حريم دبي السنعات

[sad rose]

انا جاية دبي بعد كم يوم وبخلي عيالي عند اهلي يعني انا وزوجي نبي نغير جو عقب المشاكل تكفون دلوني عن فنادق حلوة ورخيصة وهادية واسواق واماكن حلوة نسهر فيها ومطاعم ،،،
زوجي مهددني اذا مانبسط معاي ماراح يسفرني معه مرة ثانية لأن هو دايم يسافر لحاله
وابي اسواق رخيصة للملابس والشنط تقليد الماركات واهم شي فنادق حلوة
تكفون يالنشميات ،،،

 

[( روح )]

حبيت أقول لج

حياج الله في دارج وبين أهلج

وسامحيني ما عندي فكرة بهالسوالف

لكن البنات ان شاء الله ما بيقصرون وياج

والصراحه انتو تعرفون بلادنا اكثر عنا ههههههههههه
​

 

[الـــــورد]

هلا عزيزتي

بالنسبه للفنادق عند فندق القصر ف جميرا ررروعه وسعره تقريبا ب 2700 ف الليله
وفندق فستيفال اللي فيه فستيفال سنتر روعه سنتر كبير وااايد بتستانسين ان شاء الله ومكانه ف القرهود بس ما اعرف اسعارهم
وحياة رجنسي بعد ما اعرف اسعارهم
وفندق جراند حياه
وفندق البستان احتمال هذا رخيص شوى وفيه سنتر

وفنادق وايد ما تحضرني الحين وعلى قولة الاخت روح فعلا يمكن انتو ادري بالفنادق لانه نحن اهل البلاد ما نسكنها وايد

وعن الاسواق الرخيصه عندج سوق نايف اليديد
وسوق عكاظ ومرشد
وسوق الجمله اللي ف الرأس بالجمله واغراضهم رخيصه واايد

والمطاعم
عندج مطعم القيصر
مطعم حلاب
مطعم فدريكرز


وهذا كل اللي يحضرني الحين عزيزتي ولي عودة ان شاء الله بس اتذكر
واتمنى لج اقامه سعيده ف دبي وحياج الله عزيزتي​

 

[موعد مع الحياه]

بصراحه دبي روعه انا رحت لعام انا وزوجي لمدة 10ايام ولا كفتنا

اسواق ومطاعم وحدايق ...........

يا بختك

 

[اتحدى العالم]

انا رايحه انشالله لدبي سمعت بأتلانتس وسبق ورحت لمول الامارات مرررررررره روعه ماشالله دبي ماتنمل كلها اماكن حلوه فيه ابن بطوطه وغيره كثيير
الله يسعدك واياي والجميع
رحله موفقه

 

[بنت جدتي]

إذا تبين زوجك ينبسط لالالالالالالالالالالالالالالالالالالالالالاتكثري المقاضي

 

[AL-SHEIKA]

الخوات ما قصرن

بس لو ما انبسط ريلج بياخذهااا علثه عسب ما يسفرج

ونصيحتي لج لا تخلينه يسافر بروحه

 

[alraqyah]

حبوبه فندق تماني ب 900 درهم و ايد روعه و مريح اهو عباره عن شقه و بمطبخها و غرفتين و و و وايد ممتاز

 

[أم هاني]

عندج في دبي سوق التنين وااايد عدهم شغلات حلوه وتقليد ورخيصة وكل اللى تبيه بتحصلينه من جنط وجواتي تقليد ماركات وملابس وأغراض وااااايد
أنصحج تروحين وتاخذي هدايا من أهناك ..

 

[.. دلع وسنع ..]

شوفي حبيبتي انا توني راده من دبي وبقولك على كل شي ومابي غير دعوه منك ان ربي يسخرلي زوجي وينولي اللي ببالي

تبين تروحين اماكن تونس زوجك وتونسك

1 روحي برج العرب مطعم المحاره تتعشون او تتغدون بغواصه تحت البحر هذا اذا كانت ميزانيتك زينه لان تكلفه الشخص الواحد 2000 درهم
2 روحي فندق اتلانتس الواقع في النخله جميرا تتمشين هناك وتشوفين الاكواريوم
3 ابن بطوطه مول عباره عن مركز تسوق ومتحف لابن بطوطه بنفس الوقت
4 روحي مول الامارات داخله قريه الثلج درجه الحراره تحت الصفر ما تدخلون الا وانتم لابسين جاكيتات وبوت فيها العاب للكبار وسكاي وتزحلق وتلفريك وكوفي
5 روحي قريه البوم واركوبوا الباخره وتعشوا راح تمشون على خور دبي لمده ساعتين
6روحوا سينما بليل في سيتي سنتر
7 عندك المطعم الدوار في فندق حياة ريجنسي عباره عن بوفيه والمطعم كله يدور بخفيف
8 مقهى التايم سكور عباره عن مقهى كوفي وعصاير وثلج وتلبسين جاكيت وقفازات
اما عن المجمعات
ما انصحك فيها لانها غاليه وكبيره ومرهقه ومكلفه

اللي صدق يستاهل السوووووق الصيني وما ادراك ما السوووق الصيني كبيييييير حيل ويستاهل وممتع لان كل شي فيه اثاث وملابس وتقليد ماركه واجهزه كهربائيه وشنط ونعووول وكل ما يطري في بالك ووبسعر رخييييييص

وانصحك بسوق عكاظ ومرشد فيه جلابيات وعبايات وملافع وسوق نايف كل شي فيه ولا تنسين الزعفران الزين من قريه الزعفران مع البخورورخيص

دعواااااااتك
7

 

[اسيره نور]

 

[شموخ ملكة]

لا اله الا لله محمد رسول الله

 

[عـ ط ـر اللـيل]

فندق حياة ريجنسي الليله ب900 درهم روووعه وفيه جراند ميلينيوم سكنا فيه انا وزوجي فخامه ورقي طبعا فايف ستارز ب900 ايضا لكن نصيحه مني احجزوا الاوتيل من المطار لان مكاتب الحجز فالمطار بنص القيمه يعني اللي ب900 اخذناه ب450 الليله وهذا الكلام قبل 3شهور

 

[لينا_]

حبيبتي انصحك بسوق اسمه اوت ليت
لا يفوتك كله تخفيضات وماركات " دكني - السواني - اكسسورز - منسون ............. "

 

[amohamed]

شوفي عيني ان احب اروح الشارجة عن دبي للسكن شقق فندقية واسعارها حلوة 450 درهم و500 مثل سبارك رزدنس وبسمة وغيره