بجد موضوع رووووووعه عبوطه
بحكم مالي الا 8اشهر من تزوجت يعني لسى عروسه
وبحكم اني مررره مررررررره كسوله
وبحكم الدوام الخايس راح اكون متواجده هنا افيد واستفيد
واول طبخه هي (((إيـــــدام فوفه اللذيذ)))
المقادير:
كل الخضار اللي تخطر على بالك وسريعة النضج مثل (بطاطس-كوسه-قرع-باميه-باذنجان-كرنب- زهره) هذي اللي اذكرها
كرتون ماجي اللي فيه حبتين
بصله كبيره
طماطم
صلصه
بهارات مشكله مطحونه
صلصة الصويا الحلوه((مهممممه في بيتك الكل بيسألك عن نكهة اكلك))
كزبره خضراء
الطريقه:
خذيحبتين او حبه من كل نوع اغسليها وقطعيها ودايركت ع القدر كلها
قطعي البصل شرايح واحذفي به بعد
حطي حبتين فلفل حار
حطي الطماطم حبه+2م صلصه
حطي 2م صويا+البهارات+الماجي
رشيها بشوي زيت وابدأي حركي اذا اختلطت حطي 2ك مويه وغطي عليها الين تستوي تقريبا ربع ساعه
واذا احتاجت مويه زيدي
بعد ماتستوي حطيها بصينيه
خلطة الوجه
2 علبه قشطه
2 م جبن سايل
2 م مايونيز بالخلاط وحطيها ع الوجه وحمريها
لذيذه شوي بحقها بدل ماتقلين خضار ولحم مفروم ومدري وشو اسهل واصح والذ
ممكن تحمرينها من غير خلطة الوجه
وممكن تسلقين دجاجه وتقسميها نصفين وتدهنيها بكمون وتحطيها بصينيه وتصبي الايدام فوقها وتخليها تتحمر
الشرح طويل بس التطبيق نص ساعه بالكثير واكلك جاهز ولاااااااااا ألذ
