حالتي بالنازل ساعدوووني

[آستغفرالله1]

السلام عليكم

بنآت انا انسانه احس من امس كل شي فيني متكسر
ولالي خلق شي تعبانه من داخلي

قبل امس جا خطيبي( مملكه عليه )زارني وبالبدايه اوكيه الوضع
وبعدين قلب عشان اسلوبي انا مااعطيه اهتمام كافي وشوي جلفه بالكلام
وهو تنرفز وقالي قومي برا الغرفه ونادي اخوك وباين الانسان اللي من داخل مقهور
وانا ماقدرت اطلع وهو زعلان وقلتله ماراح اطلع وانت زعلان وهالشي عصبه اكثر
واكثر وبدا يدخن قدامي سجاره ورا سجاره لحد ماطلع من عندي وهو زعلان بعد
ودق وهزأني ويسب سب مو طبيعي يقول اصلا انا ماهضمتك من زمان بس صابر وساكت
وبعدين هدا صوته وتعوذ من الشيطان وقفل الخط انا انصدمت والصباح راسلي مسج عتب
والظهر راسلي انتي غاليه عندي ليه خليتيني ازعل واقول كلام المفروض ماقوله
وكلمني بعدين قالي انا من زمان وانا اقولك هالاسلوب ماحبه وانا زوجك مو اي احد
وحذرتك من زمان والحين هذا زرعك اللي زرعتيه تحملي ولو بموت ابغى اسمع صوتك ماراح ادق ولانتظرين مني اتصال وسكر زواجي باقيله اربع شهور وانا مقدر اعيش هالوقت بدونه
حتى مالي نفس اقضي زي العرايس رجعت دقيت مارد وارسلتله تعالي بكرا ارسلي لاواخر مره ارد ع رسايلك
بعدها ارسلت ليه تسوي كذا وانت ماتعرف انت ايش بالنسبه لي واذا تعزني لاتخلي هالوضع
يطول بيننا راسلتها من الظهر وللان مارد علي ولاعبرني
اخوي كان عنده العصر يقولي يسولف معاي وعادي ماكأن بينكم شي
انا علمت اخوي بس لاني انا وزوجي مخططين نطلع نتقهوى سوا من زمان وناخذ اخوي الصغير فبعد المشكله قلت فرصه اطلع معاه والطف الجو بينا ف اخوي رفض تشوفون هالشي صح اخرج معاه بهالوقت حلو لي والا لا
وكيف اتعامل معاه تكفووون ساعدوني مالي غيركم والله زي اخواتي انصحوني وشورا علي
مع العلم ان زوجي شمالي اظن غربي

 

[دانة الشام]

اطلبي من أخيك أن يتصل به ويعزمه على الخروج معا لمكان ما لوحدهما لايأتي على ذكرك نهائيا .. ليقول له: أريدك في موضوع مثلا شخصي بيني وبينك .. واذهبي مع أخيك ولتكن مفاجأة له .. اكتبي له رسالة قصيرة فيها اعتذار لبق وكلمات حبّ ودلع .. واعطيه له في ظرف أنيق عليه بضع قطرات من عطرك الشخصي ..وانتبهي لتصرفاتك وأسلوبك .. لاتتنازلي عن أنوثتك أمام خطيبك .. ربي يهنيكي بحياتك ويختار لك الخير.

 

[عطريه]

لاتدقين ولا ترسلين اثقل وخليك كأنك زعلانه حتى لو كلم تكلمي بثقل ماينفع مع الشمالي الا كذا

 

[آستغفرالله1]

استغفر الله الذي لااله الا هو الحي القيوم واتوب اليه

 

[الدنيا دنيئة]

والله انا اقترح تصبرين شوي لين مايهدي بعد كم يوم لاتتعدى الاسبوع تعملين الي قالت عليه دانة الشام الله يسعدك و تر اللحظات الحلوه ماتدوم وحلاتها كدا مره كدا ومره كدا لاتشيلين بخاطرك كربه ومصيرها تزول

 

[آستغفرالله1]

بس هو حلف انه مايدق هالشي مخوفني
دايم يزعل ويرضى من قبل امس ولاكأني اكلمه مره وحدا متجاهلني

 

[كل همي دمعة امي]

انا من رأي لا تخرجين معاه ولا شي طنشيه ولاترسلين ولاتدقين هم كذا الرجال اللي يعزهم ويرزهم يتغلون عليه واللي يطنشهم يسعون وراه الله يقدم اللي فيه الخير

 

[آستغفرالله1]

كل وحدا تقولي راي تلخبطت بزيااااااده
انا اللي يهمني مايأثر هالشي علينا

 

[اميرة الالماس]

شوفي ياقلبي انا متزوجه من فتره طويله والرجال تحسين كل مالهم

اخس والعن يعني ايام الملكه ماحد يسوي كذا على ايامنا بس الحين صارؤوا متدلعبين

وحتى لوكنتي جافه شوي مايصير يسب ويهين ومدام غلط عليكي عند اهلك

وانت باقي بنت فمعناتها انه انسان غير محترم اذا اتركيه واثقلي عليه

ولاتعبرينه مدامك ارسلتي وكلمتي ومارد خلاص خليه في ستين

داهيه اذا هو شاريك بيرجع واذا بايع ماراح مايرد انسيه وعليكي

بالاستغفار وبصراحه نكك اعجبني لان الاستغفار له ثمره عظيمه

بارك الله فيكي

 

[هذا رأيي]

حبيبتي ...ياجنوبيه نصيييييحه خففي من جنوبيتك​

فزوجك شمالي غربي​

أصل الجفاف والقسوه​

لاتظهري ضعفك وحاجتك له...​

لاتتصلين فيه ولاتتوسلين له...بيدوسك وبيحتقرك أكثر​

وبيقسى عليك ...​

ليه؟؟​

لأنه يكره الضعف..والخنوع..والإلتصاق...​

إستقلي بنفسك ...عزيها..لاتسمحين لأحد إنه يهينها​

حتى لو كان زوجك...​

لما غلط عليك بالهاتف ...المفروض إنك سكت ولما يخلص قولي :​

خلصت؟؟​

طيب ...أشوفك على خير..وسكري​

خلي ردود أفعالك غامضه..​

مايدري وش ناويه عليه..وبأيش تفكرين..​

لاترسلين له ولاتترجينه ..بيعرف إنك ماتستغنين عنه وبيزيد في القسوه والهجر​

وبعدين ياقلبي ليه ماتقدرين تصبرين عنه؟؟​

ليه أنت ضعيفه لهالدرجه؟؟​

عندك أمك وأبوك وأهلك وأحبابك وصديقاتك كلهم يحبونك ويحترمونك​

أشغلي نفسك فيهم وبزيارتهم..​

عندك مقاضيك وأشغالك ومشاوريك قضيها وخلصي أمورك أفضل من ترجي الشمالي​

عندك اللي أبرك من هذا كلللله...​

عندك ربك ومصحفك وسجادتك وصلاتك ودعاك وإستغفارك​

إلجأي لله..وإفزعي للصلاه...وإقرأي القرآن​

ولازمي الإستغفار..وإستغلي أوقات الإجابه للدعاء​

بأن يسخره الله ويهديه ويحنن قلبه..​

ولاتدقيييين نهاااااائيا ولاحتى ترسلين ...​

خليه يفتقدك ويدور عليك ...ويحرص على رضاك​

مع الشمالي..​

لا للضعف..للبكاء...لا للإستجداء...​

إثقلي ....إثقلي.....إثقلي.....

وخلي تغييرك فعل وليس أقوال

فالشمالي لايهمه الكلام والرومانسيات

يريد تطبيق...فعل...
​

وبتشوفين كيف بيتغير معك تلقائيا ..​

يبيلك تقرئين كثيييير عن الشمالي الغربي​

والشهور الباقيه فرصه لك تتعمقين بشخصيته وطبيعته أكثر ​

عشان تعرفين عيوبك وأخطاءك ...وتتجنبينها..​

والمنتدى حااافل بالدرر أنت بس إتركيه على جنب​

وأشغلي نفسك بكل مفييييييييييد ..​

وسترين العجب...​

وبتقولين هذا رأيي قالت ​

أتمنى لك التوفيييق والنجاح بشخصيتك الجديده البعيده عن ضعف ورومانسية الجنوبيات..​

موفقه ​

ودي​

,,​

 

[خلآص...!]

انتم في فتره خطوبه يعني احلا ايام العمر ..
انتي صيري حنونه فرفشي ابتهجي دامه معك خففي دمك خليك بنت انثى بمعنى الكلمه دلوووعه
لاتقولين ماعرف مافيه بنت ماداخله انوثه ودلع حاولي تظهري له الجانب الناعم والحنون منك
المفروض في هالفتره تقربيه لك ماتنفريه منك ..
تحمليه مهما كان اسلوبه اذا ماعجبك شي ناقشيه بكل هدوء لان الحياه الجايه صعبه فالمفروض تدربي نفسك من الحين على النقاش الهادىء.. الثقل صنعه اذا قالك لاتدزين مسج ولاتتصلين ابدا لاتمسكي التفلون بيدك احترمي رغبته .. وابتعدي عن العتاب والكلام الجاف خلك حنوووووونه وبالك وسيع

 

[سأبقى جميلا]

اختي بأسألك هل انتي تعرفي الشيء اللي يضايقه منك اذا كان نعم حلو ارسلي له رسالة بأنك ستتغيري للافضل وحتتجنبي ما يغضبه أما اذا كان لا فقولي له أن يوضح لك ما يغضبه منك لأنك تريدي أن تعيشوا بسلام وأن يتجنب كل طرف ما يغضب الآخر ... ما الفائدة أن تقولي له كلمني راسلني ليش تسوي فيني كذا انت غالي عندي هذه عاطفة هو يريد فعل ... ممكن أن تخرجي معه ويكون هدفك أن تبيني له حرصك على ترك ما يزعجه وتطلبي منه أن يساعدك على ذلك وان وجدت صعوبة الخروج فالرسالة تكفي ... أسأل الله لكم التوفيق والسعادة في الدنيا والآخرة ...​

 

[دلع قلبه]

ياااسلاااام
احب ردود العزيزة هذا رأيي
ماادري يمكن نتشارك نفس وجة النظر غالبا
اسمعي كلامها وماراح تندمين بإذن الله

وطوري نفسك وثقافتك واستغلي وقتك بقراءة المفيد والنافع
اللي يقوي ضعفك ويصقل شخصيتك
اذا ضليتي على كلمة مااستغني بدونه!!!!
اكاد اجزم بعد الزواج بشهر بتجين تشتكين من خيانه لله لايقولها
لكن هذا الواقع واللي حاصل
الرجل يمقت ويكره المراة اللي تخنقه بالحب والعاطفه والضعف وتسول
الرومانسيات
اقرئي كل كلمة في هذا الموضوع واستفيدي منها مضبوط

كل مايخص المكالمات وقت الملكه + هدآيآ بالدآخل *_^ (نسخه للقراءه)


كل مايخص شهر العسل وبداية الحياه الزوجيه + اسرار واستراتيجيات لتأسري قلبه وتطيري عقله

 

[دانة الشام]

حتى أنا من أشد أشد أشد المعجبات بآراء الأخت الغالية <<هذا رأيي>> ولكن عندي استفسار.. ألا ينطبق كلام الأخت هذا رأيي بشأن التعامل مع شخصية الزوج الشمالي بشكل عااااااام ولكن الآن هناك موقف معين .. لأن الأخت صاحبة الاستشارة عاملته بجفاء ولامبالاة عندما زارها في بيتها ؟؟ ولو أنها مكانه أي لو أنها كانت في زيارة له وعاملها بجفاء أما كانت غضبت وأخذت على خاطرها ؟؟ أليس من المفروض أن ترطب الاجواء بينهما .. خااااصة أنهما مازالا في فترة الخطوبة ..؟؟ أم أنا مخطئة ؟؟ ربي يصلح الحااال ..

 

[دلع قلبه]

..

يااسلام عليك يادندونه ربي يسعدك ويــرضى عليك ويرضيك:32:
جاء بالي نفس التساؤل
بس هي ماقصرت اتصلت فيه وارسلت له
وهو مشحووون واحس افضل لو ماتحاصره بحكم طبيعته الشماليه
يعني لو قالت له مثل ماقالت لنا مااستغني عنه انا اشوفها مصيبه
والله ليذلها!!
بعدين فيه نقطة مهمه خطيبك مدخن والمدخن غالبا عصبييييييييييييي
والعصبيييييي يحتاج برود في التعامل وحلم وصبر
يعني انسان عصبي قال ابعدي وتلحين وتقربين لاتلومين الا نفسك

ممكن ناخذ حل وسط ونقول لها ترسل له رسايل حلوه ولينه
وتحسسه بقيمته ورجولته
اذا يبغى يتصل الله يحييه اذا يبغى يرد على الرسائل الحمدلله
لكن لاتلح عليه وتحاصره وهذا اللي باين من شخصيتها
حسيتها حاطه كل امالها واحلامها وسعادتها بيد هذا البشري!!
عشان كذا اشوف انها الافضل تهتم بتقوية شخصيتها مدام
بتعيش مع شخصية مدخنه عصبيه شماليه!!
اقول لك على شي يادندونه
انا من معارضين مقابلة الزوج فترة الملكه في غير المنزل
وعندي شروط بعد في مقابلة المنزل:31:>>وجهة نظر تحتمل الصواب والخطأ وقد تنفع مع شخصية ولاتنفع مع اخرى
استفزني قولتها مااستغني عنه قووة استفزتني هذي الكلمه
مع اني جنوبيه ومااتحمل الزعل لكن كل شي له عندي حدود :31:

 

[انغام الهوا]

كان اعتذرتي منه وقلتيله يجي وقت ثاني
مو انتي طفشانه وهو فرحان فيك والله صدمه انا وحده من الناس ماتحمل احد يعاملني بجفا ويمكن اسوي زيه وزود

خليه يهدء وان شاء الله الامور تهدء بينكم صدقيني بيرجع بس اعطيه وقت تطفى النار الي فيه

 

[قمر @]

مشكله الخطوبه كثرت الزيارات وكمان الخرجات يا اختي اسمها فترة تعارف فقط مو لازم كل يوم والثاني وهو راز نفسه وجاي
أكيد بتسير المشاكل بس الثقل زين
الله يوفق بينكم ويحنن قلبه عليكي ويسعدكم يارب

 

[دانة الشام]

المشكلة لاخبرة لي في الأنماط مع أني مقتنعة بها لحد معين ومن قرائتي السريعة في البوصلة الشخصية اكتشفت أني على الغالب جنوبية >>يعني مثلك يادلوعة .. الزعل هو أشد ماأكرهه .. جنوبية لدرجة يبدو لي أني نقلت جنوبيتي لزوجي أخيرا هههههههههه ولكني أيضا أشترك معك يادلوعة في أني أشد ماأكرهه أن تعتبر المرأة أن زعل رجلها منها هو نهااااية الكون .. أو لايكون هناك مايدور في فلكها سوى رجلها هذا .. مع أن الرجل له حجم لايستهان به في حياة المرأة ولكن بنفس الوقت يجب أن يكون لها كيان ومصدر سعادة غيره .. لاتتوقف الدنيا إن هو طنشها مثلا ولم يرد عليها .. لكن هذه النتيجة نصل لها بعد كذا سنة خدمة في عالم الزواج .. أما فترة الخطوبة من سماتها التعلق الزائد بالشريك والاحساس بالخوف من فقده أو تغييره علينا لسبب من الأسباب .. سبحان الله مع مرور الأيام شخصية المرأة تصبح أقوى .. أما عن اللقاءات أيام الملكة (خارج البيت تحديدا) فطبعا لكل مجتمع عاداته ولكن إن تسأليني رأيي الشخصي فأنا مثلك أفضل أن تبقى اللقاءات فيها شيئ من الحرية مايكفي ليتعرف كل طرف على الآخر ولكن بحدووووود ... فكل وقت وله آذان كما يقولون .. ولايجب استعجال المراحل .. عموما ربي يهني الجميع ويختار الخير .. شكرا <<دلع قلبه>> على التعقيب ..

 

[فلسفة أنثى]

السلام عليكم

الله يكون في عونك

انا مع اختي. هذا رايي

في كل كلمه قالتها

وبعدين عزيزتي انتي سويتي الي عليك

وحاولتي تراضينه



بس تعالوا انتم ماعلقتوا على كلامه لها وهو معصب

( انا اصلا ماهضمتك من زمان بس صابر وساكت )

هل تمشيها له

ولا لازم تبين له انه غلط عليها



من وجهة نظري اعتقد كلامه قوي وهو مازال مملك اجل اذا صارت في بيته وش بيقول

فياليت تفيدونا بالطريقه الصحيحه لمواجهته بانه غلط

 

[دانة الشام]

السلام عليكم

الله يكون في عونك

انا مع اختي. هذا رايي

في كل كلمه قالتها

وبعدين عزيزتي انتي سويتي الي عليك

وحاولتي تراضينه



بس تعالوا انتم ماعلقتوا على كلامه لها وهو معصب

( انا اصلا ماهضمتك من زمان بس صابر وساكت )

هل تمشيها له

ولا لازم تبين له انه غلط عليها



من وجهة نظري اعتقد كلامه قوي وهو مازال مملك اجل اذا صارت في بيته وش بيقول

فياليت تفيدونا بالطريقه الصحيحه لمواجهته بانه غلط

طبعا الكلمة التي قالها قوووية ولكنها خرجت من شخص غضباااان .. احساس الزوج أو الخطيب بأنه غير مرغوب به في زيارته لخطيبته في بيت أهلها وتململها منه أو معاملته بجفاء هذا أشد مايشعر الخطيب بالمهانة .. وأعتقد هذا سبب عصبية خطيبها بهذه الطريقة .. لذلك الافضل أن تتركه لأسبوع مثلا ثم تحاول ترطيب الاجواء بينهما بالطريقة التي تجدها مناسبة .. ربي يختار الخير.