أمورة زوجي
New member
- إنضم
- 2010/09/30
- المشاركات
- 36
أختي عذبة أنا متزوجة من رجل متعدد الزوجات , احنا في فترة تطلقنا من كثر المشاكل مع زوجاته لمدة 4 سنوات وسوا وااااايد أشياء عشان يسترد حبي , وتم 4 سنوات يحاول يردني لين رديت له صار لي معاه تقريبا 2 سنة ونص , صحيح نحب بعض وصحيح انه طيب بالمعاملة وأنا أحاول ما أبين غيرتي وما أكثر طلباتي وأحاول أمتص كل ضغوطات اللي عليه وبعد دايما أحاول من فترة للثانية أسوي له مفاجأة رومنسية غير اللبس والطبخ والدلال والحب ووايد طوفت مواقف أحزنتني عشان ما تعكر حياتنا لدرجة انه بنفسه يقول أنا زوجة مثالية. بس المشكلة انه يعطي غيري أكثر من عدد أيام ومصروف وسفريات يقضي أجازاته عندهم واذا مرضوا يوديهم المستشفى وأنا كم مرة مرضت ياما أهلي يودوني أو التاكسي أو صديقتي تعبت أعاتبه أطالب بحقوقي . يقول أحبج أكثر وحدة بس بالكلام, أنا بس طالبة العدل مش أكثر وما أريد أتطلق وخصوصا اني اكتشفت اني تقريبا عقيمة وقاعدة أحاول أتعالج, شو أسوي؟؟ آخر مرة كذب علي وقال بيسافر شغل واكتشفت انه مسافر يمشي وحدة منهم ووطرشت له مسج أعاتبه واني عرفت لأن هذي رابع مرة يسويها ويرسل لي مسجات انه يحبني!! شو هو التصرف الصحيح أنا حتى عايشة معاه ببيت من جيبي ما سوا لي بيت. هل لأن ما عندي أولاد؟؟!!!! يقول أنا أحبج انتي وما يهمني الاولاد بس ما يريد يعطيني حقوقي شو أسوي؟؟ سامحيني طولت عليج.
