معلومات سين على الهواء
حلوة اللبن سبب تعاستي !!
السلام عليكم ورحمة الله وبركاته
سجلت بالموقع فقط عشان افضفض، مليت من كثر الاماكن اللي افضفض فيها من تطبيقات التواصل ومابقى الا المنتديات..
'
مااحب افضفض على شخص يعرفني ، الانترنت متنفسي الوحيد.. مالكم بالطويلة .. امي ياجماعة الخير سبب تعاستي وهمي وحزني وتوقف حياتي، اَي نعم امي اللي جابتني وربتني وتعبت علي.. لحد يهاجمني قبل يقرا الموضوع كامل ويارب يكفي المنتدى كل كلامي.. اتمنى محد ينعتني بالمراهِقة لأني بلغت من الرُشدِ عتيا وحطيت الثلاثين من سنة وشوي.. امي باختصار شديدة وصعبة جدا جدا جدا بس كنّا ماخذين عليها ونجاريها، خصوصا انا لأني مختلفة عن باقي خواتي ( أصغرهم وأكثرهم قوة وحب لنفسي وتقدير لها)ولما اقول قوة ترا مو القوة اللي ببالكم بس مقارنة بخواتي اللي بدون شخصية اطلاقاً ، ولما اقول حب نفسي مو قصدي انانية اطلاقاً بس اني اقدر نفسي قدرها وألبّي لها حاجاتها.. ايش حاجاتها؟! بقالة صيدلية سوق الخ هذي الاشياء بنظر امي ترف وكل شي بحياتها ماله داعي ومو مهم، المؤسف ان خواتي كانوا ساكتين قبل يتزوجون بالرغم انه مااعجبهم الوضع بس ماحاولو يغيرونها او يفكرون بحلول.. انا من ضمن الحلول اني اجيب طلباتي اونلاين حتى الاغراض الدقيقة ومع هذا تنزعج وماتبي عمال التوصيل يجون عند الباب ، صرت اسلك طُرق ملتوية بسببها، اضطر اني اطلب من المناديب مايوصلون لي الاغراض الا بالليل متأخر عشان ماتشوفني ولاتدري صرت اتعرض لمواقف انا في غنى عنها لولا ان امي تضطرني لها ..
تخيلو اني اجتماعية واحب الحياة واحب الناس واحب كسر الروتين المجنون وحياتنا العكس تماماً لدرجة اني بعمري ماشفت حديقة عامة او طلعت مع صديقاتي او اتمشى بالسيارة او او او ومع هذا متحمله وساكته ، بس يوصل فيها الحال اني حتى يوم بغيت اجدد غرفتي لهدف التغيير (ومن فلوسي طبعا) رفضت امي رفض قاطع وسوت مشكلة كبيرة جدا جدا جدا ولما جيت اغير الموكيت اللي عمره 8 سنوات وصار يهرّ رفضت وسوت مشكلة بحجة اني العب عليها عشان احقق اهدافي وان الموكيت نظيف ومافيه شي
..
كرة الثلج تكبر مع الايام والزواج ماكتبه الله لي حتى الآن فضاقت فيني الوسيعةُ وجيت اشتكي لكم، ماهمني تصرفات امي وتزمتها كثر تعاملها معي.. تخيلو صارت تحقرني وماتكلمني بنسبة90٪ وكأن قلبها شايل علي ، ولما أكلمها ماترد الا من طرف خشمها وبدون ماتطالعني وكأني مرتكبه ذنب عظيم .. تخيلو اني مضطرة اعيش معها كل الايام ومضطرة اتحمل الوضع كل الايام ، اقسم بالله احيانا ارجع من شغلي براسي طاقة سواليف صارت لي بالمكتب بس من افتح فمي تصد او ترد ببروورررد مزعج يضطرني اسكت.. ومن كم يوم جاني تكليف صباحي ( انا شغلي مساء بالاصل ووظيفتي بسيطة وراتب متواضع مره بس مبسوطة وراضية) الزبدة لما قلت لها اني راح اشتغل شهرين صباحي ومساء ماردت ولا حرف واحد ولما سألتها شرايك؟ قالت كيفك ( من غير نفس ) وسولفت عن شغلي الجديد مع اختي اللي متزوجة لين شبعت والله العظيم ماعلقت ولا بكلمة ( وهذا اسلوبها اذا كانت ماتبي الشخص اللي جالس معها)
'
انا وش مسويه بالله عليكم؟! ذنبي اني أطالب بحقوقي البسيطة جدا؟! يعني لازم اكوّن مومياء محنطه عشان ترضى ! وعلى فكرة حتى لمن كنت مومياء فترة من الزمن ماتغيرت معاملتها لي.. شفتوا شعور اللي تعيش مع شخص متجاهلك طول الوقت؟ شعور الموت البطيء حرفياً .. صرت اتمنى ان فيه دولة خليجية تقدم لجوء مع اني احب خواتي واهلي وعلاقتي معهم حلوه رغم كل الاختلاف الفكري بيننا بس العيش مع امي جحيم لايطاق.. ادري ماعندكم حلول بس كذا بفضفض وعلى فكرة مؤخراً صار عندي تبلد مشاعر وماصرت زي اول أبادر معها بالسوالف والخدمة وووو الخ عفا الله عني بس اني بشر تعبت نفسياً وانا مااشوف اَي تفاعل منها وجودي والعدم واحد ..
هذا بصرف النظر عن ابوي وشخصيته الشكاكة والواسواس اللي فيه والشدة لدرجة مايبيني اركب مع عيال خواتي الشباب ووووو ، وهذا كله كوم واختي المعاقة كوم ثاني واللي إعالتها صعب جدا وامي رافضة الشغالات بسبب الخوف منهم..
الله يستجيب دعواتي ويؤلف قلوبنا على بعض ثلاثتنا وإلا فانا مااستبعد اني اوصل مرحلة العلاج النفسي او الجنون او الهروب لاسمح الله او الانفلات.. خصوصا يجيني اوقات اعصب فيها وتجيني رغبة بممارسة الممنوع قصداً لولا خوفي من ربي واني مابيه يزعل علي
سجلت بالموقع فقط عشان افضفض، مليت من كثر الاماكن اللي افضفض فيها من تطبيقات التواصل ومابقى الا المنتديات..
'
مااحب افضفض على شخص يعرفني ، الانترنت متنفسي الوحيد.. مالكم بالطويلة .. امي ياجماعة الخير سبب تعاستي وهمي وحزني وتوقف حياتي، اَي نعم امي اللي جابتني وربتني وتعبت علي.. لحد يهاجمني قبل يقرا الموضوع كامل ويارب يكفي المنتدى كل كلامي.. اتمنى محد ينعتني بالمراهِقة لأني بلغت من الرُشدِ عتيا وحطيت الثلاثين من سنة وشوي.. امي باختصار شديدة وصعبة جدا جدا جدا بس كنّا ماخذين عليها ونجاريها، خصوصا انا لأني مختلفة عن باقي خواتي ( أصغرهم وأكثرهم قوة وحب لنفسي وتقدير لها)ولما اقول قوة ترا مو القوة اللي ببالكم بس مقارنة بخواتي اللي بدون شخصية اطلاقاً ، ولما اقول حب نفسي مو قصدي انانية اطلاقاً بس اني اقدر نفسي قدرها وألبّي لها حاجاتها.. ايش حاجاتها؟! بقالة صيدلية سوق الخ هذي الاشياء بنظر امي ترف وكل شي بحياتها ماله داعي ومو مهم، المؤسف ان خواتي كانوا ساكتين قبل يتزوجون بالرغم انه مااعجبهم الوضع بس ماحاولو يغيرونها او يفكرون بحلول.. انا من ضمن الحلول اني اجيب طلباتي اونلاين حتى الاغراض الدقيقة ومع هذا تنزعج وماتبي عمال التوصيل يجون عند الباب ، صرت اسلك طُرق ملتوية بسببها، اضطر اني اطلب من المناديب مايوصلون لي الاغراض الا بالليل متأخر عشان ماتشوفني ولاتدري صرت اتعرض لمواقف انا في غنى عنها لولا ان امي تضطرني لها ..
تخيلو اني اجتماعية واحب الحياة واحب الناس واحب كسر الروتين المجنون وحياتنا العكس تماماً لدرجة اني بعمري ماشفت حديقة عامة او طلعت مع صديقاتي او اتمشى بالسيارة او او او ومع هذا متحمله وساكته ، بس يوصل فيها الحال اني حتى يوم بغيت اجدد غرفتي لهدف التغيير (ومن فلوسي طبعا) رفضت امي رفض قاطع وسوت مشكلة كبيرة جدا جدا جدا ولما جيت اغير الموكيت اللي عمره 8 سنوات وصار يهرّ رفضت وسوت مشكلة بحجة اني العب عليها عشان احقق اهدافي وان الموكيت نظيف ومافيه شي
..
كرة الثلج تكبر مع الايام والزواج ماكتبه الله لي حتى الآن فضاقت فيني الوسيعةُ وجيت اشتكي لكم، ماهمني تصرفات امي وتزمتها كثر تعاملها معي.. تخيلو صارت تحقرني وماتكلمني بنسبة90٪ وكأن قلبها شايل علي ، ولما أكلمها ماترد الا من طرف خشمها وبدون ماتطالعني وكأني مرتكبه ذنب عظيم .. تخيلو اني مضطرة اعيش معها كل الايام ومضطرة اتحمل الوضع كل الايام ، اقسم بالله احيانا ارجع من شغلي براسي طاقة سواليف صارت لي بالمكتب بس من افتح فمي تصد او ترد ببروورررد مزعج يضطرني اسكت.. ومن كم يوم جاني تكليف صباحي ( انا شغلي مساء بالاصل ووظيفتي بسيطة وراتب متواضع مره بس مبسوطة وراضية) الزبدة لما قلت لها اني راح اشتغل شهرين صباحي ومساء ماردت ولا حرف واحد ولما سألتها شرايك؟ قالت كيفك ( من غير نفس ) وسولفت عن شغلي الجديد مع اختي اللي متزوجة لين شبعت والله العظيم ماعلقت ولا بكلمة ( وهذا اسلوبها اذا كانت ماتبي الشخص اللي جالس معها)
'
انا وش مسويه بالله عليكم؟! ذنبي اني أطالب بحقوقي البسيطة جدا؟! يعني لازم اكوّن مومياء محنطه عشان ترضى ! وعلى فكرة حتى لمن كنت مومياء فترة من الزمن ماتغيرت معاملتها لي.. شفتوا شعور اللي تعيش مع شخص متجاهلك طول الوقت؟ شعور الموت البطيء حرفياً .. صرت اتمنى ان فيه دولة خليجية تقدم لجوء مع اني احب خواتي واهلي وعلاقتي معهم حلوه رغم كل الاختلاف الفكري بيننا بس العيش مع امي جحيم لايطاق.. ادري ماعندكم حلول بس كذا بفضفض وعلى فكرة مؤخراً صار عندي تبلد مشاعر وماصرت زي اول أبادر معها بالسوالف والخدمة وووو الخ عفا الله عني بس اني بشر تعبت نفسياً وانا مااشوف اَي تفاعل منها وجودي والعدم واحد ..
هذا بصرف النظر عن ابوي وشخصيته الشكاكة والواسواس اللي فيه والشدة لدرجة مايبيني اركب مع عيال خواتي الشباب ووووو ، وهذا كله كوم واختي المعاقة كوم ثاني واللي إعالتها صعب جدا وامي رافضة الشغالات بسبب الخوف منهم..
الله يستجيب دعواتي ويؤلف قلوبنا على بعض ثلاثتنا وإلا فانا مااستبعد اني اوصل مرحلة العلاج النفسي او الجنون او الهروب لاسمح الله او الانفلات.. خصوصا يجيني اوقات اعصب فيها وتجيني رغبة بممارسة الممنوع قصداً لولا خوفي من ربي واني مابيه يزعل علي
اسم الموضوع : حلوة اللبن سبب تعاستي !!
|
المصدر : القصص والروايات الواقعية