حبايبنا بنات الرياض... محتارة وين اولد!!!؟؟؟ ممكن تساعدوني : )

[تميمية(1)]

السلام عليكم و رحمة الله و بركاته

كيف حالكم بنات... حوامل و غير حوامل..؟؟
انا مثل ما هو باين من العنوان محتارة وين اولد هالمرة... بالعادة انا اولد في مستشفى رعاية الرياض و ما عندي عليه اية ماخذ... الحمد لله كانت اموري تمام معاهم و خياطهم ممتاز... لكن الطبيبة الي اعرفها فيه راحت : (
هالمرة ... فتح جنبنا مستشفى جديد اسمه احمد ابا نمي... شكله من برا حلو و لما سألت عن طبيباته قالوا لي فيه 11 طبيبة نساء!!!! ما شاء الله تبارك الله...
و اسعاره نفس رعاية الرياض تقريبا.. و ميزته انه اقرب لي....
انا متحمسة اجرب المستشفى الجديد لانه اكيد كل شي بقراطيسه : ) لوووووووووووول
و بنفس الوقت مترددة ان مستواه مو هالقد!!! و محتارة بعد أي طبيبة اختار!!!
شرايكم انتو يا بنات شوروا علي...
و لو وحدة منكم عندها فكرة عن هالمستشفى او سمعت عن احد ولد فيها او هي ولدت يا اليت تفيدني : )
لكم الف شكر و ربي يسهل علي و عليكم : )

 

[meme_99]

بصراحه ماقد سمعت فيه بس انا ولدت بدله وهاللحين انا على وجه ولاده ناويه اولد
بعد بدله لاني مرتااحه فيه ياليت البناات يقدرون يفيدونك تقبلي مروري وادعي لي
ربي يهون علي ويهون عليك يااارب00

 

[مشاعل666]

والله ياحبيبتي انا ما أعرفه

بس انا ولدت في مستشفى الحمادي الطبيعي بـ (( 7 آلاف ))

والقيصري (( 16 الف )) الله يبعدك عنها

وانا ولدت فيها قيصري عند الدكتورة (( فتاة )) رااااائعة ماشاء الله عليها

والله يهون عليك ويتمم لك على خير ان شاء الله...

 

[شـوكـولاته]

انا صديقتي ولدت بالسعودي البريطاني مرررررررررره مريحيين في كشوفتها الممرضة تسويلها مساج الين تحضر الدكتورة في دكتورتيين وحدة عراقية والثانية بريطانية ,,صديقتي عند البريطانية اعتقد اسمها ليزا تقولي صديقتي
مرره كلامها مريح الطبيعي عندهم بـ 6 والقيصري بـ10 ونظــافة موطبيعيه تقول غرفهم العادية كانها جناح ملكي
هي مدحتة لي وانا انشاء الله بولد فيه <<كان نفسي اشترك في برنامج الحمل عندهم بس ما عرفتهم الا وانا بالسابع
والرسوم حقت البرنامج 2000ريال

الله يسهلك ويسهلي ولكل بنات المسلمين يارب

 

[تميمية(1)]

الف شكر لك يا شوكولاته...
و ربي يهون عليك و على كل حامل...
مشكلة السعودي البريطاني انه بعيد علي و على اهلي لما يجوني...
ربي يكتب الي فيه الخير..

 

[دلع بلقيس]

الله يهون عليك,,

كنت بقول لك عن الحبيب بس نفس الشي بغيد عليك..

 

[تميمية(1)]

الله يجزاك خير يا دلع بلقيس...
و يا ليت البنات يذكرون لي اسم الدكتورة الي ولدتهم.... عشان لو الله كتب و رحت لاي مستشفى اعرف مين اطلب..
ما قصرتوا جعل ربي يسهل عليكم...

 

[miss heart]

بنت خالتي ولدت في أبانمي قبل 6شهور وتمدح فيه والمستشفى حلوووووو وعنايتهم حلوة وولدت قيصري بسجلست أعتقد6 أيام أخذوا منهم (19)ألف تقريبا من مجاميعه,والله يكتب لك اللي فيه الخير

 

[شمعة وثلج]

الله يهون عليك بالنسبه لي انا ما انصح بالمستشفيات الجديده لانهم ما يكون عندهم الخبره الكافيه ولا يعرفوا يتصرفوا لولا قدر الله تعسرت الولاده انصحك بالمشتشفيات المعروفه مثل دله مره ممتاز ربي يسهل علينا وعليك

 

[لوتية]

يارب عقبالي عقبال ماولد وعلمكم المستشفي الي ولدت فيه الرهيب الي خدمتهم ممتازة وربي ييسرها علي وعليكم
على فكرة انا مخطوبة تو ماتزوجت خخخخخخخخخخخخخخخخخخخخخخخخخخخخخخخخخخخخخخخخخخخخخخخخ

 

[تميمية(1)]

مس هارت... الله يجزاك خير... و المستشفى باين انه متعوب عليه ... لكن اتمنى احد يعين لي اسم طبيبة ممتازة لانهم ما شا الله احدعشر وحده !!!
شمعه و ثلج... تسلمين عالنصيحة و بالنسبة لدلة يمكن هي الخيار الثاني لولا بعدها شوي..
لوتية... الله يوفقك و يسعدك و تحملين و تولدين بالسلامة... بس لا تستعجلين على الحمل ... take your time
: )
لاحقة على التعب و المسؤولية...

 

[نزيف الورد]

مستشفى الملك خالد الجامعي والله رهييييييب وما عليه كلام أبد

 

[تميمية(1)]

شكرا لك نزيف الورد... بس الي اعرفه انهم ما يخيطون صح؟؟؟
و ممكن يدخلون على الي تولد اطباء متدربين...!!! اذكر على ايام امي جو الشباب بيدخلون... قامت امي هزأتهم!!!!
ما بقى الا هي على اخر ولادة يجيني اطباء يطلون و يخبصون : )
المهم هم استحوا و ما دخلوا بيض الله وجيههم : )
شكرا لك ما قصرتي

 

[مشاعل666]

لا والله مستشفى خالد سيئ سيئ سيئ

بنتي عندها شلل دماغي والسبب هم

المفروض كانو يولدوني قيصري

بس خلوني الى آخر لحظة لما البنت اختنقت وصار عندها

نقص اوكسجين

بس كانت خياطتهم مرة كويسة

اذا تبغي حكومي مدينة الملك فهد الطبية

رائعة رائعة بكل معنى الكلمة ولدت ولدي الثاني فيها

وكانت خياطتهم مررررة كويسة حتى زوجي حس بفرق

بين ولادتي الأولى والثاني ... بس روحي لهم وانت فيكي

طلق واذا قالوا روحي مستشفى ثاني ارفضي واقعدي

راح يدخلوكي على طول

وبالتوفيق والله يهون عليكي ان شاء الله

 

[تميمية(1)]

الف شكر يا مشاعل و الله يخلي لك بنتك و يشفيها و يعافيها يا رب...
انا بصراحة ما ناوية اولد بحكومي : (
ما تعجبني خدماتهم...
عموما المولد رب العالمين بس انا ابي مكان زين و مريح و ابي اهتمام و خياطة زينة : )

 

[انثىمخمليه]

حبيبتي انصحك بمستشفى دله والدكتوره اسمها ممتازة اظن انها باكستانيه لاتفوتك واطلبي منها خياطه تجميليه ,,,

والله اخواتي وصديقاتي عندها ومعليش مو مهم البعد اهم شي النفسيه قبل الولاده وبعد

واهلك لحقين عليك خخخخخخ ,,, الله يسهل عليك وعلى الجميع يارب..

 

[فيروز الكون]

رعايه الرياااااااااااااااااااااااااااض وبس روعه وقريب من بيت اهلي وهذا اهم شي

ولدت عند كيران روعه ولدت مرتين فيه روعه عناااااايه والخياط ممتاز والحمد لله

 

[AUDI]

اهلين تميميه ..
انا مثلك الان حامل وفي الاشهر الاول ومحتاره وين اروح !!!
ورحت مستشفى ابانمي عند د مي وهي اخصائيه والكشف 150
سويت كشف و تطمنت على وضع الجنين والحمد لله
ومميزاته ان هادي ومافيه زحمه وانا روح بدون مواعيد صحيح انتظر
لانه احيانا القسم يكون فاضي مافيه الا دكتور وانا ماابي رجل يكشف علي .. واخر مره رحت طلبت الدكتوره مي قالو طلعت عندها حاله وفيه استشاريه واستشاري والكشف 200 قلت معليش دخلوني عند الدكتوريه واعتقد انها هنديه لكن برضو طلعت !!!!!!
والممرضه جلست تتاسف وتقول ان طبيبات النساء عليهم طلب يروحون للطوارئ او تجي ولاده !!! وجلست شوي وجت الدكتوره مي وكشفت علي والحمد لله وكتبت لي تحاليل للحمل وفيه حاجه عجبتني انها تكشف على الحمل بالسونار في غرفه خاصه وورتني الجنين الله يحفظه ... لكن مايكون كشف اشعه مجرد تشييك على الوضع ونبض الجنين وتقول الشهر الجاي تسوين اشعه في قسم الاشعه ...
لكن هل استمر واتابع وتكون الولاده عندهم الى الان ماقررت !!!!
وانا مجربه م دله وطبعا مستشفى عريق زيه مافيه مجال للمقارنه لكن زحمتهم تسد النفس ووعندهم د ناديه الي الكل يمدحها خاصه في الخياطه انا ماجربتها لكن غيري مجربينها وهي روعه
والله يكتب الي فيه الخير ...

 

[سيمفونية الحزن]

ياعمري اولدي في اي مكان مايهم اهم شي توكل على الله واذا ودك تختارين اي مستشفى تبين تولدين صلي صلاة استخاره ان شاءالله راح تتوفقين

 

[تميمية(1)]

انثى مخملية ... الله يجزاك خير و يسهل امورك..
ممتازة اعرفها و العائلة كلها تولد عندها : )
بس انها مررررررررررررررة مضغوطة ... اختي هاليومين فاتحة ملف عندهم نصحها واحد يعرفونه بميساء و قال ممتازة خليها عنك.... من كثر الزحمة عليها..
اما على طاري البعد... المشكلة اننا نسوي استقبال في المستشفى و لازم امي و اختي يجون في كل وقت.... اذا صار بعيد امي ما تقدر صعب عليها... خاصة الضحى!!! ما شاالله على ربعنا من عشر الصبح ممكن يطبون عليك!!! و خمس العصر بعد عندك... ما فيه الا اخليها تنام عندي ... مسيكينة...
هلا بفيرووووووووووووووز....
الف شكر لك عالنصيحة ... خاصة انك عطيتيني اسم الطبيبة.... انا ثلاث ولايد كلها هناك و الحمد لله ممتازة .... بس الطبيبة الي ارتحت لها و خياطها كان من قلب اسمها ست وت هندية رااااااااااااحت : (
يالله دام هذي زينة ابدق عليهم و اشوف و ربك يسهل...
هلا و غلا AUDI
ربي يهون عليييييييييك و يكتب الي فيه الخير...
انا الحين في اول الخامس و انت؟؟؟ عارفة انا ودي اولد هناك لانه مرررررررررررة قريب... غير انه جديد فراح يصير داخل بقوة... عموما انا بسأل اكثر عنه و ان شا الله على بال ما يجي موعد الولادة احصل احد يعطيني خبر عنه... و ان شا الله افيدك..
اما عن المراجعات فأنا اراجع بمستوصف خاص و في التاسع اسحب ملفي ... يا شيخة انا تعذبيني اذا قلتي لي مواعيد مستشفى!!! ما احب الانتظار ابد ابد..
سيمفونية الحزن... يارب تصير الفرح عن قريب ( :
صدقتي و الله المولد رب العالمين ... بس انا ما تهمني الا ان نفسية الطبيبة تكون حلوة معاي و ترفع المعنويات ... بعدين الخياطة... الله يرحم ايام امهاتنا لا خياط و لا بطيييييييييييييخ من ثاني يوم تمشي و تروح و ترجع ما شا الله عليهم مو احنا اسبوعين متحرولين و حالتنا حالة... (المشكلة ما اجرؤ اطلب بدون توسيع اخاف اتوهق!!)
عموما جزاك الله خير على التذكير بالاستخارة ... الي مالي غناة عنها...
جزى الله خير كل من استقطع من وقته و رد علي... : )