||حبابيبي..لا تستهينوا في مساعدتي لأني والله محتاجة للمساعدة سعودية خطبني كويتي||

والله المشكلة مو في انه كويتي والا سعودي
وترى الكويت اخلاقهم زي السعودية اولاد ناس واخلاق ودين والحمدلله ليش خايفة من الكويتي ما يخوفون والنعم فيهم
بس المشكلة في ضرب ابوه له بس يالغلا
اسألي ليش ابوه يضربه؟ اش معنى هو يعني ينضرب علشان تكونين على بياض
تحياتي لك
 
وعموما عــادي سعوديه يتزوجها كويتي لأني والله حساسة وخايفة من نظرة المجتمع لي كيف سعودية تاخذ كويتي؟؟
أنقر للتوسيع...

حبيبتي عادي مررررا المهم اخلاقه ولاتفكري في كلام الناس ابدا لان انتي اللي بتتزوجي
وهذا قرارك انتي
و استخيري الله
وبعدين انا مابغى اخوفك بس انتي فكري بقلبك وعقلك يعني انتي تحبيه بس اهله مسيطرين عليه بشكل غير طبيعي
حبيبتي ادعي وصلي والله يختارلك الخير
 
استخيري اكثر من مرة

وعادي جدا سعودية تاخذ كويتي او العكس

مافي اي مشكلة كلنا اولاد حواء وآدم عليهم السلام
 
وعموما عــادي سعوديه يتزوجها كويتي لأني والله حساسة وخايفة من نظرة المجتمع لي كيف سعودية تاخذ كويتي؟؟[/QUOTE]
لييييييش ؟؟؟
شنوالعيب بالكويتي اللي يخليج اتخافين من نظرة المجتمع لج اذا تزوجتيه اهو ناقص شييييي؟!!
 
بارك الله فيكم خواتي وجزاكم الله ألف خير حبيباتي....

خواتي أنا أكلمه بشكل يومي...ودي أدخل على سلبياته حتى أعالجها قبل الزواج ...والله أني بأتزوجه حتى أني أعوضه الحنان اللي افتقده أيام طفولة وهو الحمدلله مهو متأثر بالبيئة اللي حوله...صحيح ينضرب ويلقى قساوة ومع هذا لا زل يبين لي أنه سعيد ومستانس....
ولا أخفيكم انه طور من شخصيتي ...وذاتي ...

لكن شلوووووووون أخليه ينسى الماضي وأعالج سلبيته؟؟؟
 
غدير الكويت قال:
وعموما عــادي سعوديه يتزوجها كويتي لأني والله حساسة وخايفة من نظرة المجتمع لي كيف سعودية تاخذ كويتي؟؟
أنقر للتوسيع...
لييييييش ؟؟؟
شنوالعيب بالكويتي اللي يخليج اتخافين من نظرة المجتمع لج اذا تزوجتيه اهو ناقص شييييي؟!![/QUOTE]

لا غلاتي...انا قصدي السعوديين نظرتهم على البنت إذا تزوجت من جنسية ثانية...
الكويت مثلنا مثل السعودية ما فيهم عيب أبد..لكن قصدي نظرة المجتمع على السعودية اللي تا خذ من خارج بلدها
 
استخيري واتوكلي على الله يابنت الحلال انا مابي اخوفك بس اخاف مايقدر يرد عنك الضرر لو أهله فكروا يأذونك على العموم حنا مانبي نستعجل ونفسر الامور بطريقه خاطئه إنتي استخيري والخيره فيما اختاره الله
 
ليش مستغربه الوضع إنه كويتي ياخذ سعوديه و غريب كلامج تقولين خايفه من نظرة المجتمع أي مجتمع الكويتي و لا السعودي .؟؟؟ إذا الكويتي إحنا ما عندنا مشكله في هالموضوع بالمره لأنة الغالبية منا لهم جذور في السعوديه و عادي و اخلاقنا وايد سياحيه :bleh:

أنا كويتيه و عيال عمي سعوديين و غالبية عيلتي في السعوديه يعني الموضوع احسه طبيعي بس ما أدري على نظرة المجتمع عندكم مع إني قريت ردود البنات إلي من السعوديه يقولون عادي ماكوا مشكله ؟!!

الموضوع يا الغاليه مو في جنسيته كثر ماهو في تعامل أهله معاه و السبب في الضرب ؟؟؟ و إذا تارك في نفسه أثر ؟؟؟ وهل عندج استعداد تشوفينه ينضرب جدامك و ما يكون لك أي موقف وما تستصغرينه ؟؟؟؟ يعني مو في لحظة غضب تقولين له إنت ما قدرت على أبوك جاي اطلع مراجلك علي !!! لأن الولد دامه بار ماراح يعق أبوه حتى لو أبوه كان عاق و يضرب بسبب و بدون سبب ..احتمال تشوفينه بشخصيتين شخصيه جدام أهله ما يرد لهم كلمه و لدرجه إنهم يضربونه و في البيت عندك بيكون ريال البيت له الكلمه و السطوة يعني ممكن يرفع صوته عليج و يتناجر معاج رجال عادي و ممكن تكون لكم مشاكل من نوع ثاني .. تتقبلين هالإزدواجيه بصدر رحب عندك هالمقدره .؟

و هذا ما يعيب الولد لكن يعيب إذا كان مأثر بنفسه ...؟؟ و يعيب إذا كنت ماراح تتحملين هالمعامله لي جدام ؟؟ هني الفرق ..؟:sad_1:

على كل استخيري و عرفي سبب الضرب و منو إلي قايل لك هالكلام إنه ينضرب هو نفسه ولا أحد ثاني في أشخاص يأثر فيهم الضرب و يكونون حساسيين لأقصى درجه و في ناس تضعف شخصيتهم و في إلي الضرب ممكن يخليهم شرسين و يطلع أسوأ ما فيهم و في إلي رحمة ربي غامرته و سبحانه يكون كاتب له من الضرب الأجر و بس .. يعني ماله انعكاس قوي على نفسيته .؟؟

تريثي بالموضوع و استخيري أكثر اختلاف الجنسيه مو مهم كثر نفسيته ؟؟

و ربي يكتب لك الخيره يارب
 
مشكورة أختي معشوقــة...والحقيقة أنه حساس جدا ...وطيب...
والضرب أنا ارى انه ما أثر فيه ..لأنه يفضفض كل اللي بقلبه لي ...كل شيء يقوله لي...
وأنا ابيه يعيش معاي حياة سعيده...وأعوضه كل هذا
 
بس لازم اتعرفين ليش ابوه يضربه ويسيء معاملته وبعد لازم اتعرفين عن اهله أكثر يمكن عدوانيين وما يتعاشرون
ديري بالج حبيبتي وسئلي عنهم زيييين وبعد شوفي اشلون تعاملهم مع الناس أخاف باجر يعاملونج نفس طريقة ولدهم وتأكدي اذا هو مو متزوج قبل
 
هلا خيتو منورة والله...
لا..لا هو مو متزوج من قبل....عمره 21 سنه...ويدرس باقي له سنتين ويخلص
 
حبيبتي نسو صدقيني طلما اهل رافضين :thumbdown:لا تووووووووافقين ابدا لان حياتك بتصير كلها توتر بتوتر:cupidarrow:
ومهما بعد عن اهله مصيره يرجعلهم وطالما هما رافضين حيضلو وراه الين يتزوج غيرك
عشان كذا ريحي نفسك من اولها وافضلك تاخذي واحد هو واهله متفقين عليك اي تكوني مقبوله من الجهتين وهذا في
الاو ل والاخر وجهة نضري ولك مطلق الحريه بقرارك

((( زوجه بلا زوووووووووج)))
 
يا اختي حتى لو كان سعودي و ساكن جنب بيتك .. هذا لا يصلح زوج ..

ابوه يضربه ؟؟ ما عنده شخصيه ؟؟ كيف يقبل على نفسه ؟؟ كيف راح يربي اولاده و هو يلقى هذه المعامله القاسيه من والده و الام مهمشه ليس لها دووور حتى في الدفاع عن ابنها ؟؟

لا توافقي يا اختي فهذا لن يسعدك ابدا .. اتركي عنك المثاليات انك تحبيه وان مستعده تحميه و تبعديه عن اهله

ومدري ايش ..

لا توافقي ..وان شاء الله نصيبك جاااي لا تستعجلي ..
 
مو ذنبه يوم ان ابوه ظالمه و ما مخليه يعيش حياته مثل ما يكون ..
انتي تتخلين عنه وغيرك يقول نفس الشي .. شيسوي يعني يقتل نفسه عشان ابوه ظالمه ...؟؟
انا اشوف لو راضين بأخلاقه ودينه تزوجيه وتوكلي على الله ..بس استوقفتني كلماتك لما قلتي
انا سعوديه وهو كويتي و نظرة المجتمع .. لو من الحين تطالعين الكل بتعالي ما بتتوفقين بحياتك
وكلنا اولا ادم وحواء ياريت تركزين على هالنقطة لأن بجد تضايقت من هالكلام ..
يعني لما تاخذي كويتي بتصيري منبوذه من المجتمع ..؟ رغم اني مو كويتيه بس حز في خاطري هالتعالي
 
تقولين انه كان متزوج !! ليش طلق زوجته الاولى ؟؟ يمكن يكون السبب في شخصيته هو ,, لازم تعرفين

الشي الثاني : اذا تزوجتي لا تفكرين تغيرين من شخصيته ,, لان لكل شخص شخصيه ,, لازم تتقبلينه زي ما هو ,, يعني شخصيته اللي انت شايفتها الحين ,, هي شخصيته ,, لا تقولين بغير فيه واعدل ,, انتهبي

تأكدي من اهله اسألي زين ,, ليش يضربه ابوه ,,, كيف كان وضعه الدراسي ... كيف وضعه في عمله اذا يشتغل ,, كل هذه اشياء تدل على شخصيته ,,

يمكن يكون ضعيف وشخصيته مهزوزة قدام الناس ,, واذا كان كذا رح تتعبين كثير لان صعب جدا الوحدة تكون شخصيتها اقوى من زوجها ,, ما رح تحس الزوجة بالامان

في الاخير : انا لو كنت مكانك وخطبني واحد وعرفت انه ينضرب وهو رجال ,, بصراحة ما رح اتزوجه

اهم شي استخيري وفكري زييييييييييين

والله يوفقك ويكتبلك اللي فيه الخير
 
لا..لا يا أختي هو 21سنة ماقد تزوج قبل....لكن شيسوي هذا أبوه...مايقدر عليه ...
وبيني وبينك احس انه يرتاح معي...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل