حايرة ....ساعدوني

ا

الاماني

New member
إنضم
2007/04/18
المشاركات
20
سلام عليكم بنات هذه اول مره اشارك عندكم و عندي مشكله مالها حل و ان شاء لله تساعدوني الاقي الحل ....
موضوعي و من الاول
انا كنت احب انسان و هو يحبني فاتقدم الولد مع والدته و اخوانه و خطبني و عقدنا و تزوجني عشان يحبني و الحمدلله الامور مشت
بس .... المشكله انه خواته و اهله مايحسبون لي احساب ماحسهم يحبوني و كله امه تكلمني علا زوجت اخوه الثانيه مع انه زوجت اخو لاهي جميله ولا مخلصه ابتدائي وانا حمدلله مستواي الدراسي باني طالبه طب و متعلمه واهلي ناس متعلمين و علا فكره زوجي اماراتي بس انا خليجيه مو من الامارات
المهم .... انا اضايق اهله حتى ماسولي حفله عقد ولا يسالون عني ولا حتى يهتمون احس نفسي مااسوا شي مع انه زوجي يقولي مالج شغل فيهم و علاقته معاهم من الاول مب قويه ولايهتم لهم
وشي الثاني ريلي كله احسه يخش عني تخيلو دوم يمسح ارقام تلونات و المسجات الي تجيله حتى مسجاتي مممم معى انه اول كان هو بكل صراحه راعي بنات و سوالف و بصراحه دوم اشك فيه و يقولي بنات يطرشولي و من هالسوالف بس الحين احسه يبي يتغير و احنا عرسنا ان شاء لله بشهر 8 يقولون اهله ماله داعي تسوين حفله لان محد بيحضر لان ابوه مب راضي علا زواجكم و انا اهلي مستحيل بوافقون بدون حفله شسوي حايره تكفون ساعدوني
 
السلام عليكم ورحمة الله وبركاته

اختي العزيزه اعلمي انه ما فيه حلاوه الا بعد مراره يعني تحتاجين لشوية تعب ومجهود عشان تحصلين اللي تريدين
الله يسخر لنا ولك ازواجنا واهاليهم
واضح من كلامك غيرت اهل زوجك منك اولا لانه ولدهم مو مهتم بهم ومو معطيهم وجه وحسو انه مهتم فيك انتي وثانيا يمكن عشان مستواك الجمالي والتعليمي ويمكن المادي افضل منهم عشان كذا يغارون,,,,,,
خذيها مني قاعده في بالك اذا ماحبوك اهل زوجك ماراح ترتاحين في حياتك وبيكون فيها من النكد والتنغيص الكثير وحتى لو كان زوجك عسل
نصيحتي .............اكسبيهم
كيف تكسبينهم؟؟
اسألي عنهم انتي
اضحكي في وجيههم باستمرار حتى لو مقهوره منهم
امدحيهم قدام زوجك عشان يوصل لهم المعلومات الطيبه حتى لو الصفات الي مدحتيهم بها مو موجوده فيهم
اهديهم وخاصه امه
ارسلي لهم اكلات مع زوجك والكثير الكثير من الافكار الي تحبب الناس في بعض
وزوجك مادام ما شفتي شي بعينك لاتخلين الشك يقتل حياتك
 
عزيزتي نسيت اقول لك
لاتتباهين بمسواك التعليمي وثقافتك امامهم .........تواضعي لهم ........وانزلي لمستواهم
اذا مستواهم اقل منك
وحاولي تشركينهم معك في اهتماماتك يعني مثلا اذا طالعه للكوافير او نادي او اي شي مري خذي وحده ولا ثنتين من خواته
شوفي وشي يهتمون فيه وقدميه لهم كهديه
واخيرا.........لاتبالغين في زينتك وكشختك لما تروحين لهم
يعني خليك طبيعيه نوعا ما
 
اختي حاولي تتقربي من اهله اكثر صحيح انتو بعدكم ما عرستوا لكن حاولي تسايري حال اهله وتتقربي منهم يمكن لانك غريبة ومن بلد ثانيه هم متضايقين وكانوا يريدوا ولدهم يتزوج من بلدهم لكن اصبري وعسى الله يفرجها عليك ومن ناحيه الفرح سويوا فرح واذا هم يريدوا يحضروا حياهم واذا لا سويوا الفرح وتوكلوا على الله معك اهلك وخليهم هم
 
نصيحتي لك دامك ببر الامان دامهم مب راضين فيك قبل لاتروحين لهم كيف لو صرتي عندهم

اختي الله يعوضك خيرا منه

استخيري ثم استخيري ان كان زواجك منه خير ام لا

وما خاب من استخار الخالق
 
طيب انا راح اسوي عرس و اه بس راح تحضر و زوجات اخوانه بس خواته ماراح يحضرون مممم طيب انا اذا ماحضرو خواته و ابوه بعاند معاهم واحرمهم من اعيالهممم لان همممم حرمو يحضرون عرسي مابي اكرهم او احقدهم عليهم ابي اتقرب منهم وو ابوه
ابوه افكر ازورهم بالبيت و اتعرف علا ابوه و احاول اكسبه
بس شلون اكسبه وووو اغير نظرته خبروني
 
اختي بدون زعل احس انك دايما تقولي بكلامك انا مستواي واهلي غير وهم غير

هم لما يلاحظون هشي فيج اكيد ما راح يفتحون معاج اي حديث ويتقربون منج .

وثاني شي الحفلات مالها داعي اهم شي يكون زواجكم زواج حلو وتكونون سعيدين

وزوجك دام اختارج وحبج خلاص ما يهمج لا ناس ولا هلج ولا هله هذي حياتكم انتو ثنينه

انتي اكسبي اهله وحبيبهم وكلمي اخوات زوجك بكلام طيب وقولي العرس بلاكم مب حلو واتمنى اشوفكم
تفرحون لاخوكم ومن هكلام تقربي منهم وشووفي كيف بعاملوونج بطيب .

وان شاء الله تفروح والله يبارك لكم بزواج
 
هلا اختي لا تزعلين من كلامي انا انصحج صلي اكثرمن مره استخاره (في السماء رزقكم وماتعلمون) الله يعينج لو كان ريلج امغازلجي اسميج بجاهدين وفرق الدراااااااااااااااااااسه اذا عنده علاقات صعب يهتدي بعد العرس هذي تجربه عشناها ولين الحين مانقدر نتكلم.............
 
اختي الاماني
طبيعي اهله ما يميلولك لانه ما موافقين عليك من البديه ولانه ولدهم ما مهتم به وعلاقته بهم مبلهناك واللي ما فيه خير لأهله ما فيه خير لناس بس انتي اول شي لازم تسويه تحسني علاقته مع أهله وعرفي أبعاد المشكله بينه وبين أهله ولا تذكري الفروق بينك وبين زوجة أخوه لأن في واااايد ناس ما عندهم من العلم الا الشي اليسير وما يملكون من الكنوز الا القناعة بس أملكوا بطيبهم وخبرتهم في الحياه قلوب الناس أنا ما أنكر دور الشهاده والعلم بس من تواضع لله رفعه وعسى ربي يسهل أمرك لا تزعلين هذه الصراحه وكلمي ريلك وشوفي رده
ودمتي بخير
 
تسلم اختي
تدرين بالعكس اهله و خواته يحبوني و امه وايد تعزني بس هووو حاط فارق بيني و بينهم مايبيني احتك فيهم
يقول وراهم مشاكل ولله امه صار لها 3 ايام تتوسل تقول تعالو عندي زوروني بس هو مب راضي
 
أختي الاماني دايما حاولي دايما تذكريه بأهله مايصير مقاطع أهله نبهيه ان نفس الشي عياله بيقاطعوه والجزاء من جنس العمل إذا هو يحبك بيطيع شورك إلا قطيعة الاهل أخذيها نصيحه حاولي دايما تطمني ع أهله
وافينا بعلومك الطيبه
 
تسلمين حبيبتي
ولله اليوم امه سكينه عزمتنا علا غدا ان و هو بس هو ماطاع يروح مايبي يقول خلنا بعيدين عن الاهل و سوالفهم ههه بصراحه انا ماحب كذا ابي اكون قريبه من اهله بس هو مدري وش فيه
 
الله يسلمك ويسلم غاليك
حبيبتي حاولي تفهمي منه ليش ينصحك بالابتعاد عن أهله قوليله اني مامستعده انعزل عن اهلك لان اهلي اهلك مايصير كذيه واصري عليه ليش ماخذ موقف من أهله
ودمتي بعافيه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل