حان الاوان لعرض مشكلتي

الله يكون في عونك الاخوات ماقصروا
 
هلا بيك حبيبتي
الله يكون في عونك في هذه المعاناه
بس انا افضل انك لا تجيبي خدامه عل البيت
و انا اقولك ان اليي بيتعب في بدايه حياتو يرتاح بعدها و هذه فتره معينه و حا ترووح
 
هلا بيك حبيبتي
الله يكون في عونك في هذه المعاناه
بس انا افضل انك لا تجيبي خدامه عل البيت
و انا اقولك ان اليي بيتعب في بدايه حياتو يرتاح بعدها و هذه فتره معينه و حا ترووح ​
 
الله يعينك هذه هي الحياه بالذات اذا فيه اطفال حاولي تنظمي حملك

وابعدي كل البعد عن الخادمه لانهم السبب في دمار البيوت
 
الله يكون في عونك
بس اقترح عليك زي ماقالوا البنات
أول شي الاستغفار والذكر تبارك بالوقت والشغل
وثانيا جدول لتنظيم اعمالك المنزلية أنا جربته شخصيا وارتحت
 
ربي يعطيكم العافيه ويريح قلب كل وحدة ردت علي والحمدلله انشالله بسوي تنظيم وانشالله ارتاح شوي
 
زي ما قالوا البلقسيات وازيد علية اذا ولدتي استخدمي حبوب منع الحمل على ايش العجلة في الانجاب اذا ربك سبحانة حدد سنتين الرضاعة حتى تقدرين تربين طفلك كويس وجسمك ياْخذ حقة انتبيهي لنفسك
 
ما راح اقول جيبي خدامه لكن اذا لقيتي عند وحده تمونين عليها خدامه اطلبيها ,,,,,,واذا ما لقيتي ما هي مشكلة
هوني الأمور بتهون ....وصعبيها تصعب يعني ريحي بالك ولا تسوين شئ فوق طاقتك واذا اتهمك بالتقصير
في جلسة هادئة امسكيه واشرحي له اعمالك من يوم تقومين وقولي انا ماني زعلانه انا احتاج فقط كلام ثناء واحساس ترى الرجال ما يدرون يفكرون انها سهله وترى احسلك تعودينه يساعدك في بعض الأشياء عشان ما يتذمر
قصدي اشغليه ....وحسسيه دائما ان ما تفعلينه ليس قليلا ,,,,ترى حتى الآلآت تتعب اذا استهلكت فما بالك انتي بشر
يعني لا تخلينه يقف متفرج وانتي تتعبين واذا جاء وقت !!!!!!!!!!! يبيك رايقة
 
شكرا حبايب قلبي وكلعادة ما بتقصروا ربي يسعدكم في الدنيا وبالاخرة
 
الله يهداج انتي صغيره ليش تحملين ورا بعض اكيد بتتعبين و بتنسين نفسج و تندثرين مع العيال و شغل البيت ما شاء الله عليج . . . ريحي نفسج شوي الله يكون بعونج و يسهل عليج و بس لا تحملين بعد اوقفي عشان تعرفين تعطين كل بيبي حقه من حب و حنان و رعايه
 
ممكن اعرف شو وصية رسولنا الكريم لابنته فاطمة
أنقر للتوسيع...


الله يكون بعونك اختي

وصية الرسول صلى الله عليه وآلة وسلم هي

وراء كل فريضة مباشرة وانت جالسة على سجادة الصلاة

تقولين على عدد الخطوط اللي في اصابع يدك الثنتين

الله اكبر ..34 مرة
سبحان الله ...33 مرة
الحمد لله ...33 مرة

وهي عليها سلام الله (فاطمة الزهراء) كانت تشكو تعبها من تربية الامامين الحسن والحسين عليهم السلام وشغل البيت

فقال لها ..عليك بهذه التسبيحة ...وتمسى تسبيحة الزهراء

وبعدين غالبا في بداية الحياة الزوجية فيها شوي تعب

لان يكونون الاطفال ورا بعض

لكن انت ما شاء الله تبارك الله ...الظاهر ما كنت تاخذي احتياطك في موانع الحمل

بعد ولادتك بالسلامة يا بنتي ...خذي حذرك جيد

اليوم زوجك راح يصبر ويستحمل

بعدين راح يمل من انشغالك عنه ...وعدم قدرتك على ادارة بيتك واولادك

وربي يعينك
 
حبيبتي إنت بعدج صغيرة. ليش مش منظمة حملج؟ المفروض إنج اتخلين فترة سنة و نص تقريباً من بعد كل ولادة عشان تحملين. لو متزوجة كبيرة بنقول احملي لان ما في وقت بس إنت صغيرة و العيال يبالهم طاقة و قوة و ميزانية عشان تقدرين اتربينهم تربية صالحة. لكن ألحين ما أقدر أقول غير الله يتمملج على خير و يحفظلج بناتج. حاولي اتكثرين من التسبيج و الاستغفار لأتهم يخففون وايد على الحرمة و أهم شي اهتمي بنفسج و بصحتج لأنج بعدج صغيرة. بس المرة الياية حاولي اتأخرين الحمل 3 سنوات عشان جسمج يرتاح و تتفرغين لبيتج صح.و إذا أصر زوجج قولي ما أقدر أسوي كل الشغل بروحي . وفرلي خدامة أو اصبر ترانا صغار و الدنيا بعدها جادمنا خلنا نستانس مع بعض فترة و بعدين انكبر العايلة..

و بالتوفيق...........
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل