البيت السعيد**
New member
- إنضم
- 2009/01/03
- المشاركات
- 603
بسم الله الرحمن الرحيم
والسلااااااااام عليكم ورحمة الله وبركاته
حلى رااااااااااائع والكل بيمدحه وبيطلب منج الوصفة، خذيتها من النت وضفت عليها شغلات،
طبعاً نزلته بمنتدى سابق بنفس الإسم، وهو تطبيق لحلاوة الدومينو الموجودة في النت، :26:
حلاوة الدومينو
نبدأ بسم الله بالمقادير
- باكيت ونص بسكوت قهوة الصباح
- كوب حليب سائل
- ظرف كريم كرامل
- علبتين قيمر صغار أو وحدة كبيرة تكفي ترى
- نص كوب سكر بودرة
- إصبغ زبدة مذابة
- كوبين ونص حليب بودرة محموس (تحمسينه على النار لين ما يغمق لونه)
- علبة حليب محلى
- 10 حبات جبن كيري
- كاكو هرشي للتزين
الطريقة:
أول شي شغلي الفرن على حرارة 180 درجة، قبل لا تبتدين بأي شي،
في طاسة كبيرة، إخلطي بالخلاط ( الحليب المحموس + القيمر + ظرف الكريم كرامل + الزبدة + السكر البودرة)،
وأخلطيهم زين ما زين، لين ما يصير عندج خليط بهالصورة:
خلي الخليط في صوب، علشان نشتغل أحين على الطبقات،
إخذي البسكوت وغمسيه في الحليب وصفيهم في البايركس،
وبعدين حطي طبقة من الخليط اللي سوينا من قبل
وعقب تردين تحطين طبقة من البسكوت، وطبعا، تغمسينه في الحليب، بس بشكل سريع، علشان ما يذوب لج البسكوت
وبعدين حطي باقي الخليط، ووزعيه على الطبق كامل، واستعدي علشان نسوي آخر طبقة،
أحين في خلاط العصير، اخلطي علبة الحليب المحلى + جبن الكيري، وصبي الخليط اللي يطلع لج على الطبق بهالشكل،
أحين خلي بالج معاي، صكي الفرن ودخلي الطبق في الفرن، يعني ينطبخ بالحرارة الموجودة، وخلي الطبق تقريبا نص ساعة داخل،
وبعدين طلعيه من الفرن بتشوفين إن اول طبقة يمدت معاج إشوي،
خليها برع 10 دقايق، وسيده دخليها في الثلاجة، 4 ولا 5 ساعات أو حتى أكثر، خليها ليلة كاملة، علشان تضبط معاج لما تقصينها،
آنا قعدت نص الليل علشان اقصص فيها، وبتشوفين إن الطبقات بعدها إشوي لينة،
فخليها في الثلاجة مدة أطول،
وبعدين بعود خشبي ضعيف، رسمي خطوط الدومينو بكاكو الهرشي،
وتقدرين تحطينهم في قوالب ورق صغار،
وهذا الشكل النهائي :3:
وعليكم بالعاااااااااااافية، :5:
أتمنى أشوف تطبيق منكم يا بنات
