حددي شخصية طفلك ونمطه ...لتربيه مثاليه يحلم بها.....معاُ يدا بيد..

ولدي عمره خمس سنوات كل الكلام الي قلتيه عن الجنوبي فيه وشخصيتها جدا ضعيفه وماعنده ثقه في نفسه وعنده تأتأ في الكلام هذي الي مره محيرتني وانااااااااااااا جدا قاسيه معه
 
السلام عليكم ورحمة الله
الله يسعدكم على الموضوع الرائع والله جيتو على الجرح هههههههههههههههه
بقولكم عن اعيالي وعلموني انماطهم ربي يخليكم لعين ترجيكم
الاول عمره 10سنوات عصبي مره العبره والتشره مايفارقه خواف مره يحب الطلعات يحب المدح والسوالف غيور مرررررره يحب ياكل كثيير مايحب الحركه واذا تحرك بطي يحس اني مااحبه من كثر ماقسي عليه لوارفض طلبه على طول صياح يضربني ضرب قوي يحافظ على اغراضه ومايحب احد يشاركه فيها اللعب يتسلط على اخونه صوته مره قوي كنه رجال وهوماعندك احد هههههه ضعيفه شخصيته الاعلي اناوابوه دايم الناس متسلطه عليه وظالمته يقهرني مايدافع عن نفسه الانادر ويكون شرس مره يحب افلام الكرتون والسوني وكثيره طلباته كل شي يبيه يغارمني كثير احسه جاره لي هههههههههههه يحب الحضن والقبلات بس انا مااحب يعني حارمته واذا غلط علي يتعذر بس يرجع يكرررر :39:اعذروني طولت بس انا قاسيه عليه مره ودي اتعدل بس اسلوبه يقهرني لاتقولون مراهق لاوالله من جاء على الدنيا وهو كذايارب اقر عيني بصلاحه يارب العالمين ~انا شماليه وابوه جنوبي مادري شلون عايشين مع بعض :19:
 
صباح الخير
بحاول بسرعه احدد الفروقات الواضحة بين الانماط ليسهل
عليك تحديد نمط ولدك
اذا ركزنا على نقطة وحده اللي هي جو اللعب مع الاطفال
كيف يتصرف ولدك
لو هو يحب يتحكم بالمجموعه ويصير القائد في اللعبه ...فهو شمالي
لو كان يتحاشي انه يأثر على اللعب ممكن يتفرج أو يتبع ...جنوبي
لو كان مشاغب ومضحك بنفس الوقت ويحب يغير قوانين اللعبه....غربي
اذا كان يحب المنافسه العقليه اكثر من المنافسه البدنية ...شرقي
وكل نمط فيه صفه مميزة
الشرقي
يعتنون بمظهرهم ...ودائما مقابلين المرايا
ويحبون ملابسهم تكون نظيفه

بعكس...الغربي
ما عنده مشكلة بالملابس الملله والوسخه
مضحك و مؤذي بنفس الوقت ويتنقلون بسرعه من لعبه للعبه
الشمالي
يتحكمون بغيرهم وسريعين الحركه ويضعون قوانين

الصعب في التشخيص هو تفاوت الاعمار



​
 
اللي طفلها لسى رضيع ...من بعد عمر السنه
تربيه على اسس ثابته
مثلا ...الضرب حله الوحيد ...الحزم والجديه
امسكي ايديه وعينك بعينه وبدون حقد بس لاتضرب ماما ..احترم ماما
ولا يبرر انت ما اعطيتيني ...انسى موضوعه وركزي على الضرب
وطولي بالك حبه حبه بيفهم
واهم شي بتربيتهم
ان الممنوع ممنوع...
يعني مرة تزعلين اذا ضربك و مرة ما تعلقين ولا كأنه سوى شيء غلط
مثلا يضرب وانت مشغوله بشيء وتقولين له خير وش فيك ...ابغى كذا
وتروحين وانت مومركزه تقولين اعطوه اللي يبي ازعجني
طيب هو طفل ويبغى منك شيء معين ضربك ولبيتي بحكم انه كان يبكي
وانت مشغوله بدون ما تعلقين على موضوع الضرب...
وبعد فترة وبعد ما لقى انه هذا الاسلوب ناجح معك
تعصبين عليه ليش تضرب ماما
صدقيني هذا استفهام كبير في راس الطفل
وبيفكر بينه وبين نفسه وش الجديد انا دائما اضرب
وش هالتناقض...
خليك واضحه ...بيتعدل
انا طفلي الثاني من فترة اذا عصب على اخوه جاء وضربني
ودائما كلمتي وحده ما تضرب ماما
وصابره لاني متوقعه انه بتعدل بس بعد وقت لان الطفل ينسى التعليمات
ذاكرته محدوده
وهذي نقطه مهمه في التربيه
اذا اعطيتيه قوانين طولي بالك عليه وخليك ثابته وعادي لونسى وغلط
اهم شيءانت ما تنسين قوانينك
الطفل محتاج تكرارو طولت بال
الى الست سنوات ونفس القوانين بخصوص الادب والغلط
والاحترام هي هي مارح تتغير ولا تنتظرين نتايجها بدري
الثبات والصبر اهم نقطه​
 
مهابه....يسعدلي صباحك
ولدك الله يخليه لك جنوبي...وهالنوعيه تقطع قلبي
وانت مفتاح نجاحه بالحياة
القسوةما تنفع...لانهم يحقدون على الناس القاسيه
فما بالك بالأم اللي هي مصدر الامن والحنان بالحياة
ابعدي عن القسوة ودائما خاطبيه بالفاظ حلوة وتشجيعيه
وخلي الحنيه طاغيه على معاملتك معه
معك وقت قبل سن المراهقه ...لانه بيتعبك
واذا يتسلط على خوانه تعاليله من ناحيه الحنيه
هم اشخاص عاطفيين جدا...جربي قوليله خوانك يحبونك
امس قالولي انه بنشتري لاخونا هديه واتفقي مع خوانه انه كل مرة نجتمع و نفاجأ واحد منكم بهديه وكل واحد يستنى دوره...ازرعي الحب بينهم
بالنسبه لضربه لك ....حرام تخلينه يتمادى
وشوفي حل بحنيه
والله لو ما انت قاسيه ما تجرأ لانه شخص ضعيف
اهم شيء قوي علاقتك فيه وشيلي القسوة وزيدي حنيه
والضرب خليك حازمه وبدون عصبيه
قدري اعتذاره وصدقيه
وغيرته غصب عليه طبع بس جامليه بحدود
وابعدوا عن الالفاظ السلبيه
انت غيور أوجبان لانك انتوا الخسرانين
رح يطلع الشخصيه عليكم
حاولي تسجلينه نادي علميه كراتيه
لان اكيد بتجيه مضايقات في المدرسه وهالرياضه مهمه لثقته بنفسه|ش\



​
 
ميانج...الف تحيه لك
طبعا نمط الابوين يأثر في التربيه
يمكن ولدك جنوبي..
اكبر خطأ في تربيةالجنوبي القسوة...لانها تحطمه جدا وتخليه يشوف
حجمه الحقيقي لانه بطبعه يميل للخوف وقلة ثقه بالنفس
وهذا واجب الام والاب يعملون توازن بشخصيته ويزيدون الثقه
اعطيك مثال على ان القسوة ما تنفع مع الجنوبي
انا عندي طفلي الاول جنوبي ,,بس تدراكته من الصغر لاني عارفه بالانماط قبل اخلف احول اعطيه عاطفه وابني ثقته بنفسه
لواعصب عليه ما استفاد بالعكس يضعف وينطوىويحس نفسه مسكين
لكن الثاني الله يخليه لي ,,بحكم شقاوته وتصرفاته اللا معقوله
دائما حازمه معه ...وهو شخصيه شماليه اخذ مني كثير من الالفاظ والاسلوب اللي اعامله فيه ويصقل قوته بزيادة ولا يتأثر بالقسوة

ودائما حتى لما تعاقبينه وتوبخينه ناديه حبيبي
وياعمري لا تعيد هالحركه لانك بطل ,....
يعني اثني عليه ودلعيه وانت تعلمينه بنفس الوقت
ولانه ما يحب امه تزعله اذا زعلك بحركه قوليله اذا زعلتني وسويت كذا بضطر اني ازعلك واحرمك وانا ما احب ازعلك لاتحدني على العقاب

الله يوفقك بتربيته وتقرعينك فيه​
 
هذا رائي....
الله يعطيك العافيه ...اتحفينا بخبرتك ما شاء الله اولاد متنوعين الله يخليهم لك

برقة الماس
الله يسعدك ويخليك بنتك وتشوفينها عروسه
ما يخالف تصير ملكه لان الملكه هي اللي تقدر تساعد كل الناس
تابعينا

مذوبة الورد
تحية لك ...طفلك جنوبي
ويبغاله اهمتام ...وبيطلع افضل طفل
تابعينا

الاميرة الناعسه
هلا فيك...ان شاء الله افيدك

دموعي شي معتاده
انا اشوف الاطفال الرضع احيانا يصعب تحديد انماطهم
لاتهاوشينه كثير علميه بحنيه لو ينفع الهواش نفع الاكبر منه
صدقيني بس بتخوفينه ولا اعتقد انك تبينه يصير خواف

عضو من غير هوية
الجنوبي دائما خواف تابعي معنا وان شاء الله تستفيدين

البوادي
كويس ركزي على التحفيز والثقه وحاولي تمحين السلبيات
بدون تجريح يعني لا تقولين انت تتكلم كثير او اي صفه مو حلوة
ما بنسى الانتقاد وكل الانتقادات تهز ثقته بنفسه
واصلا الجنوبي عنده مشكله بالتركيز..وتلقينه يرفع صوت tv

ميمونه
الله يخليها لك...
اعطيها وقت اكثر من اللازم لانها بطيئه بطبعها ويوترها ضيق الوقت
وكل شيء معا بالتفاهم مو بالعصبيه
ولا تنتقدينها ابدا لو ازعجتك بشيء
لمحيلها بطريقه حلوة واثني عليها
وبالنسبه لخلافاتها بالمدرسه يمكن تخاف تقولك وتسمع منك كلام يجرحها مثلا ليش تسكتين لها وهي اصلا ما تقدر ترد....قوي علاقتك فيها وحتى لو تغلط عدي لها بدون ما تحسسينها ان موفقها ضعبف
ذكرتيني بقصة طفل دائما يحذره ابوه لا تخلي احد يضربك ..,ينضرب ولا يقول
عشان ابوة نبهه ...كيف تتخيلين نفسية الطفل لما يتعرض للضرب واقرب الناس وا يقدر يشكيلهم

​
 
فديته بقوة
الله يخليه لك بالنسبه لي كل الاطفال الرضع نربيهم بنفس الطريقه بس يصير 3 سنوات انت بتلاحظين ملامح شخصيته بدت تبان
والضرب شرحته عشانك ان شاء الله اكون افدتك

شمهدانه
فديتهم الاميرات ...بالنسبة للخوف وقلة الثقه عادة بالجنوبي
لكن الخوف احيانا يكون مكتسب وبناتك مأثرات في بعض بالخوف
ممكن تكون الكبيرة مأثرة على الصغيرة ...لان الخوف بعد صفه مكتسبه
شجعيهم وحلي خوفهم بتفهم وعقلانيه ولا تقللين من اهمية هذا الخوف
وما عنك جارةأو اخت يكونوا اطفالها اصغر من بناتك بحيث يحاولون انهم يأثرون بالصغار ويتحكمون بالجو بدل ما يندجون مع كبار وما يكون لهم اي دور
حاولي توفرين لهم هذا الجو اللي يكونون فيهم هم الاقوى والاكبر
وعززيهم بالكلام الحلو والثقة اهم شيء لا تنتقدين شخصياتهم
وليش تخافون وانتوا ليه كذا وكذا ...
خلي كل كلامك مدح واطراء ولا كلمه سلبيه
وموفقه​
 
تحذيرات ...
لا تسمحين لطفلك ان يعتمد عليك بكل شيء ...الشيء اللي يقدر يسويه خليه عليه

لا تتوقعين انه يكون منتبه ومركز على طول...يعني اجذبي انتباهه بلطف وبدون تجريح

لا تقصرين في مساعدته في مهامه الثقيله عليه ...شاركيه بشكل تشجيعي وقدميله هدايا باستمرار "في المناسبات

لا تخلينه يرثي حاله ويحس نفسه مسكين...انتصري له ولا تخلين احد يضطهده وخصوصا اذا عندك خبر بتصير مصيبته مصيبتين

لا توبخينه قدام احد مهما يكون ...حتى اخوانه اتبعي معه اسلوب تعال ابغاك وادخلي غرفتك واسمعي منه وبعدين وجهيه بلطافه

لا تقللين من اهمية مشاعره...مثلا ماله داعي تعصب والا هذا شيء ما يزعل بالعكس شوفي الامور بمنظوره وقولي له فعلا هذا الشيء غلط حتى لو انت مومقتنعه وبكذا بتقوى علاقتك فيه

لا تستعجلينه اعطيه وقت كافي انه يقوم باي مهمه ...ولا تقولين عنه بطيء
مثلا قوليله حاول تسرع عشان توفر وقت للعب اكثر​


ولا تعتقدون ان الطفل الجنوبي صعب ...بالعكس اللي يعاملونه اهله بقسوة هو الصعب جدا
لكن اللي يعامل بحنان صدقوني بيصير ملاك البيت وما تناديه امه الا الامير
هذي قصة وحدة تحكي لي عن حنان ولدها وبره فيها وهو بأول متوسط لدرجه يساعدها بشغل البيت وهو نمطه جنوبي
والسبب في شخصيته وحنانه ...أمه لانها قمه بالحنان حتى صوتها ونظرتها
اتخيلها الام المثاليه للجنوبي
وللعلم انا زوجي جنوبي لما يشوف تعاملي مع ولدي ...يقوله ياحظك بأمك..مع اني عصبيه بس مع الجنوبي لا
واتمنى اكون افدتكم ​
 
مشكله ولدي الله يحفضه اذا اعطيته وجه مرررررررررررررره يدلع لحد ما اخاصمه بعدين يهجد ويقول ما احبك والله مره تعبني ذا الولد واتأ تأ يا اخوات اذا عندكم حل لها اسعفوني
 
اوراق الماضي ...يا هلا
بالنسبة للتأتأة تصير بعمر الاربع سنوات بس عامليه عادي ولا تستعجلينه بالكلام ولا تقولين له تكلم زين..لانه قاعد يجتهد بالكلام وترتيب الافكار
خليه براحته وفترة وبتعدي الا اذا فيه اسباب نفسيه تعرض لها خلته يتأتأ
وش الاشياء اللي تخوفه؟
اعرفيها وحددي اسبابها
وابدي عالجيه لان الخوف الشديد مرض يحتاج علاج
مو شرط دكتور انت ساعديه
وانا بساعدك بافكار اذا حددتي لي مخاوفه
وياعمري عليهم بالله اذا ما دلعناهم مين بيدلعهم
واذا مصخها اشغليه عنك واطلبي منه اشياء بسيطه يروح يسويها
مثل ...روح فرش اسنانك اي نشاط يفيده ويريحك منه
بالعربي صرفيه
والله يصلحه لك ويكفيه شر الدنيا​
 
ساعدوني في نمط بنتي عمرها5سنوات وشهرين عنيده مرررررره وبس تخاصم وتكسر اذا عصبت وصوتها عالي واذا خاصمتها اورفعت صوتي تنهار وتجلس تبكي وتزعل وغيوره وشرسه على اختها بس اذا مدحتها تنعدل 5دقايق وترجع مثل اول وتكابر اذا قلت تعالي ابوسك وتستحي لمن ادلعها جننتني ههههههههههههه
 
ولدي وحيدي شرقي بقوة
يعشق اللون الاخضر
يحب الترتيب والنظام
يحب يتعلم بس ببطء واذا حس انه اللي بيتعلمه اكبر من قدراته وتركيزه يعمل نفسه مو شايف شي
ما يحب التنافس البدني
فيه ريحة القيادة بس اذا حس نفسه متمكن وما يصر عليها
حنوووووووون وحسااااااااااااس مرة
انطوائي واحيانا يفقع مرارتي لما اولاد العمارة يترجوه يجي يلعب معاهم وهو يفضل القعدة قدام التلفزيون
وبسبب انفصالي عن ابوه
صار ما يحب يروح عند احد وينطلق لوحده بس يحب انه يلعب في بيته ويضيفهم عنده

سبحان الله بعد ما تمت ملكتي على زوجي وهو يزن يبغى اخ هههههههه
ما ادري ايه اللي خلاه يربط ما بين زواجي ومبين وجود اخ له
يبغى اخ عشان يهتم بيه بس ما جاب سيرة اللعب معاه

ما يحب احد يمدحه ويستحي من اظهار مواهبهولما امدحه قدام احد يعمل نفسه بيتلخبط وما يزبط اللي بيعمله
عشان ما يضطر يستحي

مرة وحدة قلتله لما يكون عندي ضيوف مو كل شوية تجي الصالون دق الباب وناديني ومن ساعتها وهو يعمل اللي باقوله عليه
يعني متبع للانظمة والقوانين كويس

بس اللي اتقبلته منه هو بطأه في التعليم بس اذا اتقن الشيء يبرع فيه
 
مشكوورة صااااااحبت الموضوع

طيب كيف اعرف انمااااااط اولادي
 
بنتي الثانيه جنوبيه وبقوه بعد بس اعتقد انها جنوبيه غربيه لانها فوضويه وماتحب الترتيييب
المهم في الموضوع انها حبييييبة البيت كله بالذات زوووووووجي بياكلها اكل طبعا هوا شمااالي شرقي وام العيال جنوبييييه غربيييه
بس اللي معقدني بنتي الكبيره عمرها سبعه سنوات عالسنه الجديده تخش المدرسه شكلها شماليه شرقيه مررره متعبتني تحب الناااااااااااااس والجمعااااااااات
وحركه شويه وتحب تكون القايد في كل شي
كيف اقوم سلوكها واخلي ابو العيال يحبها مثل اختها الجنوبيه رغم انها ضعيييييييييييييفه وحسساااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااسه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل