ما عليك منهم يا قلبي
كم لك منفصله ؟ عندك اطفال ؟
 
بنات فااااضين احكي لكم والا مشغوووولين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل