حطي نفسك بمكاني ..كيف تتصرفين؟؟

ا

الخط الفاصل

~◦ღ( مميزة قسم الإستشارات الزوجية )ღ◦
إنضم
2010/05/29
المشاركات
1,921

السلام عليكم أخواتي الغاليات

صارت مشكلة تافهة بيني وبين المحروس وكبرررررررررت وشعلللللللللللت..

واتصرف تصرف أهانني فيه قدام واحد من عياله

المهم بعطيكم الزبدة..بعد انتهاء المشكلة قلت له:

عيالك ما أشوفهم ببيتي ولا يجوني إلا إذا صلحت الموقف ورديت كرامتي قدامهم

طبعا هو أنفى تماما إنه أهانني بناءا عليه حطني أمام الأمر الواقع واستقبل عياله على الغداء

أمس الجمعة وحطني بموقف سخيف جدا ومحرج جدا واضطريت أستقبلهم معاه..

تكفون قولوا لي لو إنت بمكاني شتسوين...؟؟تستقبلين وتحرجينه مثلا تبوزين؟؟ولا ترفضين تستقبلينهم؟؟ولا تطلعين من البيت وتخلينهم؟؟؟

تكفووووووون ردوا..والله أحس مالي قيمة ولا كرامة..طفشششششششششت..
 
اسمعي خذي منه اللي تبي من دون اوامر ترى راح يعاندك
امشي بلمسياسه راح نحل كل الامور
موووووووووووفقه
 
انا لو مكانك امشي الموقف عادي وكانه ما صار شي واستقبلهم
وبوقت تاني اعاتبه باسلوب حلو مشان مايتكرر هالموقف تاني
​
 
أولا عياله مالهم ذنب بتصرف ابوهم معك عشان تبوزين قدامهم ولا تعصبين وبعدين حبيبتي مشي لا تدققين بكل شي عشان ترتاحين بالعكس انتي لو استقبلتيهم احسن استقبال كان خجل من نفسه وصغر قدام حاله على تصرفه معك واستحى على دمه واللي صار صار وجووا لاتسوين مشكله والموضوع منتهي ولا تاخذينها من باب انه يبي يقهرك تبين تكسبينه مثل ماقالوا لك البنات بالسياسه والكلمه الحلوه
 
أنا سويت زي ماقلتوا وربي استقبلتهم أحسن استقبال وأحسن ضيافة وأحسن معاملة..

والحق أقوله هو شكرني بعدما خرجوا وأنا قلت له أنا سويت بأصلي وبس..

بس أحس نفسي مهانة..ليش مو بيتي يابنات؟؟مالي كلمة ولا رأي كيف ومتى أستقبل؟؟

وكيف أسترد كرامتي وربي مقهورة ..وش يشوفوني عياله مالي قيمة عند أبوهم!!!!

إذا أبوهم مااحترمني واتجرأ قلل من قيمتي..ممكن هم بعد يتجرؤون..
 
واللي تقول سياسة؟؟كيف السياسة بهالموقف؟؟

كيف ما أستقبلهم بسياسة ياليت توضحون.
 
كيف أهانك؟؟؟
ممكن أنتي حساسه وهو فعلا ماقصد يهينك،،،بدليل أنو ماأهتم بالموضوع ولا أعتذر
عالعموم عياله مالهم ذنب باللي حصل
ويمكن بعد ما أنتبهوا للسالفه
علميه ماعاد يغلط عليك قدامهم
وياليت لما يكون عندكم حد ماتتناقشون بأيييي شي خاص فيكم وحتى لو تضايق واحد من الثاني يسكت لحد ماتصيرون لوحدكم وتتفاهمون

لاتاخذي بخاطرك طنشيه وكبري عقلك
تلاقين أولاده يحييون تصرفك العقلاني وثقتك بنفسك
 
مشكلتك معه مو مع عياله وتصرفك سليم لما عملتي باصلك واحسنتي ضيافتهم وهذا اكبر رد له ..صدقيني الرجال يعرفون ويقدرون هالامور لان فيها شهامه وفي نفس الوقت شكرك واثنى عليك... برأيي تجاوزي الموقف ولاتنكدي على نفسك ..تجنبي المشاكل معه قدام عياله وتأكدي انهم يقدرون يميزون طيبتك واخلاقك العاليه بغض النظر عن تصرفات ابوهم ..اسأل الله ان يسخره لك ويصلح مابينكم
 
أنت فعلا بنت أصول خير اللي عملته استقبلتهم بصدر رحب

لا تقولي ما عندك قيمة أمامهم بالعكس هم كذا يمكن يحترمونك أكثر

ان الله لا يضيع أجر من أحسن عملا



لما تكونين وحدك مع أبو الشباب عاتبيه على تصرفه

والا خذي مطرقة واعطيها له على رأسه

ههههههه

​
 
أختي كاتياباسل

لا مو حساسة ولا شي

من القهر مو قادرة أكتب الموضوع كله

أهانني وبقوة..سوا شي مايرضاه لنفسه .. بس يرضاه علي!!!

والموضوع بعيد عن النقاشات أمامهم..

طبعا هو مو معترف بالخطأ عشان انا آخذ الأمر ببساطة وهو مايضطر يعتذر..

بس انا مجروووووووحة

و يهمني إنه يصلح الموضوع قدام عياله..

كيف؟؟؟
 
خلاص مادامهم جو واستقبلتيهم بصدر رحب
وهذا بصراحه شي تشكرين عليه لان الاولاد مالهم ذنب ياحرام ،،،
بس وهو كمان ماعلق على شي معناتها الموضوع بررد ولافيه امل يقولك شي
بس انتي خليك الكبيرة وعدي الموضوع
ومرة ثانيه اذا سوها ازعلي​
 
طنش تعش تنتعش لالالالالالالالالا تدققين ما طول هو شكرك

فهذا ا عتذار منه بدون مباشر وحاولي ان لاتضعي نفسك

مره اخرى في مثل هذه المواقف
 
اصلا من باب الواجب و اكرام الضيف لازم تستقبلينهم وترحبين فيهم مساكين مالهم ذمب وتلقينهم حتى هم حقوقهم مو ماخذينها
اما هو ازعلي عليه كم يوم قولي انا ماني طارده احد من بيتي بس ابي احس انه بيتي ماني طرطوره فيه
حقك وحق عيالك على راسي وضيوفك وضيوفهم في عيوني انا ماني ظالمه احد لاكن خلي بينا احترام على الاقل عشان احبك اكثر ومااتهور
 
مشكوووووووووووووووووورات من أعماق الأعماق غالياتي الله لا يحرمني منكم
ولا يحرمكم مني خخخخخخخخخخخخ

أختي مفاهيم الدلع لا تخافين على عياله ماهم مساكين ولا شي ماخذين حقوقهم وحقوق غيرهم.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل