حسيت بكتمه وضيقه مالها اخر

[ضحيه خواتي]

اهلين فيكم بموضوعي واللي بصراحه اول مره بحياتي اشكي لاحد
تدرون اليوم كنت بتمايم ولد طليقي بحكم القرابه اللي بينا طليقي هو ولد عمي كنت والله مستانسه ومبسوطه واسولف مع خواته وسلمت على زوجته وباركتلها لكن اول مارجعنا البيت ماادري وش جاني حسيت بكتمه وضيقه مالها اخر عن جد يابنات والله ماادري وش السبب يابنات لدرجه حتى زوجه اخوي توها جايتنا والله ماقعدت معها على طول دخلت غرفتي وهاااات يادموع وصباح ونياح كرهت نفسي وارجع اتعوذ من الشيطان المشكله ماادري وش فيني وش صابني بس الحمدالله الحين احس اني ارتحت شوي بعد ماصليت واستغفرت وقريت قران والله ثم والله ثم والله اني مانسيتكم يابنات من دعواتي بصلاتي ان ربي يزوجنا ويرزقنا
بنات تكفون وش تتوقعون فيني لا تقولون عشان شفت ولد طليقي لا والله لانه انا اللي طالبه الطلاق لاسبابي

 

[*ليتك تحس فيني*]

الله يكون بعونكـ وانا اختكـ
والله يرزقكـ الزوج الصالح اللي ينسيك اياوه عاجلا غير اجل
واذا تبين دخلين معكـ بالدعوه بزوج صالح تقي غني عفيف ملي قلبه بالايمان عاجلا غير اجل
وجميع بنات المسلمين

 

[نسيت روحى]

الا بذكر الله تطمئن القلوب

الحمدلله يا غاليه

ربنا يعوضك خير منه

شىء طبيعىانك تدايقى دى فطره

اكثرى من الاستغفار
​

 

[قهوه سكر]

كذا ياحبيبتي يمكن لأنك تذكرت الماضي بحلوه ومره وبكيتي على حالك ووضعك واحسن لما بكيتي خليكي ترتاحين الله يرزقك بزوج صالح تقي يسعدك ويعوضك
لا تقنطي من رحمة الله الله بيرزقك والله يا اخو زوجي انه رجل بمعنى الكلمه طيبه وكرم ووظيفه ومركز بين الناس ونفسه مرحه وحبوب وكلن يقول تعال ازوجك بنتي وفي الأخير تزوج وحده بعيده عن جماعتنا مطلقه من ولد خالتها وقسم بالله انها عايشه احسن من اي وحده فينا وهذا يدل ع الارزاق شوفي ربي ماتركها عوضها واعطاها احسن رجل فعائلتنا والحين عندها ولدين وسعيده جدآ جدآ

 

[يارب اغفر لي]

تعوذي من الشيطان

 

[الأمل المفقووود]

حبيبتي الله يصبرك ويصبرني وانا حالي هو حالك ربي يرزقك بزوج الصالح

 

[الوااااان*]

اللهم يسر امرها

 

[ضحكة فجر]

الله يصبرك يالغلا 00
وخذيها نصيحة من اخت لك 00
اي مناسبة تخص طليقك لا تحضريها مهما يصير 00
وما حد يقدر يلومك في اي شي 00
انا حالي زي حالك 00
طليقي ولد عمي بس ما احضر اي مناسبة تخصه 00
ولما اشوف زوجته اسلم عليها بس00
ما اتكلم معاها ولا احاول اعرف اي شي عنهم 00
بنتي تروح لابوها تسلم عليه تشوف اخوها بس انا لا لا لا 00
هو ماضي وراح ولازم نقفله بكل ابوابه 00
اللهم فرج همها ويسر امرها وافرحنا بها عاجلا غير آجل 00
اللهم آآآآآآآآآآآآآآمين 00​

 

[لتوفي]

ياعمري هذي اسمها مشاعر مؤجله يوم شفتيهم استرجعتي كل شي ونفجرتي وحسيتي نفسك يمكن وحيده

الله يفرج همك​

 

[hl []]

انا اتوقع عين الصراحه بما انك انتي طالبه الطلاق ومقتنعه انكم ما تناسبون لبعض
روحي لشيخ يقرا عليك وهو بيقول لو عين او لا لو قالك عين حصني نفسك
لو قل مافي شئ
معناته مشاعرك اتجاههم لسه موجوده وحاولي ما تحتكين فيها وانشغلي باشياء ثانيه ضروري تعرفين
والله يرزقك الزوج الصالح

 

[لاتلوموني بحبهA]

يارب ترزقها بالزوج الصالح

الي يقدرها ويحشمها ويعزها يارب العالمين

وعااااااادي هالمشاااعر تصير بكبر العايلاااااات

انا توقعت تقولين الناس اطالع فيني لاكن ماشاء الله عليك مافيك شي وهذا يدل على طيبه قلبك فديتك

الله يرزقك الزوج الصالح عاجلاً غير اجل

 

[انا اعترض]

اقري دعاء الهم والغم اللي في حصن المسلم .. هالدعاء عجيــــــــــــــــــــــــــــــــــــــــب .. حتى تلاقين في آخر الدعاء الا اذهب الله عنه الهم . يعني وعد من الله تعالى بأن يذهب عنك الهم بعد دعائك حاولي تقرينه في مواضع استجابة الدعاء