حد يرد علي ارجووووووكم (كذب في كذب)

[sweety_am]

السلام عليكم
كيف الحال اتمني حد يرد علي ويريحني من الي انا فية
اول شي انا زوجة رجل غير مسؤل عن شئ ابدا حتى اقل الاشياء ما يسويها مليت واحس اني الحرمة والريال
ومرت علينا فترة قحط عبارة عن شهرين انا سكت وما كنت اطالبة بوايد اشياء اصلا ما اطالبة بشي بالعكس هو الي يطلب
المهم الحين يخطط للسفر مع اني انا الي قلتله اني ابا اسافر للتشيك طبعا فكر في عمره لأنه اناني ويضحكني يقول ما اتسافرين معاي انا يومين وارد ويوم يسافر يقطن اهناك وعقب اشوف علاقات من هالبلدة
انا ما عندي مشكلة انه يسافر مشكلتي انه ضعيف ويحب السوالف مع الحريم وجذااااااااب درجة ون يتقمص شخصية مب شخصيتة يخلي الي معهاه اتشوفه شي ثاني
علي فكره هو كان متزوج قبل وطليقته قالتلي عنه نفس الشي ويحب الفلوس ويصرفها علي تفاهات آه والله اني عايشه هم مافي بعدة هم ومب عارفة ش الحل
وغير انه امخشش عني الفلوس عشان يمتع عمره ويقولي ما عندي وما وحالي ووالله هذا بس ش انقول عن الي يشرب وما اشوف ويهه إلا اذا ما عندة فلوس؟

اول كنت اعامله بالويه الحسن وحاضر ونعم شفت مافي فايدة وشفت ان ما ينفع معاه غير النكد شفت اني انا تعبت ورديت اهدي واطبطب واقول كيفة خله ايسوي الي يباه بس مصخها وايد وايد زاد كذبه علي بطريقة فضيعه
قولولي ش الله يجزاكم الخير

 

[مملكة أنثى]

الرجال ما يصلبه غير رجال
دخلي الكبار ياوختيه مدام صار مزري مبينكم
وطالبي بحقوقج من الالف لين الياي لا تستحسن او تسكتين عن حقج
لن الريال مب الريال اي شخص سواء كان ريال او حرمه طبيعة الإنسان البشريه جي إذا شاف احد يسكت عن حقه وما عنده مواقف قويه ومواجهات يسويله طاف وما يهتم وياكل حقوقه
إلا من رحم ربي
انا من رايي مدام الامور وصلت لهني انج تكلمين احد من صوبج يا ابوج او اخوج يكون يخاف منه ويسويله حساب وتخليه يجيبه ويكلمه
والله يسر امورج الغاليه

 

[تعبت من الألم]

بجد الله يعينك يالغالية ..
ادعي ربك انه يسخر لك زوجك ويرده لك ردا جميلا ..
وعن الفلوس يالغاليه اذا هو مايعطيك حاولي انك تخلينه يدفع لك الي تبينه بدون ماتوضحين رحتي مكان سوق شي حاولي تبلشينه ..
لاتسكتي عن حقك لانه اذا تعود مراح يحس بان فيه وحده ملزوم انه يصرف عليها

 

[sweety_am]

المشكلةانه ما يحب اني افتح ثمي واتكلم حتى عند اهله وياويلي اذا اتكلمت طليقته قالتلي قبل انه جذاب واحذري تعطينه فلوس ولا اي شي والمشكله اني عطيته والندم ماكلني من راسي لساسي ومافي امل يردهم كسر ظهري فيهم احس اني مره ب انفجر واقوله طلقني وطز فيه وفالفلوس ارد اقول يمكن الله يفتح عليه وايردهم وانعيش احسن بس الله يصبرني

 

[تعبت من الألم]

اكبرغلطه تغلطها الوحده لما تعطي زوجها ولو ريال واحد لانها بنسبة 99% بيتعود على هالشي ودام معها فلوس تصرف على نفسها ولاتبلع العافية ..
فأنتي حاولي تغيرينه وتشوفين نقاط ضعفه ومنها بتدري تعدلينه حتى ولو بنسبة بسيطة وانتي استخيري ربك اولا واخيرا وادعي ان كان فيه خير يارب قربني منه واذا لا فابعدني عنه ..
والله يعينك بس لاتتنازلي ابدا عن حقوقك..

 

[فردوس هوساوي]

الله يفرج همك أختي..

 

[sweety_am]

اشكركم حبايبي والله يوفقكم وادعو لريلي الله يهدية من البلية الخمر

مع السلامة

 

[بطرانه كول]

هلا وغلا اختي
الحمدلله انه مشكلتج هينه لا تكبرينها وانا اختج .. ولا تشوفين ها الاشيا على انها كارثه شوفيها على انها عيوب وسلبيات بسيطه ممكن يتخلص منها عن طريقــــج .. وبذكائج الغ ـآليه وتحكيم عقلـج ..
بالنسبه للفلوس واجهيه بطريقه حلووه قولي له وبوووزج ممدوود انا زعلانه منك .. بيقولج ليش..؟ قوليله يهمك .. بيقول أكييد .. المهم قوليله انا زعلانه لانك ريآل بس ما تصرف علي ،، وكل مصاريفك تروح لغيري
ومن ها الملاقه صدقيني بيهتم لان الريال يحب يشوف عمره ريآآل جدام الحرمه..... واستغليه بها الطريقه إذا شفتي ها الطريقه تنفع معاه...... أما إذا ما يابه شي شرات ما قالت الاخت الي فوق خلي ريال امبينكم والله يحكم عقله ..
هيه صح لا تنسين الاكثار من الاستغفار والتقرب إلى الله والشكووووى لله وبـس لا تشكين حالج للناس أبد .. لان الناس تحب القررررررر ^^

 

[امل رحيل]

رجل يقصر العمر

الله يكون بعونك