حدود العلاقة بين الزوجين فترة الملكة

جزاك الله خير اختي
 
العفو عزيزاتي .. و الله أنا هدفي من الموضوع التوعية لأنه انتشرت حركة تأخير الملكة بشكل كبير .. صاروا الناس يعتبرونها مثل الخطبة .. و هي زوااااج و عقد !! و لازم تتوضح الأمور و يتحدد الزفاف في هذي الفترة .. مش ينتظر العريسين لفترة تمتد إلى أكثر من سنة إلى أن يحتفلوا بزواجهم !!
و الله يتقطّع قلبي على العروسات اللي تتعب نفسيتهم من التأخير و سوء التفاهم مع الزوج في هذي الفترة !! و اللي أعصابها محروقة ما تعرف متى يتحدد العرس .. هل بتلحّق تشتري أغراضها أو لا ..!!
مع أنه في ناس تقول الملكة أحلى فترة !! .. لكن هذي بشرط تكون قصيرة .. بحيث لا يدخل الملل في نفوس العروسين..
 
مشكورة حبي ع طرح الموضوع مو حلو تطول الفترة بس على حسب الظروف,,,,,,
أنا طولت ملكتي برغبتي عشان أتعود عليه وأفهمه وأفهم طريقة تفكيره طبعآ مو حلو تتزوجي واحد وإنتي ماتعرفيه كويس ,,,,,
طبعآ هذي وجهة نظري فترة الملكة حلوه تطول بس عشان تفهموا بعض لأن هذي حياة مو يوم أو يومي أما باقي الحاجات أصلآ حلاتها بعد الزواج بكون لها طعم ونكهة خاصة طبعآ هذا كلام الدكتور طارق الحبيب بيقول فترة الملكة مو للجنس لأن هذي الأشياء وقتها بعد الزواج ويقول عشان كذا تلاقوا الزوجين اللي ضيعوا وقت الملكة في هذي الأشياء بعد الزواج بشهر خلاص بيملوا من بعض وحيشوفواهذي الأشياء جدآآآآ عااااااااادية لأنهم إستعجلوا عليها قبل وقتها وأخذوها في وقت خصص للتفاهم يعني عشان كذا بعدين بيشكوا من المشاكل لأن البداية كانت غلط وماكان في أساس للحياة الزوجية إلا الجنس فقط إنتبهوا ياكل البنااااااااااااااااااااااات إجعلوا الأساس صح وبعدين كل ماكان الزوج مثقف وواعي ومدرك أمور الحياة كل ماكانت الحياة الزوجية ناجحة,,,,​
 
مرافي يا عمري انتي انسانه و اعية و عرفتي تستثمرين هالفترة بالطريقة الصحيحة ..
لكن الأغلبية هالأيام ما يفكرون غير بعاطفتهم ..
و البنت ما تصدق تملكت عشان تبدأ حركات الدلع و الاغراء بالكلام أو اللبس .. و العطور -من اقوى المهيجات الجنسية- ..!!
و هذا رجل شهوته ممكن تغلبه بسهولة ..

يقول عليه الصلاة و السلام .. "ما رأيت من ناقصات عقل ودين أذهب للب الرجل العاقل منكن"
لأن المرأة تملك مفتاح الشهوة الذي اذا أثارته غطت على عقل الرجل ..
يعني الرجل وقت استثارته .. ما يفكر بعقله .. فلا تعتمدين عليه بتمالك نفسه .. هذا شيء أقوى منه ..​
 
كلام حلووووو طيب كيف تكون طبيعة المكالمات والمسجات بهالفتره
هل اذا ارسلت له بيقول. متعوده وكذا ولا لازم اكون ثقيله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل