حقوق الزوجه>>> أرجو الدخول للجميع

[إشراقة الحياة]

السلام عليكم خواتي ومسائكم خير بأذن الله

أنا عندي ثلاث أسأله وودي تجاوبون عليها سواء متزوجات أو لسا بنات

السؤال الاول
هل من حق الزوجة أن يكون لها بيت مستقل مادام ذالك في مقدور الزوج أنه يفتح بيت؟

السؤال الثاني
عند زيارة أهل الزوج لزوجة اخيهم أو لبيت أخيهم بغض النظر عن مقصد الزياره.... وأمتدت زيارتهم
مدة الضيافه وهي ثلاث أيام هل بعد ذلك على الزوجه الألتزام بهم يعني تقعد بس مقابلتهم وتنظف بعدهم
( هي بشكل عام راح تطبخ الغدا والعشا وتشطب شغل البيت بس الاشياء اللي تتوسخ على أيديهم من المفروض يقومون ينظفون بعدهم)

السؤال الثالث
لو أتى أحد من الاهل وسكن مع الزوجين هل بعد ذلك يسقط أحقية الزوجه بالبيت ويصبح هذا البيت مشترك بينهم يعني حدود الزوجه بس غرفتها
أو يظل هذا البيت بيت الزوجه فهي القائمه عليه وعلى الاخرين حفظ حدودهم ومعرفة الذي عليهم والذي لهم وعلى الكل أن يأخذ نصيبه من عمل البيت يعني أذا حضرت الاخت وسخت المكن اللي هي فيه تنظفه المواعين اللي بعدها تنظفها ملابسها تغسلها الحمام الله يكرمكم مادم هي تستعمله تنظفه
وتحترم حقوق الزوجه ببيتها يعني تحفظ لها هدوئها تعزم صديقاتها تستأذن من أخوها وتعطي الزوجه خبر

مجرد تساؤلات لعل وعسى تنفع الكثير وأن شاءالله تنفعني

 

[QQQ]

البيت من حقك
وهالاشياد اللي ذكرتيها هي اللي المفروض تصير بس محد ييسويها و لاتسوينها لانك بتصيرين في نظر المجتمع قليلة ادب ولاتحشمين احد هههههههههه وسعي صدرك واكسبيها عليهم معروف وترا ذا الدنيا كلها انتي ورجلك واهلك وبيتكم والفيصلية واللمملكة وكل الدنيا متسوي عند ربي جناح بعوضة
تحملي عسي ربي يجزيك باحسن ماعملتي
وولاتدققين باللي عليك واللي عليه لانك بتتعبين وبتكتشفين ان حقوقك مهضومة وياويلك لو تطلبينها

 

[إشراقة الحياة]

مشكوره أختي واللي كتبنه ماله علاقه فيني
بس كان مجرد سواليف حريم وأختلفت الآراء وحبيت أعرف وجهة نظركم
وفيه من معارفي اللي كانت قايمه بأهل زوجها سنه كامله وهم مسوين فيها ظيوف
ويوم شافتهم مطولين القعده قالت مالي شغل الابنفسي وبزوجي ومقعدي
لأنها مالقت غير النقد وتقليل شأنها

والله يعطيك العافيه

 

[{نوتيلا}]

من حقك يكونلك بيت لو مقتتدر
و الضيافه دي شي بوجهك يعني حتى لو مو مفروض تسويها والله صعب لانه راح انقص بنفسي مش بيهم
و البيت يفضل بيتك مهما يصير

 

[إشراقة الحياة]

مشكورة أختي نوتيلا على مشاركتك

أختي الضيافه شي واجب على أهل البيت ولازم نقوم بالواجب

أنا اللي أقصده أنه لو طات مدة الضيافه من أسبوع إلى أسبوعين

أنا ما أطالب الضيف يقومون بالشغل عن راعية البيت لا وثم لا

والشي الثاني لو آثرت أحد الخوات مثلا السكن عند أخوها

مو المفروض أنه تتعاون مع راعية البيت ولا تشيل يدها من كل شي

 

[إشراقة الحياة]

أدري أن مواضيع الزوجه وأهل الزوج مزعجتكم

بس أحيان نبي نبين الحدود عشان كلن يعرف اللي له واللي عليه

 

[يارب افرج همي]

والله لالحين ماجربت

لكن اكيد للزوجه بيت مستقل