حملـــــــة المنطلقات ~~~ دردشه للمطلقات الجزء 3

اهااااا بس صعبة شوي
حددي من فين انتي ؟
 
لاتخافين يالسادمه مانيب حاطه حرف السين بقصتي اخاف ماتفهمين بعض الكلمات
لان كلامنا يبيله ترجمه وقاموس هههههههههههههههههههه
 
شكرا برائهـ انثى
وبسرعة نبغا نعرف قصتك اشتقنا لمعرفتها
 
بسم الله نبدا
اول شي بقولكم معلومات عني ههههههه روايه طبعا
انا باقي على انتهاء عدتي 14يوم والحمدلله عمري 26

عندي بنت عمرها سنه ونص وش بعد
وبس
تزوجت وانا باخر سنه بالجامعه قعدت 4شهور وحملت ومن بداية حملي بدت معي المشاكل معه
صار مايصرف على البيت ولا علي ودايم اسبوع ورى اسبوع يقول بروح للبر ووقت الصيف يطلع اكاذيب ثانيه
 
ودايم انا وياه بمشاكل واجيب الناقص من اهلي طبعا انا مايعطيني ولا ريال لان عندي مكافئه الجامعه
المهم هو بطبعه بخيييييييييل لابعد الحدود حتى بايام الملكه وشهر البصل هههههههههه
وجى وقت ولادتي ولاهمه حطني بالمستشفى وطلع وبالنفاس غثني بالمشاكل
وبعد النفاس قالي وش رايك نروح للامارات
انا قلت غريبه يمكن تغير وصار حبيب :32:
وانا الحمد لله محافظه ولا احب الاماكن الي فيها اختلاط وبعد طليقي يحب الحرييييييييم :30:
ويحب يناظر وبتبصبص والامارات ماتصلح الا للي يحب الاسواق وعادي عند يدفع والاخ بخييييييل يعني ماتصلحلنا بس قلت اخاف اعيي وبعدين يقول انتي الي ماتحبين السفر والطلعات
اول ماوصلنا الامارات كنت تعبانه ونمت وهو صحاني من النوم وهو سكراااان :33:
انا انفجرت من الصياح لاني ماعمر شفت احد يدخن وشلون واحد سكراان تصدقون اني احسبه وسطه جني ههههههههههههه​
 
معليش بكتبلكم القصه متقطعه لان النت عندي يفصل واخاف اكتب كثير ويروح
جلس 3ايام على هالحال وانا دمعتي ماتفارق عيني وطبعا هو ملتزم بالظاهر فقط
يعني حاط لحيه للمصالح وانا ياغافللكم الله وواثقه فيه قبل
قلتله يلا نرجع السعوديه مقدر اتحمل معك ووووووو
رجعنا ويوم جيت لهلي انهبلو وش فيك ناحفه ووجهك باهت قلت مشتاقه لبنتي لاني حاطتها عندهم
وماعلمت اهلي عن شي علمت اهله واستغربت منهم ماتفاجئوا زيي كانهم متعودين على هالشي
ومرت الايام والاخ يروح للبر على قولته اسبوع ورى اسبوع يروح اربعاء وخميس ويرجع الجمعه بالليل​
 
ومرت الايام على ذا الحال مقصررررررررر مره معي ومع بنتي حتى الحليب بالهواش يجيبه والعلاج وكل شي وانا دايم اقوله وين يروح راتبك بحكم ان اهله هم الي يدفعون اجار البيت
وكان يصرفني
وزي ماقلت كان دايم يروح للبر على قولته وجاني بعد الدوام قال انا مستعجل بيمروني الشباب خلي ابوك يجي ياخذك وبرجع الجمعه وطلع
المهم يوم جاء يوم الخميس دقيت عليه وبدا يهاوش ويصارخ قلت وش فيك وبدا يلعن والله ياخذ الحريم
ويخربط واثر الاخ سكرران قلت انا لله وانا اليه راجعون وسكرت بوجهه
الا يدق علي برقم غريب ومن خارج المملكه وارد ونفس الشي قلت انت سكراان قال انتي الي فيك ومافيك وقعد يخربط بكلام مدري وشو
انا اخذت الرقم ودقيت على الاتصالات وقلت لهم هذا الرقم فتح اي دوله
قاالو البحرين :33:​
 
وش رايكم اكمل ولا نعلق على قصتي ولا اكمل القصه وترى قصتي كثيييييييره واجزاء ههههههههههه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل