حامل بالشهر الثالث خايفه

[حلآوه]

سلآلآم عليييكم




بنـات قولولي اناا حامل بالشهر الثالث بس مااحس بحركت الجنين ولا متى يتحرك ..؟


اغلب شي


واكثر شي بطني يألمني مدري وش الحل

 

[ملاك 88]

هلا اختي ......اذا انتي بشهر الثالث لاتحاتين شي طبيعي .. من الشهر الاول والثاني والثالث أغلب شي دقات القلب تتحرك ...........وعلى حسب الياهل وأغلب شي تحسين بحركة الياهل نص الرابع والخامس والخ.........

سبب الم ف بطنج شي عادي لان البطن يكبر والجلد يتمدد ..نصيحتي كل يوم فليل دهني بطنج وجسمج كلة ف زيت زيتون طبيعي .صدقيني انتي حامل ماراح يبين شي واذا مادهنتي بعد الولادة اللة لايراويج كل جسمج في خطوط بذات بطنج والارداف وصدرج .وفي زيت ثاني اسمة زيت اللوز هذا مافي ريحة .بس حاسبي وانتي ادهنين لاتضغطين ع بطنج كوني ناعمة اشوي شوي حركات خفيفة ................ وانتي راجعي الدكتورة احسن عسب يطمن قلبج ..

 

[sosoooo]

يابعد عمررررري بدررررري تحسين بالحركه ماراح تحسين غير على الخامس ونهاية الرابع
ولاحقه ان شاءالله على الترفيس والتشووووويت ههههه
والالم بالبطن طبيعي اغلب الحوامل يجيهم الالم ......

 

[ام الشيخ الصغير]

عادي عادي ....... انا لما كنت حامل ماحسيت بحركه الجنين الى بالسادس .....
وتقول الدكتوره جدا طبيعي لان بعض النساء يكون سماكه البطن والرحم والحاجات سميكه فماتحسين بسرعه .......

فعادي لاتخافي وعلى قولتهم لااااااااااااااااااحقه على الترفيس ياحلوه

 

[حلآوه]

مشكووووورين عطرتو صفحتي بتواجدكم

 

[عهووووود]

هلااا حلاوة نفس التساؤلات اللي تيني بس انتي اختصرتي علي وكتبتي الموضوع ههههههه والبنات ما قصرن

بس ضحكتيني سوسوو ههههههههههه تشويييت هههههه حلوة

 

[محرومه من زوجي]

بدري ياقلبي
تبين في نهايه الرابع او الخامس

 

[شكولاه]

حبيبتي حركة الجنين انا ماحسيت فيها الا لما دخلت الخامس

بس تراها مرررره تخوف لما تحسينها اول مره وراح تاخذين فتره على ما تتعودين عليها انا لغايه ذحين مني قادرة اتعود عليها

ويفجعني لما يتحرك بقوه

بس الالم في البطن روحي سوي تحليل للبول عشان تتطمني انه باذن الله مافي التهاب في البول
وهو ترى غالبا سببه النمو السريع للجنين ولآننا بكريات الجسم قاعد يتعود علر هذا الثقل بس برضه روحي حللي عشان تتطمنين
لانه ممكن يكون التهاب واحسن لو تعالجينه من بدري

الله يتمم لك على خير

 

[الدلع كله_23]

انا بعد حامل بالبكر والحمد لله وصلت التاسع وفعلا الحركه القوينه حسيتها من بعد الخامس
وآلام البطن عاديه انا كنت احس فيها ولما سالت قالو لي انها طبيعيه بسبب التغيرات اللي اتصير فجسم الام
من تمدد وتغير حجم الرحم وغيرها ...
وعشان تتأكدين ياقمر اسألي الطبيبه اللي اتراجعين عندها احسن

 

[*ملكة الحب*]

حبيبتي لاحقه على المعارك

بدري عليك

 

[هند بنت عتبة]

حبيبتي الالم طبيعي انا الحين بدخل الخامس ولي الحين فيني الم بس اخف من قبل

وحركة الياهل تحسينه بالخامس وساعات بالسادس