حبيبج ماقادر يتزوجك؟؟ .. تعالوا نعرف الأسباب

[اعلامية طموحة]

لما كنت امر على هالموضوع عمري ما فكرت اني بكون وحده منكم​

المهم في موضوعي ان ماي بيبي:icon26: يبي يتزوجني اليوم قبل بكره ​

المشكله انا احنا من طائفتين مختلفتين ( حنا في السعوديه فيها صعوبه شوي وقليل تصير ):sadwalk:​

هو مو هامه هدا الشي احنا فيه اشيااااااااااء كثيره متفقين فيها ​

نحب بعض كثيييييييييييييييييييير كثيييييييييير ​

تصير بينا بعض المشاكل بس ما نصبر على بعض ​

انا لما ابتعد عنه بسبب خلاف اصير مو طايقه نفسي وانتظر اي مكالمه او مسج منه​

وهو يقول انه يعصب ويحس بفراغ و انه يحبني كثييييير وينتظرني:blushing: ​

هو متحمل عصبيتي بعض الاحيان وغيرتي ​

طلب يتقدم بس انا ما شجعته لاني خايفه من ابوي يرفض :tears:​

عاجبني في اشياء كثيره ​

والله والله فيه اشياء كثيره من البدايه خلتني اكلمه​

ارتحت له فيه صدف صارت قلت يمكن خيره لنا ​

فيه مره ارسلت له مشكور ياااا خوي على شي هو عمله لي والله ان جوالي الي عمره
ما وقف وقف المسج مو راضي ينرسل ​

اكثر من مره امسك الجوال بتصل يدق قبل لا اضغط على اسمه​

او بكون اكتب مسج يدق علي​

انا في مره من بدايت مكالماتنا خليته يجيب القران وهو حلف انه جاب القران ​

وخليته يحط يده على القران ويحلف انه ما راح يخليني اندم حلف بدون ما يتردد​

عمره مثل عمري ( انا مش صغيره )​

ولا مره قال لي يبي يشوفني ( وصفنا اشكالنا لبعض )​

ولا عمره قال لي كلمه فيها قلت ادب او معنى جنسي :icon30:​

عرفنا ظروف بعض - فضفضنا لبعض ​

وظيفته حلوه شخصيته عاجبتني مع انه فيه بعض الاشياء الي تعصبني منه بعضضضض الاحيان بس ما فيه انسان كامل​

هو جاهز للزواج من كل الناحيه مادي و نفسيا يقول انه نفسه يستقر ​

ومتهيئ حاليا للاستقرار بما انه لقى الي تفهمه وتحبه ويرتاح لها ​

و اهله يبونه يتزوج بما انه مو صغير​

هو يعاملني كزوجه قال لي انه ما يعتبرني حبيبه او عشيقه انا اعتبرك زوجه لاني ابيكي
احبك كزوجه​

انا اقول له ادا بطلع وهو بعد​

هو ما يحبني اطلع اكثير في مشاوير كل يوم ولا يحبني اتاخر ​

ما ينام الا ادا ارسلت له مسج او اتصلت وقلت له انا في البيت​

هو ما يطالب انه يعرف اي مكان اطلع فيه بالضبط مثلا اقول بروح السوق بس بدون تحديد​

هو يقول انتبهي لنفسك ولا تتاخري​

هو مره قال انه بيحاول يكلم شيخ من طائفتنا يجي معه عشان يكلم ابوي​

قال لي ان سمعته الحمد لله لو سألو عنه اي احد ما احد راح يقول عنه اي شي سيئ:clap:​

هو بار بابوه امه متوفيه وهو عايش مع ابوه ( اخوانه واخواته متزوجين )​

فيه صفات كنت دايما اتمناها في زوجي ​

ما يدخن​

يصلي في المسجد حتى الصباح يجلس يروح يصلي وبعدها ينام لين وقت دوامه​

يحب الشعر ويكتب ​

يستشيرني ويحب يحاورني ويفهمني اي شي لما اكون معصبه ( لما اهدى يفهمني السبب الي خلاني اعصب منه )​

بيتوتي ما يحب يسهر برا البيت كثييييير​

ما عنده لاب توب ولا يدخل نت <<< اكره النت للرجال بشكل عام لان استخدامهم له غييييير مفيد و يجيب المشاكل بين المتزوجين​

خدوم للي حوله​

ما يعصب فيني لما اعصب عليه واصرخ عليه في التلفون يتم يسمع ولا يغلط علي​

احبه احبه وهو دايما يحلف انه يحبني ولا يبي غيري زوجه ​

انا متفائله اني بكون زوجته ان شاء الله ​

هو يقول انه ما يبي زوجه غيري ولا يشوف زوجه له غيري​

بديت اقرا سورة البقره بنيت ان يكون من نصيبي واكون من نصيبه ونكون خير على بعض:c016: ​

مرحبا يا حبيبتي

أريدك تركزي معاي ولا تردي من أول مره ركزي في كلامي واقريه عدل بعدين ردي حتى لو بعد 10 ايام ماعندي مانع

هالسيناريو .. على الرغم من جمال المشاعر فيه .. الا انه متكرر

عجبني كلامك عن الصدف اللي قلتي يمكن خيره ... ليش الخيره من وين تجي ومن اللي يخططلها ؟

أكيد بتقولي من الله؟

طيب الله تعالى يالغلا محرم هذي العلاقة!!! كيف خيره في حرام

انا بسألك سؤال

اذا كنتي لهذي الدرجة خايفة من والدك انه يرفض ليش استمريتي في الكلام مع بعض؟

ليش "استمريتوا" في الكلام مع بعض؟

شو الفايده في علاقة ما لها أمل؟

بعدها هو اقترح ان يكلم واحد من المشائخ معاكم... ليش ما تكلم للحين؟

انا مابا اقولك هذا وهم وهذا سراب

انا بصدجك وبقول انتوا مشاعركم صادقه وما فيها كلام جنسي ولا مقابلات

بس بقولك شي واحد انتي تزرعي مشاعر طاهره في وحل قذر .. علشان كذا للحين مافي نتيجة

اللي تحب شخص بتوقف جدام الكل علشان تظفر باللي تحبه بالحلال .. مش علاقة تلفون وقالي لا تتأخري وقلتله احلف وقالي تعيشيتي قلت له تغديت وماينام الا بمسج وماتنامي الا بكلمه!!!!

هذي الخرابيط ياختي قديمة كل المراهقات يعرفونها .. يعني ماجاب ولا جبتي شي جديد كل اللي في هالعالم يتصرفوا كذا سواء الصادقين أو الكذابين .. اللي يصلي واللي مايصلي .. الكبار والصغار .... الكل يقولوا نففففففففففففس الكلام وبنفس الطريقة خذيها مني

هذا هو حب التلفون والماسنجر .. طال ولا قصر .. حب غير مكتمل الأركان للأسف

الآن شو المطلوب منك

اللي اريده منك انك تطلبي منه انكم تبتعدوا عن الحرام اللي هو العلاقة الهاتفية

وتحتسبوا الأجر من عند الله

لا تقولي انا ااقرا البقرة وهو مصلي وهو يصلي في الجماعة .. هذا كله مايشفعلج تنتهكي حارم الله

انتي تعرفي الآية " ذَٰلِكَ بِأَنَّهُمُ اسْتَحَبُّوا الْحَيَاةَ الدُّنْيَا عَلَى الْآخِرَةِ وَأَنَّ اللَّهَ لَا يَهْدِي الْقَوْمَ الْكَافِرِينَ" (107) النحل

وتفسيرها

لِأَنَّهُمْ اِسْتَحَبُّوا الْحَيَاة الدُّنْيَا عَلَى الْآخِرَة فَأَقْدَمُوا عَلَى مَا أَقْدَمُوا عَلَيْهِ مِنْ الرِّدَّة لِأَجْلِ الدُّنْيَا وَلَمْ يَهْدِ اللَّه قُلُوبهمْ وَيُثَبِّتهُمْ عَلَى الدِّين الْحَقّ .

انجي بنفسك من هذه الفئة .. اللي عرفوا الدين ولكن ما ثبتهم الله على الحق .. لا تتوقعي الصدف اللي تصيرلك وتخليك تقتنعي بالعلاقة المحرمة هي من الله .. هذي ماهي الا من الشيطان الرجيم يدلس عليك ويشوش تفكيرك .. علشان تحسي انك مدعومه بقوة ربانية تعطيك اشارات ان اللي انتي فيه صح!!!!

الاشارات الوحيده من الله هي استجابته لدعائك .. وانتي تقية عفيفة ماتستجيبي للشيطان وساوسه .. العلاقة الوحيدة اللي يفترض انك تسهري عليها وماتتخيلي نفسك من دونها هي علاقتك بالله ... واذا تحسنت علاقتك بالله بيجيبلك حبيبك لين باب بيتكم وابوك بيوافق وهو مغمض

الحلال بيِّن والحرام بيِّن .. صدقيني اذا فكرتي فيها بتحصلي الأمور كلها واضحة ماتحتاج حيرة .. الله تعالى قال: " وَمَنْ لَمْ يَسْتَطِعْ مِنْكُمْ طَوْلًا أَنْ يَنْكِحَ الْمُحْصَنَاتِ الْمُؤْمِنَاتِ فَمِنْ مَا مَلَكَتْ أَيْمَانُكُمْ مِنْ فَتَيَاتِكُمُ الْمُؤْمِنَاتِ ۚ وَاللَّهُ أَعْلَمُ بِإِيمَانِكُمْ ۚ بَعْضُكُمْ مِنْ بَعْضٍ ۚ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ ۚ فَإِذَا أُحْصِنَّ فَإِنْ أَتَيْنَ بِفَاحِشَةٍ فَعَلَيْهِنَّ نِصْفُ مَا عَلَى الْمُحْصَنَاتِ مِنَ الْعَذَابِ ۚ ذَٰلِكَ لِمَنْ خَشِيَ الْعَنَتَ مِنْكُمْ ۚ وَأَنْ تَصْبِرُوا خَيْرٌ لَكُمْ ۗ وَاللَّهُ غَفُورٌ رَحِيمٌ" النساء (25)

قَالَ اِبْن عَبَّاس : وَمُتَّخِذَات أَخْدَان يَعْنِي أَخِلَّاء وَكَذَا رُوِيَ عَنْ أَبِي هُرَيْرَة وَمُجَاهِد وَالشَّعْبِيّ وَالضَّحَّاك وَعَطَاء الْخُرَاسَانِيّ وَيَحْيَى بْن أَبِي كَثِير وَمُقَاتِل بْن حَيَّان وَالسُّدِّيّ قَالُوا : أَخِلَّاء وَقَالَ الْحَسَن الْبَصْرِيّ يَعْنِي الصِّدِّيق وَقَالَ الضَّحَّاك أَيْضًا " وَلَا مُتَّخِذَات أَخْدَان " ذَات الْخَلِيل الْوَاحِد الْمُقِرَّة بِهِ نَهَى اللَّه عَنْ ذَلِكَ يَعْنِي تَزْوِيجهَا مَا دَامَتْ كَذَلِكَ

يعني انتي في حكم الاسلام محرمة على المؤمنين بنص قرآآآآآآآآني.. صححي مسارك في الدنيا بتصحيح علاقتك مع ربك .. لو جاك ملك الموت وانتي علاقتك مع حبيبك فل الفل .. وعلاقتك مع الله (؟؟؟؟؟؟) .. شو بتسوي؟ وشو بتقولي؟





حبيبتي نحن على وجه رمضان .. خليه يكلم الناس اللي يبي يكلمهم

وانتي المفروض تسانديه ماتقوليله اخاف <<< شو تتوقعي نظرته لك .. وحده مش عادي معاها الخطوبة وعادي معاها العلاقة

المفروض انتي تقوليله انا بحاول اقنع اهلي

انا ما اقول تمردي على اهلك وتقلي ادبك.. لكن بتقولي انا اريد الشخص وموافقه عليه وتقوليها بمنتهى الأدب

وعسى تبشرينا بالملكه في رمضان

 

[اعلامية طموحة]

:tears:هــآآآي

قبل فتره قرات الموضوع وكنت بعلاقه مع واحد لمده ثلات سنوات بكل هاذي الفتره كان يوهمني بالزواج وهوا الي يلح مو انا لاحظوا ووصلت فيه لدرجه انه كان يقولي روح كلمي امك دحين وانا اكلم اهلي وانا كل ماكنت اسمع كلامه اصدقه واوثق فيه بزياده ولما قرات الموضوع خلال ذيك الفتره قلت مابيطلع منهم مستحيل اش مصلحته ؟ مع العلم اني ماكنت اقابله وقد قلتله من قبل لكن قلبي ماكان مرتاح وبعد محاولات كثيره منه اكتشفت انه متزوج اتخيلو يابنات خلال ثلات سنوات ماكتشفت انه متزوج وانصكم كلكم تصدقو دا الكلام وتريحو نفسكم من البدايه الي يبغاكي ماحيستمر معاكي بعلاقه محرمه واذا قلك انا غير قوليله يلا تفضل واخطبني بكره وشوفي اش بيكون رده

وشكننن ^_^:dunno::sad_1:​

معقوولــــــــــــه طلع متزوج ؟؟

وانا اقرا اقول يمكن طلع جبان .. بس ماتخيلت انه متزوج!!

ع العموم الحمد لله على سلامتك

والله يرزقك بالزوج الصالح التقي العفيف​

 

[لولو-ماس]

حبيبتي اعلاميه طموحه شاكره لك ومقدره لك كل كلمه قلتيها

وعارفها انها عين العقل

بس انا قلت انا احنا من طائفتين مختلفتين وفي السعوديه في صعوبه من هالناحيه وقليل جدا هالنوع من الزواج

ابوي صعب وكانه ما يبي يزوجنا مع اني ما عندي وظيفه او وظيفتي عاااااااااااااديه
والراتب انا الي استخدمه وغير كدا ابوي يعطيني مصروفي يعني مو طمع في راتبي
ما يبي يزوجني

انا كلمت امي وكان الي يبي يتقدم لي عم بنت معانا في الدوام

قلت لها كل المواصفات الي فيه في البدايه و بصراحه انا قلت طائفته في النهايه
توقعت انها ترفض وتعصب بس هي فاجأتني انها متقبله الموضوع
وقالت انها راح تقول لبوي بس تفاجأت انها بعد كم يوم ما قالت له
لما سألتها ليه قالت انها ما تبي مشاكل مع ابوي بخصوص الموضوع

هي لما قلت لها الموضوع قالت لي انه لما سمع ان بيت ( قالت اسم العائله )
انهم زوجو بنتهم من غير طائفتنا جلس يتكلم عنهم ومو عاجبه

هو يقول لي انتي ما تشجعيني مو راضيه تعطيني الضوء الاخضر عشان اجي اتقدم
لاني دايما اقول له ان ابوي صعب

لما قلت له ايش بتسوي لما اقول لك تقدم
يقول بجي واتقدم واطلبك واشوف ايش رد ابوكي
قلت له لو ابوي قال لك شي ما راح تكون حلوه بحقنا كلناااااا

قال طيب اجرب
قلت له لااااااا خلينا ما نتسرع ونندم خلينا نشوف ايش الممكن نفكر فيه ويساعدنا

هو قال لي ان من ناحية اهله ما راح تكون هناك اي مشكله

انا قلت له ادا ما لقينا حل شوف حياتك هو طبعا رفض

انا فعلا افكر ما استمر كثييير ادا ما شفنا حل خلال الاشهر الجايه
وطبعا قبل هدا لازم بخليه يجي يجرب بس بدون ما يعرف ابوي اني اعرفه

انا ادعي دايما ان الله يسهل لنا امورنا ويجمعنا بالحلال
ورمضان شهر الخير وفيه ليلة القدر ما راح اخليها تفوت بدون ما ادعي ان الله يغنينا بحلاله عن حرامه

هو من البدايه كان صادق معي وقال اشياء عن حياته وعائلته لو احد غيره كدب علي وفخم في عائلته

عائلته عاديه بس هو بنى نفسه بنفسه وتعب على حاله

قال لي عن فتره كان فيها متشدد وحياته كلها الدين فقط وتارك الحياه تقريبا حتى انه مانع نفسه من التلفزيون

بس بعدين شاف ان الحياه توازن بين الدين والدنيا

عفكره علاقتنا سبع او ثمان اشهر وطلبني للزواج من شهرين تقريبا

بقرا له كل الي كتبتيه وبشوف رده

دعواتك لنا بتسهيل الخير لنا​

 

[A Woman]

هلا بنات اشحالكم ..
انا بعد مريت ف تجربه مدتها اربع سنوات صح حبينا بعض و فجأه قرر انه ياخني لكن وعدني اني اترياه لحد ما تترتب اموره و يتقدم لي " ما عطاني مده محدده " و هالشي ضايقني و قلت ما بساله لانه عزت علي نفسي المهم صار اللي صار و اهلي عرفوا عن علااقتي بهالولد و قرروا انها تنتهي باسرع وقت لانها جي و لا جي هم ما بياخذونه لو تقدم لي لاسباب نسبيه يعني تخص النسب و اصل المهم تموا ضاغطين علي واايد الين ما انا طفرت من هالحاله و قلت لاازم اكلمه عن مشكلتي مع هلي و اول مره كلمته ما عطاني حل مقنع و المره الثانيه نفس الشي تم يقولي انا ما بيدي حيله.. مره الثالثه اعصابي تعبت لانه المشاكل كلها دخلت ف بعضها اللي هي بيني و بين اهلي و اللي بيني و بينه فجأه بوقت انا معصبه ع اهلي سالته انا لمتى بتم اترياك و هني الصدمه !!!
ما عطاني رد مقنع قال : انتي تعرفين حالتي الحين و تعرفيني اني اول ما بترتب بتوكل ع الله و فجأه قال بيروح يتعشى و ما بيناقشني الحين عن شي " لاني معصبه " و تخلى عني بوقت انا متضايقه و ابا حل لمشكلتي ثارت اعصابي و قلت له " اعتبر السالفه انتهت و انتهينا معاها " و ليومكم ها ها الكلاام صار له 3 ايام لا حس و لا خبر لا مني و لا منه و انا الحين لو تنطبق السما عالارض مب راده له و لا شي .. و متاكده انه بيرد يكلمني ع اساس انه بيتفاهم معاي قولوا لي شسوي انا يا جماعه ما اباه و لا ابا ارد له الين ما اييني و هو جــــــــاهز و لا من الحين يخبرني انه ما يقدر عشان كل واحد منا يروح ف دربه

 

[نور الشمس 1]

اربيعتي متعرفه ع واحد وهو جاد فالزواج منها بس لحد الحين هو مب شايفنها

يقول لها لازم اشوف صورتج وانا اقولها مب زين لااطرشين صورج

شو رايكم ؟؟

صح كلامي ولا خطا

وهو ع قولتها يهمه الجمال ومابيخطبها قبل مااطرش صورتها مع العلم انها اتعرفت عليه من موقع للزواج

ومافي اي شي بينهم ؟؟

 

[اعلامية طموحة]

هلا بنات اشحالكم ..
انا بعد مريت ف تجربه مدتها اربع سنوات صح حبينا بعض و فجأه قرر انه ياخني لكن وعدني اني اترياه لحد ما تترتب اموره و يتقدم لي " ما عطاني مده محدده " و هالشي ضايقني و قلت ما بساله لانه عزت علي نفسي المهم صار اللي صار و اهلي عرفوا عن علااقتي بهالولد و قرروا انها تنتهي باسرع وقت لانها جي و لا جي هم ما بياخذونه لو تقدم لي لاسباب نسبيه يعني تخص النسب و اصل المهم تموا ضاغطين علي واايد الين ما انا طفرت من هالحاله و قلت لاازم اكلمه عن مشكلتي مع هلي و اول مره كلمته ما عطاني حل مقنع و المره الثانيه نفس الشي تم يقولي انا ما بيدي حيله.. مره الثالثه اعصابي تعبت لانه المشاكل كلها دخلت ف بعضها اللي هي بيني و بين اهلي و اللي بيني و بينه فجأه بوقت انا معصبه ع اهلي سالته انا لمتى بتم اترياك و هني الصدمه !!!
ما عطاني رد مقنع قال : انتي تعرفين حالتي الحين و تعرفيني اني اول ما بترتب بتوكل ع الله و فجأه قال بيروح يتعشى و ما بيناقشني الحين عن شي " لاني معصبه " و تخلى عني بوقت انا متضايقه و ابا حل لمشكلتي ثارت اعصابي و قلت له " اعتبر السالفه انتهت و انتهينا معاها " و ليومكم ها ها الكلاام صار له 3 ايام لا حس و لا خبر لا مني و لا منه و انا الحين لو تنطبق السما عالارض مب راده له و لا شي .. و متاكده انه بيرد يكلمني ع اساس انه بيتفاهم معاي قولوا لي شسوي انا يا جماعه ما اباه و لا ابا ارد له الين ما اييني و هو جــــــــاهز و لا من الحين يخبرني انه ما يقدر عشان كل واحد منا يروح ف دربه

حبيبتي انسيييه
لان اول ما بيتذكرج بيتذكر الهواش والنجرة ومشاكل اهلج

اي شخص هذا يتقدم لوحده قالت له اهلي مايبوك واهلي اكتشفوا علاقتنا؟

حبي استغفري لذنبك هذا ذنب .. انتي الحين في حكم المتخذات اخدان يعني المتخذات اخلااااااء هذي في القران اكتبي الحين في قوقل وشوفي تفسيرها .. هؤلاء النساء حرمهم ربي على المؤمنين .. تخيلي انتي الحين بحكم ربنا حرام على أي مؤمن

انجي بنفسك من هذي الفئة .. لاتبيعي دينك علشان واحد ياريته ياريته جاد ولا يستاهل ولا على الأقل ممكن يرقعها ويتزوجك وتتوبوا انتوا وياه

اقص ايدي انه اول مايوقف على رجلة مابتسمعي منه لاحس ولا خبر

​

 

[اعلامية طموحة]

اربيعتي متعرفه ع واحد وهو جاد فالزواج منها بس لحد الحين هو مب شايفنها

يقول لها لازم اشوف صورتج وانا اقولها مب زين لااطرشين صورج

شو رايكم ؟؟

صح كلامي ولا خطا

وهو ع قولتها يهمه الجمال ومابيخطبها قبل مااطرش صورتها مع العلم انها اتعرفت عليه من موقع للزواج

ومافي اي شي بينهم ؟؟

اولا جاد في الزواج = يروح يخطبها

بيشوفها في بيت اهلها

الجمال عنده كل شي على قولته يروح لطريقة محترمه اسمها النظرة الشرعية .. ماعندهم نظرة في بلادهم وايد البنات اللي مايتغشون في الدنيا وعنده زميلات عمل زميلات دراسة يدور وحده محترمة بنت عايلة محترمة وجميلة يخطبها

اللي يبا مابيعيز يحصل .. قولي لربيعتج حطي عقلج في راسج بدل ماتندمي عقد شعر راسج . اذا من نصيبج وشاريج بيجيك من دون صور وعلاقات​

 

[مرموووره]

أختي العجيبه صح كلامthe maiden استخدمي الفاظ تليق بأنوثتك مو ألفاظ بديئه تخلي الناس ينفرو منك الرسول صلى الله عليه وسلم حث على حسن التعامل احنا بنات بالفطره

 

[مرموووره]

في النهايه كلنا بشر ومحد فينا معصوم من الخطأ وخير الخطاءون التوابون والله تعالى يحب يسمع انين المذنبين أكتر من دعاء الصالحين الله يهدينا جميعا وان شاءالله تعالى بحق اسمه العظيم ووجهه الكريم يغفر لجميع زلاتنا ويحقق كل وحده فينا امنياتها ويعطينا خيري الدنيا والاخره ويصرف عننا من لايخافه فينا ولايرحمنا
آميييييييييييين

 

[عآبره سبيل]

السلام عليج اختي { :icon26:

والله بصرآحه انا عشت بهذا الي يسمونه الحب :shutup:

اول ما كلمني قال لي شوي واكلمج (صقر مزعجني) قلت منو صقر هذآ ؟ :dunno:

قال ولد اخوي

وهنا عرفت السالفه <-- صقر هذا النتفه طلع ولد اختي :nosweat:

وربي قفلت الجوال 4 ايام :tears:

ولما فتحته لقييييت درزن رسايل :exclamationpoint:

وسآلني شسالفه وقلت له انت اخوك فلان ؟! قال ايه :nosweat:

وعلمته كل شئ

وانصدمنا........ وكلمته 3 سنين بس عالجوال والماسنجر

بعدين امي عرفت بسالفتي ومنعتني من كل شئ !

بعدين حنا نحب بعض حييييل :icon26:

ولما انقطعت عنه ارسلت له مسج وعلمته بالي صار

بعد اسبوعين بالضبط كلمني ابوي وقال لي ان فلان تقدم لي

يآاني فرحت كثيييير :in_love:

وربي شئ كبييير

وهنا انصدمت اكثر لما امي منعتني من الزواج منه #_#

وبحجه انه كان يعرفني قبل الزواج <--- من بعد هذاك اليوم ما كلمته ولا كلمني

ولا حتى شفته !

الحيين بعض الاحيان احس بندم :shutup:

شسوي ؟؟! <--- (للعلم تراني للحين احبه واذكر كل شئ سواه عشاني)

اولها سآلني شنو الشغله الي احبها ؟ قلت له الاطفائي :shiny:

واستقال من شغلته وقدم عالاطفائيه والحين ما شاء الله عليه متوظف

ودي اكلمه بس ما اقدر لاني تركت هذا الطريق { اللهم اني اسآلك الثبات فالدنيا والاخره :icon26:

وبنات خلوكم ببيت اهلكم

يازينها لما يجي هذاك اليوم الي الريال هو الي يطق الباب عشان يتقدم لج :in_love:


ويعطيج العافيه اختي عالموضوع المبدع

والله يفتح عقول اخواتنا ويمشون عالطريق الصحيح ^^

 

[اعلامية طموحة]

ترا المشكلة في الحب قبل الزواج ان ممكن انك تحبي وهو يحبك لكن من يعرف النصيب وين يكون!!

الحمد لله على كل حال

 

[عويد لبان]

ربي يستر عليج دنيا واخرة يا ختي اعلامية طموحة وربي يرزقج الريال الصالح اللي يستاهلج

انا طرحت قصتي بعنوان :::ساعدوني انا محتارة واريد حلا في نفس القسم وربي لاهانج اريد رايج في الموضوع ومابنسالج نصيحتج ويعلها في موازينج ياربي

اتريا ردج على موضوعي^^يزاج الله خير

 

[j.e.w.e.l]

وبنات خلوكم ببيت اهلكم

يازينها لما يجي هذاك اليوم الي الريال هو الي يطق الباب عشان يتقدم لج :in_love:​

<<وإذا قعدتي ببيت اهلك

وماعرفتي شي اسمه حب ولاتعارف ولاشي,,
أو بالأصح ماعطيتي أي شخص أهتمامك مع العلم بوجود محاولات
وكل هذا رغبة بالحلال,,واستمريتي على هالطريق 22سنة
وجاء الرجال اللي طق باب أهلك وتمت أمورك كلها على خير,,
وفجأة وبدون سابق أنذار يغير رأيه ويفسخ خطبته,,
ويخطب غيرك ويتزوج كل هذا بعلمك وبفترة بسيطة وبدون مراعاة للشعور,,
وتدعين لزواجه ولاكأنه سووا شي,,
ماتكون سبب بتحطيمك وكرهك لهالموضوع,,
وخوفك من أعادة التجربة بعد ماعشتيها
وحسيتي أنه جاء الوقت اللي بتجازين فيه على صبرك,,
لكن صار اللي صار,,
مايحتاج أوصف الوضع,,
فجأة أنهدم الحلم,,
وأنحرمتي من شي عقدتي عليه أمال كثيرة,,,
بتتحطمين,,لاوش تتحطمين أبي كلمة أقوى توصف الشعور,,
حرمان تحطيم جرح معاناة
وبهالوقت حسيتي بحاجتك لأحد تفضفضين له
بحاجتك لحنان رجل أهتمامه تقديره وأحترامه,,
بحاجة لكل شي يصدر منه ويحسسك بأنوثتك,,
وهالشي كان سبب في خوضي لتجربة الحب,,
بمجرد ماتلقيت أهتمام من أحدهم تقبلت الموضوع,,
ماأنكر أني بالبداية مانعت لكن فجأة وبدون سابق أنذار
طحت والطيحة هي الطيحة,,
وياما حاولت أتخلص من اللي أنه فيه,,
بس عجزت أستغني عن نفس الشخص,,
أحاول أبعد عنه يوم يومين والثالث أرجع له محملة بفشل ذريع,,
<<مع العلم أنه عرض الزواج وأنا رفضت الفكرة,,
وأن كان فيه أحد يتحمل وزر اللي يصير فهو نفس الشخص اللي كنت مخطوبة له,,
قاعدة اسوي شي ماكنت أتوقع بحياتي أسويه,,
عايشة جو ووضع المفروض أعيشه بالحلال,,
والحين مااقول مرتاحة بوضعي الله يعلم اني أطلب الله يعوضني,,
بس محتاجة أنسان اكلمه أسولف معه يأخذ مني ويعطيني
أبي أحس أني عايشة مثل غيري من البنات,,
ماأبي أحس بالنقص,,
أرفض الزواج خوف من تكرار التجربة
والرفض يكون مصحوب بمكابرة,,
أرفض من هنا وأنا أتعذب من هنا,,
لكن ماأقول إلا حسبي الله على اللي كان السبب باللي أنا فيه,,
وأن شاء الله يذوق اللي ذوقنياه ببناته,,
عشان يعرف أن الله حق,,
<<أعذروني فضفضت هنا بس والله مليانة على الآخر
ولاأقدر أصرح لأحد من اللي عندي باللي بقلبي,,
قلت أجي اقولكم هنا,,​

 

[عسوله قمر]

مشكوررررررررررررررررررررره الله يهددي جميع

 

[نور الشمس 1]

صح كلامج والله بنات اللي يبا يدخل من الباب بيدخل

واللي يخاف ربه ويبا يستر ع بنت الناس بيتزوجها غصبا عن الكل

اما اللي يقول انتظري لحد مااكلم اهلي او انتظري توني مشتغل او امي مريضه فهذا جذاااااااااااااااااااب

الله يرزق كل بنت ويرزقني الزوج الصالح يارب

بنات الشاب اللي يبا يعرس صج مابيطول بعلاقته مع البنت يعني بالكثير اسبوع وبيخطبها لانه صج يبيها

اما اللي يبا يلعب بيطول

بس والله اتحذروا من شباب هالايام كلهم اعوذ بالله منهم ... كيدهم عظيم

 

[اعلامية طموحة]

الحين انتبهت لردك بس حبيت اقولج شي يمكن يخليك تصحصحي شوي

وأن كان فيه أحد يتحمل وزر اللي يصير فهو نفس الشخص اللي كنت مخطوبة له,,

انا مابعلق على سالفة انك حبيتي لانك عارفه انه غلط

لكن انك تقولي هذاك الشخص يتحمل وزرك لا حبيبتي الرجل مايتحمل وزرك هو تزوج وصان نفسه وانتي الحين تتقلبي في الحرام

حبي اللي صارلك يصير يوميا لكثير من البنات .. والسبب مافي نصيييييب .. لو فيه نصيب بيجيك يحبي .. أما اذا مافيه نصيب خلاص ربك ماكاتب لك مب كاااااااااااااتب هو اعلم بحالك من نفسك

يعني الحين مثل ما قلتي انا ابحث عن الحلال ولما راح الحلال قلبتي على الحرام!!!!!

أي منطق هذا وتعاقبي من

هل تعاقبي الريال اللي جالس يتقلب في حلاله .. ولا تعاقبي نفسج انج التزمتي بالحلال

الحلال لمن يا اختي مش لله تعالى .. لي محتجه على انه كتب لج هالشكل

لا تقوليلي والله انا مقهورة .. كلنا ننقهر بس اللي انتي تسويه تبرير لنفسج على الغلط

وكأنج تقولي الحلال مايبيني أنا براويه ... استغفر الله

لا وحاطه الذنب على الريال!!! كأن الرزق بإيده

اللي خطبك لو مايملك شي لنفسه علشان يملك لك انتي شي .. الملك كله لله

لو يبا يعطيج بيعطيج ويو يبا يمنع بيمنع وانتي ملزومه للطاعة وانفج صاغر

اذا بتطيعي لج الخير في الدنيا والآخرة واذا بتتبطري وتتمنني على ربج انج التزمتي 22 سنة على قولج مابتشوفي غير الدمار

وترا غيرج وصلوا الأربعين وأكثر وانتي على 22 سنة مع العلم ان اصلا البنت ما تفهم فهذي الأمور الا من سن 15 اذا ماكان أكثر .. يعني التزمتي بالحلال 7 سنوات اذا ماكان أقل

اصحي يا اختي اصحي .. والحلال واجب عليج مب منّه منج

 

[ميس الريم]

وفي سبب كمان انك تكلمي يرد عليكي شخص تاني يقولك انو مات ......

او يقلك فجئه ......التزمت :c016:

موضوعك اكتر من رائع.........

 

[العيون العسليه]

بسم الله الرحمن الرحيم

مشكورة اختي وجزاكِ الله خير الجزاء على هذا الموضوع اللي أفادني وأفاد غيري

:a194:


رغم أني متأخرة وكان لازم اشوف هالموضوع من زمان مو الحين بعد ما وقت الفاس في الراس ..:tears:

مشكلتي أني ما لقيت من يوجهني .. وادري ان اللي سويته غلط لكن كنت بحاجه احد يوقفني

يهزئني .. يرشدني .. يعني صديقاتي اذا دروا بالموضوع يكتفون بالأستماع ولو طلبت رايهم

يقولون هاذي حياتج وأنتي حره !!

ولما يدروا بفشل العلاقه يقولون خفنا نقول وتزعلين !!

احنا مو بحاجه لمن يلومنه .. احنا نحتاج من يرشدنا ويضهر لنا الضرر اللي راح يصيبنا

لأننا مو شافين غير الحب الزائف ..

بإختصار احنا نعمي عيونا عن ( الصح ) بأسم الحب .. ونحتاج من يفتح عيونا على هذا (الصح) ..

نحتاج الى ارشاد شلون نتصرف ونكشف من يحاول يخدعنا من البداية :busted_red:

وكيف أكون قوية .. وكيف اثق بنفسي .. وكيف أحقق السعادة بنفسي وما أنتظرها من الآخرين يحققوها لي .. وكيف وكيف ..ألخ ..


دائماً نحلم بمن يحقق لنا السعادة :fish:وننتظر ولا نحاول نحقق شيء لأنفسنا ..

وإذا تزوجنا بنعيش من أجل غيرنا يسعد ..! و نهمل انفسنا وهلم جرااا ..:thumbdown:


طيب كيف لازم نعيش ؟؟

أقصد كيف نشبع أنفسنا بالحب وماننتظره من الغير ؟؟

كيف نشغل انفسنا حتى مايصير عندنا فراغ ؟؟

كيف نكون مميزين ولنا طموحات واهداف ؟؟

أين يجب أن نوجه أهتماماتنا ؟؟



وبدل مانقول ..

راح أخليه يندم ويتحسف لأنه تركني ..

ما راح يلقى احد يحبه كثري ..

راح أثبت له أني مو محتاجه حبه ..


...

والأفضل أن احنا نثبت لأنفسنا هذا الشيء ..صح ؟؟

طيب كيف ؟؟

وفي شنو نشغل أنفسنا بعد علاقة الحب الزائف ..

وكيف نحصن انفسنا حتى مانرجع ؟..


كثير من الأسئلة تدور في رأسي ..

...

لا اريد أن افكر فيه .. لا اريد أن انتظر منه شيء .. هو لايستحقني فانا أفضل منه بكثير

لكن لماذا أنتظره وأبكي لأجله .. لماذا ؟؟؟

كان محافظاً وذي سمعة طيبه وخلوق وكل وقته مرتبط بالمسجد ..!

حتى أنه يتمنى أن يكون خطيباً .. كان قد درس ولكن لم يكمل ..

واكتشفت أن هذا كله نفاق ورياء !!!!!!

أيُعقل هذا ؟؟

..


عذراً على الأطاله

لكِ كل التحايا أخيتي :icon26:


​

 

[العـنود]

ههههههههههههه
يزااااج الله خير

مالت على حظي صدقته ..
وكان كل شي مختلف بينا

الطائفه انه سنيه وهوا شيعي

الاصل من اصول سعوديه وهوا بحراني
المكانه الاجتماعيه حالتنا الحمد لله راقيين واهوا الله يعينه حافي منتف
والمرض فيه الله يعافيه سكلر
ولا كان خاطب بنت عمه خخ ويقول تركها عشاني

الحمد لله صحيت من هالغلفه

ويا بنات مثل ماقالت اختنا اعلاميه طمووحه

الي يبي يتزوج .. بيسوي المستحيل عشان يتقدم لج ولا شي بيوقف في ويهه لو يبيج
واذا جاف نفسه مايقدر يتقدم الحين ماراح يعلقج معاه ..

صدقووني نصيحه مجربه والله يتوووب علي وعليكم
ابتعدوووو عن هالطريج

ترى الشباب مايبون الا الاكثر والاكثر من البنيه
ولا راح يوقفون عند حد معين
لين يوصلون ليي في بالهم ..

عسى الله يحفظكم ويحفظنا معاكم ..

 

[amwaj]

اختي اعلامية طموحه ​

شكرا لك على هذا الموضوع الهادف ..
والذي اتمنى ان تمر عليه كل فتاه ​

ولي عودة معكم
كما ان لي رجاء من الاخوات صاحبات الردود
( تكبير الخط قليلا .. وعدم الكتابه بالالوان الفاتحة )
لانها متعبة في القراءة ​

ودمتم بود​