احسنت ياعجابه انتي المثل الاعلى في الامومه انا احب البنات واموت عليهم خاصه في لبسهم ودلعهم بس اتاخر اذا جيت بطلع من كثر الاشياء اللي بلبسها اياه انا اصغر البنات بس مو اخر العنقود ومن كنت صغيره كانو الناس يتعجبون من حبي للاطفال واني كنت جيده في العنايه بهم وكاني اكبر من سني ربيت عيال اختي وعيال اخوي بدرجة بنت اخوي ماكانت تبي امها كانت تبيني انا اللي اغسلها وااكلها وتنام بجنبي تزوجت وحملت على طول وكنت اتمنى يكون المولود بنت وشاء القدر انه يكون ولد حمدت الله وشكرته وكانت ولادتي بقيصريه وماكنت مهتمه بشوفته لاني تعبت بولادته جاني طلق وبعدها قررو لي عمليه جابوه لي اليوم الثالث من ولادته لمن صار عمره 3سنوات ونص قررت احمل وقبل ماترك المانع صليت ركعتين طلبت الله انه يرزقني البنت الصالحه والباره بوالديها كاملة الخلقه وتم الحمل وانا متشوقه انها تكون بنت واكون اسعد وحده في الدنيا لمن وصلت الشهر الخامس بشراتني الدكتوره بان المولود انثى وفرحت لدرجه ان جسمي قام يرجف فرحا وانا اتخيلها ليلا ونهارا وكيف يكون جمالها وصار معي سكر حمل كنت اقولهم تدرون ليش جاني سكر حمل لاني بجيب قطعة سكر وقررو لي عمليه وكنت اعد الساعات علشان اشوفها ولمن طلعت من البنج قالي الدكتور انتي والبنوته بخير ابتسمت وانا حتى عيوني مافتحتها من البنج سالت عنها قالو في الحضانه يحممونها ويلبسونها فرحت فرحا شديدا وكان كل همي ابي اكلم اختي اللي عندها 4اولاد وبتموت على البنت وكله تقولي انتي بتجيبين ولد كنت ابي احر قلبها المسكينه وتقول لي دائما انتي جيبي بنت ولها 500ريال اشتري لها فيها كلها فساتين وانتظرت لليوم الثاني وانا انتظر هالبنت وقالو مانقدر نجيبها انتي تعبانه قلت لهم ابي اشوفها جابو لي كرسي متحرك وودوني لها اول ماشلتها اول شي فتحت الحفاظه اتاكد اذا هي بنت ولا انا احلم كان البنت عندي معجزه وتاكدت بالفعل وكنت فرحانه واخواتي فرحو فيها واللي اهداها الذهب والملابس وكانت تربيتها في السنه الاولى طفله هادئه مبتسمه وتجنن بعد ذلك انقلبت شقاوه الله يحفظها واللحين حامل وبشروني بانها انثى وفرحت اتمنى اجيب عشر بنات بس هذا مستحيل ذهبت الى السوق وشريت الوردي اللون المحبب لي من صغري وانتهت قصتي وادعو لي عمليتي الاربعاء وانشاءالله اقوم انا والبنوته بالسلامه ادري طولت عليكم بس ياعجابه فجرتي اللي في قلبي من المشاعر
