حامل و و ابي وزني ينقص

[جنة أهلي]

مشكلتي أني حامل الحين ,قبل ما أتزوج و احمل بنتي الاولى كان وزني 47 كيلو بس بعد ما حملت كل الناس يقولون لي :اكلي أنتي الحين تاكلين لاثنين .و فعلا طحت على الاكل:essen: و صرت متينه كثير و قررت بعد ما اولد اسوي ريجيم و رياضه ,بس كانت المفاجاة انه بعد ولادتي وزني صار76كيلو:icon1366:.
و سويت كذا نضام غذائي و ما نفع,و الحين انا حامل بالثاني ,و وزني زاد الا الان 9 كيلو مع انه الحين انا بشهر الثاني. و الي مجنني انه انا ولدت بنتي الاولى طبيعي بس كرشي كبيير كأن عندي عشر اطفال,و فوق هذا معدتي كبييرة و بارزة بشكل مقرف لدرجة انه صرت البس ملابس حوامل حتى قبل ما احمل علشان استر على نفسي .ساعدوني الله يخليكم لانه بنفجر ومن الهم و الحزن .:icon1366:

 

[شوق الروح]

حبيبتي ما أعتقد في أي دكتور أو خبير تغذيه ممكن ايساعدج على تخفيف الوزن في فترة الحمل..الحل الوحيد انج اتحافظين على أكلج وتحرصين إنه مغذي بس مو فوق الحد..وموفقه إن شاءالله ودمتي بود

 

[بنت الرمال]

الله يعينك والله فعلا زياده واااجد اهم شي تنظمين اكلك في وقته وبلاش من الحلويات والمكسرات والمقالي بانواعها واهم شي الجنك فود بانواعه تركزين على الخضار والفواكه والحليب واللبن والزبادي مهم جدا والاجبان بس الجبن الابيض احسن من الاجبان السائله والله يكون في عونك واهم شي بعد الولاده لاااااااااااااااااازم رجيم ومن الحين هياي نفسك انه راح تسوين رجيم لما ربي يقومك بالسلامه ان شاء الله

 

[00يارب اهديه00]

داخله ابكتب في هالموضوع00لقيته قدامي00

جزاك الله خير00

انا كان وزني54والان64وماادري باوصل لوين00

ماادري هل الشاي الاخضر ينفع بحالتنا00

 

[uaewoman]

اختي انصحك تعملي ريجيم الحوامل و انك تمشين كل يوم 30 او 40 دقيقة.. كثري من شرب الماء بكمية ليترين او اكثر.. كلي سلطات و فواكه.. و ابتعدي عن المقالي و الرز و الخبز و المعكرونة بالليل.. خليهم بس وقت الغداء بكمية شريحتين توست او كوب شاي معكرونة مطبوخة او رز مطبوخ.. و اشربي منتجات الالبان بكمية 3 اكواب باليوم... اتمنى لك التوفيق..

 

[هدب العين]

والله انا كنت زيك قلت باحاول احافض على وزني وانا حامل بس
لقيت نفسي ازيد من غير ماحس الين وصل وزني الدبل مع اني
كنت اكل والحرقان يشتغل علية ..............

بس حاولي تخففين اكلك عشان ماتعانين زيي بعد الولادة ؟؟
والله يتمم لك حملك وولادتك

 

[أسيرة زوجي]

هلا حبوبة رجيم وحمل مااعتقد فيه علشان صحتج وصحه البيبي حاولي تخففين والله يسهل عليج حملج ان شاء الله

 

[شقحاء العرب]

شوفي حبيبتي انا مثلك في ولدي الاول زاد وزني (15)كيلو بعد الولاده حاولت انحف بس ماصار وبعد اكل حبوب منع الحمل زاد وزني اكثر حوالي(7)كيلو يعني سمنت اكثر من (20)كيلو ولما حملت بثاني قلت لامش معقوله اسمن بعد(20)كيلو زياده بس قلت بخربها ونا حامل والنفسيه تعبانه ووحم وبسوي حميه شديده وسويت ولي ساعدني في ذالك قالولي الاطباء احتمال فيك سكر وبوم ورا يوم لين ولدة واكتشفت اني ناحفه(15)كيلو بس بعد النفاس ومع حبوب منع الحمل رجع وزني زاد وكامك ياابو زيد ماغزيت والحين صر وزني فوق (100)كيلو

 

[سفيرة الحلم]

بدك تضعفي انا بساعدك ان شاء الله لاني ضعفتواناحامل.........
ايش دايما اللي يتخن خلينا نكون صريحات مع أنفسنا ,
الرز المكرونه-البطاطس الحلويات الصودا بصوره عامة .
افطري البان اجبان مع عيش بر ,الغدا الخضار اللي انت طابختها لبيتك كلي منها مع اللحم او الدجاج واشبعي سلطة
والعشاء فواكه واجبان وخيار للشبع .كدا اخذت كامل الفيتامين
وابتعدت عن كل اللي يتخن والناقص من الدهون جسمك بياخذه
من المخزون عنده

 

[أ.ندى الجدعاني]

جبيبتى

الان انت في مرحله حرجه ...


لكن ممكن انصحك .. نصيحه ..

ابتعدى عن المقليات والحلويات

وركزى على الفواكه والخضار بالاضافه الى اللحوم .. ونسبه معقوله من الكربوهيات (الارز والخبر )


وموفقه الحمد الله على سلامتك مقدما ...​