حكايتي مع زوجي .. اريد نصيحتكم؟

الله يصبر قلبك ويعينك وعليك بالإستغفار والإكثار من صلاة الليل
 
لينا
قلبي نساهم
اماني
أم فهودي

تسلمو حبيباتي دعواتكم فرحتني
حبيبتي اماني لما جا ما اعطى الوالد اي فرصة عشان يقوله شروطي او يقول بنروح نخلعك , كأنه حفظ كلمتين وجا سمعهم وطلع..

اما ان الوالد يتصل فية فهذي مستحيل لأنة سبني وسب اهلي وتصرفة سيء جداً معنا ولا تكرم وقال انا غلطت وبعتذر منك هذي لأبوي طبعاً , انا رافضة اتصال ابوي فية والظاهر اني بروح اخلعه لكن خوفي كلة على حبيبي وليدي اللي بياخذة مني اذا كبر وانا بموووووووووووووت قهر..​
 
قلبي معاك حبيبتي إذا كان بها الأخلاق ولا حسب لك ولا حتى لأبوك حساب..إستخيري أولا ومن ثم إخلعيه ..وولدك إن شاء الله ما راح يقدر ياخذه لأنه أكيد يكون متعلق فيك وما راح يقدر يبتعد عنك ..لأنه في ذاك الوقت بيكون عاش طفولته معاك ..
توكلي على الله وإخلعيه كفايه اللي ضاع من عمرك في إنتظاره
والحمد لله إنك ما جبت منه إلا ولد واحد ولو رجعت له عشان ولدك فكري كيف بيعيش بين مشاكلكم ..أنا أشوف إنه يعيش معاك بعيد عن أبوه أفضل من إنه يتعقد بسبب مشاكلهم وتطمني ياقلبي إذا كبر الولد أكيد راح يكون مخير بين العيش معك أو مع أبوه أهم شئ تعرفي كيف تخلينه يتعلق فيك ..وإن شاء الله الإستشاريات يقرو الموضوع ويساعدونك
وربي شدتني قصتك وأحزنتني وأتمنى أن تكتبي لنا قريباً لنهاية السعيدة
لا تنسي إن خلعتيه رددي (اللهم أجرني في مصيبتي وأخلف لي خيراً منها)فقد قالتها أم سلمه حين مات زوجها وعوضها برسول الله صلى الله عليه وسلم
 
وينك اختي طمنينا عنك
وربي بيعوضك باللي احسن منه
 
اسعدني مرورك اماني وكلامك لكني احس بخوف وتردد من الخلع .. ربي يكتب لي الخير

تسلمي حبيبتي كتكات على سؤالك عني .........
أنا في حيرة وعذاب لايعلمه الا الله ...عندي احساس اني برجع لزوجي وبعيش معه , لكن تصرفاته ما تدل على اي بوادر خير او رجوع!!!

والوالد مصر اروح للمحكمة وانا خايفة مدري لية ؟؟

والله كلما افتح هذة الصفحة وارى ردودكم تسعد نفسي ويهأ بالي بردودكم وسؤالكم عني.

لا تنسوني من دعواتكم حبيباتي
 
الله يوفقك

اختي استمري في الاستخاااارة واكثري من الاستغفار......
 
خواتي دعوااااااااااااااااااااااااااااااااااااااااااااااااااااااااااتكم لي بروح اخلعه من حياتي يكفي مذلة وخسارة الايام تضيع وانا ماني عارفة مصيري معاه ....​
 
عزيزتي الله يكون في عونك بصراحه ماعندي حل اقوله لك غير دعاء حلو وانا احب ادعيبه بكره انشالله اكتبه لانه طويل وانا ابي انام اعذريني ​
 
مرحبا ملكات مملكتي ... كيفكم ؟؟

حبيت اقولكم آخر الأخبار....................

ذهبت للمحكمة ورفعت دعوى اما الخلع من زوجي , او الموافقة على شروطي كاااملة ..

وحددوا موعد الجلسة بعد اسبوعين..

الحمدلله احس اني مرتاحه اكثر من اول لأني بنهي الموضوع اما بطلاق او صلح بعد الموافقه على شروطي ..

دعواتكم لي انه يجي للجلسة مايطنشنا ...

سلاااااااااااااااام​
 
هذه خطوة إنشاء الله صحيحة
إما أن تعودي بكامل حقوقك أو تسريح بإحسان واحمدي الله ان والدك بصفك لأني أقرأ قصص الأهل والزوج لايرحموا

مهم جدا أن لا تضعفي وإلا عدتي لذل والهوان
أسأل الله أن تكون هذه صفعة لزوجك يستيقظ من غبائه
ويصير رجل صاحب قرار

اللهم سخر زوج المميزة لها

أختي رددي دائما في سجودك

اللهم اجعلني أحب الناس إلى قلب زوجي اللهم اجعلني احب إليه
من نفسه وماله وولده والناس أجمعين

اللهم صب حبي في قلب زوجي وأهله صبا صبا وأرني ذلك

اللهم حنن قلب زوجي علي وجعله أحن علي من الأم على ولدها

اللهم اجعلني اجمل الناس في عين زوجي
 
والله يا أختي عين العقل
هنا ببين هل هو بده الاصلاح ولا لا
الله يختار لك الخير ويريح بالك
 
اها قصتج مؤثرة جدا جدا
اولا احمدي ربك ان الولد في حضنك:icon30: وزوجك قال روحي بيت اهلك ترتاحي لين الصيف ,,,,في هذي الفترة ان شاء الله يراجع نفسه ويحس بقيمتك اكثر ......

ثانيا: استعيني بالصبر والصلاة واكثري من الدعاء وقراءة القران كلما فكرتي فيه ...

حاولي وانتي بيت اهلك انك ترتاحي وغيري حياتك للافضل
ووكلي امرك لرب العالمين

وان شاء الله لما يرجعك خلي اهلك يكلموه يفتح بيت مستقل لكم
مع اني حاسه ان اهلة بيجو ياخذو الطفل
وش الحل ؟؟؟؟؟ المشرفات بيردوا عليك

مادام انتي بتروحين المحكمه اكثري من صلاة الاستخارة


والله يكون في عونج ويسهل امرج ويفرج همج ...
.
 
بصراحه يمكن زوجك يتغير تغيير كبير لوطلعتوا من عند امه لانها مسيطرة على حياتك وهو ضعيف عند امه بالتوفيق الغالية واستخيري
 
مرحبا يالغاليه..الحمد الله أن أبنك معك وهذي نعمه كبيره من الله ,غاليتي أشغلي نفسك بتربيه أبنك وهوياتك ألاخرا ..ولاتشغلي نفسك بزوج لم يفكر فيك ولا في أبنه .ولاتنسين غاليتي ربك ألجاي له وادعيه .وأستخيري ربك فيه .وأذا أستطعتي ان تجعلي ابنك يكلم والدة ليطمان عليه فاافعلي ولكن خذي راي أحد قبل أن يكلم والدة .ولاأنصحك بطلاق ..لاتشغلي نفسك به .ومع الايام سوفا يتغير باذن الله ...ووفقك الله لمايحب ويرضا...​
 
الــــــــــــــف شـــــــــــــكر حبييباتي لمروركم ودعواتكم

تسلمين حبيبتي يقيني بالله على دعواتك (احس اني اعرفك ..ممكن تكوني من دلتني على هالمملكة الرائعة؟ )


حبيبتي زهور ابني عمره سنه وحتى لو هو كبير ماراح اخلية يكلم ابوة لأن ابوة تخلى عنه ولا فكر يغلط مرة ويسأل عنه , 6 اشهر ليست بسهلة أن أب يبتعد عن ابنه.صح ؟ ولو سأل عنه اكيد راح اخلي ولدي يكلم ابوة ويشوفه مستحيل احرم ابني من والده الا اذا هو تخلى عن ابنه!!

​
 
الله يقويك ياقلبي ربي معك..
اسأل الله العلي العظيم ان يستخير لك الخيره الصالحه
وان يرده لك ردا جميلا..
اسأل الله ان يسخره لك غصبا عليه.. ويكفيك شر من فيه شر
اختي انتبهي تعطينه الولد لو جى زياره يبي يشوفه يجلس معه بمجلسكم..
حماتي زوجها طالبه الطلاق وراح زياره لاهلها عشان يشوف ولده قام سرقه وسافر ومو راضي يرجعه لامه..
والله الولد يمرض مايوديه المستشفى بس عناد في امه عشانها طالبه الطلاق يبيها ترجع مذلوله عشان ولدها..
وتعرفين احنا في محاكمنا اذا ماحضر الخصم للجلسه يعطونه جلسه ثانيه عاد شوفي كم سنه ..
وكرري اختي(حسبي الله الذي لا اله الا هو عليه توكلت وهو رب العرش العظيم)
كرريها وكرري لاحول ولاقوه الا بالله.. والاستغفار لايفارقون لسانك..
الله ينصرك يااااااااااااااااااارب..
ويسمعنا اخبار طيبه عنك وانتي مرتاحه..
 
ماأدري ايش أقولك ..
مشكلتي قريبه من مشكلتك كثير....
بس الفرق انه رماني غدر في الشارع...
وحرمني من اطفالي شهر و3 أسابيع....
و خلا الشغاله تربيهم ...
و بعدين يقول انه طلق ..
و المشكله مافي شهود....
تدرين ...
ارمي حمولك على الله و أسأل الله لك ان يرفع مابي و بك.....
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى أسفل