حرقهن وحرق قلبي وياهن....ساعدني

[يزويه]

السلام عليكم ورحمة الله وبركاته
بنااااااااااااااااااااااااااات الله يخليكن ..انا مضاااااايقه واااااااااايد واااااااااايد
انا باكتب الموضوع واباا مساعده منكن الله يخليكن ويخليلكن اخوانكن ويحفظهم من كل عين اللهم امين..

خواتي انا عندي اخو عمره 17يعني ريال بسم الله عليه .. بس الله يهديه مصيبته فالدراسه .. والله يا خواتي اني حاولت معاه بكل الطرق واتعبت معاه كل الوسائل عشان بس يشد حيله ويدرس .. ما قصرنا معاه في البيت من ناحية مادية ومن ناحية معنوية .. وطبعا هو الحين في الصف الثانياعدادي .. يعني راسب اربع سنوات وطبعا لو رسب هالسنه بعد بيحولونه مسائي وطبعا انتن تعرفن شو يعني دوام المسائي من ناحية الاهمال واللامبالاه

المهم من هذا كله ان اليوم ياني اخوي الي اكبر منه بسنه وقال لي ان حرق كتبه تخيلو وبدون ما ندري وطبعا اخوي الثاني اللي يابلي الخبر هذا عرف عن طريق ربيع اخوي (صاحب المشكلة ) ومش عارفه كيف اتصرف .. ولا اني قادره اقول له ان اخوك خبرني عشان ما اسبب مشاكل بينهم وهو الله يهديه ما يا عندي وفتح لي قلبه عشان يخفف من المصيبه علي قلبي .. يمكن تفكرن اني ابالغ لكن والله يا خواتي اني انا اللي شاله هم اخواني ومحد غيري يشجعهم ويسأل عنهم ويتابعهم في دراستهم لا وفوق هذا كله حاطين لهم اساتذه لكل المواد .. شو اسوي اكثر من جذيه .. وهذا يزاي يروح ويرحق الكتب والله كأنه حرق قلبي معاهم الله يهديه ..

اللي اريده منكن انكن تشورن علي وتعطني افكار من عندكن تخلي اخوي يحب الدراسه .. ويحس انه حد مهتم فيه .. وقبل هذا كله ابا طريقه اقدر اواجهه فيها واكلمه باللي سواه بس كيف .. والله ان دار راسي وضاقت الوسيعه علي ..

الله يخليكن عمري ما بنسالكن هالجميل ..
اتمنى الرد يكون بسرعه

 

[أريد أن أكون]

السلام عليكم ورحمة الله
اعانك الله وسدد خطاك وبارك فيك لحرصك على اخوتك.شوفي من وجهة نظري.انك تناديه من باب انك بتراجعين معه بعض
المواد اللي حرق كتبهم.ثم ابدئي بسطي له الامر ودردشي معه وخبريه عن الصعوبات اللي تواجه كل الطلاب في الدراسه وانه
العبقري والناجح هو اللي يتجاوزها.رغبيه بطريقه تعطيه ثقه في نفسه وحافز.واسئليه وش طموحه وش يبي يوصل له بكره
خبريه ان لازم يكون له هدف في الحياه.وانه من اللحين لازم يحدده ويسعى للوصول اليه.خليك قريبه منه ودردشي معه كثير
اعرفي من اصحابه وش مستواهم. ولا تحسسونه ان الدراسه عبئ لازم يشيله.واذا صار وما ووده يدرس ...فدورو له وظيفه
وبعد ين هل ابوك حي.....او عندك خوال يعتمد عليهم.ترا محتاج رجال كفو يكون سنده ويوجهه.
اتمنى اني افدتك......واسئل الله العلي العظيم ان يهديه وان ييسر له الخير ويرزقه العمل الطيب والعلم النافع.

 

[قول & فعل]

الله يكون بعونج اختي .. الصراحة ما اعرف شو اقولج .. بس اخو ريلي عنده نفس المشكلة ..
ما يحب يدرس .. ورسب 3 سنين في نفس الصف .. لكن اخر شي قرر ان يسير المدرسة
من طرف النادي الي يلعب فيه .. يعني يدرس عندهم من الصبح لين الظهر عقب يراجعون لهم والمغرب لين العشا يدربونهم على الكرة .. يعني اخر شي راح للمجال الي هو مهتم فيه ..
فأنتي جوفي يمكن اخوج حاط في باله مكان معين وما صارحج فيه ..يقدر يكمل مع المعهد التكنلوجي أو المعهد البترولي أو احد النوادي اذا كان هو يحب كرة القدم او السلة ..يعني شوفي شو يحب .. وخله يكمل في المكان الي يحبه مع ربعه عشان يتشجع .. والله يعينج حبيبتي

 

[*نونه*]

مشكله كره الدراسة مشكلة كبيرة

ننتظر ردود الاخوات

 

[ميرنددا]

لو تقدرين تكلمين المرشد الطلابي واخوك مايدري

وتفهمينه الوضع انه مايحب الدراسه ومن هالكلام وهو يحاول بطريقته مع المدرسين الي يدرسونه بالصف يشجعونه ويمدحونه بين زملاه ويحاولون يعطونه مهام هو يكون الاساسي فيها وما يذمونه ولا يخاصمونه اذا قصر في شي

بكذا يتشجع ويحب الدراسه والمدرسين

بصراحه هذي الحكايه ساارت عندنا وبكذا رجعنا الولد للمدرسه وحببناه فيها وهو مايدري

او حل بديل انك تبدلين المدرسه

ان شاء الله اكون ساعدتك

 

[يزويه]

أريد ان أكون

يزاج الله خير اختي على اهتمامج بموضوعي ... اختي بخبركم شو صار ...اليوم بعد التروايح يلست افكر وااااااااااااااااااااايد بالمشكله وماعرفت كيف راح احلها خليتها على رب العالمين ودعيت ربي .. تصدقين ياني وطلب مني فلوس مرت اخوي قالت لي الافضل انج ما تعطينه ..انا ما اريد اخواني يحتايون لحد .. وبعدين ما اريد احسسه انه حد مخبرني شي عنه .. فقلت بعطيه وباجر الظهر بيلس معاه وبسمع له دروسه ... المهم اللي صار الساعه 11ونص فليل ياني اخوي اللي اكبر منه بسنه اللي خبرني ان هو حرق كتبه .. انا عاد مادري شو اللي خلاني اصر اني اروح غرفته واشوف الكتب اللي بقن وماحرقهن ... المهم لمه دورت بين الكتب لقيييييييييييت الكتب موجودات كلهن ومافي كتاب ناقص:schmoll:
انصدمت قلت لخوي اللي وصلي الخبر الكتب موجودات ....كيف انت تقول ان حرقهن اتصل في ربيعه وكلمه وطلعت رمسه بين ربعهم بس شو المغزى من هاي الحركه الله العالم ..ليش هم يبون الخبر يوصل ان هو حرق كتبه ماعرف ..انا هنيه عصبت وما عرفت شو اسوي ..قالت لي اختي اللي اكبر مني يمكن حرق كتب واحد من ربعه يعانده او شي من هذا القبيل ... انا الحين محتاره ومش عارفه ..وللأسف الشدشد ان اخوي هذا صاحب المشكله متغير على اخوه اللي اكبر منه بسنه ..مع ان كانو ربع مش اخوان ...صار اخوي هذا صاحب المشكله يطلع من البيت من دون ما يخبر اخوه .. ومن يتصل عليه اخوه يتهرب منه ..كأنه ما يريده يروح معه مكان ...اللي سويته جمعت الاثنين وقعدت اكلمهم واحاول اعقلهم اخوي اللي موصلي الخبرعن موصوع حرق الكتب كان متقبل الكلام ومقدر خوفي عليهم ...لكن اخوي صاخب المشكله ابد حسيته مضايق .... قلت له ان لازم تفكر في نفسك شوي ..وان الدراسه مش مجال دخلته وتبى تتخلص منه باي طريقه ..هذا مستقبلك .. وانت الحين صرت ريال ومفروض انا اللي اعتمد عليك ..لازم انت اللي تعرف توازن الامور ..المهم اني حاولت اعقله بس ماعرف بعد حسيته مش متقبل بس يبا يسكتني ... بعد قلبي عورني اكثر:sad_1:
حسيت التعب اللي تعبته عشانهم راح ..
انا والله يا خواتي ما عرف شو اسوي الله يخليكن خبرني انا اللي سويته صح والا غلط .. بس على فكره انا ما تكلمت عن موضوع الكتب لاني لقيتهن في الغرفه .. بس قعدت انصحه بس هاي مش اول مره امسكه فيها واكلمه عن الدراسه .. كل مره جيه ويسايرني يومين والباقي على الدنيا السلام
وبالنبسه لموضع ان لازم ريال يكون معاه ...:tears: ابونا موجود الله يطول بعمره بس ريال كبير في السن .. وعنده اخوانه كبار بس كلن يقول اللهم نفسي وبعدين هو ما يسمع كلام حد مره اخوي اللي اكبر مني رمسه بس للاسف ما عمله حساب ومشكلة اخوي اللي كلمه ما عنده اسلوب في التفاهم يحب يفاتن ويصارخ .. نبهته على هشي كل يقولي انتي ما تعرفين شي واسكتي انا اعرف اتفاهم وياه ...بس اخوي يتنرفز ويعصب واحسه يعاند اكثر ..
يا اخواااااااااااااااااتي الله يحفظكن ساعدني كيف احببه في الدراسه ...كيف ؟؟ :icon1366:
ادري وااااااااااايد تكلمت بس هذا اللي بيدي وادري انكن ما راح تقصر معاي ويعطيكن العافيه

 

[يزويه]

قول وفعل ..

يزاج الله خير ...والله يطرح في عيالكم البركه ...اللهم آمييييييييييييين
اقترح عليه اخوي اللي اكبر مني اني ادخله مدرسة النادي بس انا خفت ان تلهيه عن الدراسه انا كيف راح اتواصل ويا المدرسه ..انا مش مطمنه من هالناحيه واااااااايد خايفه ..وبعدين اخوي المشكله احسه ما يحب الرياضه .. ميووووووووله مش قادره افهمه واااااااايد متغصصه وتعبانه :no:لاني بديت احس ان انسان غامض والمشكله ما يحب يصارحني ..ولو احاول اتكلم معاه واقوله افتح لي قلبك يقولي مافي شي ويسكتني ما يطيع يجاوب ويايه .... تعرفين من كثر الضغط احس اني مش قادره اركز:dunno: .. قبل كنت احل اي مشكله تواجهني وياهم بكل سهوله ..بس كبرو وكبر الهم معاهم .. واحس اني ما اقدر اعطي اكثر ... اخوه اللي اكبر عنه الحمدلله مريحني شوي مهتم في نفسه ويوم اكلمه يحسسني ان هو بيتغير ويحس اني اخاف عليه ... بعكسه هوو تماما تعرفين كل ما اكلمه احسه يقول في خاطره اني ادخل في كل شي ..ومره قالي ايها انتي كل شي تبين تعرفينه:sadwalk:
والله يا خواتي احترت وتعبت ومش عارفه كيييييييييف اتعامل معاه ؟؟؟
الله يخليكن بكون شاكرتلكن الجميييييييييييييييييييييييل والله يفرحكم بعيالكم

 

[يزويه]

ميرنددا
يزاج الله خير ياختي على مرورج ... وتفاعلج معايه
اختي المشكله اني متواصله ويا المرشد .. وان شاء الله ناويه اتصل به يوم السبت واكلمه .. بس المشكله مش في المرشد المشكله في الطالب نفسه هو نفسه ماله اي رغبه في الدراسه بس مش عارف كيف يتخلص منها:sad_1: ... هو على فكره ذكي بس ما يريد يستغل هالذكاء والمدرسين كانو يشكرون فيه ويمدحونه بس السنه اللي طافت وااااااااااااايد ذمووووووه والسبب واحد من ربعه هو اللي لعب في عقله بس بعدته عنه :blow:.. بس هالسنه بعدني ما شفت شو يقولون عنه الاساتذه ناويه اتصل الاسبوع الياي واشوووف شو اللي بسمعه عنه .. :sad_1:
والله يخليكم ادعو ان ربي يهديييييييييييييييييييييييييييييييييييييييييييه

 

[يزويه]

وينكم محد رد لين الحين وعطاني حل ..؟؟؟؟؟؟؟ الله يخليكن لا تنسني:sadwalk:

 

[بنت السحاب]

بصراحه الله يعينكم عليه

حاولي تالجيء الا اخصائي نفسي واجتماعي .

دمتي بود

 

[يزويه]

واااااااااااايد صعبه اني ارووووووووح لدكتور نفسي عشانه ....بصراحه تعبت
بناااااااااااااااااااااات وينكن