حزينه ودمعتي ماوقفت من يومين طلبتكم ابي مشورتكم

[غربة حزن]

هذي اول مشاركه لي. انا لا اعرفكم ولا تعرفوني بس والله محتاجه وقفتكم . احس انا ضايعه . موعارفه شسوي. امانه ردوا علي بكل ضمير . وانا ودي اكلم المستشاره بس مو عارفه شلون . حياتي بتنهدم وابي حل..

اكتبلكم القصه وانا ميته من البجي, انا متزوجه صارلي سنتين واحس انقلبت حياتي من اول رمضان .. زوجي يبي يطلقني وانا حامل وعندي طفله.
يقولي ودي ارد نفس اول بدون زواج . لانه مو مرتاح معاي . يقول ودي اطلع ودي اسافر بدون مشاكل. المصيبه انه اهاني وجرحني وفوق هذا ترجيته يسامحني مع اني ماادري على شنو يسامحني بس ذليت نفسي عشان اقعد عنده..
انا منهاره ذليت نفسي حيل لاني اخاف من الفراق

 

[قصر الأمل]

مساك الله بالخير اختي
طيب وش السبب كذا بدون مناسبه يبي يطلقكك مستحيل أكيد فيه شي أنتي مقصره فيه او مسويته معاه
أو هو أنسان يحب التجديد ومايحب الملل ,,,
حاولي تفهمين منه ليه وش السبب اللي خلاه يفكر كذا!!!
بعدين أذا خلاص حسيتي انه مايبيك لا تتطلقون من بدري
ابعدي عنه فتررررررررره وخليك عند اهلك لين تهدى الامور وربك كريم...

 

[قصر الأمل]

نسيت اقولك لا تهينين نفسك له ابد ولاتذلين عمرررررك له ربك كريم ويعوضك باللي ازين منه

 

[ميييييوش]

و لله ما بيدي الا ادعي لك...ان الله يهدي زوجك ويخليه لك...
بس ما كان المفروض تذلين نفسك ...تفاهمي بهدوء

 

[n00r]

غربة حزن ...
هدئ من روعك ياعزيزتي وتوقفي عن البكاء لأنه من مداخل الشيطان
توجهي لله بالدعاء وألحي عليه بأن يلملم شغث حياتك ويهدي زوجك ..
أما بعد
فموقف زوجك صعب ومثل هذه المواقف لاتأتي بدون مقدمات ..
فكري بهدوء في الأسباب التي دعت للوصول إلى هذه المرحلة
وعالجيها بهدوء وروية ...وحاولي ان تمنحيه فرصة ليعيش حرا
وهو معك حتى لايبحث عن الحرية بعيدا عنك ....

ملاحظة
ولاتشعري بالإهانة فأنت تدافعين عن حقوقك وحقوق أطفالك ..
اتمنى لك التوفيق والاستقرار وان تتنزل عليكم المودة والرحمة

 

[أميــرة الــورد]

والله مدري ايش اقولك بس انتي حاولي انك تبتعدي فتره زي ماقالت الاخت لان انتي عندك عيال وحراام يضيعو بينكم .. غير كذا مافي انسان على وجه الارض يستاهل انك تذلي نفسك له حتى لو كان زوووجك وحتى لو غلطتي
لا تذلي نفسك بس اعتذري بكل عزه وبكل فخر انك عرفتي غلطك وماراح تعيديه .. غير كذا انتي لو ضاغطه عليه
في حكايه السفر او الطلعات طنشيه ولا تضغطي عليه اكثر لان الرجال لو في شي في راسه بيسوييه ولا تقهري نفسك على اي شي صدقيني والله انو مافي شي يستاهل انك تزعلي عشاانو حتى لو كان انسااان تحبيه ..
مااقدر اقولك غير الله يهيدكم ويسخره لك يارب ويرزقك الصبر والطنااااااش ويجمعكم على خير ..

 

[أميــرة الــورد]

صح نسيت اقولك مع اني المفروووض ماانساه واول شي اقدمه لك كنصييييييييحه
اقسم بالله الاستغــــــــــــــــــــــــفــــــــــــــــــــــــــــــــــااااااااااااااااااااااااااااااااااار
مفعووووله عجيييييييييب وربي كل مااجربه حياتي تمشي زي ماانويتها الحمدلله جربي وماراح تخسري
شي صدقيني داومي عليييييه وعلى الدعاااء في صلاااااااه الليل بالتضرع والخشيه والذل والانكسار لله عزوجل
لانه سبحانه الوحيد اللي المفروض اننا نتذلل له مو العباد .. وربنا يسعدك ويوفقك في حياتك ويخليلك عيالك ..

 

[غربة حزن]

يقول اني دايما ادقق على كل صغيره وكبيره واحن عليه واقلق راحته. انا ابجي لان زوجي ما كان جذيه . واليوم قالي عقب شهرين بسافر المغرب عشان الصيد وانا حالفتله اذا سافر اتطلق . انا مو عرفه شسوي . انا احبه حيل والله احس بدونه اضيع . انا اخاف من سيرة الطلاق. امانه شلون اخليه يرد نفس اول . شلون اكسبه . شلون اخليه يحبني . يمكن اسلوبي طفشه مني. بس شالحل شبيدي اسوي وانا حاضره

 

[غربة حزن]

وفوق هذا يقولي انا اكرهج وموطايقج وان رحتي او قعدتي واحد عندي طلبتكم شسوي

 

[لزووزة]

