معلومات دموع الـورد
- إنضم
- 7 أبريل 2009
- المشاركات
- 21
- مستوى التفاعل
- 0
- النقاط
- 0
حامل هل اجهض الجنين واطلب الطلاق ؟! محتاجه ارائكم الحكيمه أخواتي
السلام عليكم ورحمة الله وبركاته ..مبارك عليكم الشهر جعلنا الله وإياكم من صوامه وقوامه .. أنا متزوجه من 3شهور وعشرين يوم وحامل بالشهر الأول مشكلتي زوجي من ثاني اسبوع يسهر ويتركني بروحي بالبيت أحياناً يجئ الساعه 3 او 4 وأحياناً الساعه 7 الصبح كل يوم لازم تصير مشكله بيننا بسبب السهر وابتعاده عني وانا توني عروس ماتهنيت مثل باقي البنات وبالفتره الأخيره صار يتمادى وينام بالاستراحه ويتركني بالشقه حتى لمااكون تعبانه ومرتفعه حرارتي مايهتم وينام برى ولايتصل ولايرسل يتطمئن علي وايام الويكند يتركني عند اهلي على اساس بيجئ يأخذني الصباح ويسحب علي ويخليني عندهم 3 او 4 أيام يا مايرد علي أو يقول لي مافيني حيل اجيك بنام بالاستراحه شكيت انو بالاستراحه فيها شئ مااعرفه ؟!مثلاً يسكر وعشان كذا ينام هناك ولايجيني الا بعد يوم كامل لدرجه أحياناً ينام ساعتين ويطلع للدوام ويبدل ملابسه ويطلع برى وماينام الا الساعه 4 الصبح شو السبب اللي يخليه يضحي بالنوم عشانه وأحياناً يروح للدوام وينام طول اليوم لحد اليوم الثاني دائماً يكذب علي ويوعدني باأشياء ولاينفذها لي و يغرقني بكلام الحب بس عشان يسكتني ولااعاتبه قبل فتره كان نايم وشفت معه جهاز جديد وبحثت بالأرقام وحصلت ارقام بنات وحده لها كذا رقم ومسجلها باأسم بسومتي و( تؤام روحي ) , باسمه ( صدري ) وهالكلمتين دائماً يقولهم لي,, لماصحى قبل مايروح للدوام واجهته أنكر قال هالجهاز لصديقي العريس وهو اخذ جهازي لان فيه برنامج تحديد المواقع يحتاجه بالسفر وارقامه اختلطت باارقامي ولو بخونك بقولك ويحلف لي ويدعي على نفسه بالموت لو له علاقه بالأرقام هذي والمشكله هي متزوجه وشكيت انها زوجه صديقه والرقم فعلاً له بس عرفت اسم زوجها وكل بياناتها حسبي الله عليها هالخاينه وللحين شاكه فيه وماعندي دليل ورفض يعطيني جهازه الثاني اشوف ارقامه حتى اتأكد يقولي انا مو طفل؟! قبل أسبوع تقريبا الساعه 1 كنت راجعه من اهله قالي عندي شغله ضروريه مع واحد بأخذ فلوسي منه واجيك ماراح أتاخر عليك ولاتنامي قلت له تعبانه وامس مانمت زين بنام قالي لا تنامين بصحيك ترى انتظرته لحد الساعه 7 الصباح وماجاء وحصلت ماأخذ لبس الدوام ومخطط ينام برى من قبل انقهرت ليه يخليني انتظره كأن قالي نامي وارتاحي وكنت قبل مهددته اذا نام برى بطلب الطلاق وبدخل اهلي بالموضوع توقعته بيخاف بس ماهميته دقيت عليه الظهر وطلبت منه يوديني لااهلي وأخذني وعصب من طلبي ولااعتذر وتهاوشنا بالسياره ولحد الان مااتصل ولاارسل عنده كبرياء ودائماً انا اللي اتنازل إذا زعلت وجلست عند أهلي وارجع له وهو على نفس وضعه مايتغيرأختي سألت شخص عنه وقال لها انه بزرنجي يعني لوطي ومشهور بالمنطقه بس اقول يمكن يكون الكلام اللي سمعته عنه موصحيح و ماعندي دليل بس تذكرت قبل فتره اثناء الجماع طلب ادخال العضو بالدبر معليش على جراءتي بس مضطره اوضح هالشئ وبحثت وحصلت انه من علامات الشاذ الموجب هو بالعلاقه الخاصه عنده مشكله بالانتصاب وسرعة القذف ومايهتم بهالشئ كنت اقول يمكن من التدخين هو السبب بس الحين شكيت فيه واللي خوفني أكثر مو محافظ على صلاته ومايصلي بالمسجد وإذا نام عندي ينام أغلب اليوم وأذا صحى يجمع الصلوات وأحيانا يصحى ويجلس يأكل وبعدين يصلي ومااحس قريب من ربي والحين محتاره اهلي يضغطوا علي عشان أجهض الجنين واطلب الطلاق ؟!محتاجه أرئكم الحكيمه بمشكلتي وفقكم الله وأسعدكم في الدارين
اسم الموضوع : حامل هل اجهض الجنين واطلب الطلاق ؟! محتاجه ارائكم الحكيمه أخواتي
|
المصدر : الأستشارات الزوجية العامة