تهاجيد
New member
- إنضم
- 2009/02/11
- المشاركات
- 528
السلام عليكم ورحمة الله وبركاته
شخباركم يا حلوات ؟ ..
خبرتني حرمة عمي (( وهي مغربية )) عن طريقة تنور الويه وتورده
وتخليه ناعم نعومة الاطفال
طبعا خبرتني عن الطريقة بعد ما التقيت معاها عند العطار وسالتني شو اشتريتي ؟
فقلت الها دم الغزال .. قالت ايييووا . عكر فاسي .. وليش اشتريتيه ؟؟
فخبرتها اني ناوية اخلطه مع الفازلين واحطه على شفايفي قبل النوم
وخبرتها اني قريت هالمعلومة فالمنتدى وان نتايجها ..
شفايف ناعمة ولونها على وردي ... فسوت لي جذي :icon30:
وقالت لي انا بعطيج طريقة تورد ويهج وتنوره وتخليه انعم حتى من خد
(شيما) تقصد بنتها ام اربع سنين ..
قالت لي حطي بفنجان ملعقة كبيرة ماي ورد ..
وربع ملعقة شاي دم الغزال يعني عكر فاسي
وحطيه على ويهج وخليه نص ساعة وبعدين اغسلي ويهج
والافضل تغسلينه بصابون الطاووس .. شمعنى ؟؟ :c028:
لانها صحية وتحتوي على زيوت طبيعية
ومنها زيت اللوز
قالت لي سوي هالطريقة وراح تدعين لي :c018:
قلت لها .. عاد انا استاَذنج انشر طريقتج فالمنتدى ..
ضحكت وقالت انشريها وسلمي على البنات وقولي
لهم ادعوا لحرمة عمي تجيب الولد .. :c016:
قلت لها فالج طيب .. وهذي انا انشرها وان شاءالله تستفيدون منها
عاد لا تحرمون حرمة عمي الدعاء .. ولا تنسوني بعد :blush-anim-cl:
القاكم على خيييييير :a194:
التعديل الأخير بواسطة المشرف:
