حـــركــــات دلــــع مـــــرفوضــــه

[سلة فواكه]

صباح السكر
كيف الحال يابلقيسات ؟؟

:cupidarrow::cupidarrow::cupidarrow::cupidarrow:
طبعا موضوعي هذا عن حركات الدلع الممنوعه والمرفوضه نهائيا والتي تدل على الخفه والهبل بدلا من الدلع
سأبدأ بنفسي بحركات الدلع المرفوووضه في قاموسي :
1- حينما تغير البنت لسانها وتلعب بالحروف وتبدل حرف بدل الاخر مثلا بدلا من ان تقول صراحه تقول سراحه ,, او بدلا من ان تقول روعه تقول ررررروعه بالتفنين في حرف الراء ...
2- حينما تقوم بتطويل اظافرها لحد يجعل منظر اليد قبيح ومشوه ,, وبالاخص حينما تقص كل اظافرها ولا تطيل الا الظفر الاخير ,, هذه حركه غبيه وليست حركه دلع ...
3-حينما ترمش بعيوها في الثانيه مليون مره حينما تصف امر معين او تتكلم عن شئ معين , هذه من اكثر الحركات التي تجلطني ...:essen:
الباقي عليكن يابلقيسات ماهي الحركات التي تستفزكن والتي مع الاسف صاحبتها تقصد بها الدلع وهي تعطي انطباع سئ من الاخرين
ادخلي وشاركي بحركه تكرهينها بالدلع

 

[shooooog]

أممممممم

أنا اللي يقهرني الي تسوي نفسها دلوووعه غصب تدلع وهي مافيها شي يوحي أنها دلوووووعه مالهااا صله بالدلع عن جد تنرفز

\

مشكوووورهـ حبيبتي سلولهـ عالموااضيع الحلوى
دايما تتحفينا بكل جديد ومميز
ويسعدني أكون أول الردود

 

[***حلولو***]

يعطيكم العافيـــــــــه ,,:icon26:

موضوع تمـــــــــــام ,:icon30:





بالنسبه لي أكرررره حاجه عندي ,,

البنت اللي تسوي حركات أو إيماءات جنسيه بحجة أنها دلوعه ..

تلووووووووع كبدي لآآآآآآآآآآخر درجه منها :crazy: وأستحقرها ,,




مثلا :busted_red: //


المياعه الزايده الماسخه .

التأوهات .

أو تتسدح بدون حياء قدام الرايح والجاي .

أو تتلمس في جسمها . مره إيدها على صدرها مره على أفخاذها .

ولما تاكل علكه أو حلاوه أو الآيس كريم تبدأ تلعقه بطريقه ............

ولما تتكلم تتكلم بطريقة همس تلوووع الكبد .:shutup:




كثيييييييييييييير أشوف بنات يسوو كذى لأجل يظهرو للناس أنهم دلوعات ..

لاكن في الحقيقه الناس تنفر منهم وتلوع كبدهم منهم .. وتستحقرهم بعد :icon28: .




والحركات هذي بعيييده كل البعد عن الدلع .. هذي الوحده تسويها للزوج فقط .

شو رايكم ؟؟ تأيدوني ولا لا ؟:sly:




حبيت أكتب اللي بخاطري لأن جد لايعه كبدي منهم :crazy:..


ولما أتذكر شي برجع .



:a200:






​

 

[الحلا مبتليها]

انا تقهرني الي تكلم بلغة الكفار مثل اوكي او مرسي اوسوري او يس بحجة انهامتطوره وتدلع وميوعه......

 

[فلول]

انا تقهرني اللي تمط الكلمه اكثر من حدها

 

[ترانيم الفجر]

هههههه موضعك يجنن يا قلبي
انا ماحب اللي تضحك بميوعه خصوصاقدام الرجال او تلبس حجاب يلفت الانتباه وكله زركشه وألوان وتتدلع بمشيتها بالاماكن العامه
دمت بود

 

[ماسة قطر]

شكرا للموضوع الروعه

ماحب الي تضحك بصوت عالي وتتكلم بمياعه اكرهه مادانيها

 

[دوومي عالية]

ههههههههههههه...بللللل..قلوووبكم متروووسة يا بناااات..والله ظحكتوووني..


الصراااحة أنا في كل اللي قالته الأخت حلولو..أنا بعد تلوووووع جبدي منهم مووووووووت...

عافانا الله ..

تسلمين يا سلة على الموضوع=)

 

[boomb flower]

انا ما اطيق الي تبين نفسها بالقووه انها دلوووووووعه والناس عارفينها هي في جنب والدلع في جنب وباين انو مصطنع..
هههههههههههههه

 

[~BUTTER~FLY~]

ياسلاااااااااام بطلع اللي بخاطري

قهرتني وحدة شفتها مرة زنودها ماشاء الله تبارك الرحمن ولابسة مزلط ( حفر او كت ) ورابطة شريطة وردية وهي ماشالله تبارك الرحمن اطول من الطول نفسه وعريييييييييضة ولا بسة تنورة قصيرة وماسكة ايس كريم وتطلع لسانها وتاكله بطريقة ويييييييييييييييييييييييييييييييييييييييييييييييييييييع
صج لوعت جبدي ورديت البيت منقرفة شنو هذا

ــــــــــــــــــــــــــــــــــــــــــــــــــــــــــــــــــــــ

بتذكر وبقول مشكورة سلة الحلوة عالموضوع الحلو زيك

 

[*** مذهلة ***]

شكرا عالموضوع سله :icon30:

امممم انا مع بـــــعـــــض ما ذكرته الاميرات و الملكااات ..

و من الحركات اللي ماعتبرها دلع ابدا الضحك بصوت عالي بطريقه مايعه بمكان عام.. هذي الحركه تعطي انطباع سيء عن صاحبتها حتى لو اهي ما تقصد ..

و شكرا مره اخرى عالموضوع :msn-wink:

 

[نبضة دلع]

مشكوره اختي الغاليه على هالموضوع الرائع.....اما انا ما ينرفزني الا اذا شفت وحده مسويا عمرها دلوعه وياي تخاف من كل شي حتى النمله اللي ما تقرص بتصرخ وبتناقزمن الخوف اذا شافتها يعني انها منتهى الرقه .....واي على هالدلع البايخ الناس تتدلع على اشياء تستاهل :icon28::icon28: .............مشكوره حبيبتي :icon26: :icon26:

 

[*روعة*]

كل اللي اشوفهم بالسوق يتصرفون بدلع متصنّع وميوعة
في الكلام وفي النظرات

 

[حايره ..... ♥ad]

ههههههههههه ضحكتوني
بس راجعت الحركات اللي ماتعجبكن وقرانتها هل انا اسوي كذا
لا الحمدالله
<<قدام ريايلنا يالله يالله نتجرأ وين قدام الناس هههه
اممممممم
اتذكر حركة شفتها على وحده
كنا في عزيمه وهي مسويه نفسها دلوعه
اتلف بعيونها على كل زاويه ساااااااعه ونظرتها بطيييييييييئه
ويلستها تسويها نفس الحوريه ومباااالغه فيها شوي وبتنسدح خخخخخ
وتسلمين سلة دلع ^_^ موضوع رائع
سبحانك اللهم وبحمدك استغفرك واتوب اليك

 

[&دره&]

هههههههههه

اي والله صاجيين

اللي دلوعه بطبعها يبين واللي تتصنع هم يبين

تسلمون حبيباتي

الله يعطيج العافيه سلة فواكه

 

[الحاااااالمه]

واالله عجبتوني كنت طفشااانه وضايق خلقي يوم قريت الموضوع قعدت اضحك بس ياحسره مااعرف اسوي ولا حركة دلع خخخخخخخخخخخخخخ

 

[umm_reem]

انا الحركه اللي تجلطني....المط في الكلمه....احس اني اطلع مطبه.؟؟؟؟او راكبه ناقه وتخضخضني؟؟؟شوفي التشبيه؟؟؟؟

المناكير المقشر؟؟؟؟الروج على الأسنان؟؟؟عدم تناسق الوان الملابس؟؟؟العطر الصارخ.....

 

[كوكب77]

وأنا ليقهرني يوم أشوفيهن يرمسن بالموبا يل ويضحكن
وعيونهن طالع لبرى يشوفن الرايح والياي أنا أعتبرها قلت أدب
ما فيهن شي من الأنوثه أصلا

 

[sara555]

الله يسعدك ياسلتنا :icon30:

دائما انتي منوعه اسم على مسمى

والله موضوع يهبل وخلاني اموت ضحك


انا اكثر شي يجلطني :busted_red::busted_red:اللي تتصنع الضحك بدلع ماله داعي

هه هه هه هه هه

كان احد يشحدها الضحكه

 

[saroo]

والله البنات كفو ووفو قالو كل اللي في خاطري وخواطرهن ... مشكوره الغاليه مواضيعك كلها دلع وابداااع