حملة ((والله لأجيب خبره)) للمملكات و المتزوجات حديثا

[ساكن عيوني]

انا ودي اشارك معاكم يا بنات
انا مملكة لي اربع شهور وكم اسبوع ما شاء الله ربي يتمم لي ولكم على خير


انا اعتقد من خلال الكلام ان زوجي جنوبي .. واحس الجنوبي اسهل شخصية مدري
يمكن لأنه مسالم...؟؟؟ وانا شريره لووووول لا امزح
وبعد شبقول ...؟؟

آه انا ما شفت خطيبي من يوم ملكنا ليومكم هذا عشانه مسافر ربي يرده بالسلامة ..
يعني ما عملنا ولا شي ولا شفته الا وقت الملكه وسافر بعدها ...

وعندي افكار للي زوجها مسافر .. يعني انا دايما اكلمه ع النت وهو يكتب لي قصايد
وانا بعد حاولت مرة اكتب له وطلعت قصيده مررره حلوووه .. وبعد ...
صممت له تصميم حطيت صورتي وصورته في قلبين وكتبت احبك وحركات وكذا
انهبل عليها .... ان تذكرت رجعت لكم



متاااااااابعه معكم للآخر

 

[ابتسـ أمل ــامة]

بعد غيااااااب المنتدى يعووود الينا من جديد فالنبدأ هذه المره بهمه عاليه و جديده
ولنكشر عن انيابنا هياا يا بلقيسيات انطلقوووو>>>لاتلومونها تطالع رسوم زياده عن اللزوم :blow:

وانا راح انضم اليكم.... لي عودة

حياج الله و ننتظر تفاعلج

 

[ابتسـ أمل ــامة]

ثاااااااااااااااانكس

ولكمززز
بس وييين ويين ماضيفناج
ع الاقل استكانة شاهي
انزين ماااي بلي ريقج خخخخ:nosweat:
يلا ننتظر عودج بأفكار حلوه

 

[ابتسـ أمل ــامة]

أنا أكتشفت إن زوجي ماينفع معه الا الكلمة الحلوة حتى لو كان غلطان 100% معنى كذا لازم أمسك أعصابي ... إذا زعلت لأني بعصبيتي أخرب كل شي...الكلمة الحلوة والدلع حتى لو كان بسيط يجيبه ويخيليه يقول لك كل اللي تتمنينه .:bigsmile::cupidarrow:

صح كلهم جذي
بس انا مشكلتي يوم اتضايق منه احرمه من الكلام الحلو
و امس كنت معصصصبه حدي منه و بعدين يوم اتصل يعاتبني ع الكلام الي قلته قلت لاازم استغل الوضع وادلعه حتى وانا معصبه
فكنت اتكلم بجديه وهو يقول تطولين لسانج علي؟؟؟ تعاتبيني؟؟؟
وانا ارد عليه لا الغالي لا فديتك ينقطع الساني قبل لا اطوله عليك بس ترى جذي ...و اشرح له السالفه وليش تضايقت عشان يفهم

و مرات يتصل ويكون زعلان وانا اعرف من قبل انه بيتصل وهو معصب فأول ما ارد هلاااا حبيبي مشتاقتلك، عاد يتغير 180 درجه يهدى شوي هههههه

يلا مشي حالك حالك يمشي
ثانكس ع المرور غناتي

 

[ابتسـ أمل ــامة]

مرحباااا صباااياااا ..الموضووع جا عالوتر الحساااس..انا توني من اسبوع متملكه

زوجي خجول وانا اخجل منه...اول الايام تخيلوا حتى كلمة فديتج ما يقولها ولالالالا شي ولا حبيبتي ولا عمري

طبعا انا مليت بس قلت لازم انا اللي ابادر فقمت ارسله بالمسجات انت وين حبيبي والا اشتقتلك يالغلا ومن هالسوالف..

