معلومات ام الاحلام
- إنضم
- 22 أكتوبر 2009
- المشاركات
- 545
- مستوى التفاعل
- 0
- النقاط
- 0
حكاية بنتي مع صاحب البالونات
ابغي احكيلكم حكاية بنتي واول مره حست فيها بقيمة الفلوس وكان عمرها تقريبا خمس سنوات وكانت مره متعبتني بكثرة طلباتها وخاصتا اذا رحنا للمول وتبغي بسرعة تحصل علي اي شي ولاتهتم مثل باقي الاطفال بقيمته اوفايدته وخاصتا لما تشوف البالونات ويويلي لوطلعنا من السوق وما جبتلها وتصير تبكي وتفشلني :icon1366: وتقول انت معاكي ليش ماتشترين ليه :nosweat:المهم بعد فتره قلتلها انا بعطيكي كل يوم ريال وتجمعيها ولما تصير كثيره نروح للسوق وتشترين لنفسك بالونه بفلوسك واي شي تبغينه :msn-wink: وفرحت البنت:shiny: لاني ماكنت قبل كذا اعطيها في يدها فلوس واقول ماتدري وبتضيعها بس لما بدات اعطيها حسيت انها مبسوطه :clap: وجبتلها محفظه وردية وقلت ابدي جمعي فلوسك فيها واذا صارت كثيرة بنروح للسوق والمهم صارت تجمع لين وصلت 15 ريال وكانت تشوفها كثيره ولما رحنا للسوق شافت صاحب البالونات وقالت ابغى بالونة :bye1: وقامت تجهز المحفظه وتطلع الفلوس وفي البدايه اعطته خمسة ريال وصار الهندي يقول لامايكفي جيب زياده وحسيت ان قلبها عورها :tears: وبدات تزيد الرجال وكل شوي يقول لها جيب زياده لازم 15 ريال والبنت تطالع فيني :no: تبغاني اقول شي وانا اكتفيت بس بالنظر:icon30: لاني قلتلها في البيت انا مامعايه فلوس اليوم وانتي اليوم الي بتدفعين ولما اخذت البالونه منه قالت ياماما خلصت فلوسي البالونه مره غايله تقصد غاليه :questionmark: وانا متعاطفه معاها وصارت من هذاك اليوم لما نروح للسوق اول شي تسال عن السعر واذا شافته غالي ماتناقش وارتحت من هذاك اليوم:icon31: وصارت تحس بقيمة الفلوس واليوم عمرها عشر سنوات ووالله اني مرتاحه معاها وصرت اعطيها مصروفها حق المدرسه واشوفها تجمع منه وتجمع عيدياتها وتحب التوفير واذا اشترت لنفسها شي بفلوسها تصير تحافظ عليه مثل الاجهزه الاكترونية او الالعاب اما الاغراض الثانيه من ملابس واغراضها الاخرى اجيبها طبعا من عندي اما اخوها عكسها تماما ومبذر:blow: وشكلي بجرب معاه شغل البالونه وتحياتييييييييييييييييي :icon26::icon26::icon26::icon26:
التعديل الأخير بواسطة المشرف:
اسم الموضوع : حكاية بنتي مع صاحب البالونات
|
المصدر : فنون التوفير والإقتصاد الشخصي