يا اختي استعيني بالله وادعي في هذا الشهر الفضيل ان الله يصلح ما بينكم واتكلمي معه واسئلي وش الاسباب اللي تخليه يسوي كذا ولا تهينين نفسك له لان هذي الحركه تقويه عليك والله يعينك ويسددخطاك

 

[ياصغر الفرح]

اذا انتي كنتي تحاسبيه على طلعاته انصحك انك توقفي وغيري تعاملك معه باين عليه انه انسان يكره الروتين
اما هالفتره قبل لايحدث شي انسحبي عند اهلك حتى كل واحد فيكم يفكر صح بدون ضغوط
اما انك تتذللي له فاعتبرها كبيره بحقك
التذلل لله فقط
قولي له تبي تطلع تبي تسافر ماراح امنعك لكن انك تبي تطلق ترا الدنيا مو فوضى وبنات الناس مو لعبه عندك
واذا صار هاشي اللي تبيه ترا عيالي ماراح افرط فيهم لك (امسكيه من ناحية الاولاد
ادعي ان الله يهديه ويلم شملكم من جديد

 

[السكوت من ذهب..]

يارب سخر لنا ازواجنا ياكريم

 

[همس الخيال*]

الله يفرج همك ويسخر لك زوجك يارب

 

[ريف تالي الليل]

اختي الفاضلة دعي التفكير في الطلاق والخوف منه فما كتبه الله كائن مهما صار ولكن ركزي في طرق الأصلاح ولاتعتبري محاولات الإصلاح إذلال فهو في ميزان حسناتك ومئجورة بإذن الله وزوجك دعيه فترة من الوقت وحاولي تغير الجو بيت أهلك أو حتى بمنزلك دعيه يفكر في الأمر بجديه ويحسب النتائج من وراء الطلاق وحاولي أن يدخل بينكم من العائلة من تثقين في رجاحة عقله وقريب من نفس زوجك وحاولي معرفة طبيعة ربع وأصحاب زوجك فتأثيرهم قوي جدا واكثري من قراءة سورة البقرة في البيت وشغليها حين يكون متواجد في البيت لعل عين حاسد اصابتكم فالرقية الشرعية طريقك وآيات القرآن سلاح المؤمن ماخاب من تسلح بها
ارشدكم الله طريق الصواب وحفظ الله لك بيتك من الدمار
دمتي بود

 

[اهات يتيمه]

الله يفرج همك

 

[ماريس2009]

الله يعينك ويفرج همك ماأقدر اقول عليك بالأسستغفار والدعاء في هالليالي المبروكه ولامنه ألح لاتنخضعين عنده وتبينين ضعفك روحي وادعي الله ان الله يعوضك

 

[أم عبوووودي]

أختي الغاليه
أنا ماادري وش أقولك لان محد اعلم بالنار الا واطيها
لكن ابقولك كلمتين... زوجك طنشيه وانتبهي لعيالك ولاتتكلمين معه الين هو يتكلم وردي على كلامه وبس واذا جاب سيرة سفر او طلعه تركييييه خليييه مصيره يبي يرجع وانا اللي اعرفه ان الرجل يمر بدورات زي العجله مره يشتاق ومره يزعل ومره وهكذا لكن شكل زوجك مايمر بهالفترات لان مافيه زعل مافيه شي لانك اصيله وماتزعليه ويكون روتينكم واحد وبكذا الرجل يطفش ويبغى يبعد عن بيته مو لانك مقصره لا بي يبغى يروح يشوف حياته بستقلاليه وفي الاخير بيرجع لك ولا كانه طفشان
بس من كلامك فهمت انك تمنعيه من الطلعات وتدققي عليه وهو مع مرور الوقت والضغط عليه انفجر وقال اطلقها احس يبغى يخلق مشكله ونفس الشي يبغى يسافر يروح يجي لا حسيب ولا رقيب يعني بتلقين جواه كبت وتوه يطلع
فنصيحه لك ابتعدي عنه قليلا وحاولي انك تكلميه ببرود لاتبيني اي مشاعر من الحزن او شي
وانصحك تكررري هذا الدعاء ترى مفعوله مجرب وقوي باذن الله >>> ياااارب السموات والارض ياذا الجلال والاكرام تسخر لي زوجي وتذله لي يااااااارب لا
والله يعنيك ويصبرك وييسر امورك ويسعدك يااااارب
اتمنى فهمتي كلامي

 

[أم عبوووودي]

بنات انا ابي تعديل ومالقيت على العموم انا كاتبه بالعاء بالاخير كلمة ( لا )
تراها خطأ مطبعي :nosweat:

 

[glamour1]

الله يهديه لكي شي مو مرضيه
ابحثي عن الاسباب يا عيوني وحليها يمكن مضايقه شي منك اذا هو بطبعه ما يفتح قلبه
وانصحك بأخذ فترة راحه من بعضكم
الله يريح بالك

 

[abeer abdulmohs]

على ما قالو الاخوات, زوجك مخنوق من الاسئله والتدقيق وهو قال لك هالكلام بنفسه. صدقيني لو كان يبي يطلق كان طلقك من دون هالتمهيدات, هو قال لك كذا يبك تصحين وتنتبهين لتصرفاتك وخنقتك له, وان هالشئ مرة مضايقه. اهداي واذكري الله وابعدي شوي عن الرجال , مهب تروحين بيت اهلك لا, خليه على راحته كم يوم ولا تركزين عليه واجد ولا تجيبين له طاري الطلاق. وخليك دائما لابسه وحلوة زي العادة. ترا حرام هاللي تسوينه بنفسك خليك متماسكة علشان الاولاد. الله يسهل امرك.