حرام عليكم بنات..؟؟

[شيخة المطران]

السلام عليكم ايو الله حرام عليكم بنات قبل ثلاث شهور دخلت قسم الرشاقة بهالمنتدى واليوم ادخله نفس المواضيع ما تغيرت ولا تجددت نبي مواضيع جديدة عن الارادة عن العزيمه عن انه نكمل طول اليوم بنفس الهمة اللي بديناها الصبح عن الريجيمات المتنوعة بس الله يهديكم نفس المواضيع ما تغيرت طفا الحماس شدو الهمة واطرحوا اي سؤال اي موضوع حلو او رجيم فعال او حى حكم وكلمات تشجيعي او كتاب جميل وتقبلوا مروري

 

[جً‘ـُّّـرٍوٍحـ]

عندك حق والله احس انو مافي حمآآآآٍس

 

[شيخة المطران]

بنات نبي نتاقش عن الارادة عن العزيمة عن الحماس باي سوق نلقاه والله راح اشتريه لو كان بمليون بس ليا متى احنا نبدأ ونرد الصفر مرة ثانية ؟؟؟ متى نصحى ونبتعد عن خط البداية ونتحرك نترك الكسل ونقاوم شهوات الطعام متى نكبر ترا احنا للحين صغار متى نكبر ونحس ان اجسادنا ونظرتنا لهالجسد لازم تتغير لازم نحبه عشان نغيره متى نلقى فستان جميل استرج ناخذه ما نحاتي مقاسه متى نجد المفتاح اللي يحركنا يقوينا راح نظل طول عمرنا جذيه؟ انثى رقيقة بداخل جسد امراة ضخمة ؟؟؟ متى نوقف عن البكاء ونبتسم .... ؟؟؟؟؟؟​