حتى الذوق مافيييه!

[وهن~ْ]

بنات تقدم لأختي واحد صيدلاني يدرس ببريطانيا
وكنا مسانسين مرره الا هي كانت خايف
الا ان صفاته كان حلوه يصلي ويصوم الكل يمدح فية
المهم امه دقت على امي قالت بنتكم اللي كانت لابسة ابيض بزواج فلان وش اسمها
قالت امي فلانه قالوا نبيها لولدنا قالت امي ان شاء الله يصير خير
كلموا ابو البنت واتفقوا معه انا ماعندي كلام
المهم دقوا على ابوي وقالهم انا مسافر للعمره لما ارجع ابلغكم واعطيكم موعد وافقوا
لما دق عليهم ابوي وقال يوم الخميس يناسبنا قالوا خلاص ان شاء الله
لما جاء يوم الخميس رتبنا البين وجهزنا وننتظر وننتظر محد جاء دق عليهم ابوي قال اعذرنا انشغلنا بوقت ثاني ان شاء الله
ماقال ابوي شيء وصكر
للما راح الاستراحه قاله واحد من جماعتنا تعرف فلان اللي هو ابو الولد اللي بيخطب اختي
امس الخميس جاء خطب بنتي لولده اللي كان خاطب اختي
المهم انا عارفه كل شيء قسمة ونصيب بس ليش كثر وش قله الحياء
واختي تحطمت تقول كل الناس درت مو معقوله في ناس كذا

حسبي الله

 

[فيني الصيحه]

عادي مافيها شي لوخاطب من اول
هاذا البنات يتخطبون كثير بس مافي نصيب
عادي مو عيب
بس ذا الرجال سخيف وش فايدته يقول

عموما انتوا سألو عنه
وعلى فكره مو معناته هو كان خاطب ذيك ورفضوه ان الخاطب فيه عيب لا مو شرط
مو نصيبها


ووبس

 

[وهن~ْ]

حبيبتي انتي مافهمت السالفه
هو قبل لايجي يخطب اختي طنشنا وراح خطب بنت هالرجال
وماقال لابوي انا خلاص مانبغى بنتكم جهزنا كل شيء على موعد جيتهم لنا
وماجاء احد راحوا للناس اللي ابو البنت قال لابوي وهو مايدري انه خطب اختي

 

[حوتة كيوتة]

حبيبتي اذا بدايتها كذا الله رحمكم منهم لأن شكلهم ناس مايعرفون الأصول ولا العيبة
اختك نيتها طيبة وربي بيعوضها بالأحسن بإذن الله والناس تاكل هواا ربي ماكتبلها نصيب وخلاص

والله العالم ذي اللي شاغله نفسها بخلق الله
الله يعوضها ويرزقها باللي احسن منه بمليون مرا في هذا الشهر الفضيل​

 

[وهن~ْ]

آآآآآآآآآآآآب

 

[دلـــوعـــة]

فعلا قلة ذوق
والحمدلله راح مايشوف شر
وان شاء الله بيجيها اللي احسن منه

 

[ذاكرة الجسد]

الله يعوضها

ناس مثل كذا ماعليهم حسوفه

 

[أم الأقمـــــار]

صدقيني الله سلمكم منه

هذي مو تصرفات رجال

 

[سـمـاء]

اي والله قلت ذووق
حتى قالو مشغولين

بس الغلط مفروض ماحد يعرف
ويبقى الامر بينكم
لحد مايطلع التحليل
اريح لنفسيه

 

[مليكة الدر]

حسبي الله عليهم فيه يااختي ناس انذل من كذا انت خبريها انوشي عايدي

 

[سحر البرآءة]

هذي قله ذوووق وسووووووووء تصرف
وشر والله صررفه عن طريق اختك
اكيد احد قالهم عن البنت الثانية وراحو يشوفونها بس عشان يختارون يا اختك او هي احلا .. لكنها ناسبتهم وماعرفو وش يردوون عليكم ..هذي تصرفات اللي يدخلوون كذا بيت عشان ينقوون البنت اللي تعجبهم
الله يرزق اختك على قد نيتها​

 

[أم عيون حلوة^^]

صج ما يستحون

اش هالناس؟؟ الجمدلله انكشفو من البداية

ناس مثل هذيلين تركهم ابرك .. صلاح انهم ما ياو

 

[مدنفة أوصالي]

خيرةٌ لها وحُسن تدبير ..

اسأل الله أن يرزقها خيرًا منه وأن يجعل فيه حظًا وافرًا من الرجولة وسدَاد الرأي

 

[سيوف21]

ايييييش قلت ذوووق لكن اقولي لاختك افرحي الحمدالله انه بينوا من البدايه والخيره فيما اختاره الله والله يرزقها بالي احسن منه

 

[قلوب منسيه]

حسبي الله ونعم الوكيل
لوأنه داق على أبوك ومعتذر قال مافيه نصيب احسن من انه اختك تحطم وتدري من ناس ثانين
الله يرزقها بولد الحلال اللي يسعدها

 

[أحلامي كوابيس]

يا قلبي والله حاسه فيك الله يفرح قلبها بالزوج الصالح ويفرج همي قولي آمـــــــــــــــيـييييـن​

 

[الانيقه]

الله يرزق اختك بالزوج الصالح
وهم ما عليهم حسوفه دام هذي طريقتهم

 

[بسمة أمـل]

تصرفهم ابد مافيه ذووووق
ياللا الحمد لله ما تمت الخطوبه اذا من البدايه تصرفاتهم كذا
يمكن خيره لاختك وربي يرزقها واحد احسن منه

 

[وهن~ْ]

ايه والله انها منقهره مو عشان الزواج تقول ليته دق على ابوي اعتذر
ماراح نموت علية .. بس هالحركة مالها داعي وهي منحرجة كل يوم احد يسألها
ليش تركك راح كذا من قبل حتى يشوفك شوفه شريعه ..

 

[شذا الليل]

أكييييييييييييييد فيه خيرة لكم

قولي الحمد لله