حسبي الله ونعم الوكيل........أخـــــوات الــــــزوج

الحالة
مغلق و غير مفتوح للمزيد من الردود.
دايما خوات الزوج كذا الاما ندر تلقينها تضحك وتسولف معاك وبس تلقى عليك شي تتطلع اللي في قلبها انا مقاطعة اهل زوجي من زمان من كثر المشاكل اللي جتني منهم ووصلت لحد الشرف حتى مناسباتهم مااحضرها حتى لو قلت بحضر زوجي من نفسه يرفض يوديني لانه مايقدر على مشاكل امه وخواته فيبعدني عنهم احسن والله ارتحت من وجع الراس صح انه غلط بس وش نسوي اذا انهم يكرهوني كره العمى ويتعمدون المشاكل معاي الله يعينك ويعينا مدري متى بتصفى النفوس الله يرحمنا برحمته
 
^
^
تصدقين طلع كثير زيي كذا هان علي مصابي
الله يخارجنا من ذي الدنيا بخير الواحد وش يرجي من ذي الدنيا
كلنا بنودعها وماراح نلقى الا صحيفتنا مسجلة كل صغيرة وكبيرة​
 
عتبي عليك في خدامتك
انتي جبتيها لك ولبيتك
مو عشان هي خدامه تكرفينها ببيوت الناس حتى لو انها ام زوجك
بكرا ربي يحاسبك عنها
الخدامه جبتيها وظيفتها بيتك وبس
برى البيت بكيفها ماتجبرينها ع شي
إسأليها تبي تشتغل عند أحد أهلا وسهلا ماتبي تشتغل
لاتغصبينها
شغالتي متعامله معاها بهالطريقه
بيتي لو اقلها خليك واقفه ع رجل واحده ماتقول لا
بس برى بيتي اخليها براحتها
بالذات اذا سافرت
أضطر اخليها عند أي أحد سواء أهلي أو أهل زوجي ماتفرق معي
بس أسألها قبل وأخيرها وين تبين تروحين هالأسبوعين مثلا
تقولي بيت فلان
وبعدها أوديها
والحمدلله أموري سالكه معاها وماشيه معي بما يرضي الله
بالنسبه لاخوات زوجك
خليك رسميه معاهم ولاتقطعينهم
انتي مره طيبه بزياده
بعض الطيبه والإحسان بهالشكل ماينفع
لاإفراط ولاتفريط
 
أخت ابتهاج مشكورة ياقلبي

طيب واذا صار زوجي اللي يقولي وديها لأمي أنا هنا وش اسوي​
 
والله انا كنت اسوي زي اللي كنتي تسوينه واكثررررر واول من عض يدي هم زوجوه علي وخربو بيتي الله لايسامحهم
 
الله يعطيك على قد نيتك ويرزقك من حيث لا تحتسبين ويسخرلك عباده ياحبيبتي شفنا من هالنوع ياما ياما يمكن وقتها اموت قهر بس بعدين اقطه بحر وارجع ولا كانه صاير شئ ومثل ما قالوا الحقران يقطع المصران ودامك واثقه من نفسك وزجك واثق منك وتقولين عجوزك حبوبة اعتقد هذا اهم شئ بالعكس روحي واستانسي واللي تقدرين عليه سويه وحماتك الملعونة اسمحيلي طنشيها وحتى لوحاولت تعتذر او تتكلم معك خلك رسميه معها انا اذكر حميات اختي بعد كانت مثلك بس هي ساكنه عندهم تخيلي تسافرعلينا ولو بغت ترجع لهم تحتار وش تجيب لهم هدايا مع انها ما تهدينا لو جت والله انها تشتري لهم احسن العطور واحسن اطقم الدفايات والكاسات وغيره وغيره ولو جابت لهم هداياهم قالو هذي ؟وهي المسكينه من مصرف عياليه شاريتهم واول ما تجي بنته من المسيار ياخذونها العمات النذلات يسالونها امك وش قالت عنا فالبدايه كانت ماتدري وبعدين صارت البنت تنتبه لسوالف امها وتقول لعماتها وينزلون يسوون لها سالفه وتدرين على ايش؟ليش تقولين لفلانه اني استخدم الزيت الفلاني لشعر يعني سالفه تافهه يمكن تبي تكسب اجر وحده محتاجه خلطه لالالالاحنا سوالفنا ماتطلع وراحت سوت لها مشكله عند زوجها وتخيلي قعدت سنه ما تكلمها واذا صارت عندهم جمعه حريم تقهوي كل الموجودات الا اختي ولو سولفت اختي قدام الحريم قامت تناقشها وتسولف وكان ما فيه بينهم زعل واول ماتخلى القعده تعطيها ظهرها طبعا هذا دهاء منها عشان يقولون فلانه حبوبه وفلانه شينه عليها انا طولت الرد عليك بس حبيت اعلمك على سوالف الحريم تراها تودي بداهيه بسم الله عليك والله يحفظك من دهاء الحريم
 
آه والله كانج تتكلمي عني كل واكبر غلط ارتكبته بحياتي هو اني كنت حيل معاهم وعديتهم مثل خواتي
مع العلم امه متوفيه وماعند الا اخت مطلقه بس شفت الطعنات بظهري والله يعلم ان عادتها احسن من اختي وسويت لها اكثر من ماتسوي الاخت لاختها
وبعدين طعنتني بظهري بس ماشفت خير منهم غلبوا كلهم علي بسبب اختهما هذي اللي عندنا
بروحها عايشه وربي كل هم ومشاكل من وراى راسها
بس الحمدلله جاه لزوجي نقل ولفتره محدوده وانتقلت بشقه بعيده ومااجي لشقتي الا بالخميس والجمعه صرت رسميه حيل معاهم ولا اعطيهم لاحق ولا باطل عكس قبل غبيه كل شي اقوله لهم واهم حتى الاشياء التافها عمرهم ماتكلموا جدامي يخبونها علي بس وربي تعلمت درس ولا عاد اعيدها طالما امه متوفيه خواتها علاقتي رسمي وبس
حل امثل خليج رسميه وبس ​
 
اعشق هوا جدة ياحبيلك:nosweat:

اوماااا عجوزك طيبة وحماتك الملعونة انا هنا غشيت ضحك

ياحبيلكم يابلقيسيات وربي هونتو علي مصابي
 
مريوم الحلوة فعلا محد يستاهل نتعب روحنا عنده

الله يخليلنا والدينا واخوانا وبس

يعطيك العافية
 
تعاملي معهم رسمي وباحترام فهمتي ((( عمر اخت الزوج ماكانت صديقة ))
 
ماشاء الله عليك

قابلي السيئه بالحسنه

لا تتغيري عليهم خليك مثل ماانتي وبيجي يوم يحسون بقيمتك

الله يوفقك ويستر عليك..
 
اختي الطيبة
الي بيسمع كلام الناس بييشيب راسه مثل ما يقول شيابنا اهم شي رضاء الله وزوجك وام زوجك
استمري بنفس طيبتك لام زوجك لا تتغيري عليها اما بناتها كوني مثل ما انتي بس ما فيه داعي تفشي لهن اسرارك لا سمح الله صار زعل في يوم رح يفشون الاسرار ادعلي لهم بالهداية
الله يوفقك
 
اذا قال زوجك وديها لأمي قولي له ماعندي مانع أوديها بس الشغاله ماتبي ولا أحكمها برى بيتي
الأول والأخيير لو عندت خدامتك ولوت بوزها ورفضت تشتغل ماحيقعد بها غيرك انتي
قولي له جيب لأمك خدامه أو خلي خواتك يبيعون من ذهبهم مثل ماأنا بعت ذهبي وشريت راحتي وجبت لي خدامه
دقيه بالهرج
فيه رضى الله يزيده رضى بس مو ع حسابي
خدامتي تكره تروح عند عمتي وتبكي بكى لما أقلها روحي عندهم
بس وربي ماأغصبها ولا هي راضيه تتكمل وتقول ليش ماتبي تروح
وزوجي شايف الوضع وعمتي طيبه جدا
بس والله ماأجبرها ..
 
اخت ابتهاج مشكورة حبيبتي انتي ماتعرفين زوجي ماينفع معه هالكلام

مشكورات اخوات لاهنتووو ربي يجعلكم من كل هم فرجا ومن كل ضيق مخرجا ويرزقكم من حيث لاتحتسبووووووووووون
 
الحالة
مغلق و غير مفتوح للمزيد من الردود.
عودة
أعلى أسفل