حبوب التبيييييييييييض

[سديم السعودية]

السلام عليكم ورحمة اللة وبركاتة

عزيزاتي البلقيسيات هذة اول مشاركة لي واتمنى اللي عندها معلومات عن هذا الموضوع تنفعني فية

الموضوع واضح من عنوانة حبوب الجلوتاثيون او مانسميها نحن بحبوب التبييض

اللي جربت او تعرف احد مجربها وجابت نتائج ولا لا وش نوع الحبوب ؟؟؟

اسئلة كثيرة حول الموضوع اللي عندها خلفية ياريت ماتبخل علينا واللة ادعي لها من كل قلبي لاني لي

قرابة الشهرين الموضوع في راسي وقرات في المنتديات واستفسرت من صيادلة وكلهم يقولون مفيدة

اكثر من كونها ضارة لانها تحتوي على فيتامينات وفي امريكا والفلبين وغيرها يستخدمونها ليس لاجل

البياض بل للصحة العامة ولكن من اثارها الجانبية البياض يعني احنا استغلينا الاثار الجانبية لمصلحتنا

واللي تقول ضارة ومدري شو اقولها اقري اكثر عنها حتى في المنتدى موضوع مثبت للاخت حصريا

في بلقيس اللة يجزاها الجنة فية توضيح كامل لكل الاسئلة عن هذة الحبوب

اللة يجزاها الجنة اللي تنفعنا عن افضل انواع هذة الحبوب لان في انواع كثيرة منها الصيني والفلبيني

والايطالي والامريكي اللي هو الافضل وياريت عن تجربة شخصية او واحدة مجربتها ولاحظتي الفرق

انتظر الردود يابلقيسيات لاتردوني هذي اول مشاركة لي في المنتدى اللة لايعدمني اياكن 0

 

[همس_الاوراق]

انا ما جربتها بس سمعت عنها وكنت بطلبه من وحده تبيعها فالسعودي ،،، بس للاسف ما ردت على رساااااااالتي
والسمووووحه ،، انشاء الله الخواااات يفيدونج يالغلا

^^

 

[فرحة صباه]

ماعندي اي خلفيه عنها
لكن بما ان البياض من الاثار الاجانبيه ليش اضر نفسي
عندك عصير اليمون مع زيت الجلسرين استخدام يومي يفتح البشره
وعندك النشاء مع الماء ورد
ررروعه وماتقدم بتجاعيد البشره
والحبوب ماتعرفي وش بيصيرمن استعمالها انتي في غنا عنها
وشكرا

 

[سديم السعودية]

همس الاوراق وفرحة صباه اشكر لكما المرور
الافضل اذا تبين الحبوب تطلبينها من الموقع مباشرة بامريكا يعني العلبة لاستخدام شهر تكلف 168 ريال لاغير
بدل المندوبات اللي يبالغون في السعر ل1400 و1500 ريال
النوع اللي باذن اللة انوي اطلبة هو جلوتا سي لاني ماسمعت احد ذمة وبنفس الوقت ماسمعت احد مدحة يعني محتااااااااااااارة وللمعلومية شكل العلبة فيها صورة ولد وبنت اللي سمعت بهذا النوع او نوع ثاني ياريت ماتبخل علينا
لاتقولون خليكي عالخلطات لاني واللة ماتركت شي ماجربتة ولا فاااااااد مشكلتي مع بشرتي عويصة
اللة لايحرمني منكن ومن ردودكن اللي تشرح الصدر

 

[سهام الامل]

والله مثلكم استفسر عليها وكتبت موضوع في هذا القسم عنه يا ريت والله يفيدونه من جربته

 

[سديم السعودية]

انا ناوية اجازف واستخرت وماخاب من استخار
بس ابي مشورتكم في افضل نوع من هالحبوب
باللة اللي عندها اي معلومة ممكن تفيدني تقول اللة يجزاها الجنة ويجعلها اجمل الجميلات في عيون زوجها

 

[أحبه ولكن]

حبيبتي بقولك على انك كتبتي الموضوع وانتي تهاوشين ماتبين احد يقولك رايه تبينا كلنا نقول حلووووه ,,,
انا ماراح اقولك رايي بس فيه موضوع لاخت هنا تبيع حبوب التبيييض واعترفت انها مضره باعت على وحده وصار لها ورم ,,,,
الله يعافينا يارب,,,

 

[سديم السعودية]

عزيزتي احبة ولكن ماشوف كلمة كتبتها اهاوش فيها احد اذا انتي شايفة ياريت توضحين لي وش هالكلمة
اللي حبيت اوضحة ان اللي محتارة في كون الحبوب مضرة اولا تقرا موضوع الاخت حصريا في بلقيس بعنوان حبوب التبييض بارخص الاثمان
بالنسبة للي جاها ورم يمكن الورم فيها من قبل تستخدم الحبوب لاني بصراحة ماقريت لاحد جاة ورم منها الا هالحالة من بين ملايين اللي استخدموها وحالة ثانية تقول بعد الكورس جت تشيل شعر يدها بحلاوة تفاجات بترقق كبير في بشرتها وما اظن في حالات اخرى حصل معها شي من كذا
اللة يشفي مرضى المسلمين ويكفينا جميعا شر الامراض
ياريت يابلقيسيات اللي عندها معلومات تنورنا

 

[جولي دلع]

هااااااااااااااااايااااااااااااااااااااات بنات
انا استخدم الحبوب اللي لونها ابيض مكتوب عليها سوبر وايت ويجي معاها حبوب لون علبتها بني مكتوب عليها فتمين c
ماادري ماحسيت فرق مره مره يعني فتحت شوي وانا اصلا لوني حلو بس تحمست اخذها لانها تشد وتوحد اللون
خلصت شهر ودخلت الثاني
والله يطيني خيرها ويكفيني شرها

 

[سديم السعودية]

جولي دلع اللة يعطيك خيرها ويكفيك شرها
والف شكر عالرد بس حبيت اسألك ياعسل بكم اشتريتيها لاستعمال شهر واحد
وهل سوبر وايت فيها اصلي وفيها تقليد ؟لان بعض انواع الحبوب ماتجيب نتيجة لانها تقليد مع العلم انها نفس شكل العلبة الاصلية 0
وياريت اذا ماعليك امر ياقلبو تتواصلين معنا على طول وتخبرينا بالنتائج اول باول
وباذن اللة اذا رسيت على نوع معين واستخدمتة اوعدكم انزل تجربتي بكل امانة للي تبي تستفيد
ياريت اي وحدة استخدمت او عندها افادة تفيدنا او ارفعي الموضوع اللة يرفع مكانتك
جولي دلع لاتحرمينا ياعسل من ردودك

 

[توليــن]

الأخت / سديم السعوديه
إذا إنتي مصرهـ على رأيكـ تأكدي مارآح أحد يغيــر وجهة نضــركـ
خليني اقلك الصدق ،،
أنا لي شهرين إستخدمها ،، يعني باقيلي يومين بالضبط واخلص الشهرين
إشتريتها من مندوبه في المنتدى ،، بعد ماقريت الفوائد الخياله اللي إنكتبت عنها ،،
النقطه المهمه في الموضوع ،، إن فعلآ الحبوب ماهي مضرهـ نهائيآ
لأني وديتها لدكتور جلديه معروف في جدهـ وأكدلي إنها مي مضرهـ ،، لكنه إستغرب من السعر الخيالي اللي قلتله عليه

النقطه الثانيه / تأكدي 1000000 % إن الكلام عنها مبااااااااااااااااااااااااالغ بشكل كبير ،،
راح يقولون لكـ إنها تشيل البقع في إسبوع
وتوحـد اللون في شهر ،،
وتبيضك خلال 3 شهــور ،،
اولآ من خلال تجربتــي والله ماراح تختفي البقع في إسبوع
واللحين لي شهرين ماراحت البقع نهائيآ ،،
ولا توحد اللون ،، ولاحسيت ولا واحد في الميه إن لوني فتح ،،

آما اذا بتكلم عن مفعولها اللي شفته ،،
راح أقلك إنها راح تخفف لون البقع شووووووي << لاحضي قلت شوي
يعني راح تخفف اللون بشكل ضعيف جدآ ،،
صدقيني اني قبلها جربت خلطه قيمتها 30 ريال نفعتني اكثر من الحبوب ــ
وراح يخف النمش بشكل قليل جدآ فقــــــــــــــــــــــــط << هذا مفعولها
وبعــد كذا صدقيني ماراح تلقين ولا أي مفعول ،، وراح تجربيها وتصدقين كلامــــــي ،،

وبيني وبينكـ لو نأخذها بالعقل
جلسات التقشير الطبيه والمضمونه تكلف 1000 ريال الجلسه لكل الجسم
تفتح الجسم وتوحده وتخليه ناعم ،، ومفعولها يبان بسرعه في شهر ،،

والحبوب قيمتها 1200 وكل الكلام عنها مبالغ ،،
للأسف إني تسرعت في الموضوع ،، لأن عندي مناسبه في الصيفيه وكنت ابي افتح قبلها

عمومآ في الآخير
إذا كنت حابه تجربي ،، فأكيد ماراح أحد يقدر يغير رأيكـ
جربي لأن فعلآ مامنهــا ضــرر بإذن الله


وتحياتي لكـ

 

[سديم السعودية]

شكرا عزيزتي تولين عالرد واللة يحفضك يارب ويمكن انتي استخدمتي سوبر وايت لان كثييييييييير استخدموها ومافادت بشي لان الظاهر اللة اعلم انها تقليد خاصة اذا كنتي اخذتيها عن طريق مندوبة واللة اعلم مانبي نظلم احد
بالنسبة للحبوب اللي ابي استخدمها اسمها جلوتا سي ومن موقعها الرسمي بامريكا واللي هو موقع الامازون يعني العلبة اذا كلفت واجد 300ريال شامل الشراء والشحن وقرأت كثير في المنتديات يمدحونها ويقولون فادتنا و و و
لكن للامانة من كثر مانخدعوا اغلب البنات في مندوبات النصب والكذاب صرت اشك في اي وحدة تمدحها واقول في نفسي يمكن مندوبة وتبي تترزق على حساب صحة الناس

بس الحمد للة لقيت استبيان كامل للحبوب في احد المنتديات وتفاعل البنات خلال فترة الكورس اول باول
والف شكر لكل من مرت او علقت او افادتنا وهذا العشم فيكم ياملكات واميرات بلقيس

 

[سديم السعودية]

نصيحة عاااااااااااجلة ومهمة لكي عزيزتي تولين ولكل وحدة اشترت او تبي تشتري من حبوب سوبر وايت والموضوع طااااااااازة مافي حبوب امريكية اسمها سوبر وايت هي في الاصل حبوب يابانية ومغيرين غلافها فقط يعني هذة الشركة كذب في نصب في احتيال يمكن جميع المندوبات بيدعون علي لكن الساكت عن الحق شيطان اخرس والموضوع هذا ماجبتة من راسي واحدة في منتدى اخر كاتبة الموضوع ومتاكدة منة لان الشركة المزعومة يوم رسلت لها الطلبية نسيت تغير غلاف واحدة من العلب ويوم فتحتها لقيتها نفس الشكل والرائحة لحبوب سوبر وايت المزعومة طبعا ويوم سالت وفرفرت في النت لقيت الحبوب ذي يابانية وما منها فايدة اللة فضحهم سبحااااااااانة
حبيت افيدكم باي شي زي ماانا ابي الفايدة واللة الكلام تو قاريتة من ساعة وعلى طول كتبتة لكم عشان ماتتوهقون فيها
وانا ملاحظة فعلا مافي واحدة استخدمت سوبر وايت ومدحتها غير المندوبات ويمكن بل اكيد ماستخدموها

اللي تستخدم هالنوع ياريت تبطلة وتشوف نوع افضل لو تطلبة من الموقع ارخص واضمن
هااااا وش رايكم في الخبرية وفرت علينا جهد
اللهم قد بلغت اللهم فاشهد

 

[مووووود2]

والله انا صار لي قصه مع هالحبوب طبعا مثل كل البنات انجرفت ورى هالحبوب وقعدت ادور عليها وشفت العجايب اللي يمدح واللي يسبها طبعا والادهى اني قلت ماني ماخذتها من اي وحده ابي احد مضمون علشان اجيبها لقيت وحده تمدح حسبي الله عليها دكتوووووووووووووره تخيلو صارو الدكاتره نصابين اخذت رقمها وقعدت اسالها اتضح انها فعلا دكتوره من اجوبتها وبالفعل شريت الكورس كله منها تخيلو بعشرة الاف ريال سعودي تخيلو والله اني متسلفتها
واخذت الكورس عباره عن حبوب فرنسيه اسمها اورال لايت وكريمات وبعد هذا كله ........ تخيلوا ماجابت ولانتيجه الا تفتيح بسيط اقدر بزيت اللوز اوصل لافتح من كذا
علشاااااااااااااااان كذا وربي يشهد اني مازليت بكلمه وهي دكتوره قطريه اسمها عايده
هذي تجربتي والله يستر منها لاني استخدمتها وبديت احس بتعب مو مثل قبل صحتي
نصيحه من وحده جربت لانتساااااااقون ورى الاعلانات والكذب

 

[سديم السعودية]

عزيزتي موووود2 الف شكر على عرض تجربتك وبالنسبة للدكتورة عايدة كثير واللة العظيم عرضو تجربتهم مع هذة الدكتورة المزعومة وبالفعل لهف فلوس عالفاضي اللة لايوفق اي وحدة تضر بنات المسلمين عشان الطمع والجشع وبالنسبة للحبوب اللي ماجابت نتيجة مع البنات طبعا في المقدمة سوبر وايت ومانظلم الحبوب يمكن تعطيك نظارة بسييييييييطة لا اكثر وكذلك الحبوب الصينية دايموند وحبوب اكتف وايت للامانة انا ماجربت هالانواع بس مما قرات في اغلب المنتديات ان البنات اللي جربوها ماوصلو للنتيجة اللي كان مفروض يوصلوها من وصف الحبوب ونتائجها

 

[توليــن]

سديــــــم !!

شكـــرآ شكــرآ على الخبريــــــه الحلـــوهـ (( مع إنها تعتبر عندي بعد فوات الآوان )) ههههههههه :clap:
مع كذا حبيــت أشكــركـ
الله لايسامح أي مندوبــه تكذب على البنــات عشــان الفلــوس ،،


وشكرآ لكـ

 

[سديم السعودية]

اللي تبي تستفيد باذن اللة اخر ماتوصلت الية استبيان في موقع الفراشة النسائي بعنوان استبيان حبوب التبييض بين مصدق ومكذب لكاتبتة انما انت انا واللة وفر علي الجهد والتفكير لان فية تجارب البنات وللمعلومية كل البنات ماخلصو الكورس لسة ومن بين البنات اخت اسمها عطره وعندها موضوع مميز وكذلك لولوة منزلة تجربتها على يوميات يعني باذن اللة اللي محتارة وجالسة تحوس في المنتديات تبي حل وفرت عليها الوقت
وبالنسبة للحبوب اللي مستخدمينها البنات كلهم طالبينها من الموقع بامريكا يعني لامندوبات ولا غيرة

 

[سديم السعودية]

والشكر موصول لكي اخت تولين وانشاء اللة اكون افدتك بالمعلومات اللي لقيتها

وان شاء اللة يستفيدو بقية البنات همس الاوراق وسهام الامل
واللة يكتب للجميع مافية خير

 

[العجيبه]

خيتو سديم السعوديه..حطي صورة الحبوب جلوتا سي ..
واذا تطلبين لش ابيك تطلبين لي وياش ..اذا تقدرين ههههههههاى
لانه المندوبات يبعون الحبوب غاليه مره وهي رخيصه .. مردها تنقع عندهم ويشربون مويها..
وانا حاليا افكر في ذي الحبوب تقولين >> خش فيني جني الحبوب ..
الله يكفينا شره..

 

[سديم السعودية]

عزيزتي العجيبة اللة يكفينا شر الجنون وعاد انا اخاف من ذكرهم وسيرتهم وعاد جني الحبوب شكلنا بنروح فيها بدال مانبيض شكلنا بنسوووووووود ومش اي سواد سواد انما اية ههههههه
وبالنسبة لكيفية الطلب بتلاقين في الاستبيان الي كتبتة لكم في ردي السابق الطريقة كاملة من لحظة ماتطلبين لين توصلك الطلبية بواسطة واحدة من البنات اسمها بسمة انثى اللة يجزاها كل خير موضحة لك الخطوات للطلب وبالصور كمان
انشاء اللة اكون افدتك ياعزيزتي
وبالتوفيق للجميع