نطرت نطرت ابو الشبااب لا حس ولا خبر هههههههه عاد مره كنا سهرانين وناداني باسمي عاد قلت له انا غيرت اسمي

هو على نياته الا يقولي صج هههههههه ((الله يصبرني )) ملاحظه ترى هو ما يفهم النغزات ...الا قالي شسميتي عمرج

قلت له لا سر الا يقولي ليش سر قلت له سر بيني وبينك هالاسم بس ...بعدين استوعب وقالي حبيبتي ومن يومها والكلمات

الحلوه تهل منه مره حبيبتي ومره عمري ومره حياتي...يعني اللي ابي اقوله لكم اذا حسيتي انه خطيبج او زوجج ما يبادر

بالشي انتي بادري فيه يعني دليه عالطريق وهو بيمشي ..........واعجبتني افكاركم وانا في افكار بطبقها واذا طلعت اوكي

على طول بقولكم.........ويسلمو على هالحمله بس اخاف هم اللي يجيبون خبرناا ههههههه...

سوري ويد سولفت....سي يووووو....تحياتي للجميع............القطريهــ

واااااااااااااااااااااااو
وي جان زين لو ريلي يعبرني ويقولي كلام حلوو
عيزت وانا المح و المح ماشي فايده
مع ان ادري انه يحبني وايد
بس يستحي يعبر
مره طرشت له مسج وقلت له احلى كلمه سمعتها في حياتي كلمة احبج منك ياربي شكثر مشتاقه اسمعها
بس سوالي اكبر طاااااااف ههههههههههه
و يوم شفته تميت احن عليه اسأله انته تحبني و اتدلع عليه الين قالي احبج
وييييين طلعت عقب زووور و قوه
هههههههه
بس مب معناته هو مايقول معناه انه مايحبني لا ترى الريال مايعبر عن حبه بالكلام بس افعاله الي تبين مقدار حبه

وحياج الله في الحمله يالغلا ههههههههه ضحكتيني يوم قلتي اتخافين هم يجيبون خبرنا>>يعني ينقلب السحر على الساحر:smoke1:ههههههه
الله المستعان

موفقين يا بنات

 

[ابتسـ أمل ــامة]

مرااااحب ياحلوات
ماشاءالله كل وحده ترد باين انها عاقله وماينخاف عليها ربي يحميكم
الشوق وبس انتي صادقه ياقلبي مسجات السوالف احلى من الشعر عشان كذا اقول يبيلنا نخترع سوالف مسجات
لان ابو الشباب مستحيل يبدا من نفسه فهمتي
فمتلا
تقولين بالمسج
"البيت مافي كهرب ولا نور ايش اسوي مرا خايفه ومدري ايش عاد فهمتي الفكره بس على حسب جملتك
وارسليها بيدق عليك قولي الحمدلله توه يرجع النور
هاذي فكره انا عاجبتني ماعلي منكم لازم تعجبكم
اقول لازم تعجبكم مالي دخل ههههههه
يحبي لكم تهبلون مقدر استغني عنكم
وجاري البحث عن افكار تجيب خبره

هلا بالنوور هلا
ههههههههه حلوووووه الحركه خلاص بجربها
انزين قوليلي جربتيها انتي ولا بس حطيتيها اهني والسلام؟خخخخخخ
يسلموو يالغلا و ننتظر افكارج الحلوه

 

[ابتسـ أمل ــامة]

الا بنات بسالكم تعرفون تطبخون عشان المستقبل؟؟؟

ممممممممم
انا اعرف بس مب وااااايد واايد لكن شي معقول
يعني اتوقع يوم بيكون عندي مطبخي بروحي ممكن اصير فنانه في الطبخ
لاني احبه كهوايه

وانتي؟

 

[ابتسـ أمل ــامة]

ألا ليــت الزمــــان يــعود يــــــــوماً ​

---------​

خليتوني أحن لأيام الملكة والدلع .. :tears: ..​

صراحة من حقكن لازم كل وحده اتفكر كيف اتجيب خبر هالزوج :bigsmile: ​

عيشوا لحظاتكم الحلوة واستمتعوا بها قد ماتقدرون لأنها فعلا أيام روعة وأروع بعد ​

.​

..​

...​

تحياتي لكن :blush-anim-cl:​

ههههههههههههههه عاد الي يسمع يقووول هيييه غرقانين دلع
كنت اشوف المسلسلاات السوريه وقوول ياسلااام يوم جذي الحب و جذي الرومنسيه خاطري اجرب
ويوووم ملجت قلت ياكافي الشر شوو هاا يبا يتحكم وبس
بس الحمدالله
عشان جي انا قلت خل اسوي حمله
مابخليه يمشيني على كيفه انا بييب راسه وبخليه يدلعني غصب بعد خخخخخخ
الله المستعان

 

[ابتسـ أمل ــامة]

احلام أمراءه
وشو دلعه الي تتكلمين عنه
مااحس ان ايام الملكه ايام دلع انا احسها عادي
والله جملتك ماتبشر بخير ههههههههههه

هههههههههههههههههه
نفس الشعور
بس في شوية دلع يعني تغيير عن ايام العزوبيه خخخخ

 

[ابتسـ أمل ــامة]

مساء الخير

كيفكم

يابنات كل وحده تعرف زوجها ويش يناسب له
وكيف تتعامل معاه

انا مثلا مايحب اني ارفع صوتي ولا اعاند

وانا احيانا امسك نفسي لاعصب

والحين كل يوم ندخل النت ونلعب مع بعض بلياردو مررررره حلو

الي قلتيه ينطبق على كل الرياييل
مافي اي زوج يحب زوجته ترفع صوتها و تعانده
اصلن هالتصرفات تنفرهم
حلووه انكم تلعبون بلياردو مع بعض
حياج الله حبيبتي و موفقه ان شاءالله

 

[ابتسـ أمل ــامة]

لاحبيبتي بالعكس .. ما أحطمكم والله .. ​

لكن فعلا أيام الملكة أيام رومانسية ودلع ولاتنسين بعد المجاملات :bigsmile: ..​

سوالف التلفون والغزل وهوه ساير الدوام وراجع البيت ما أحلاها .. :1eye: .. ​

ولأ ماجربتيها !!

اي رومنسيه واي سوالف السوالف كلها عن الزحمه و قرف الدوام و غلاء المعيشه و ارتفاع الاسعار و حرارة الجو و كثرة الهنود في الشوارع و الحوادث و ..... من هالكلام خخخخخخ
عبالج رومنسيه ويييييه اروح اشيط بصل احسلي خخخخخخخخ
​

هيه بحد ذاتها اتخليج عايشة في أحلام .. أميرة وبس

احلام ههههههه احلام فقارى :sad_1:​

غير اللحظات الحميمة وقت الزيارة والغزل .. الحين هي اللحظات ماتتسمى دلع !!​

يعني تعيشين فترة دلع X دلع .. انتي اطلبي وأنا عيوني لج :shiny: ​

يمكن يوم يزروني شويه غير عشان يونس عمره عااد هيه هاذيج الساعه ​

صراحة عشان هالاسباب أقولكم استغليها صح أيام الملكة ..​

واللي تشوف أي غلط أو تصرف من " بو الشباب " ​

نصيحة مني حاولي انتي اتعدلينه بطريقة غير مباشرة بعد ماتملكين قلبه واتذوبينه ..

صح اوافقج الراي

هذي الفترة هي أنسب وقت لتحقيق مبتغاك .. ليش ؟!!​

لأنه يحبج ويموت فيج ومايهون عليه زعلج .. بس انتي ا لعبيها معاها صح ..

يصير خير:busted_red:​

مثلا : اللي زوجها يدخن ،، وأكيد مافي وحدة تحب ريحة السجاير ..​

ممكن اتحاولين معاه يبطل التدخين وترتاحين انتي من الريحة ويرتاح هوه من أرف التدخين .. ​

ولازلت أذكر صديقة لي كيف ماشاالله اقتنع زوجها أيام الملجة وبطل التدخين بعد ماكان مدمن سجاير ،،​

والسبب لأنها تتأذى من هالشي .. وهوه كان مغرم فيها :icon26: ويتمنى يخطبها وياخذها ..​

خطبها وملك عليها ،، واستغلت حبه لها .. وحققت غايتها .. ​

ونصيحة ثانية لكن .. انتبهي انتبهي اطلعين سلبياتج أو عيوبج قدامه .. ​

ولاتقولين هوه ستري وغطاي ولازم أتكلم عن نفسي ..​

حاولي لاتبينين وخلج واثقة من نفسج وكل شي له حدود ..​

تحياتي لكن

بحاول وياه يبطل السجاير من رمضان و الله المستعان بإذن الله​

شاكره مرورج الغلا و اسعدني تفاعلج
ولو تفيدينا اكثر بعد كيف خليتي زوجج يدلعج وايد شو كنتي تسوين كيف كنتي تتصرفين بيكون زين بعد
حياج الباري

 

[ابتسـ أمل ــامة]

انا ودي اشارك معاكم يا بنات
انا مملكة لي اربع شهور وكم اسبوع ما شاء الله ربي يتمم لي ولكم على خير

آمين يارب
انا اعتقد من خلال الكلام ان زوجي جنوبي .. واحس الجنوبي اسهل شخصية مدري
يمكن لأنه مسالم...؟؟؟ وانا شريره لووووول لا امزح
وبعد شبقول ...؟؟
حلووووووو انا زوجي شمالي وانا جنوبيه شفتي كيف العكس بس دايما العكس افضل عشان التجاذب خخخخ
آه انا ما شفت خطيبي من يوم ملكنا ليومكم هذا عشانه مسافر ربي يرده بالسلامة ..
يعني ما عملنا ولا شي ولا شفته الا وقت الملكه وسافر بعدها ...
الله يعوده لج بالسلامه و تعملي معاه الهوايل>>>لا عاد مب الهوايل خخخخخخخخ
وعندي افكار للي زوجها مسافر .. يعني انا دايما اكلمه ع النت وهو يكتب لي قصايد
وانا بعد حاولت مرة اكتب له وطلعت قصيده مررره حلوووه .. وبعد ...
صممت له تصميم حطيت صورتي وصورته في قلبين وكتبت احبك وحركات وكذا
انهبل عليها .... ان تذكرت رجعت لكم
حلوو الكلام الله يوفقج


متاااااااابعه معكم للآخر

نورتي الموضوع

 

[أحــلام امــرأة]

لي عوده بإذن الله :detective2: .. ​

 

[الوردي2]

وانا بنضم لكم
زوجي يحبيني يموت فيني ودايم يسمعني كلام حلو بس مشكلتي اني انا ما اقول له كلام حلو
ودايم يزعل علي عشان ما اقوله هالكلام
بس انشالله من اليوم بقوله لاني في حملتكم

 

[مليكة الحنان]

ماشا الله تاكدت ان ماعندي سالفه ههههههههههههههههههههه

 

[أحــلام امــرأة]

عدنا ..

​

1- بالنسبة للاتصال خليه هوه اللي يكون المبادر.. ولما يتصل مب على طول تشلينه ،، يرن يرن ويرن مرة مرتين ثلاث .. مش يقول ماتصدق .. من أول رنة اترد ..​

والله قبل كم يوم أشوف وحده في الصالون اتقطر دلع ومياعه أول مادخلت اتكلم صديقتها بالتلفون واتقولها ذبحني ( .....) من كثر مايتصل ويطرش مسجات ،، 10 مس كول منه وفي الاخير ارسل مسج اذا مارديتي بيي عند باب بيتكم ...!! انا فهمت في النهاية إنه خطيبها هذا اللي ماردت عليه وقاعده تتغلى ​

نحنا مانقول خليها اتوصل لعشر مس كولات ،، بس حاولي اتشوي تتغلين .. وانتبهي بعد اتمصخينها .. ​

2- في المكالمه نفسها .. حاولي يكون اسلوبج دلع في دلع .. يحبون الصوت الهادي الناعم ،،، وغرقيه باسم الدلع والالفاظ الحلوة .. حبيبي – فديت روحك- ياعمري – ياقلبي – روحي ... الخ خليها على لسانج على طول .. ​

3 – أثناء الكلام معاه .. كوني مستمعه اغلب الوقت .. خففي السوالف إلا إذا هو حب عشان مايقول هذي ثرثارة ..​

4 - حاولي تسألينه عن يومه .. أحواله .. شو صار معاه في الدوام .. خليه يفضفض ويطلع اللي بداخله ..

5 - اسإليه شو الاكلات اللي يحبها .. وفاجئيه فيها لما يزورج بالبيت .. أو حتى قوليله عيوني لك .. أي شي تباه أنا حاضر .. ولو ماكنتي اتعرفين هالطبخه .. قوليها له بدلع بتعلمها عشان خاطر حبيبي .. ​

6 – يحبون الحرمه اللي تحترمهم واتبين رجولتهم واتحسسه إنها مسؤوول عنها ..خذي رايه بالطلعات واستاذنيه ​

حتى إذا عند ربيعاتج سايره اتزورينهم أو طلعات عائلية أو المول أو اي مكان وناسه خليه يعرف إنه انتي عندج جو حلو .. وحياتج الحمدلله وناسه ..​

7- إذا مرض ،، اتصلي فيه واسإلي عن صحته .. خليه يروح عند الطبيب ،، بيني له إنج انتي مهتمه مضايقة وزعلانه ..اسإليه شربتي الدوا ياحبيبي ولأ لا .. ! لازم تشرب الدوا عشان صحتك .. ​

8- كثري من مديحه .. يستانس عليها .. قوليله انا سعيده لأني معاك ..​

انا متيقنه إنك بتعيشني في سعاده بعد الزواج .. ​

انا فخورة فيك ....​

الحمدلله إنا من نصيب بعض .. الخ ​

9 - ارسلي له مسج الصبح وهوه رايح الدوام ،، ذكريه بأذكار الصباح ​

10 – فاجئيه بهديه حلوة وتغليفها راقي وهوه طالع من عندج عطيها إياه أو حطيها بالسياره .. ​

واتريي من اتصال واسإليه شو رايه بها بكل دلع ونعومه لاتنسين الألفاظ دلع بدلع ،، الرجال مايحبون الوحدة دفشة ​

11- أن تكوني أنثى بطبيعتك .. ​

احلى من أن تكوني أنثى مزيفة ،، ​

جميل أن تكسبي بعض الخبره في حركات الأنوثه والدلع ،،​

ولكن بطبيعتك وبكل عفوية من دون تصنع .. واللي يطلع من القلب يدخل القلب .. ​

12- كنتي اتكلمينه بالليل وقبل لايسكر قولي له لاتنسى حبيبي قبل لاتنام تقول المعوذات واذكار النوم .. ​

13 - إذا جاء يزورك ركزي إن مشيتك تكون هادية وتمايلي بحركاته بشكل عفوي .. ​

إسإليه عن لبسك .. شو رايك حبيبي بلبسي .. يعجبك هاللون .. ؟​

، لون شعرك ،، نوعية اللبس ،، الصفات اللي يحبها اتكون في شريكته ،، حاولي تعرفين طبيعته و شو يناسبه وشو ما يحبه خلال هذي الفترة​

14- لبسك.. خذي راحتك فيه بس بحدود المعقول .. في اشياء ماتنفع تلبسينها أيام الملجه .. تفتنينه وتولعينه وهوه مش قادر يوصلج .. واتخلينه يتعذب .. ويضيع الحياء في بعض الاحيان ..خلي لبسك بحدود المعقول..!​

15- أثناء الزيارة أو شوفتكم في أي مكان مع إني ما أأيد الطلعات لانها تطلع بلاوي.. لاتتجاوزين الخطوط الحمرا .. انتبهي مايصير شي لاسمح الله مو مرغووب..​

قالك أنا زوجك وانتي حلالي ... الخ .. ​

وإذا زعل خليه يزعل بس وربي بالنهايهغير.. تكبرين بعينه عشان يعرف انك جوهره مصوونه .. وكل شي حلو بعد الزواج.. ​

16- إذا ناوي يزورك في يوم وإنتي أهلج كلهم متجمعين عندكم ،، اعتذري منه بلباقه وبأدب وقوليله خلها بكره ياقلبي .. وعذرج عشان ماتنحرجين من وجوده وبيتكم في أحد وعشان يكون الجو هادي ومناسب لكم وماتستحين .. ​

17- ومن يتق الله يجعل له مخرجا ويرزقه من حيث لايحتسب.. من البداية حاولي اتصلحين اللي بينج وبين ربج يصلح مابينج وبين زوجج .. تبين زوجج يرضى عنج .. ارضي ربج أول شي .. ابتعدي عن المعاصي ،، وذا تسمعين أغاني استبدليها بالأناشيد .. ​

14- افتنيه بحركاتج ودلعج وذوقج وتفنني عاد بتقديم العصاير والأكل والسويت أثناء الزياره .. خليه يشوف ويعرف إنج بتاع كله .. جمال ودلع واهتمام وست بيت .. :blushing:​

15- لاتنسين الدعاء في سجودك وفي الليل .. ( اللهم سخرلي زوجي ) ..​

16- حركة حلوة ممكن اتسوينها إذا جا يزورك .. خذي موبايله بدون ماينتبه .. واظبطي المنبه على وقت معين واكتبي اي كلمه اتحبينها يقراها .. احبك .. اشتقتلك موت .. فديتك ياعمري.. ​

لما يرن المنبه ،، إلا مايستانس ويذكرج بخير .. :msn-wink:​

17 – حياتكم خاصة فيكم انتوا الاثنين فقط ..​

ماله داعي للتدخلات من أي جانب .. بيني له إن حياتكم أسرار وماتحبين حد يدخل بينكم ​

وأخيرا .. ​

18 – بكره جاينكم بإذن الله أطفال ومسؤوليات كثيرة .. استغلوا هذي الفترة وعيشوا الرومنسايات ​

ولا تنسون ترى هذي احلى ايام العمر لاتفرطون فيها..​

وعشان ما أصدمكم بعض الرجال ينقلب 180 درجه هههههههه ​

الله يهنيكم ويسعدكم ويوفقكم

في أمان الله :bye1:​

 

[&Athari&]

موضوعكم رايق وجميل
تسلم يد كل وحده كتبت
سؤال
ايش نوعية السوالف اللي بفترة المكلة .؟؟
يعني فيه وحده منكم قالت سالفة وجابت العيد:harhar1:
فيه وحده من الاخوات قالت ان الشمالي مايحب الورد
ايش المناسب
الشمالي يحب الهدايا
اللي يحس انه بيستفيد منها وصدقيني راح يحافظ عليها بعيونه
يعني مثلا لو جوال
ماراح يبيعه او يفرط فيه لانه بس جاه هديه
يعني باختصار شي عملي
وخليه بمناسبه يكون افضل

 

[الشوق وبس]

​

1- بالنسبة للاتصال خليه هوه اللي يكون المبادر.. ولما يتصل مب على طول تشلينه ،، يرن يرن ويرن مرة مرتين ثلاث .. مش يقول ماتصدق .. من أول رنة اترد ..​

والله قبل كم يوم أشوف وحده في الصالون اتقطر دلع ومياعه أول مادخلت اتكلم صديقتها بالتلفون واتقولها ذبحني ( .....) من كثر مايتصل ويطرش مسجات ،، 10 مس كول منه وفي الاخير ارسل مسج اذا مارديتي بيي عند باب بيتكم ...!! انا فهمت في النهاية إنه خطيبها هذا اللي ماردت عليه وقاعده تتغلى ​

نحنا مانقول خليها اتوصل لعشر مس كولات ،، بس حاولي اتشوي تتغلين .. وانتبهي بعد اتمصخينها .. ​

2- في المكالمه نفسها .. حاولي يكون اسلوبج دلع في دلع .. يحبون الصوت الهادي الناعم ،،، وغرقيه باسم الدلع والالفاظ الحلوة .. حبيبي – فديت روحك- ياعمري – ياقلبي – روحي ... الخ خليها على لسانج على طول .. ​

3 – أثناء الكلام معاه .. كوني مستمعه اغلب الوقت .. خففي السوالف إلا إذا هو حب عشان مايقول هذي ثرثارة ..​

4 - حاولي تسألينه عن يومه .. أحواله .. شو صار معاه في الدوام .. خليه يفضفض ويطلع اللي بداخله ..

5 - اسإليه شو الاكلات اللي يحبها .. وفاجئيه فيها لما يزورج بالبيت .. أو حتى قوليله عيوني لك .. أي شي تباه أنا حاضر .. ولو ماكنتي اتعرفين هالطبخه .. قوليها له بدلع بتعلمها عشان خاطر حبيبي .. ​

6 – يحبون الحرمه اللي تحترمهم واتبين رجولتهم واتحسسه إنها مسؤوول عنها ..خذي رايه بالطلعات واستاذنيه ​

حتى إذا عند ربيعاتج سايره اتزورينهم أو طلعات عائلية أو المول أو اي مكان وناسه خليه يعرف إنه انتي عندج جو حلو .. وحياتج الحمدلله وناسه ..​

7- إذا مرض ،، اتصلي فيه واسإلي عن صحته .. خليه يروح عند الطبيب ،، بيني له إنج انتي مهتمه مضايقة وزعلانه ..اسإليه شربتي الدوا ياحبيبي ولأ لا .. ! لازم تشرب الدوا عشان صحتك .. ​

8- كثري من مديحه .. يستانس عليها .. قوليله انا سعيده لأني معاك ..​

انا متيقنه إنك بتعيشني في سعاده بعد الزواج .. ​

انا فخورة فيك ....​

الحمدلله إنا من نصيب بعض .. الخ ​

9 - ارسلي له مسج الصبح وهوه رايح الدوام ،، ذكريه بأذكار الصباح ​

10 – فاجئيه بهديه حلوة وتغليفها راقي وهوه طالع من عندج عطيها إياه أو حطيها بالسياره .. ​

واتريي من اتصال واسإليه شو رايه بها بكل دلع ونعومه لاتنسين الألفاظ دلع بدلع ،، الرجال مايحبون الوحدة دفشة ​

11- أن تكوني أنثى بطبيعتك .. ​

احلى من أن تكوني أنثى مزيفة ،، ​

جميل أن تكسبي بعض الخبره في حركات الأنوثه والدلع ،،​

ولكن بطبيعتك وبكل عفوية من دون تصنع .. واللي يطلع من القلب يدخل القلب .. ​

12- كنتي اتكلمينه بالليل وقبل لايسكر قولي له لاتنسى حبيبي قبل لاتنام تقول المعوذات واذكار النوم .. ​

13 - إذا جاء يزورك ركزي إن مشيتك تكون هادية وتمايلي بحركاته بشكل عفوي .. ​

إسإليه عن لبسك .. شو رايك حبيبي بلبسي .. يعجبك هاللون .. ؟​

، لون شعرك ،، نوعية اللبس ،، الصفات اللي يحبها اتكون في شريكته ،، حاولي تعرفين طبيعته و شو يناسبه وشو ما يحبه خلال هذي الفترة​

14- لبسك.. خذي راحتك فيه بس بحدود المعقول .. في اشياء ماتنفع تلبسينها أيام الملجه .. تفتنينه وتولعينه وهوه مش قادر يوصلج .. واتخلينه يتعذب .. ويضيع الحياء في بعض الاحيان ..خلي لبسك بحدود المعقول..!​

15- أثناء الزيارة أو شوفتكم في أي مكان مع إني ما أأيد الطلعات لانها تطلع بلاوي.. لاتتجاوزين الخطوط الحمرا .. انتبهي مايصير شي لاسمح الله مو مرغووب..​

قالك أنا زوجك وانتي حلالي ... الخ .. ​

وإذا زعل خليه يزعل بس وربي بالنهايهغير.. تكبرين بعينه عشان يعرف انك جوهره مصوونه .. وكل شي حلو بعد الزواج.. ​

16- إذا ناوي يزورك في يوم وإنتي أهلج كلهم متجمعين عندكم ،، اعتذري منه بلباقه وبأدب وقوليله خلها بكره ياقلبي .. وعذرج عشان ماتنحرجين من وجوده وبيتكم في أحد وعشان يكون الجو هادي ومناسب لكم وماتستحين .. ​

17- ومن يتق الله يجعل له مخرجا ويرزقه من حيث لايحتسب.. من البداية حاولي اتصلحين اللي بينج وبين ربج يصلح مابينج وبين زوجج .. تبين زوجج يرضى عنج .. ارضي ربج أول شي .. ابتعدي عن المعاصي ،، وذا تسمعين أغاني استبدليها بالأناشيد .. ​

14- افتنيه بحركاتج ودلعج وذوقج وتفنني عاد بتقديم العصاير والأكل والسويت أثناء الزياره .. خليه يشوف ويعرف إنج بتاع كله .. جمال ودلع واهتمام وست بيت .. :blushing:​

15- لاتنسين الدعاء في سجودك وفي الليل .. ( اللهم سخرلي زوجي ) ..​

16- حركة حلوة ممكن اتسوينها إذا جا يزورك .. خذي موبايله بدون ماينتبه .. واظبطي المنبه على وقت معين واكتبي اي كلمه اتحبينها يقراها .. احبك .. اشتقتلك موت .. فديتك ياعمري.. ​

لما يرن المنبه ،، إلا مايستانس ويذكرج بخير .. :msn-wink:​

17 – حياتكم خاصة فيكم انتوا الاثنين فقط ..​

ماله داعي للتدخلات من أي جانب .. بيني له إن حياتكم أسرار وماتحبين حد يدخل بينكم ​

وأخيرا .. ​

18 – بكره جاينكم بإذن الله أطفال ومسؤوليات كثيرة .. استغلوا هذي الفترة وعيشوا الرومنسايات ​

ولا تنسون ترى هذي احلى ايام العمر لاتفرطون فيها..​

وعشان ما أصدمكم بعض الرجال ينقلب 180 درجه هههههههه ​

الله يهنيكم ويسعدكم ويوفقكم

في أمان الله :bye1:​

ما شاء الله عليج..كفيتي ووفيتي..!!

نصايح ولا أروع..!!

بس عندي نقطة على سالفة التغلي..هو حلو التغلي..بس لدرجة 10 مس كولات وما أرد..ترى البعض بيفهمها..إنه البنت ما تباه..!!

أنا عن نفسي كله أخليه هو يدق لي..وأخليه يرن شوي..وعقب أرد..بس ما أطنشه نهائيا..!!


بالنسبة للكلام الحلو..لازم اتعود إني أقوله..لأني أستحي وايد وما أقوله إلا بعد حرب نفسية في داخلي..:blush-anim-cl:

وإذا عندج زود من النصايح عطينيا يا الغالية..

بارك الله فيج..ووفقج في حياتج..

 

[الشوق وبس]

موضوعكم رايق وجميل
تسلم يد كل وحده كتبت
سؤال
ايش نوعية السوالف اللي بفترة المكلة .؟؟
يعني فيه وحده منكم قالت سالفة وجابت العيد:harhar1:
فيه وحده من الاخوات قالت ان الشمالي مايحب الورد
ايش المناسب
الشمالي يحب الهدايا
اللي يحس انه بيستفيد منها وصدقيني راح يحافظ عليها بعيونه
يعني مثلا لو جوال
ماراح يبيعه او يفرط فيه لانه بس جاه هديه
يعني باختصار شي عملي
وخليه بمناسبه يكون افضل

جني أنا اللي قلت إنه الشمالي ما يحب الورد؟؟!! :nosweat:

ما أدري بس أنا ريلي..ما يحب هالحركات..وكنت محتارة شو أسوي..

واهتديت إلى أني أهديه هدية..بس متى ما أعرف..:dunno:

بس إن شاء الله في القريب العاجل..!!

 

[الشوق وبس]

وانا بنضم لكم
زوجي يحبيني يموت فيني ودايم يسمعني كلام حلو بس مشكلتي اني انا ما اقول له كلام حلو
ودايم يزعل علي عشان ما اقوله هالكلام
بس انشالله من اليوم بقوله لاني في حملتكم

حالي من حالج يا الغالية..

أنا زوجي يسحب من الكلام الحلو سحاب..وأقوله له بالتقطير..
وإذا قلت له كلمة أحس نفسي ماخذه بطولة .. :flex: ههههههههههه