حراميه ذكيه انتبهوا

[ورده فوشيه]

هذا الموضوع كتبته أحد الأخوات وحبيت أنقله للفائدة !
وحتى تنبهون أهاليكم .

..

السلام عليكم

بنات تخيلوا امي كانت اليوم بمجمع ابن خلدون .. وبوقت صلاة المغرب .. لم راحوا للمسجد

كانت فيه وحدة حاطة لها كرسي وجالسة عند الباب ومعلقة لوحة (( يمنع دخول جوالات الكاميرا للمسجد )) ..!!

وكل من دخلت اعطتها رقم .. وحطت جوالها بكيس ..

وتقول امي شكيت فيها .. من متى الجوالات ممنوعة بالمسجد
وغير كذا اللوحة مكتوبة بخط اليد وماعليها ختم للأدارة ولا شي ..!!

وحتى الأوراق اللي توزعها مكتوبة بخط اليد .. !!

المهم .. تقول امي قلبي نغزني .. وخلت اختي تنتظرها برى مع الجوالات الين ماخلصت صلاة ..
وبعدين راحت اختي تصلي ..


وخلال هالوقت .. في حريم خلصوا صلاة .. وطلعوا يدورونها ولا لقوا احد .!!

تخيلوا .. اكثر من 30 جوال شالتهم الأخت ومشت ,,!!

فتقول امي .. لو تشوفون صياح بعض الحريم .. شلون يقطع القلب .. اللي لها صور بالجوال .. والا اللي مصورة خواتها والا بناتها ..




فأنتبهوا .. اللي سوت الحركة هذي ممكن تعيدها بأي مجمع ثاني ..

وغير كذا .. ياليت ننتبه لصورنا بالجوال .. يعني حتى لو قلنا ماراح نبيع الجوال .. مانضمن انه ينسرق ..

والله يستر علينا وعلى جوالاتنا

 

[ندى الاوركيدا]

الله يجزاك خير على التنبيه....

 

[ود المحبة]

هلاااااااااااااااااا

اقول قصصك اعجبتني كلهم اكشن

بس فيهااا عبر واخذ الحذر فيهااااا

تحياتي يالغالية

ود المحبة

 

[غلا روحي]

الله يكفينا شرهم

 

[وله المشااااعر]

الله يجزاكي كل خير

 

[الخل الوفي]

يعطيك العافيه
على التحذير
بس شو تعملي مع طبيبة القلب
مع ناس ما عندم قلب
يوجد قانون في الدنيا إسمه
كما تدين تدان
:no:​

 

[( إبــــاء )]

معقوووووووول؟
ياويلها من ربي
جزاك الله خير انك نبهتينا
بس ماقلتي لنا ايش جنسيتها؟؟

 

[أم دبي]

السلام عليكم ورحمة الله وبركاته
والله عجايب ها الزمن
المفروض قبل لا اعطيها جوالي افكر شوي
مشكورة عالتحذير

 

[شمعة الإسلام]

حسبيى الله عليهم حتى المساجد ما سلمت منهم
وفقك الله أختي ورده فوشيه على هذا التنبيه ..

 

[طيف حالم]

الواحد لازم يكون فطين وحذر عمليات النصب كثرت والله المستعان

 

[( روح )]

شكراً عزيزتي على الموضوع

بس اعتقد إن ابداً مافي داعي إن الوحده تصور نفسها بالموبايل
وتصور اخواتها واهلها وصديقاتها

وبعدين حتى لو هي حذفتهم من الموبايل قبل لا تبيعه

فيه برنامج خاص يقدر يسترجعهم لأن الموبايل فيه ذاكره مخفيه غير الذاكره اللي نعرفها

واصحاب المحلات اللي تبيع الموبايلات يعرفون كيف يطلعون كل شي من هالذاكره

فالوحده منا لازم تكون حذره جداً في المواضيع هذي


بالنسبة لي موبايلي شي خاص فيني...لا يمكن إني اسلمه لحد يتكلم فيه..خاصه الناس الغرب عني


​

 

[*همسة دلع*]

مشكورة اختي على النتبيه

الله يعطيك الف عافية

الله يجعله في ميزان حسناتك​

 

[روح زوجهااا]

مشكووووووووه على التنبيه

 

[ميااااو]

صراحة ما أعرف شو أقول دوم يوم كنا صغار كانوا يقولون في ناس يسرقون النعول (عزكم الله ) في المسايد اليوم طالعين بموضة يديدة يواكبون العصر:icon28:
الله يستر علينا وعلى الأخوات صاحبات الجوالات:no:​

 

[خواتم]

اكيد الحراميه هذي
متغطيه أو لابسه نقاب ((احتمال انها رجل))

يارب خربوا صورة
المسلمات والمسلمين اللي يدورون الستر وماشين بحالهم

الله يهديهم ويكفينا شرهم

 

[نسمة غرام]

الله يستر علينا وعلى ولايانا والمسلمين
في زمن ضاع الضمير تتوقعي اي شي من ضعاف النفوس
الله يكفينا شرهم
والله يجزاك خير على التنبيه

 

[زوجة ابو الهول]

:icon1366:مساكيين الحريم اللي سرقوا موبايلاتهم:icon1366::icon1366::icon1366::icon1366::icon1366::icon1366:
ولكن القانون لا يحمي المغفلين :no::no::no:و لكن عليهن بادعاء على من أخذ موبايلاتهن
فدعوة المظلوم لا ترد:c016: