حادثة حصلت الليلة وترتني وأخافتني !شوروا علي !

[حلم الرومانسية]

السلام عليكم ورحمة الله وبركاته​

المشكلة حصلت لجيراني اللي ساكنين فوق شقتي مباشرة
وبالمصادفة كنت صاحية وقت المشكلة لأنها صارت بنص الليل​

أحكيلكم اللي صار لي بالتفصيل حتى يشتغل خيالكم وبعدين أعطيكم التفسيرات اللي جات على بالي
ممكن نلقى تفسير ثاني​

بسم الله أبدأ​

أضطريت أسهر لنص الليل بسبب ولدي الفصعون ما رضي ينام حتى طير النوم من عيني​

بعد ما نومته فتحت ايميلي لأني من يومين ما طليت عليه ​

سمعت بكى طفل مستمر عرفت أنه ولد جيراننا اللي فوق ​

الغريب اني عالعادة ما أسمع له صوت ماغير تحريك الكراسي عالبلاط ولا أشيا تطيح عالارض​

بعد 10 دقايق من بكى الطفل المستمر تفاجأت بصوت جارنا يصارخ ويهزء وهو اللي من سكنا ما سمعنا له صوت ​

بعد 3دقايق من صراخ جارنا المستمر سمعت صوت ضربتين وكان صوتهم عاااالي لدرجة اني خفت عالبزارين يصحو​

مباشرة بدأ صراخ الجارة لكن هي اللي صوتها خوفني وضيعني وصرت اتنقل في الشقة أبي أفهم وش فيها وكل الافكار السوداوية براسي​

آخر منطقة رسيت عليها كان الصوت أوضح هي غرفة نومي وقتها ماتمالكت أعصابي فصحيت زوجي​

طبعا زوجي ما طمني الا خوفني أكثر وخلا قلبي يضرب مثل الطبل ​

وهو اللي قدر يفهم وش تقول كانت تصرخ ساعدوني​

قاللي ألبس العباة وهو راح لباب الشقة ومن الخوف لحقته وتركت العباة​

بالمصادفة زوجي شاف جارنا وهو نازل سأله وش صاير ​

رد عليه الجار زوجتي مريضة ورجع شقته​

كان زوجي مصر ألبس عباتي وأركب لها لكني خفت وقلتله ننتظر شوي ونشوف
أستمر الصراخ دقيقة وشوي شوي بدأ ينزل الصوت كأن الزوجين يتناقشوا وبعدين هدووووء​

اللي خوفني بجد أسلوب جارتنا وهي تصارخ حسيتها متألمة خايفة وفي نفس الوقت عصبية وتبي تفضحه​

التفسير الوحيد اللي توصلنا له أنا وزوجي أنهم تضاربوا والرجال مد يده على زوجته وطلع اما هربان ولا ناوي على شر​

وانه لما شاف زوجي تعوذ من ابليس ورجع بيته وحل المشكلة​

قولوا لي أنا طرت بعيد بخيالي ولا كان تفكيري واقعي
وكيف المفروض أتصرف ?​

أزورها الصباح أتطمن عليها عادي أو في تصرف معين لازم أقوم به​

وللعلم جارتي هذي مازرتها في شقتها أبد وعلاقتنا ضعيفة​

 

[‏ற!ŝS ρ!ήk]

خطاء مطبعي
:shiny:

 

[‏ற!ŝS ρ!ήk]

الله يجيب العواقب سليمة:shiny:

أتوقع أنهم تضاربوا .. والرجال كان بيطلع .. وشاف زوجك ورجع << جابت شي جديد:bleh:

أنا أشوف ماتزورينها الصباح .. خاصة أن علاقتكم ضعيفة . << أحسك مثلي ملقوفه:harhar1: وودك تعرفين وش صار:tears:

الله يستر علينا وعلى جميع المسلمين

 

[لقيت نفسي فيك]

بصراحه يمكن ولدهم كان تعبان وتبغاه يوديه المستشفى وهو قال لا وهي قالت ا لا وهو عصب
او يمكن
هي شكاكه واتهمته بشي وهو انكر وهي مصره على رايها

 

[نونه الحنونة]

المفروض من أول ركبتي لهاا ,, تشوفين وش صاار ..

ماا يصير تصاارخ و تطلب المسااعدة و تهدينهاا بروحهاا يمكن زوجهاا يتهور و يعصب أكثر و يعمل معااهاا شي ..

بس مداامك ماا رحتي خلااص ماا أحس أنه له دااعي تروحين ..

بس لو صاار مرة ثاانية روحي لهاا لا تهدينهاا لا يرتكب فيهاا جريمه .. هه
و بعدين شنو هالغيبة حلم الرومنسية ؟!!!!

ليش ماا لك خبر عسى ماا شر إن شااء الله .؟.

تحيااتووو ..

 

[طاطا]

من حسن اسلام المرء تركه مالا يعنيه

 

[حلم الرومانسية]

تسلمون حبايب قلبي
بس انا مابي أزورها فضول الا ابي أتطمن عليها لأن الوضع بجد يخوووووووووف
أتمنى انها ماتحتاج لي


أدعوا لها ولزوجها الله يهديهم ويبعد عنهم ابليس وأهله

 

[vdhq]

سبحان الله

كأنك توصفي موقف حصل لي من كم سنة

نفس الشئ حتى خرجتي بدون العباية

يمكن جيراننا يوم نقلوا من جنبنا صاروا جيرانكم خخخخخ

بعد فترة اتضحت الامور ..كان الرجال سكران ,,وهي المسكينة تغطي عليه وتقول عنده مس

ويضربها ليل نهار

 

[xstarx]

:icon30:

من حسن اسلام المرء تركه مالا يعنيه

 

[حلم الرومانسية]

طاطا

xstarx

ما أعتقد أنكم تشفون الاسلام هو انك تسمعي جارتك تستنجد وتنامين مرتاحة البال وضمير نايم معاك

 

[الجوري تحبو]

بالعكس مو لقافه روحي لها ممكن محتاجه احد يوقف معاها

اذا حسيتي انها ما تبا تتكلم اتركيها براحتها

ياااارب تحفظ المسلمين

 

[دلوعة سومي]

لا ياأختي روحي لها ممكن تحتاج أحد يساعدها ومستحيه تتطلب منك ..
روحي وشوفي ولو حسيتي انها ماودها تتكلم انسحبي بهدوء ,
وقوي علاقتك بها الجار لجااره .

الله يجزاك خير ع حرصك

 

[حلم الرومانسية]

أعتقد أني لقيت الحل
زوجها قال اهي مريضة وأروح على أساس اني مصدقة قصة مرضها
لكن صعبة عليها لو تدري اني سمعت صراخها

 

[small princess]

خخخخخخخخخخخخخخ

أم الروااااااااااقه ... هههههههههههههههههه عجبني روقانك

بس اللي أتوقعه المرأه ماتطول صوتها اللا للشديد القوي

ويمكن أذاها زوجها بشي ...

لانو لوكانت هي سبب المشكله الحرمة نفسها كان بلعت لسانها وماعلا صوتها...!!

تستر على نفسها

 

[nla]

الافضل ان لا تشغلي بالك في التحليل والتوقعات

طالما انه ليس لك علاقة بها وطالما انهم لا يريدون احد ان يعرف ما الذي حدث بالضبط فترك التفكير بهذه الامور افضل ،،، والبيوت اسرار

 

[اميرة مملكتي]

خلي بينك وبينها علاقه من الان

على شان تقدري تساعديها لو احتااجة لمساعده

ودليها على منتداناااا الغالي

والله يسخرلها زوجها ويسخرها له

 

[تصميم]

من وجهة نظري الباب إللي بيجيك منه الريح سده وأستريح الواضح إنه مشكله زوجيه بينهم فلأفضل ما تشاركي وتساعدي بحل مشاكل زوجيه لجارتك لأنك إن دخلت في هيك مواضيع ما راح تخلصي و مستقبلا لاسمح الله بتنقلب عليك ي مشاكلهاسواء نفسيا أو حسدا من عند أنفسهم ومن هذا القبيل جارتك لو تحتاج مساعده كان على الأقل حاولت تتعرف عليك أو نزلتلك ثاني يوم وأكيد عندها أهل ومعارف تلجأ لهم في مشاكلها ومادام إللي شفتتوه زوجها وليس رجل غريب متهجم عليها إذن

 

[تصميم]

الموضوع كالعاده خلافات متنوعه الأشكال

 

[حياتي حمودي]

الله يعين ويصلح مابينهم يارب والله مانصحك تروحين لها الحين خليها كم يوم وبعدين روحي شوفيها

 

[ملاك الدوحه]

لاتروحين لها ولابطيخ دام مافيه علاقه بينكم بتحس أنك متليقفه عليها هي إذا محتاجه حق شي ضروري بتجيك بس إذا سمعتيها أتصارخ تستنجد تبغي حد أيساعدها روحي لها أما بس كذا أهواش مع زوجها يمكن ماتحب حد يدخل فلا تحرجينها ولاتحرجي نفسك
تقبلي تحياتي :cupidarrow::cupidarrow: